手卷屋

Open Now

Now Closed

又再食多次手卷屋，佢地既壽司平民得黎有好食😋免治豬肉棒豬味濃，又嫩滑😝冷麵點少得食冷麵，涼浸浸嘅冷麵，入面有青瓜條同蟹棒同蝦，再配埋麻醬，簡直美味😍😍吉列炸蝦卷即叫即炸炸蝦🍤入口脆卜卜😎上面仲有沙律醬，簡直邪惡🥰🥰軟殼蟹手卷依個係必點👍🏻👍🏻新鮮炸起嘅軟殼蟹🦀食落一啲都唔油膩，仲好好味，佢上面嘅沙律醬仲有啲蟹籽喺入邊添，十分推介😚😚中拖羅食落唔錯，都幾有油甘味，可以一試🤣

🍣手卷屋精選3食便當 $461. 壽司3件、卷物2件，壽司可選全熟/正常2.冷麵/飯3.小食我揀咗正常壽司+招牌醬冷麵+厚燒玉子壽司:三文魚、北寄貝、甜蝦、加洲卷壽司係即叫即做，魚生切得厚身，味道不過不失略嫌壽司醋飯唔夠醋味冷麵加咗大量招牌醬，仲有1條蟹柳+1隻熟蝦招牌醬超惹味!!厚燒玉子玉子中間夾咗少少飯，食落就無咁膩面頭落咗招牌醬，再燒到焦香，招牌醬嘅咸味同玉子嘅甜，勁夾！💯份量算多，一個人食好飽 ，勁抵食，CP 勁高

近排見手卷屋多咗好多便當嘅選擇，咁梗係要嚟試試佢！軟殼蟹便當($52)🦀🍱✨軟殼蟹有半隻，size唔算太大；食落有小小油膉味，而可能佢唔係即叫即炸，所以軟殼蟹都無乜香味~✨帶子群邊以前係大大條，但唔知係咪轉咗來貨，依家細條咗，味道又唔同咗，依家好重芝麻嘅味道，個人覺得以前好食好多…✨壽司質素同以往一樣，都係幾新鮮，味道唔錯！✨黑椒三文魚係我另外加嘅，食落夠晒黑椒香味三文魚熟度剛剛好，表面實、內裡軟，層次味道夠豐富~

睇住手卷屋愈嚟愈大間鋪，由得立食去到而家有埋枱櫈堂食🍱精選3食便當 $46入面有壽司3件、卷物兩件，有得揀熟唔熟，我揀左正常，要左芝麻醬冷麵同埋厚燒玉子，食佢一個便當已經勁飽😋，冷麵上面仲有兩條蟹柳，勁抵食-📍 手卷屋藍田匯景道8號匯景廣場5樓183-187D號舖🕑Mon to Sat 11:30～22:00

OT完好多小店都閂咗，一心想食壽司，就諗住嚟搏下睇下佢仲有冇開…估唔到呢度開到10點都未閂，仲要有得買便當，謝天謝地！🥳🥳即刻叫咗個佢新出嘅鰻魚便當試下~ 鰻魚便當($62) 🍱 🐟 便當62蚊有4件鰻魚同飯、5件壽司同一件小食(玉子燒)，幾抵食~✨鰻魚肥美，肉夠厚，魚皮煙韌，燒汁唔會太濃味，燒得唔會太燶，好食嘅~🥰✨玉子燒一如以往咁香，上面燒香嘅醬汁功不可沒~😋✨壽司有2件加州卷同3件魚生壽司，食落都新鮮嘅，唔會有腥味~壽司飯酸酸地帶壽司醋味，質地剛好唔會太黏~🍣 .手卷屋真係藍田必食小店之一，值得推介~👍🏻👍🏻

匯景竟然有間隱世小店🤩店內雖小，但內有位置可堂食😎😎今次叫左個軟殼蟹手卷填下肚仔🥳🥳軟殼蟹手卷即叫即炸👀炸得好酥脆🤤上面仲有d沙律醬中和左軟殼蟹既油膩感，飯粒粒粒分明，帶點醋香😋😋食到停唔到口😆

最近我食咗呢個軟殼蟹手卷，想推介一下！佢哋嘅軟殼蟹手卷炸得好香，配搭埋沙律醬味道豐富。另外想讚佢哋呢度嘅選擇好多，除咗有唔同嘅手卷仲有壽司添。之前我都食過玉子壽司同埋燒墨魚丸，好有日本風味。小店一定要支持下啦！

