心夜來潮 (Moved) New Location

香港彈丸之地，不同國家種類的食肆頗多。潮洲人的我，想吃正宗的潮洲菜並非難事；通常很多人說:「可以到附近打冷店，但只是大路潮菜並沒有任何驚喜！」今晚又想吃潮洲菜，朋友話近期人氣急升不如一齊去呀！朋友說心潮來潮不是那種貴得咋舌的潮菜名館，快完去試下它的吸引之處。從旺角朗豪坊後街直行，經過旺角街市，來到一天橋底下，『心夜來潮』就在那橋底之下。門面雖小，室內食桌不多而且要有室外擺放食桌，幾近零裝潢。店外一張張木木桌，吃的正是街邊風味，加上天氣微涼甚為舒服。地方不太但仍有很多食客在等候，可見吸引程度有幾大。等待接近30分鐘我們被安排室內的座位，大約有15-20個座位。室內一眼看盡木製食桌樸實不奢華。餐牌是有心思的，圖文並茂，對潮汕地道小食有詳盡的解說，也讓嚐新的客人對潮汕菜多一份認知。菜式類別雖然不多，以潮汕小食為主打，，如小米餃、捻面猴、菜茶等等。每款食物不過大都是數十元有交易，完全大勝其他打冷店。原隻醬醃膏蟹($88)呢道菜可以話係必試菜式，味道好鮮少許咸。與韓國的醬油蟹格外不同，少許咸味配粥或飯的確不錯。巨型脆香手打魚蛋($32)巨型魚蛋炸香後切件上桌，看上去有點像泰式扎肉。炸至金黃色的魚

黎食所謂必食既手打牛丸，同一般凍肉舖賣既牛丸冇乜分別。豬油炒菜雖然$25一碟但係份量勁少，又唔好味，屋企自己平時炒既仲好食d咯！炒腸粉味道都唔好食，入面仲係白色的。炒米線更加冇味，就咁如果唔點辣椒醬都冇味既=,=面猴更加無奈，食碗魚蛋粉仲好過距=,=服務態度極差，好似唔想做生意咁，食完野d碗放係度又唔汁，擺滿台都唔汁，真的頂唔順咁既服務態度。差爆了

早幾日有晚十一點幾都未食飯，就openrice search下有咩咁晏仲開門嘅餐廳，見到算係唔少好評就過去開餐啦。本身都懶又冇打開食評，但啱先喺飲食男女fb見到有佢哋訪問，就即刻忍唔住要上嚟打返個食評。呢排天氣悶熱，見門口位又多人，就算有吉位但又未執枱，就走咗入鋪坐底。雖然見到話收凌晨三點，但想叫嘅幾樣嘢都賣曬，連汽水都係得返兩隻款。最後點咗手打牛丸，小米餃，炒飯，菜甫蛋，份量算係幾少，唯有當夜晚食少啲。牛丸都唔錯嘅，炒飯多油到濕底，小米餃好普通，蛋就都係正常。想再提下嘅就係服務同環境，一路食嘢頭頂部冷氣機間唔中都滴水落個頭，落個身，男朋友見我開始燥就同我調位 =( 地方混亂又唔算清潔。叫咗汽水兩次都未嚟，其實個雪櫃就係隔離，啲員工返工返到發夢咁，蒸個小米餃又等成半個鐘。其實一路食嘢心底一路都係發緊脾氣，所以話，應該都唔會再有機會去。sorry for 一個冇相嘅食評，因為喺度食嘢，都冇咩心情要影相😔

潮食古色古香潮州菜！ 平時旺角大排長龍既心夜來潮荃灣終於有分店啦，荃灣難得無人排隊，即刻同朋友入去試！入面環境非常古色古香，好有中國風味道 連牙簽盒都禁有特色😊  餐牌都好有心思製造 手打肉丸, 一睇就知係手打 ，因為肉丸既大細係唔同嫁，好香牛味，非常彈牙，推! 醬醃膏蟹，第一次食生蟹，$88 一隻，好大隻好多蟹膏，醃製入味但又唔會遮蓋到蟹既鮮甜 牙籖雞非常好食！外脆內軟，雞肉滑易多汁，好味到停唔到口，最後叫多碟回味😝 小米餃，外皮煙煙un un, 豬肉料，感覺有d似食緊魚皮餃 4個人叫左一煲細既砂鍋粥已經好夠，可以每人食到2碗，只係叫左細膏蟹同鮮蝦做配料，但粥底已經非常鮮甜，蝦一份約6，7隻..啖啖肉，正！  4人同行 食左禁多野先係$642，環境同埋菜色都落足心思，價錢唔貴，值得一試！

