廿三廿四

Open Now

Now Closed

這個星期，又回到寒冷天氣啦🥶，我會想要一杯熱薑茶，暖身又美味。上年飲過呢度嘅「薑薑」，今日行過，見到有，所以入去買一杯「薑薑」飲。*薑薑 (HK$35) ．這是冬天先有的薑汁奶茶，期間限定喔！．我喜歡佢是好夠熱的，可以點微糖的．奶茶香濃，口感奶滑．超重薑辣味道，真係好辣．飲完好暖身喔！．另加珍珠(+HK$3)，口感煙韌，微甜．試過配椰果 (那天遇上優惠，只+$1)，都是不錯的配搭喔😙．滿$30可以有印仔卡儲印仔喔👏🏻*

係春潤堂買完麵麵,會經過廿三廿四先返到屋企,醒起上次食真味小食,得到一張優惠劵,可以去list 入面既鋪頭得到優惠,廿三廿四既優惠就係買任何飲品都可以得到$3配料,包括加奶,珍珠,椰果,蘆薈,紅豆同紫米.今日唔想飲甜甜,飲純茶啦,有純紅茶,純綠茶,重焙鐵觀音,同埋玫瑰烏龍,我揀左重焙鐵觀音加蘆薈,蘆薈無味,唔會影響茶味,但可以令茶有d 口感,等沖茶既時間周圍望,貓咪神秘活動之5569凍~451日同行人優惠~未試過泰式茶凍...用明治奶.信心有保證.到我杯茶神秘貓咪儀式啦XDD一粒墨茶味清爽唔過濃,有蘆薈後有粒粒咬咬下,初時覺得有D 怪,咬咬下又幾過癮XD

去完雀鳥街抬雀粟,行返屋企經過廿三廿四,見街坊係度買緊野飲,咪吹幾句水,吹吹下發覺時間都唔早,口都乾曬,拿拿聲叫妹妹沖杯蜂蜜檸檬蘆薈黎潤潤佢,要盡量唔甜XD趕時間都要拎佢d 玩具玩下先XDDD隻貓幾無助XD個樣超好笑XD再唔返屋企家務實做唔切,不過都係飲啖先啦,咦~今次堅係好少好少甜喎,叻女!淡淡檸檬味相當清新, 蜂蜜潤喉,仲有蘆薈粒粒咬咬下,唔怪得男人咁鍾意飲啦XDD同佢地拜拜,拎住杯野啜住返去做家務!

點樣食推介✨💛良心飲品舖💛💛深水埗黃店💛廿三廿四 地址：深水埗大埔道72-74號海祥大廈地下A2號舖🍖芒果菠蘿綠茶 加椰果 $13 +3(7.5/10)依個價錢係lingduck app獨家優惠黎，店家都絕無欺場，13蚊就可以享用大大杯野飲，我自己再加左椰果咬下🤣，點知原來杯野飲本身已經有d菠蘿粒，飲落覺得好refreshing好消暑解渴，係一杯唔會好人工味嘅水果綠茶，13蚊依個質素真係冇咩好投訴🙆🏻‍♀️店家另外嘅指定半價飲品仲有$11嘅冬瓜檸檬、$11嘅蘆薈蜂蜜檸檬同埋$10嘅檸檬紅茶，大家經過可以開lingduck app幫襯一下🤣，10蚊有一杯台式飲品真係抵到爛！回頭指數: 🍧🍧🍧🍧 (滿分:🍧🍧🍧🍧🍧)

打完針,係界限街球場行返屋企,咁岩今日可以用消費劵,見到廿三廿四可以用gumpay駁t&g 用劵,咪想試下,立即order新野,黑糖冬瓜沙冰,點知搞黎搞去都用唔到,後來先知,原來t&g果日太多人用,根本stud 到連消費劵果張card 既card number 都睇唔到, 我睇到果個card number 原來根本唔關事,唔怪得比唔到錢,廿三廿四妹妹話下次先比返,我話唔好,最後比返現金~黑糖冬瓜沙冰有奶,有冬瓜茶感覺又有奶香幼滑,都唔錯,仲始終都係鍾意雜莓沙冰多d XD

三十幾度,熱死人地阿媽個仔,知道廿三廿四新出雜莓沙冰,拿拿聲去整返杯,順手更係探下廿三廿四d 年輕妹子,感受下青春既氣息雜莓沙冰外表粉紅,好鬼CUTE,飲落莓味濃郁,勝在唔甜(我都叫左盡量少甜),我好怕甜架嘛,之前佢地d 水果茶我都當濃縮飲品咁加水加冰XXD朋友們都話我好抵飲,唔知以為我好窮添,哩個沙冰真係啱D怕甜人士飲,真係OK.男人叫我幫佢買杯檸檬蜂蜜蘆薈,佢飲正常甜度,佢鍾意佢甜甜地又有蘆薈粒粒,今日既優惠.$2加愛玉無啦啦落大雨.

