忠記粥品 (北角道)

Open Now

Now Closed

坐低諗住叫野食，叫唔該 叫左10鐘以上完全冇人理。最怒就係佢地聽到扮聽唔到，個老闆又係咁，員工又係咁！然後我走去對面食魚蛋粉，又唔係得你忠記先有野食，我發誓以後唔會再幫襯忠記粥品

話說之前係對出大街食咗件蘿蔔糕，今日試吓轉行橫街的忠記，兩間舖的蘿蔔糕價錢一樣，但體積真係差一半；忠記係有兩件糕，糕身質地好淋，但都係唔夠熱。食落口有蘿蔔絲，要加埋D醬先有味道；蘿蔔糕唔係好食，但就好抵食，因為大件！

忠記粥品 (北角道)地址: 北角北角道2號地舖這次外賣點的皮蛋瘦肉粥真是超值，份量挺大，味道也不錯，令人感到滿足！🥣👍爽滑腸粉的口感非常好，齋腸的份量也很足，吃起來滑順可口，讓我感到非常開心！🍜😍整個套餐只需$74，真的非常划算，尤其是這麼大份的粥和腸粉，讓我覺得物超所值！💰❤️不過，豆漿的味道稍微淡了一些，感覺像是稀釋過，和其他食物相比有點普通🥛🤔整體來說，這次的外賣體驗還是很愉快的，特別是粥和腸粉的搭配，讓我下次還會再來點！🌟😊如果你喜歡傳統的粥和腸粉，這裡絕對值得一試，性價比高，讓人忍不住想再來！🍽️✨

呢度嘅油炸鬼、炸兩、牛脷酥都好好食但炸兩堂食比較好如果唔係好快淋冇咁好食呢度嘅炸兩好大份如果叫埋粥嘅話兩個人share一份炸兩已經夠而且價錢相對嚟講比較平質量都OK 雖然環境一般但好有舊時粥店嘅風格

我對這家商家的服務感到非常失望和不滿。首先，我在手機上下單後等待了40分鐘，手機上顯示可以取餐，但當我到店裡時，卻發現他們根本還沒開始製作我的餐點，這與原本承諾的10分鐘做好的時間完全不符。這種虛假的資訊讓我感到非常困惑和不滿。更令我感到無法接受的是店員的態度。他們不僅態度極差，還推卸責任。作為一位消費者，我期望得到禮貌和尊重，而不是被嘲笑或侮辱。店員甚至無理地指責我窮，說我吃不起就別吃。這種言辭是完全不應該存在於任何商家和顧客之間的，絕對令人震驚和失望。作為顧客，我對這種不尊重和不負責任的態度感到非常憤怒。我希望商家認真對待這個問題，並採取適當的措施來改善他們的服務品質。他們應該對他們的承諾負責，並確保顧客得到良好的服務體驗。我也希望這個評論能引起其他潛在顧客的注意，讓他們在選擇用餐地點時，考慮到這家商家的不良服務和無禮態度。我相信作為一個消費者，我們應該有權利得到優質的服務，而不是遭受這種不尊重和不負責任的對待。

叫左一粥一炸兩， 食完粥炸兩都未到 ，阿姐又應咗我，跟住眼見隔離左右的枱都有炸兩食，唔通我係唔可以食炸兩😡！ 已經唔係第一次，上次冇出聲，阿姐仲話我點解唔出聲，今次出咗聲都係冇，不如我自己去整埋好唔好！

午餐時間經過有好多人 叫外賣 原來一間良心粥店 價錢大眾化 多樣選擇 豬紅艇仔粥粥底綿綿清淡 炒麵稍乾身但不夠香氣 炸兩大大盒但凍左 蒸蘿蔔糕是最好 有蘿蔔絲夠味道 食到兒時的味道 簡簡單單夠懷舊 樣樣都夠份量 最抵讚是外賣用紙袋裝好 拎回家不會容易倒瀉👍👍今次買左4樣食物 兩公婆真係可以分兩餐食. 臨走看見門口有很多白色貼紙仔在牆上面 是有善心人的捐款收據 是給予店家平時派送免費食物給本區長者街坊👍👍👍那麼有能力的人就要多多幫襯喇🤭😁

天冷冷，最啱食個熱辣辣嘅粥同腸粉，一想食粥，便想起位置北角近春秧街街市嘅忠記粥品，佢D食物水準都好高，好多時都要排隊等睇下個menu揀咗魚片粥$25，牛脷酥$11,爽滑腸粉$14，買外賣回家吃D粥好綿，魚片粥都好新鮮，魚片好鮮味，好好食牛脷酥仲熱，外脆內軟，好鬆化，好味道爽滑腸粉$14，滑溜熱腸粉，不會太油膩，最愛加芝麻，豉油和甜醬一起吃吃完曬，肚仔滿滿超滿足

