平記咖啡冰室

Open Now

Now Closed

 就在個人多次在平記吃早餐、午餐的經驗，都係推薦平記的早餐最抵食。點解？以附近同區的茶餐廳為例，$28 有同等價錢的茶餐廳都無佢咁大份量。平記有一大湯碗的蕃茄湯底的粉，蕃茄蓉很多，蕃茄蓉湯可當湯咁飲，唔覺口渴。粉亦份量大，一個女士吃完粉時，再吃半塊牛油厚多士同炒蛋香腸，你可想像飽的程度。仲有什菌湯底選，有唔少什菌，啲什菌唔係淨係白灼，而是先調味的，很好吃。蕃茄或什菌湯底，再加自選一種餸，好似食緊兩餸咁。選餸中有大大件的紫菜墨魚柳條，很少在其他車仔麫餸中可找到的。而炒蛋香腸中，香腸是一般的腸仔，唔鐘意可隨你配搭，自由度很大。至於半塊牛油厚多士，可轉奶醬多，只需加一蚊，不過要轉牛油以外的味道，如只是醬多都是要加一蚊的，咁幾大都兩種味啦！如果你仲驚唔夠飽，加一蚊要整整一塊奶醬多都得。茶方面，如熱檸水都有4塊檸檬，絕無欺場。唯一缺點是早餐時段，舖細人迫，4個成人坐狹窄的卡位，食物一齊嚟都幾乎無位放，所以可以就食完才叫茶會鬆動啲。

一直想試平記咖啡冰室的早餐，惜每次路過均大排長龍，望而卻步。今早，不見人龍，就走了入去。每張枱上，幾乎都有火腿或餐肉炒蛋配牛油多士，再加蕃茄米線。一看餐牌，原來是人氣至強早晨常餐$38。凍檸茶入口茶味頗為濃，略帶苦澀，幸糖水和檸香可力挽狂瀾。火腿炒滑蛋配厚奶油多士是誠意之作，炒滑蛋真的不賴，火喉拿捏準繩，入日既香又滑。厚奶油多士烘得外層香脆可口，內層則鬆軟具彈性，塗上甜美牛油和煉奶同吃，教人吃得舔舔脷。雜菌清雞湯豬扒米線蠻大碗，湯底清清的，幾片濃香味美的雜菌頗有畫龍點睛之美，稍嫌米線淥得過淋了少許。豬扒也不是省油的燈，份量多，醃得入味，咬下肉質軟腍。

好一輪冇來,再去試試.叫左:鮮牛肉魚片頭蕃茄濃湯米粉,雞排雜菌清雞湯米線,餐肉炒蛋+奶油厚多士.鮮牛肉魚片頭蕃茄濃湯米粉:鮮牛肉幾滑又淋,魚片頭香脆鹹鮮又彈牙.蕃茄濃湯好多蕃茄,酸酸嘅蕃茄味令人好開胃.米粉份量好多,好大碗.雞排雜菌清雞湯米線:雞排大大件好入味,好重蒜蓉味,雜菌清雞湯茹菌小左D,雞湯香濃,米線份量唔小好大碗.餐肉炒蛋+奶油厚多士:份量唔細,炒蛋好滑又夠蛋香,餐肉係一般貨色,奶油厚多士好軟熟.整體:味道可以,祈望唔好再變差.

今日再會此店.叫左:雞排雜菌清雞湯米線,鮮牛肉紫菜墨魚餅蕃茄濃湯米線,餐肉炒蛋+奶油厚多士.雞排雜菌清雞湯米線:雞排大大件,但好嚡又冇味,好似雪左好耐,雞湯味濃,米線爽滑.普通啦!鮮牛肉紫菜墨魚餅蕃茄濃湯米線:牛肉幾滑,但係紫菜墨魚餅好梅好爛,蕃茄濃湯可以啦!餐肉炒蛋+奶油厚多士,份量唔細,蛋炒得幾滑有蛋香,奶油厚多士幾軟熟.轉左出品就走樣喇!

今日再會此店.叫左:鮮牛肉紫菜墨魚餅雜菌清雞湯米粉,雞排蕃茄濃湯米線,餐肉炒蛋+奶油厚多士,火腿炒蛋+奶油厚多士.鮮牛肉紫菜墨魚餅雜菌清雞湯米粉,牛肉幾滑,紫菜墨魚餅味道唔錯又彈牙,雜菌清雞湯好多茹,雞湯味濃,米粉份量足.雞排蕃茄濃湯米線,雞排大大件好入味,蕃茄濃湯比上次食更多更濃味,酸酸嘅蕃茄味令人好開胃.米線份量同樣好多,好大碗.餐肉炒蛋+奶油厚多士,份量唔細,蛋炒得幾滑,入口有蛋香,奶油厚多士,多士好軟熟.火腿炒蛋+奶油厚多士,同樣好味.食品質素可以保持真係難得.