潮州人食潮州菜！這次帶爸爸媽媽去潮汕小吃店。旺角店生意很好，門口擺放了幾張桌都坐滿，晚上還有很多人排隊。個個都大讚這裡的手打牛丸，果然没有失望質感較粗糙，吃得出是手打,而且非常彈牙牛丸紮實爽口，肉味突出，湯底清淡加上芹菜更香！第一次吃菜茶，故名思義，是將數種蔬菜加上乾魷魚、蝦米、豬肉、臘腸等配料用骨湯沖泡，再舖上層炒米和花生，便成了這道風味小吃。蔬菜味道較清淡，加入惹味的蝦米及臘腸使層次豐富。要快點吃，要不然炒米會很快變腍。潮汕滷水享盛名，這裡的醬鹵鴨比一般的濃稠得多，顏色亦偏深，醬香特濃。可惜鴨件肉少骨多，切得較碎，影響了口感。這是汕尾市海豐縣的代表小吃之一，有點像迷你粉果，外皮煙煙韌韌，包裹著新鮮豬肉、大地魚乾粉，加入秘製醬汁而成。一口一隻，肉餡帶嚼勁又富肉汁，吃得我們很滋味啊！蘸點蠔油更可提鮮。一行三人點了大的牛雜鍋，湯底非常香濃，原來包含了17種香料，經過十多道工序才煮成，難怪那麼入味！牛腩、牛腸、牛肚等放進牛骨湯底炆煮數小時，入口軟諗，另點蔬菜拼盤($28)便變成火鍋了！這裡的菜式份量不多，多試幾款也没問題。如果想坐得舒服一些可以去新開的荃灣分店，地方闊落得多。

見到好多人都食呢間店， 又見係假期，所以就同Daddy Mammy去試下 店很容易搵，朗豪向旺角街市直行就到，原來係就係潮州，但就唔係打冷，而係潮汕嘢，味道較濃，打開menu就見到……無乜嘢係之前食過的，醬油蟹……no no no!係潮州淹仔蟹，原原來潮州都興㗎喎!但有淹蝦，淹瀨尿蝦!有好多膏，無論蟹蓋同蟹肉都有非常多膏，不過都幾鹹，但都食到個鮮味，唔止有好多膏，啲肉都幾厚身，都係$108（中size),剪好曬，唔使剝殼，方便又抵食巨型手打脆魚蛋外面很脆，脆到似薯片咁脆，裏面似鯪魚球同魚片的混合球，十分惹味豬油渣炒菜心第一次食豬油嘅食品，原來唔難接受，係好似“釣”味咁，將菜嘅鮮味提升左，好得意，啲菜梗兩面都被切左，唔知點解呢？味道幾好，又唔太鹹其餘食嘅味道都很好，爸媽都很滿意，只是坐位狹窄左少許，有點焗促呢！

阿女而家成日帶我去吃好野，又陪我去不同地方行街，早前同阿女去了旺角,阿女話旺角有一間幾好味潮州打冷,我就和阿女去心夜來潮,阿女已經來過。原來不是太難找,就点了3個食品，炒菜又幾好味,用豬油來炒菜又不是太油和味道太咸,手打牛丸味道又幾好,價錢又不貴，服務亦幾好

有日和朋友在旺角行完之後，就在旺角吃飯。決定去上次心夜來潮,覺得幾好味,我同朋友又來吃心夜來潮,這裡價錢又不貴,就点了XO腸粉同炒麵，XO腸粉又不會太辣,十分好味,炒麵亦都幾好味,味道亦不會太咸,服務亦都OK,潮州打冷在香港不是主流,我覺得這裡都幾好味味道:潮州打冷偏咸,我覺得這裡味道比想像中冇咁咸, 腸粉好好味環境:我覺得十分有風味，感覺亦幾好服務:我覺得幾好價錢:我覺得唔貴，平均50元一位,份量又多,十分抵食