外賣6瓶 竟然兩瓶都沒有封口溫的沒有封口 連個膠袋同杯固定都沒有準備好 搞到成袋都係個透明膠袋咁Q薄外賣到店舖都倒瀉大半瓶一杯30幾蚊沒有問題但係是否妳的服務可以再好點咁低級的錯誤都可以有好氣憤😡奶蓋唔錯 但係奶茶麻麻～芝士夠味 都有獨立包裝其他同事反應自己的唔夠茶味唔夠奶味😓第一次幫襯 都已經覺得不會再幫襯第二次了如果真係想試新嘢就試下奶蓋請你地的包裝再次改善紫米比較糯 算還好其餘d質素真係麻麻 咖啡凍 口感唔夠濃郁

我覺得個店名似十五十六，吾玩吾舒服D fd。lol廿三廿四，吾飲吾舒服咁😹今日試左呢間既士多啤梨海鹽芝士奶蓋 ($33)。叫左少甜，我自己覺得甜度係Ok。我覺得飲落似老M個士多啤梨奶昔。😹不過佢呢個係用鮮奶做底，而吾係沙冰既口感。奶味會香D，而且個士多啤梨果醬會多D。睇番張相都會見到真係勁多士多啤梨果醬響底。🙈而頂部既芝士奶蓋夠曬咸，Ok厚實。😋一啖咸又一啖甜，真係幾好飲。不過冰有D多，大家記得要少冰。而且中杯同大杯只係相差3蚊雞。😀其實要大杯仲好似抵D。不過當時我已經太飽，無叫到大杯，叫左個中杯，個胃無位啦。😭

見到呢間好少人介紹就想試吓🙈店舖位置都算方便，喺深水埗同太子之間店面算乾淨整齊，店內仲貼左好多文宣，一定要支持啦😚餐牌同普通手搖店都係大同小異，為防中伏就揀咗店舖推介！😋==============================🥤 廿三廿四 📍 深水埗大埔道72-74號海祥大廈地下A2號舖 ⏰ 星期一至四 11:00 - 21:00 星期五至日 11:00 - 22:00 ==============================1️⃣【玫瑰烏龍珍珠鮮奶茶】$28杯野攞到手見到隻色麻麻地，好淺色🤨飲落茶味真係極淡，飲唔出佢係咩茶😢奶味都超淡，完全唔覺得係鮮奶🥛似係奶精😔以為珍珠可以補救到成杯野，咬落係有咬口嘅，但無乜黑糖味，似係咬緊擦膠🤣(唔好問我點知擦膠嘅口感🤭)整體來講係失望嘅，因為第一次試呢間諗住揀啲店舖推介嘅飲品實無死🙈點知少中伏，不過希望店舖會改善，下次再試其他飲品😋(🔥 怒飲指數：5/10)==============================🔥評分：環境：--/10 (外賣)味道：5/10性價比：7/10總分：6/10================

雖然呢間鋪唔係開係人流旺區，但試咗2次，覺得都唔錯！係幾用心做飲品的鋪頭！1、玫瑰烏龍珍珠鮮奶茶 飲落有烏龍茶嘅清香，選咗微甜，所以奶茶唔會太制！加咗蘆薈，蘆薈爽口，很唔錯！因為冬天，所以選咗熱飲，店員很細心哋重複2次叫我小心熱！服務抵讚👍🏻

深水埗其實有好幾間好飲嘅台式飲品店，呢間就係其中一間。店舖內外都係以黃色為主調已經很明確其顏色立場。店員是用心手沖飲品，也看到餐牌有50+款飲品選擇😲😲「薑薑」(HK$35)．其實係熱嘅薑汁奶茶．好夠熱，寒冷天氣拎住隻杯也覺得好辣手．飲一啖，超夠薑味，辣得嚟好好飲🥵．叫咗微甜，所以不會好甜，可以飲到茶底高品質．加HK$3有1/4紙杯咁多量嘅煙韌口感珍珠．飲咗好幾款，呢款最值得我回購再回購😋

Tried this a couple times, really like their milk top drinks ! 性價比高，種類又多，都仲未試完。奶凍茶凍都好味，又唔貴！海鹽奶蓋👍🏻

呢間早排開嘅台飲店，餐牌真係好多選擇好吸引！-1️⃣黑糖珍珠鮮奶 $30 (M size)平時飲開無糖飲品，而黑糖系列只可以少甜，但以黑糖鮮奶嘅飲品嚟講，我覺得佢嘅甜度係唔會太過甜。以前飲過嘅黑糖鮮奶都冇咩奶味，但呢杯好重奶香又好幼滑，飲落口好smooth；黑糖珍珠唔會有燶味，食得到黑糖嘅香味，珍珠正正常常幾有咬口，唔會煲到爛晒。兩者味道平衡得幾好，攪勻一齊飲就有淡淡嘅爆谷味。2️⃣全手工· 自家製奶凍 $16 (買飲品+$8換購)奶凍口感順滑亦都食到濃濃嘅奶味，不得不說呢個價錢買到真係好抵！但我覺得係偏甜嘅奶凍嚟。3️⃣水果茶 $27 水果茶嘅基底係百香果，嗌咗微糖都幾清新，唔會死甜，味道正正常常。✴️整體而言，黑糖珍珠鮮奶都幾唔錯！ 同埋見佢哋除咗奶凍之外，仲有自家製茶凍，但嗰日7點幾去到已經得返最後一杯奶凍，想試要留意下啦！