平和拉麵 (Under Renovation)

平和拉麵只賣3種拉麵，今日試左雞湯拉麵🍜湯底比其他拉麵店淡味，適合鍾意拉麵但又想食得清淡D既人😌 叉燒有2大塊，肉質鮮嫩😚溏心蛋值得一讚，咬開一半後可以見到流心蛋黃😍 好好食!

想去吃拉麵， 去開尖沙咀， 唔想去食過之店鋪， 找找食評。 見到呢間新開， 比個機會佢。 去到睇吓， 個裝修幾靚， 又唔使等位， 即刻入去。 叫了醬油湯底及鷄湯底各一， 兩個質素都好高， 希望多啲人去， 支持一下用心製作之小店。 唔好以為只係集團式那些店好食。

睇到其它食評介紹，拉麵賣相吸引，所以特登出尖沙咀試吓呢間有心小店。平和拉麵只賣三款拉麵，主打醬油拉麵。拉麵整體賣相吸引：- 叉燒有兩大塊，肥瘦適中，加分- 筍有炒過，幾香，加分- 拉麵係幼麵，有麥味，點左硬麵，口感好，不過麵質唔係好掛湯，影響不大- 湯底味道適中，不過偏油，少少扣分普通男生會覺得分量足夠，不需替玉整體會推薦，下次想試埋另外兩款拉麵，包括雞白湯拉麵和期間限定黑蒜油味噌拉麵冇試到其它小食，如果下次有同行友人會想試吓煎餃子

今日唔行經棉登徑，發現橫街有間唔多起眼，開頭唔知係食乜，店員好熱心拎出餐牌介紹，哦「拉麵」即管入去試試啦，見佢得三款拉麵三款小食，都應該係新開張㗎啦，我同太太各叫了一個醬油拉麵和雞湯拉麵，煎餃子。食拉麵第一口我會飲湯先，兩款湯底之中，我本人覺得 「醬油湯底 」比較好味，但佢哋暫時得3款拉麵和3款小食，唔大食都夠，拉麵係自家製。整體來講係值得再返去食， 期待多啲小食。 多謝店家請我試食佢地新品「關東煮🍢」。

星期六下午3點左右去到無人排隊，入面全部吧檯位。Scan QR code落單點咗個醬油拉麵，都係可以揀麵嘅軟硬度，走蔥走蛋走肉之類。當然唔夠食都仲可以追加小食。溏心蛋係整整一隻又唔係半隻，溏心蛋好流心，好入味。叉燒都好大一片，厚薄適中。個人覺覺個湯嘅濃淡度岩岩好，唔會太咸。麵身我個人鐘意偏軟，覺得口感都幾岩我食。一個麵都算多⋯好彩無點埋其他小食，如果唔係會食唔晒。佢地都有啲醃漬物同調味粉比你加，茶水都係晒檯頭自助嘅。環境都舒服同店員好好禮貌

以前飲完酒成日會過黎呢間鋪飲碗雞腳湯， 今次過黎先發覺以前間雞腳湯同小炒鋪執左，開左呢間平和拉麵舖🍜，門面幾靚仔，又想食啲濃味野，就入左去試下。鋪頭應該新裝修，地方好乾淨。 1個人坐左響吧枱，可以清楚見到師父煮麵。 8點半左右入座，餐廳將三四成滿。拉麵選擇比較少，只有三款，感覺反而更好做得比較專。這次選了最平的雞湯拉麵，$88。 湯頭非常濃郁，雞湯濃厚不輸外邊豬骨湯的感覺。拉麵硬度適中，叉燒很柔嫩。 蛋跟其他配菜也處理得非常好。整體感覺很出色，很好吃，會再來幫襯的。

又俾我搵到間尖沙咀隱蔽拉麵😆😆一早去驚排隊，等佢開門入座環境雖然細小，但都舒服自助落單，但都等咗一陣睇到廚房師傅用心製作，因為我哋係第一個客人都大概整咗20分鐘😅出嚟誠品嘅拉麵賣相很好👍🏻👍🏻味道都好味正常，但我嫌佢湯底唔夠熱，因為食拉麵最緊要個湯夠熱，可能佢掛邊嘅肉片，令到佢面層有啲凍，同埋我加咗筍，可能係咁令到個湯凍，如果唔係就好食，基本上各樣都很好，只是湯唔夠熱令佢扣咗分，味道濃郁好夠味，仲有麵質一般似普通急凍拉麵，但如果經過唔使排隊可以入嚟試試

今日放工約咗老婆於尖沙咀會合lunch。其實10月黃金週喺尖沙咀要揾個地方，舒舒服服食嘢絕對唔容易。俾我喺Google Map揾到平和拉麵，趁老婆未到有時間行過去睇下。雖然麵家地方唔大，但環境舒服，就決定幫襯支持下！老婆叫咗黑蒜油赤味噌拉麵，麵湯香味濃郁。我就叫咗醬油拉麵，試一啖湯都算幾清香，我另外追加一份麵後上。小食網餃子口感唔錯，香味撲鼻。炒筍的醬汁幾啱我口味。小店人手唔多，服務方面亦算用心。我地於非午餐繁忙時間幫襯，食到中途係滿座。小店要加油💪💪

