得記粉麵飯小炒 (Closed)

得記結業了😩😭😭，昨天1月2日路經想去食卻關門？問隔離燒臘店靚女，獲告知做到12月底已光榮結業，得哥、友哥不捨得你們這班老友記😩😭😭🖤💔🖤💔得記關門實在好可惜呀 ！佢哋碟頭飯好夠鑊氣好正，而煎豬扒更係世一，無論煎/吉列/或椒鹽好，難揾到間豬扒係好食過佢哋！印象中鮮茄煎豬扒飯$51+凍檸茶$6=$57可是他們都老去了，相識了廿幾年，我也冇在灣仔上班，只係差一點點就可以幫襯他們最後一日，為什麼不等我？

經朋友介紹成日黎食 好有風味 平日食lunch 大概12:20 到 已經滿晒 幸好有一個人走就有位坐 大部份人都係叫外賣 坐街邊未必人人接受到主菜： 時菜牛肉飯 好可惜 咁早到 牛腩都竟然賣晒 可想而知幾多人叫 轉左個牛肉飯 首先係好多菜心 好爽口 牛肉又好多好淋 d汁充滿鑊氣 份量足夠如果第一次食 我會建議食炒河/米/飯類 因為好夠鑊氣同風味飲品：凍奶茶無影相 但一定要叫 佢個茶底夠濃味 唔會太甜最後最緊要係平靚正 加埋凍飲先$56 食完仲可以慢慢行番公司

炒粉麵飯夠鑊氣的不二之選。最喜歡佢地易話圍。能炒到都煮得出。今日就叫咗個咖喱牛肉飯再加隻太陽蛋。味道剛剛好就係想食嗰個口味。羅宋湯亦好好飲。下次試下佢個豉油皇炒麵。

因為要睇醫生既關係，經過呢度,第一次幫親呢間炒粉面店，叫左一個咕嚕雞球飯+栗米炒牛河外賣。好足獲氣，又好味。灣仔區平靚正之選😋😋😋😋個咕嚕雞球甜甜酸酸勁開胃🤗🤗栗米牛河超多栗米粒👍👏👏😆

位處富豪飯堂福X門後巷的譚臣道有不少茶記小店，賣的都是街坊便宜食品。一天，小人放假，正好在此買個飯盒回家慢慢歎。上次買粥時已瞄中隔鄰的得記，皆因看到張貼在店前墙上的餐牌，價錢十分便宜。店面極小，枱櫈都擺放在周邊，買的時候都坐滿壯男。小人買了一客黑椒牛肉炒麵，拿回家一打開盒子，即被那滿滿一盒的炒麵看呆了！牛肉極之多，而且並非薄薄一片，有厚度有質感，鬆化入味。黑椒汁杰稠濃度恰到好處，食味亦香。脆麵底更是出神入化，即使鋪著濃厚的汁也是脆的，吃到尾都是每條麵都沾到汁，那管飽亦忍不住吃掉了整盒麵！又一次尋味大成功！

食午飯想食下茶餐廳嘅碟炒粉麵飯，揀左呢間小店，位置雖然唔多，但而家講求快靚正黎講算得上有餘，打開一見到盒粉已經「嘩」一聲，因為好大份量，對於女仔黎講可以分開兩次食，都一定仲飽肚，味道黎講，同食開又有少少唔同，辣味唔係太勁，幾好。食到我好飽呀

是日要說的富豪食店，是一家位於灣仔譚臣道的食店。這店，時常有名貴房車泊門口，但就沒有城中貴人出沒。是否很茅盾呢? 正確一說，我指的名人飯堂，是位於莊士頓道的《福臨門》，有名貴房車停門口，但好多都只是即停即走，然而，就在《福臨門》後面的一小段譚臣道，周不時就泊滿了城中豪傑的座駕，原因是什麼? 就是這兒有一間非常平民的大笪地食店，《 得記快餐店》。《 得記快餐店》，其鋪子甚細，能使用的地方已用，不能便用的地方也用上了，結果，整條行人路基本上被他佔據了，路人也許說，俾條路黎行下啦；店方會說，俾個位我做生意啦；客人會說，俾個地方我坐下啦....2比1，店方勝。所以，來《 得記快餐店》，坐在路邊，守護著老闆部車，是司機大哥們的常識。第一天來，我的午餐是菜遠牛腩炒麵，這兒的炒粉麵飯，就是受盡各路人士的歡迎，而原因就是這兒的出品，夠香，也夠鑊氣。單是這一個牛腩炒麵，其麵餅香脆可口，入口更可以形容為酥化，牛腩很香，很腍，肉感豐富，大大舊、大大啖，是勞動階層的恩物。改日再來，試了他們的生炒骨飯，甜酸味配合得非常之好，肉帶點脆，亦帶點韌，若不是配飯，小菜上，這是一個能登大堂的小菜。奶茶只是這兒的副產品，入

Randomly came here because the food I wanted was sold out at this other shop.Basically they serve all sorts of noodles and rices.It appears that 100% of the people dining there are MEN!!!Despite the male audience, the lady taking the orders was surprisingly nice!She addresses females as "LADY" and yes in ENGLISH too and guys as "PANG YAU (friend)".★☆★☆★☆★☆★☆★☆★☆★☆★☆★☆★☆★Curry beef:The taste of this was ok and not too spicy but the curry was quite orange for a curry and it had green peppers.The p

於得記用饍已有四載，一直不離不棄，除了方便，還有更重要的兩個字:鑊氣得記正正在富臨門的後巷，說到炒功一點也不比大馬路的富豪飯堂差。猛火大鑊豬油香，不論粉麵飯皆出眾非常。此店粗中有細，別人作豆腐火腩飯，用現成豆卜。此家從冰箱取豆腐磚，即時下油鑊炸成鮮豆卜，再和剛走油的火腩下鑊炒。和光鮮的茶記誰執優劣，客官心中有數。此家用豬油，廚房就在馬路冷巷旁，人人皆見，衛生好得沒有話說:因為眼見已是最污穢不堪的情況，不怕有甚麼看不到的隱憂。摺檯摺椅盡在路旁，一般高尚的OL與此店終身無緣，還是留給我等麻甩消受。值得一提，老闆得哥沖泡飲品經驗老到，是區區喝過最好的熱柯力。

一個人試食, 才會找這個地方坐低, 這裡仿如大排檔般, 坐在路邊, 大眾身水身汗地享受午餐. 普通炒粉炒麵非常有風味, 亦夠鑊氣, 款式亦多, 而且可以說, 你想食乜都榜上有名. 今日叫了一個干牛意, 夠鑊氣, 味道, 油度, 都適中. 食物是有水準的一個小地方, 如果坐得舒服一點, 當然更好. 不過已經好過一些連轉身也有困難的茶餐廳.