廿七窩 (Closed)

廿七窩我都食過幾次啦 火鍋 小菜都食過 機緣巧合下上次食過一次鹽焗雞!! 好食到不得了又滑又入味 真係好好食(ps我冇特別留意到但係menu好似(唔確定)有冇鹽焗雞 所以今次都得登打電話留半隻!!) 但係真係食過一次翻唔到轉頭好滑 一d都唔乾身隻雞熱食凍食都得 我個人就鍾意雪櫃攞出黎 淋個雞湯 (撈飯好正) 微波爐叮30秒 / 室溫食

長期於大角咀去唔同嘅舖頭打邊爐見到有新舖廿七窩開張就緊係即刻約齊班朋友仔去打個靚邊入到去，環境超級舒服，光線夠光得嚟亦柔和侍應隨傳隨到，送菜送飲品亦快速順暢笑容加分，推介食材亦到位點左黃金魚皮，極出色，鹹蛋蓉夠熱夠化，魚皮夠脆，一食上癮花膠雞鍋，花膠夠補，雞湯鮮甜，未打邊爐都飲左佢三碗先牛肉高質，肉味濃，油花分怖平均仲有牛胸爽，唔係間間都有，同牛肉一齊滾8 秒，即刻放入口，人生一大樂事也特色流心丸，炸到金黃表皮仲有個哈哈笑emoji, 未食見到都開心，食落流心好味道，心機野，第二度食唔到。食完呢次，下次同朋友再打邊爐都會選番呢間，高質，性格比高，瘋狂食野飲啤酒，埋單人頭都係300-400 左右，又揾到個新主場，正！

食店有行C制，可以6人一枱一開始當然係揀湯底啦，有冬瓜盅呀，而蟲草花花膠雞湯只係$168，雞味濃，冇味精，而花膠仲係大大件另上，有驚喜今次可以只係叫一碟【至尊牛三寶】，人少少都可以食到三款（封門柳，牛頸脊，牛小排）唔同味道嘅牛，仲要件件都好靚有厚度，啱哂我呢啲花心又貪心嘅人😅【即製】鹹旦魚皮，熱辣辣，鹹旦好香，入口感覺完全唔覺得熱氣，所以食唔停口😅其他食物都唔貴，用平民價錢可以食到好似食放題咁飽😊，好開心

首先呢間火鍋店係C類食肆，可以6人一檯，食得開心放心。今次再同另一班朋友聚會，由佢地揀地方、估唔到都會嚟返呢度，可見呢間鋪已經建立左一定嘅口碑。嚟到第一件事叫返兩枝冰凍啤酒再加黃金炸魚皮。今次仲加埋一口豆腐。炸魚皮保持一貫高水準，一口豆腐都好好食，送酒一流！可以睇得出呢度個廚房都非常之好，唔係淨係識得準備生料嘅火鍋店。講返啲火鍋料，今次叫咗醉雞鍋，仲有牛肉，魚，水餃，雲吞，等等等等其他好嘢食，但係只係影左幾張相，因為係我影之前，我啲朋友已經等唔切，放哂落鍋🤣🤣呢度仲唔收開瓶費，朋友聚會真係一流。

今次第二次食，火鍋配料非常新鮮，價錢合理，環境都算中上，冷氣都夠凍，一定會再去，推介：牛丸、翠玉鯇、牛小排泊車都算方便，另外還有象拔蚌及龍蝦刺身，下次會試一試，試完再報告.

上星期與成班朋友行完山，有團友在大角咀住並稱附近開咗間新火鍋店不如去試吓，於是齊哇哇大概六點去到鋪頭，可能時間尚早只有一兩枱客，侍應好親切行出嚟問我地幾多人並立即安排我哋入坐。我哋分開四人一枱，我哋先點一個麻辣雞煲，由廚師親自攞出嚟，本人好少食辣野，但個雞煲唔係太辣一般人可以接受，辣度啱啱好雞肉好肥美好入味，食晒啲雞後侍應幫我地加入湯水就變成麻辣湯底。我地食材點咗招牌肥牛，生蝦，桶蠔，脆肉鯇⋯⋯，太多不能盡錄。所有食物好新鮮，肥牛厚度啱啱好，唔太厚亦唔太簿，生蝦成個手掌咁大，桶蠔洗得好乾浄完全無沙，蔬菜亦好新鮮。最後我哋食到大概十點埋單每人都係三百幾蚊，完全超值，呢間相信係我近年嚟食過嘅最好一間火鍋店，如果五粒星評分我會比滿分。下次我一定再幫襯！