每星期必食,價錢合理又好味嘅粉麵店.常餐$36已包粉麵+餐肉炒蛋+奶油厚多士+熱奶茶叫左:鮮牛肉紫菜墨魚餅雜菌清雞湯米粉,雞排蕃茄濃湯米線,餐肉炒蛋+奶油厚多士,熱奶茶.鮮牛肉紫菜墨魚餅雜菌清雞湯米粉,墨鮮牛肉幾滑,紫菜墨魚餅味道唔錯又彈牙,雜菌清雞湯幾多茹菌,雞湯好濃,似是用現成嘅雞湯做,米粉份量足,夠飽肚.雞排蕃茄濃湯米線,雞排大大件好入味,好重蒜蓉味,蕃茄濃湯超正,好多蕃茄,酸酸嘅蕃茄味令雞排嘅肥膩感降低.米線份量好多,好大碗.餐肉炒蛋+奶油厚多士,份量唔細,蛋炒得幾滑,入口有蛋香,奶油厚多士,多士好軟熟.熱奶茶:今次令我都好滿意,好滑又香濃,以往有時會有酸酸地嘅味道同唔夠滑.食完真係飽到呢!

平記係紅磡區己經開左一段時間，平時經過都好多人呀，一直都好想試，今日黎到試左佢的番茄豬扒通。價錢好似26蚊到，唔係太記得。唔包野飲。等左差唔多五分鐘就有啦。豬扒幾諗，但係落左鬆肉粉。都有肉汁，味道一般。通粉都係一般茶餐廳通粉，正正常常。番茄湯底雖然面頭好多番茄，但係剩係飲個湯都係一般茶餐廳的湯粉湯底味。當然，我地食個陣一定會撈埋啲番茄一齊食，都營做到番茄湯的感覺。但係更高一個層次係本身的湯己經係由番茄煮成，再加上番茄，咁樣味道會更香濃。服務都係正正常常啦。

今日下晝有事要過黃埔,路過又餓餓哋就試試, 點知出事啲位勁逼(我瘦底),算, 醫肚緊要叫咗個$32 常餐牛肉金菇麵+厚多士煎+蛋+火腿+熱鴦首先上個厚多士,蛋+腿, 塊多士涷冰冰; 杯鴦好似用水加少少奶咁,完全無茶味(咁都叫冰室?)我食完曬,碗麵等咗好耐先上個湯好熱好滾, 滾到啲麵淋曬,牛肉係好淋喇, 勁多鬆肉粉 金菇完全生!!!!乜鬼嘢蕃茄濃湯, 個死人味精湯加少少蕃茄蓉,個湯係咸到癲!!!話曬叫冰室, 嘢食求其都算,連杯嘢飲都唔得就執咗佢啦!!!!貪得意試新嘢出事, 行多2步食文華仲好哋哋, 又坐得舒服啲一定無下次!!

最近常駐紅墈，是日下午就近找地方吃個下午茶餐，天氣炎熱，不願多走，看到此間便進去了。朋友散叫了公司三明治和凍檸茶。公司三明治很不錯，材料豐富又新鮮。麵包都是雙面烘地，微暖鬆脆，加了牛油更加香口；豬扒剛剛炸起，都算厚身，且不太油膩；咸牛肉煎蛋、番茄、芝士、火腿也都不錯，好味！這個公司三明治等了15分鐘才姍姍爾來，不過值得；只要能維持這個水準，是一定可以encore的。相比之下，我的牛蛋治加凍奶茶就顯得落魄了，從賣相到味道都一般。大杯凍奶茶不偏甜。蛋牛治普普通通，味道談不上好吃，還好無大問題。

啊 “不速之客” 個好介紹, 入座前店外已經有五六個人等外賣; 我哋三個人都要等成十幾分鐘方可入座!! 哩間茶餐廳的裝修都算是新式, 餐具係收响D卡位的小拉櫃中, 不過天花板上有一箋吊扇; 略帶有一點懷舊味。“不速之客” 個早餐要蕃茄福麵 + 紫菜墨魚柳 + 厚多士 + 炒蛋 + 腸仔 + 凍檸檬水 = $25啊老人家強調唔食套餐要食西多士 + 熱檸檬茶 = $14 + $11…..哈哈…..佢食西多士我就要炸雞脾 + 熱奶茶 (一個幼兒時的小小回憶, 不過從前是炸雞脾 + 鮮奶作早餐) = $14 + $11早餐 = 蕃茄湯底是近六七年新興的健康食譜, 最值一讚係紫菜墨魚柳, 好似我唔覺其他餐廳有得食, 我吃了半件紫菜墨魚柳, D紫菜味同墨魚味都唔錯; 唔會單單偏向某一種味!! 不過應該唔係自家制。厚多士炒蛋腸仔外觀都OK。西多士 = 我吃了兩小片, 煎到金黃色略帶點燶的麵包, 雖然無餡但牛油沾上於表層; 再加上糖漿, 甜軟的口感且沒有油溢味是最難得!!!炸雞脾= 用酥炸方式而非普通油炸, 炸得鬆脆香口; 雞肉味雖弱但並無雪藏味。熱奶茶 = 我個人認為奶茶是一間茶餐廳的靈魂, 哩杯熱

今日出到街唔知食咩好行左好多間鋪都唔係好想食遠望見到平記就記得有朋友話D蕃茄湯底出名就去左試下入到去,無人理你,咁自己搵位坐,張枱無抺過,間鋪唔知點解好似無開燈,只係得D太陽光,攪到間鋪好黑叫左個快餐$29豬扖米線(蕃茄湯底),厚多士,炒蛋,火腿,奶茶厚多士,炒蛋,火腿,奶茶都係一般豬扖米線需然無我想像中咁好食不過個湯底都好有新鮮蕃茄味,塊豬扖都ok食完個感覺都幾滿足整體唔計服務都ok啦!