心夜來潮 是一間潮州菜館 一進門 立刻感覺和周邊環境形強烈對比，隔壁全是港式餐廳或大排擋，而心餐館則無論是牆壁，枱凳，餐具都刻意採用具中國特色的，適合一家有老有嫩 共享天倫之樂食物方面 先介紹醬鹵鴨， 賣相可以，但醬料略嫌較淡，是比較平庸的一道菜手打牛丸 爽口彈牙， 牛肉迷必食之選牙籤雞，正確來說是一口雞， 一口一件， 賣相平平無奇，原來內有乾坤，鬆脆的外層包裹着帶點微辣雞肉， 味道可口，令人欲罷不能醬醃膏蟹， 新鮮 夠多膏 一碟件量夠兩人享用 喜歡生冷食物的首選小米餃， 外表和一般水餃大同小異 外皮煙韌，內裏肉質鮮美，配上蠔油，夠入味主角 砂鍋粥， 一行四人 點選一鍋小份量已經足夠 配料方面選擇了蝦加蟹，蝦已開邊，方便食用，粥方面 吸收了蝦蟹的鮮味，絕對可以用齒頰留香形容

潮州菜如鹵水鵝、凍蟹我最熟悉不過，不過今次朋友就帶我來嚐這間傳統潮州風味小食 - 心夜來潮。早早在7時前已到達，不過還等候店員開木檯準備晚市，位置在天橋附近，類似大排檔形式，很有港式地道風味。 菜茶 $32 （小）上網翻查知道菜茶是汕尾的傳統食物，汕尾人多在喜慶的節日裡製作菜茶，宴請客人。 由不同種類的蔬菜、蝦米、魷魚乾等食材，翻炒至熟，將炒好的材料放入泡好的茶裡，灑上汕尾特有的「炒米」和花生。味道主要有清菜爽口味道、魷魚煙韌質感、香口的花生，有點似菜飯，味道較淡我很喜歡，不過重口味的朋友就覺得一般。 正宗汕頭手打肉丸 $30新鮮即煎上檯熱騰騰的，外層帶點香脆，相當彈牙可口，令人吃個不停。 醬鹵鴨 $68潮式的鹵水併盤、大腸就沒有了，只有這個選擇。鴨肉醃得很入味腍身，尚算嫩滑中帶點嚼勁。 潮汕砂鍋粥 膏蟹（細）$130 送粥底 （小）來之前已想定點蟹粥，蟹有小、中、大選擇，不過今晚只有小蟹。砂鍋粥即叫叫製，要等約30分鐘。 蟹肉算是鮮甜，而粥底很綿、重味，不過如2人吃份量會有點多。 因為店鋪只有幾張檯，7時多已出現人龍，想吃真的要7時前來到。

潮洲打冷甚少接觸、今日來嗰突破試下潮汕美食。擂茶（＄16）又名‘迎客茶’、‘情誼茶’、‘團結茶’、 相當有意思的名字。一大碗鋪滿了炒熱花生米、芝麻、炒米、香噴噴的焦香、好有嚼口、不過女仕們要小心細小芝麻黏著牙歯不美觀喔！手打肉丸湯（＄30）大小不一絕對手打。肉丸煙煙勒勒、肉味濃郁、芹菜的角色不可少、增添味覺。巨型脆香手打魚蛋（＄32）炸得金黄色澤、外酥內軟、質感彈牙、略有少許‘酥’ 味。豬油渣炒茶心(＄38)小時候經常食豬油撈飯、可惜現代人認為不健康、坊間難求。豬油渣都係經典食物之一、看似肥膩、其實在油炸過程己迫出肥膏、非常甘香可口。菜心亦吸盡豬油、脆綠無比。家常牙籤雞（＄26）非常配合牙籤的名字、只有手指公大小、好萌呀！鬆脆內軟、調味適中、佐酒良伴。潮汕砂鍋膏蟹粥（＄150）嘩！温熱香糯、綿綿口感、味道高雅。蟹肉質鮮美、啖啖肉、滋味！加入葱花、莞茜提升了香味。原來潮汕食物還有好多款式我從末接觸過、今後一定要發掘更多。