雖然店名叫做 「平和拉麵」， 但佢哋嘅拉麵絕對 不平淡！佢哋只賣三款拉麵， 好多人覺得佢哋冇乜選擇， 但其實專心做好三款拉麵， 一定好過週身刀冇張利！ 而且價錢都唔貴！今次我選擇「平和黑蒜油味噌拉麵 」， 見佢哋啲叉燒好似好薄 ，我追加咗一塊叉燒。 湯底非常 濃郁， 蒜油味好香， 碗麵最重要嘅靈魂係嗰一湯匙辣味味噌， 小小辣但就令到整個湯底增加一點刺激感， 更有層次。 麵質彈牙有咬口， 只係略嫌麵比較細， 有少少唔夠喉（ 當然好食先至會咁講啦）佢哋啲筍係炒過嘅，所以好香。 溏心蛋雖然唔係 醬油醃過嗰啲， 但佢哋住得啱啱好！店員服務唔錯， 聽到我跌咗對筷子即刻攞過對新嘅畀我！佢哋嘅雞湯底都非常出色，下次一定要試埋！

好小可係香港食到甘高質既拉麵，舖仔細細得10幾個位甘上下，湯底有雞白湯同醬油湯，仲有個黑蒜，但2次去都係無既，湯底款式真係唔多，但勝在2款都好食，好過乜都有得食但樣樣都唔好食果d🙈鐘意食濃味同偏咸既醬油就岩啦，雞白湯就飲到原本湯底個鮮味，配料都好有驚喜，豬肉應該係慢煮既，好嫩滑又juicy，仲有淡淡既粉紅色（唔係唔熟，慢煮既煮完都係淺粉紅色架），怕粉紅色既可以一上枱浸落d湯度，但相對無甘嫩滑。流心蛋超流心，好香蛋味，蛋黃係橙紅色，我見鋪入面有幾箱新紀元曉既蛋，唔知係咪就係用佢，麵底係細麵，食到尾都係彈牙唔會淋哂。要Keep住個水準呀！！

猶如去左日本當地的拉麵食堂！雖然選擇唔多，但出品精良，服務用心，可以食出店家的真誠！支持小店！今次試左雞白湯拉麵，鹹淡度剛好，份量男仔來講都足夠，特別欣賞的是溏心蛋和筍，成碗面搭配得非常恰到好處，很讚！會再光顧～店面不大，座位唔算多，新店所以裝修還是非常企理的。可以感受到係一間「一人友好」食堂，座位都係吧台式，有對著拉麵廚房的座位，也有對外街的座位。落單係掃二維碼自助，每張檯都有冰水自助，服務員會上餐到座位，今晚試的雞白湯拉麵88蚊，價格公道，且冇加一服務費。

好耐冇食過咁有 heart 嘅拉麵，由於坐 bar 枱位，所以睇得好清楚煮食過程。先用熱水預熱隻碗👍🏻拉麵有過冷河👍🏻👍🏻我order 咗雞白湯，啖湯竟然飲到雞味（唔係味精味）超讚👍🏻👍🏻👍🏻結果成碗湯飲晒😜麵質適中，隻蛋流心之餘有香味👍🏻叉燒淺粉色，似係slow cook，本身凍的，用湯浸熱食好味d😋😋食完口腔內仲有雞味😋😋😜Lunch 無加一，價錢合理👍🏻👍🏻

原本打算光顧一蘭拉麵，去到門口發現長長既人龍，唯有放棄。由棉登徑街頭行到街尾，發現呢間小店無乜人，岩晒我擺架BB車。我同太太點左醬油同雞湯拉麵及一份餃子。餃子無乜特別，但拉麵湯底淡而香，每一口都嚐出鮮味而唔係單一咸味。叉燒方面看似平平無奇，但食落肉味濃厚而不油膩，聽店長講係日本直送再以慢煮烹調，下次食一定要追加多一份。本身無諗住寫食評所以無影相。但係唔想下次無得幫襯，所以寫篇文支持一下，拉麵愛好者值得一試！

ʀᴇsᴛᴀᴜʀᴀɴᴛ ʀᴇᴠɪᴇᴡ平和拉麵 🇯🇵位於尖沙咀棉登徑巷尾店舖外有泊車位置店面樣子並不起眼有大約十多個位置店舖提供三款拉麵我於三時到達也只淨下兩款選擇就點了兩款比較一下🍜平和醬油拉麵$88香港主打醬油拉麵的店舖不多麵上檯時熱度不足，偏暖湯頭呈深啡色，有一層薄薄的油味道先帶很薄的甜味後有帶有醬油味同鰹魚味合格但不至於驚艷麵則用上幼拉麵，我選了適中但食落偏淋，口感亦一般叉燒有兩塊，肥瘦適中亦爽口👍🏻糖心蛋烹調時間剛好，蛋黄流心亦深色👍🏻筍條有炒過，無渣爽脆👍🏻🍜平和拉麵雞湯底$88雞湯偏油及並不杰身，雞的味道偏淡雞湯進食時都做到掛湯與雞白湯拉麵比較下略為輸蝕而麵質、叉燒配料則與醬油評語一樣兩者比較下醬油拉麵略勝一籌整體來講合格但不至於好美味經過的可以嘗試一下但店舖剛新開張應該會有所改善@heiwaramen平和拉麵ラーメン (ᴛsɪᴍ sʜᴀ ᴛsᴜɪ)📍ɢ/ғ, ɴᴏ 23 ᴍɪɴᴅᴇɴ ᴀᴠᴇɴᴜᴇ, ᴛsɪᴍ sʜᴀ ᴛsᴜɪ

咁啱去開尖沙咀K11附近，6點左右唔駛等位可即食就入去試下，我哋點了濃雞湯拉麵和醬油拉麵，店舖算小但都有超過10個位。我本人覺得醬油比較淡，但我喜歡，而我家小孩喜歡食雞湯麵，不過可能夏天比較熱，感覺冷氣不夠。整體上唔錯，可以有下次這間店阿Bob都有推介的