康源車仔麵

Open Now

Now Closed

星期五又要加班，做到肚仔餓同事仔帶左我炸炸臨去附近速食完又再返公司繼續做👩🏻‍💻雖然小店位置不多，但勝在價錢超親民！一入鋪頭就自己先行點餐！十分地道！牛雜麵 $32 +$8 罐裝可樂大大碗！而且牛雜多！湯底濃！又無臭味！絕對超值！鮮蝦雲吞+芝士腸+豬肺+牛膀+牛柏葉+油麵 $53 +$8 罐裝可樂咁多餸都只係呢個價錢，同區真係好難搵！鮮蝦雲吞蝦肉多！而豬肺、牛膀、牛柏葉都好新鮮！而油麵軟硬度適中！加上牛腩汁湯底更加惹味可口！食完飽曬又有氣力做野啦🤛🏻住係附近既街坊又或者打工仔可以買外賣回家品嚐喔！

離遠見到有個「麵」字嘅燈箱，為食仔為食妹見到有關於食嘅嘢，梗係二話不說就行咗過去啦。🤪見到個餐牌，價錢好大眾化，大部分餸都係6-10蚊一款。🤩車仔麵舖唔大，入到門口嘟完安心出行，隔離就係車仔檔，上面有個餐牌，老闆娘就話係度落order啦，為食仔好清楚自己想食咩，好似唱歌咁一次過嗌咗幾樣餸 + 麵。我就突然間有少少唔習慣，原本我係想坐低慢慢諗食咩先再嗌。不過諗返，以前去舊式車仔麵檔嘅時候，都係見車仔檔有咩想食就嗌哂落去碗車仔麵度。😶我𥅈下眼見到餐牌有牛什，就嗌個牛什麵啦。🤓點咗罐裝飲品，同老闆娘講完，佢叫我地自己係雪櫃攞，佢再計數。😯好難得見車仔麵舖有豬什食，牛栢葉口感爽脆。牛什麵嘅幼麵幾好食。可能舖頭標榜住小味精，湯底同食物都比較淡味。下次再繼續瓹窿瓹罅發掘其他餐廳。🤩

車仔麵小店今日經過，見好多附近街坊都幫襯，車仔麵又一向係我favourite，就試一試～叫咗玻璃魷魚、通菜、貢丸、菜肉餃米粉$41貢丸一向我都鐘意食，呢間有菇味，十分正魷魚爽口清脆，沾上沙嗲醬十分好菜肉餃似係自己包，有誠意牛腩河$32牛腩燜咗好耐嘅感覺，多汁又淋，幾好食加$8有可樂、檸檬茶等飲品好少有咁平嘅餐廳，見一路都好多街坊嚟食，我諗佢都累積咗好多顧客，後生仔又有，老人家都有，相信他們食開有一定感情小店長期只有一位店員，但見佢都好快手～

一個月30日，有29日都係糧尾，大胃都係逃唔過打工仔嘅哀歌晚餐要慳，咁就要去食碗車仔麵，呢間定價都幾平吓一碗麵嗌三、四樣餸，分分鐘$50有找雞翼醃得幾入味，肉質唔嚡墨魚丸都算爽口，有幾分彈牙豬紅冇嗰陣膱味，好綿嘅質感麵底唔算貴，河粉值得一讚，完全冇散，口感好紮實大胃認為呢間嘅招牌係豬手，腍到不可思議，滷得好有味，好想成碟咁嗌牛腩都唔錯，肉質唔黐牙豬肺都幾足料，滑溜溜夠以形補形雲吞滴滴骰骰，但就幾香菜肉味豬腸好有油渣麵嘅感覺，亦係必叫

聽講附近有間雲吞麵店，我地就去附近搵食。不過搵唔到，就見到哩間隱蔽小店。未到lunch ,人流唔算多，我地4人就入左去。睇到個menu,好平呀，最低消費係$20 2餸一麵就食到。我已經好耐無見過哩個價錢既車仔麵。咁我就叫左個特價套餐，4餸一麵，包括蘿蔔豬紅豬皮豬肚米粉。見佢處理豬什牛什好似好犀利咁，不過覺得d餸不過不失。豬紅係爽口既，其他都係一般，湯底對我黎講真係太淡了。不過價錢真係超級優惠，4餸一麵只係$25。價錢黎講真係無得挑剔。😊

成日想搵間有豬什食的小店，今日終於畀我遇到康源車仔麵，環境不太舒適，但可接的小店裝潢。因我不吃澱粉質，所以點了浄豬什加菜（$48），我有少少擔心食物的乾浄度，但當接過湯碗後，心情立即輕鬆哂！色：樸實無華、不太深色香：完全沒嗆鼻的内臟味，豬什處理得乾淨👍味：湯頭滷水味不太濃，恰到好處，沒有蓋過豬什的味道外食能夠吃到乾淨又美味的豬肺、豬粉腸和豬腸，實在是件賞心樂事。總之，這是間性價比高而又美味的小店，值得推介