位處於蕪湖街的"平記"，自開業後早上一直是人流不絕，差不多每次經過都是人多得要到門外排隊等吃早餐。這兒身處的地理環境應是其中一大原因吧 ---- 處於車多及人多的大街中，生意好自是有極大可能了.....當然，不俗的食物也能吸引不少人走進店中。今次第二趟來，點吃的仍是首次時來吃的蕃茄牛肉一丁麵。麵湯用了一丁原味味粉湯包，味道是從小便吃大的，一嗅到那麻油味便知龍與鳳，味自然有保證。有時寧願在外頭茶記吃即食麵時喝到這原味湯底，好過遇上一些茶記自行調味的所謂鹹上湯湯底；麵本身略嫌淥得有些過生，硬得有點奇怪，不過，總比淰得要命的好；蕃茄是碎濕濕的，有點過酸，味有點像超市的dice tomato；牛肉自不然是梳打物事，但吃得出有用麻油略為撈過，確實吃得出少許誠意來....早餐除了麵外，多士及炒蛋自也是不缺。這裡吃到的是厚油多，烘得香脆異常，牛油半溶滲入多士中，很香；炒蛋亦十分夠滑，難得的是不會吃到一口油份，蛋汁也不缺，實在是高水準；腸仔有略煎過，絕不是那種放於滾水內烚熟的劣質東西....凍奶茶喝至一口苦澀出來，算是一個反高潮吧.....還會有機會再來的，為的可能只是那炒蛋及多士....

年幾兩年前已早知此店既存在~但一直未有動力去試~直至較早前見到有食家post左d食物相..好似唔錯咁~就同同事過黎試下先啦~店舖一眼望晒~人多時要搭枱..我要左個常餐-$28, 而同事就要左個扒餐-$32扒餐可選豬, 牛. 雞, 魚..跟飯, 薯菜, 意粉或白飯, 另配有腸仔炒蛋..而醬汁選擇有黑椒汁, 蒜蓉汁, 茄汁, 蛋汁, 咖哩汁同事揀左黑椒汁豬扒飯..扒餐非鐵板形式奉上, 而係似碟頭飯..醬汁比得好多~夠撈飯有餘..同事話豬扒熱辣辣新鮮炸~但腸仔肉好淋..炒蛋加埋黑椒汁幾好味~但平時大食既佢~今日竟然食淨約1/3.我既常餐感覺好豐富..原本係火腿炒蛋配奶油多..但我唔食火腿所以轉左午餐肉..奶油多好好食~微脆而包軟熟~醬既份量剛好~但係如果可以下次試下轉奶醬多先~午餐肉幾好~約有0.5mm既厚度~唔會太薄冇口感..煎得唔夠香口~但勝在唔太油~炒蛋有蛋味~雖然冇晒蛋汁唔夠滑....但都ok啦~~蕃茄湯底金菇鮮牛肉米粉..好大碗~食唔晒..論湯底.. 唔杰身都唔夠蕃茄味~~不過就放左好多舊蕃茄o係面..連埋較索味既米粉一齊食都唔錯~但米粉硬左d~不過都係勝香同星座較出色啦~因為呢度

今日和4個同事出外食lunch，目的地是：平記咖啡冰室。我要了一個常餐：炒滑蛋火腿多士 + 金菇牛肉蕃茄湯公仔麵 + 凍奶茶 = $30那個炒滑蛋火腿，還是覺得澳洲牛奶公司的好味道。而多士因為有練奶 (my favourite)，所以覺得好味道。至於主角金菇牛肉蕃茄湯公仔麵 ，我覺得蕃茄湯底很不錯，不會太酸，亦不會太 "傑" ，味道剛剛好，GOOD！牛肉是鮮牛肉，I like it！之前食過TST 星座冰室的蕃茄湯公仔麵，覺得蕃茄湯太濃太"傑"，有點heavy，所以還是喜歡平記的蕃茄湯公仔麵，推介！唯一缺點是，地點對我來說有點兒吊腳，未必會是常客。

平時早餐時段搭車經過, 都見到好多人, 心諗一定要揾日黎試吓有咩特別!係附近有d嘢攪, 一於早少少去試佢個早餐先!揀咗番茄早餐: 包括一碗番茄湯底米&紫菜墨魚柳, 仲有炒蛋腸仔+厚多士, 一杯熱飲都只係$21蕃茄湯底足料好味, 個蛋又炒得滑, 厚多士夠熱夠軟睇得出, 有比心機去煮.... $21...近乎超值難怪坐滿為食人士!