之前喺炮台山一間不知所云嘅粥舖，食咗一碗湯唔似湯水唔似知水所謂嘅粥之後終於俾我搵到呢間，兩個人坐低首先叫咗一碗粥因為好驚好似上次嗰間咁，但係碗艇仔粥嚟到馬上知道哩間肯定正好多，本來想叫多另外一碗，不過見到有糭同鹹煎餅，所以改變主意，每樣叫咗一份再加一碟炸兩，果然每樣嘢都冇失望，粥身夠綿同埋夠味，腸粉係現拉，糭嘅材料又夠多，兩個人食咗四樣嘢都只不過係$72 絕對係超值，再睇到牆上面嘅海報，原來係一間愛心粥店會定時派粥俾啲長者，呢啲咁有良心嘅店舖一定要多啲支持。

南瓜粟米粥變粟米肉絲粥，唔想食肉要夾硬食，腸胃唔妥唔想食肉，仲超濃薑味，食到反胃。煮錯粥，去到店舖仲話無接訂單。南瓜粟米粥變粟米肉絲粥，個碗底全部都係肉絲，無乜粥

是日立春，一年之計在於春！希望新人年人人都富足！豐衣「粥」食！今日點選了「南瓜魚片粥」及「即蒸雞蛋腸粉」。南瓜大大塊，很淋，用羹把它壓成茸/小片再攪勻，粥的顏色鮮艷多，賣相吸引多了。南瓜鮮甜加上魚片的鮮味，令整碗粥都好好味😋至於鷄蛋腸粉… 在厚厚的腸粉中夾著蛋一起蒸，有特色，但略嫌鷄蛋份量不足以致味道沒有太特出，相信若蛋的比例提升有助整體味道提升。忠記粥品接受愛心捐款，不時安排免費派粥、食品予區內長者，因此要多多支持這些善心小店！

相信港島人對忠記粥品唔陌生，至少我係😆灣仔、銅鑼灣、北角都有唔舒服想食粥就會諗起佢，多過乜乜粥品粥底棉，飯粒開曬花咁，配料又多今次食鹹瘦肉粥同炸兩鹹瘦肉絲啖啖有，食曬啲粥仲有少少係底，真係好足料！食完唔會覺得好多味精要飲水炸兩自己一個食，有啲多，又唔記得落甜麻醬🤦‍♀️🤦‍♀️雖然佢未必係💛店，但都係一間善心嘅店每次經過都見到寫住邊位善長捐幾多碗粥、幾時派真係希望可以更多人加入做善長，更多有需要嘅人受惠

一向鍾意寫出名嘅嘢食會寫，唔出名都寫，新開又寫、舊店鋪都寫總值得閒食就寫。今次哩間粥舖真係冇得頂！服務好、熱情、照顧周到❤️我訂完後發覺想坐底食，佢即刻做比我。熱辣辣，新鮮滾熱辣，見你行埋個位準備坐，佢即刻走嚟抹多次消毒食得好放心。碗粥其實份量好大碗㗎，成人絕對夠食！裏面d料好足添😉

［忠記粥品 (北角道) (北角)］地址：北角北角道2號地舖推薦度（10👍🏻滿）：7👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：7⭐️價錢（10⭐️滿）：8⭐️服務（10⭐️滿）：7⭐️地點（10⭐️滿）：6⭐️皮蛋豬紅粥 （$21）食碗皮蛋豬紅粥，加個油炸鬼外賣做宵夜。臨瞓前暖下肚，又瞓得好啲。😋啲米煮得好綿，開晒花。最重要嘅係唔覺佢有落到味精，食到原本嘅皮蛋味同豬紅味，而且仲有少少薑絲，唔怕啲豬紅話腥。油炸鬼$9/1條，返到屋企焗返熱佢，整到佢一粒粒，放嗰啲粥度👍🏻

最近食得太豐富,個胃有D頂唔順,今日休息一日 走左去食粥店懷舊生滾粥 豬紅肉碎粥 油器一件 炸兩一碟 瘦肉魷魚粥自選配料任搭,滾一滾神仙企不穩油器每日新鮮炸起,食時仍香脆熱辣夠飽肚 食粥一定要加返件先夠飽炸兩上既粉腸皮夠香夠薄有米香,加少少麻醬甜醬已好美味,仲要夠脆口生滾粥最大特點係食材既味道會係猛火下迫出味,粥米開曬花,棉香順滑 瘦肉魷魚料夠多評分7/10消費$80忠記粥品北角北角道2號地舖