基本上所有朋友問呢頭有咩食我都第一時間答呢間🤟🏻CP值高 魚生新鮮 樓上有壽司郎都好同商場另一間強大對手都好佢哋係將簡單嘅嘢做得好以質素黎講我會揀呢間 發揮穩定👍🏻最平嘅魚生飯40幾蚊有一碗 我覺得無咩可以投訴🤣但唔好expect咩堂食裝修啦 主要做外賣🥡便當$50樓下有一盒 可以揀生/熟壽司 仲有小菜三揀一叫厚燒玉子就最抵👍🏻平時單嗌$12 仲要係小店必叫玉子甜度岩岩好又滑 醬汁係招牌！燒完超香🥰討厭玉子壽司嘅我基本只係食呢款手卷亦都唔似出面個啲食咗上面啲魚生 下面齋食飯佢地係食到底都有餸🤓最平靚正係軟殼蟹同辣味三文魚如果只追求飽肚 反卷$20以內4件 抵到傻🤣🤣

呢度嘅軟殼蟹手卷係即叫即炸嘅，雖然等嘅時間耐啲，但係食落軟殼蟹好熱辣辣，超香脆。軟殼蟹上面嘅沙律醬中和左啲油膩感，配埋醋飯一齊食，一啲都唔會覺得漏，食多幾件都仲得！

對於高質素嘅嘢當然要有要求 😛 食咗咁多年，對佢哋各方面嘅表現其實已經係別無所求，只係希望佢哋啲壽司飯仍然能 keep 住啲溫度、食嘅時候仲係暖嘅就 perfect 喇 (呢個係我第一啖食佢哋嘅壽司時最深刻嘅印象) 👍🏻 咁當然，呢個世界上係冇 perfect 嘅，所以佢哋仍然有進步嘅空間 😅💪🏻💪🏻💪🏻🥰

自從第一次嚟手卷屋食完之後就俾佢嘅壽司驚豔左，佢嘅燒壽司上面既醬汁真係冇人打敗得到，mayonnaise又加左小小甜，燒玉子更係無得輸😍😍😍😍😍其他壽司亦都不遜色，花之戀嘅三文魚多到我嚇親，喺其他地方我食甜蝦都會覺得佢有少少猩，但係呢度嘅甜蝦係好食到我每次都要叫❤️仲有另一個加分點就係佢非常平🥳 喺其他地方絕對冇可能叫到咁平咁好食嘅壽司，性價比係超過100分💯不過堂食嘅人要注意佢嘅枱櫈比較少，外賣嘅人居多。

前幾日同朋友去匯景商場行街,發現咗嗰度有間手卷屋,買咗個軟殼蟹手卷試下,香脆嘅紫菜包住手卷,好大嚿軟殼蟹,炸到非常香脆,再加埋特別秘製的青島醬汁,令人想食完再食,簡直係人間美食！

匯景商場成個迷宮咁搵咗好耐🥺，但又趕時間既我打咗去落單先，然後再揾路過去拎。幾經辛苦終於揾到，係比較近匯景平台果邊。燒左口魚壽司 ($12)炙燒左口魚一直都係我心目中炙燒刺身既最愛之一，入口即溶既感覺真係好滿足。厚燒玉子 ($11)玉子中間夾咗壽司飯，連埋沙律醬同芝士，鹹鹹甜甜，燒得又香，呢個好食！6吋三文魚 ($10)大大件，夠新鮮。軟殼蟹手卷 ($20)睇相可以見到啲醬係俾得幾大方，加上軟殼蟹好脆又大件，呢個真係食過返尋味。

呢間由一間好細嘅舖頭，最初只係由3個阿叔打理，到逆市擴充仲請多左人幫手！以前佢會休星期日同星期三，成日放假想食都食唔到，好在宜家佢會做埋星期日😍雖然藍田都有壽司郎，但始終都係想支持小店💛最好食嘅壽司莫過於佢嘅厚燒玉子😍正到喊！以前都唔鍾意食，覺得只係甜蛋，又凍，冇咩好食。但係佢嘅厚燒玉子壽司，完全顛覆咗我對玉子壽司嘅睇法😍😍😍厚燒玉子中間夾住壽司醋飯，加咗招牌醬，再輕輕地燒香，招牌醬同玉子非常夾！😍😍仲要係暖暖地，有啲焦香，招牌醬有少少咸味再加埋玉子燒，一個字，正！😍😍仲有佢個炙燒左口魚邊，魚脂燒得好香😍勁滑勁香，好滿足😍💕💛🥰而家新鋪有埋座位，可以堂食，亦可以外賣🙈

藍田真係可以話係美食沙漠，所以難得搵到間鍾意食既當然要介紹下！呢間我經常幫襯，由佢細細間舖變而家大間左，staff多左我都仲食緊！我例牌一定order 6吋三文魚，赤海蝦同厚燒玉子。可以電話落order之後pick up, 好方便。