記得之前由天橋望落去見到張張枱都有一桶木桶野，覺得好有趣，後來上openrice望望，先知原來係一桶桶砂鍋粥，見到好評如潮，決定一試！潮汕砂鍋粥 $330首先order左粥先,因為menu寫即叫即做，需時較久。我地揀左隻中蟹，鮑魚，蠔仔同乾瑤柱。一吃下去感覺偏咸偏重口味，還算吃到點鮮甜的，可是內裡海鮮吃不到味道...可能是鮮味都跑到粥裡去吧...正宗汕頭手打牛丸 $32牛丸極之彈牙爽口，牛味重，肉汁豐富！小米餃 $20size是一口的，好可愛，粉果般既皮煙un軟糯，裡面是彈牙既豬肉餡，很香很惹味！秘製醬香豬手 $38這款cp值超高，豬手炆得腍身且入味，豬手肥而不膩，秘製醬果然是秘製醬，惹味得令人想一件接一件吃下去！燒手打牛肉餅 $32開頭沒睇清楚menu,還以為係外面是薄薄餅皮，入面是爆汁牛肉餡果種牛肉餅，哈哈！上枱先知，原來是這種呀！手打牛肉餅味道跟牛丸相若，不過就多了份孜然粉味，而且表面燒過，所以頗香口惹味。唔知是否燒太久，口感除了彈牙，亦極有嚼勁..潮汕街頭風味，也值得一試的。

又同Cur去食好野，呢間心夜來潮每次行過上面條天橋，望落去都排長龍，終於今日的起心肝去排隊。個個食家都介紹呢個砂鍋粥，一定要試下，我地嗌左個中蟹，蠔仔，鮑魚，干瑤柱，三百幾蚊，黎到原來好大桶，慘啦好擔心食唔嗮。入面好多料，粥唔算好綿，粥底有海鮮既鮮味，但就咸左啲，真係好大桶，我諗4，5人食都夠，好抵食。小米餃又係多人推介，只係20蚊，發現呢度食物都好平，可以試多幾樣野食。望落似迷李版粉果，食落去外皮係粉果粉，好煙韌，肉係豬肉丸，彈牙多汁。講彈牙，呢味手打牛丸更彈牙，咬落去好爽好彈，仲有汁，牛味香，同平時食果啲急凍律丸絕對兩回事，好正。秘製豬手，炆得好林，夠入味但唔會好咸，如果唔係要食埋個粥，真想嗌碗白飯撈個汁食呀。令人回味，下次必會再點既一味。

路經旺角塘美道，被一餐廳名字吸引:心夜來潮，原來是潮汕小食店，見門口擺放未開的枱椅，就知道客人陣容，見時間尚早不用等位，於是入內一試，店內面積非常細小，裝修佈局簡約型格，叫了份小的招牌牛雜窩，湯汁香濃味鮮，牛雜夠腍滑，不過份量很少，醬鹵鵝掌夠大隻，鹵味濃郁，但肉質稍靭，不過三十八元又算超值，小米餃外皮夠黏靱，肉帶鹹香，才20元值得一試，豬油渣炒菜心，菜很鮮嫰，豬油渣明顯不足，而且做不到油渣香脆効果，有待攺善。

「心夜來潮」- 店名取得非常出色，主打市面上少有的潮洲小菜跟小食，店鋪細細但裝潢尚算別具風格，難怪未夠7點已逾數十人排隊朝聖。 餐牌設計獨特，一些平時少見到的菜式還附有食材簡介，非常細心。一行三人共叫了九碟小食，平均質素甚高，據介紹部分食材由「鄉下」直接入貨，夠哂地道。 綜合餐廳環境、服務態度、價錢和食物品質四大評分準則，推介指數有8.5分（ 10分為滿分)。無得輸 必試三大美食