大角嘴新開高質邊爐😙雖然廿七窩唔係好就腳，但係好值得去打邊爐! 食物好有水準亦好新鮮(火鍋最講求新鮮啦)! 每次黎都encore黃金魚皮～真係好正!! 必須推介!! 象拔蚌好新鮮~ 好甜好爽脆

呢間火鍋店係新開嘅 😎今晚住喺附近就落嚟食下， 發現環境都唔差 、企理乾淨、新裝修 、食物種類都夠豐富，啲海鮮都好新鮮🐚🐟 特別啲象拔蚌刺身非常之鮮或爽口，另外值得推介嘅就係個湯底花膠雞湯底～又可以飲仲可以攞你打邊爐啲牛丸 都好夠味道 價錢仲要畀出面便宜，值得再返嚟食多一次推介比大家👍👍， 地點也不太遠非常方便， 依家仲係可以免瓶費自己帶酒🍷🍾🥃上飲咩都唔使收錢 乾淨衛生一大班朋友過嚟食到冇問題 非常滿意的一餐 一定會推介多啲朋友過嚟食 以後都有多個落腳點啦🥢

近日天氣雖有點熱，但是食火鍋仍是一個不錯的選擇。一班朋友圍爐品嘗美食及傾計，是一賞心樂事👍就是這個原因去了試下。先講下交通方便方面的，食店環境清潔衛生。環境不錯。店舖的工作人員有禮👍食物方面極力推薦是冬瓜盅及蟲草花花膠雞湯，前者賣相幾得意，冬瓜在鍋中間，頂端放上蝦仁、魚肉等，嚐一口十分清甜香氣撲鼻，真係好正。後者味道較濃厚，好足料好滋補。 跟著介紹下小食，極力推薦黃金魚皮，魚皮不單香脆可口，配上咸蛋黃醬，好味道停不了👍👍👍。蒜香豆腐粒好味，但外面的脆皮較為厚了點，但都好食。致於火鍋食物都好新鮮，推薦彈彈牛根丸，咬內口時好彈口之餘好多肉汁，齒頰留香；蟹子墨魚滑、鮮蝦滑十分鮮味；手包韭菜餃大大隻，韭菜十分新鮮，好香韭菜，喜歡韭菜的你一定不要錯過；特製水餃皇皮薄餡靚好味；最特別是「咸蛋流心丸」丸子的正面印有哈哈笑表情，味道如何⋯⋯賣個關子，去試下就知😄其實還有很多新鮮的海鮮，如：大大隻的蝦、透明的鱔片、肥厚的鯇魚片等。寰實在不能盡寫😄當然最後我食得飽飽好滿足。大家也去試試吧👍👍

朋友介紹去呢間新開嘅火鍋店，地點唔係旺區，但門口有位泊車。入去門面企理，樸實無華。開始前食小食先。叫咗個黃金魚皮同埋雞腳做小食，兩款都係師傅自己整，好好食，下次都一定要Encore. 好喇，入正題。叫左個花膠鍋，打邊爐前先飲湯，個湯好甜好好飲，差不多飲哂先叫佢加高湯打邊爐。叫咗幾款火鍋料，全部都好新鮮。特別係小牛排同牛頸脊，牛根丸好彈牙。其他火鍋料好似鯇魚片，午餐肉都好好食。特別一提佢呢度啲午餐肉係煎過先俾你打邊爐，好脆口。值得再去！

食物有質素， 廚師會出去鋪面同客人收集食材意見， 務求做得更好，另外會推介當日新鮮食材。店員同顧客有互動， 並唔係一般做生意，感覺好似返咗屋企一樣，閒話家常，有好好嘅溝通，好有親切感。價錢亦都相當合理，良心商人，招呼一流，有專人協助加酒，湯底無水時，最重要係加湯唔係加水，咁樣唔會影響湯底味道，值得一讚。 而家好少食肆可以同時做到食物質素以及服務一流兩樣兼備， 你一間算係值得推介嘅食肆，亦都係食過會再番轉頭食嘅食肆之一👍👍

午市$68包飲品 免加一呢個價錢呢個味道無投訴 絕對可以翻兜 隻鮑魚都唔細隻 係估唔到咁入味 有驚喜朋友食魚翅 佢都覺得唔錯 座位唔焗束 坐得都okay 可能新開，唔駛等太耐就入得 個人最怕要排隊既餐廳員工都有禮貌 有個幾高幾靚女😂