新填地街475号近旺角道，开业己有21年，主要有牛腩，豬腸，豬什，牛什，牛丸，貢丸，龍虾丸，墨鱼丸，湯底用豬骨和雞，食後不渴，驰名辣沙爹汁，收1元成本費，合广東人辣的口味，主要做街坊生意，半自助形式車仔麵風格，要買票選餐，做好後，叫号自取，適合繁忙和勤快的香港人節奏。回想60至80工廠區年代，站在木頭車小吃，身水身汗，食後多滋味，獅子山下的香港岁月，香港人勤奮努力的精神。

第一次食，17號餐：有水魷、蘿蔔、幾條通菜、魚旦，oder套餐，不設更改。可加自家製辣椒$1幼麵好爽，好彈牙，直得一試，應該係自家製蘿蔔清甜可口水魷正常，都算爽口，魚旦比較實，無鮮味，唔彈牙湯底簡單，但唔錯，鮮鮮甜甜。

家人說在正時買菜的市場有一間的車仔麵味道可以，所以就來到這一間的車仔麵店「康源車仔麵」作嚐試。「康源車仔麵」就在新填地銜近旺角道交界，來到時十一時多一些，店內沒有什麼的客人，店就是一間的小店，只有一張的四人枱在中間，其他的都是向牆的長枱，如果客人多的時間可能都會有一些的迫，而店內也有很多特別的「規則」寫著，例如是「請勿在這裡付款影響食物衛生」、「食物和汽水請自取」，想必是有很多人以前做了這些東西影響到這店的運作，算是一些有趣的地方。餐紙上的食物選擇都算可以，數一數大約有三十多種，價錢由$6到$10都有，而大部分都是$6-$7這一些，加菜只是加$5，價錢相當便宜，而牆上也有一些精選快搭套餐，即是已經定了一些的食物選擇的麵食，只要叫一個號碼就可以，但這一種連麵食都不可以改，有了這樣的限制都是用餐紙選會更好。我們選個兩個麵食，材料有魚旦、豬皮、豬紅、魷魚、豬腸、蘿蔔和韮菜，麵食選了油麵。魚旦都十分之爽口，魚肉味十足，雖然沒有了以前細細粒非常彈牙這一種的魚旦，但這一種的魚旦在現今的車仔麵店來說已經很好。豬皮切到了長條型，少少的爽口，吸了麵汁味道更濃，豬紅是比較「硬身」這一種，水份比較少的豬紅更

其實經過呢間野好多次~每次見到入面都頗為多人!附近餐廳又好食又比較便宜既~相信都係呢間多!!老闆都幾好諗頭~ 整哂一大堆車仔麵套餐!等D客人唔需要R爆頭去諗食乜好!!剩係講號碼~ 老闆就會即時煮!!比較麻煩既客人會拎住張紙左劃右劃...碗麵黎度~出哂煙...誠意加分!豬紅入味 羅白夠冧 魚旦同豬皮夠爽口辣椒油如果夠辣~ 一定係車仔麵既朋友^^有埋醋~ 怪唔知得呢間舖終日都咁多人~會多D黎食!

你好,我看過之前有朋友評價康源,覺得負面少少,想為它平反一下.我基本上每個星期六光顧一次.最欣賞湯底,就算飲了整碗湯都不會口乾的.同意份量比以前少,可能材料成本貴了有關吧.由於位置小,因此等候碗麵到手都要五至十分鐘,但一定跟單做,不會因為熟客而做先的.我心水推介是它的牛腩,豬腸,籮白好入味(我老公好喜歡它的牛筋,同別的不同,不是軟身,而是有彈牙口感).其實好多都好味,訣竅是老闆娘在完成前加汁同spicy汁就一樓.上次叫了豆卜牛腩辛辣麵加大豆漿,成為23元.(你如果冇叫菜,她通常比一棵給你的)總知又平又靚又正!

星期六約了朋友行旺角, 但放學後時間尚早, 無處容身下, 雖然不太肚餓, 也食碗麵打發時間吧! 哈~入到去, 大部份食客都是叔叔伯伯, 感覺上有點不自然, 可能這區真是老化了! 我叫了一碗牛筋河粉, 當時人客不多, 但我竟然足足等了十五分鐘但食物還未到, 好彩我有的是時間, 那就無所謂啦....河粉份量勁少, 牛筋不像太牛筋, 碎牛腩似的, 還附上幾條生菜, 湯底較為肥膩, 味道尚算可接受, 一個餸的車仔麵, 12元一碗, 我想也不能要求過高, 所以我覺得:還算可以吧!