拉麵軍團 (Closed)

今日再次幫襯，本來在門外已經決定一試期間限定的忌廉海鮮拉麵，坐低後店員介紹了他們改良了他們的黑蒜油豚骨拉麵，一定要試，結果喜出望外，新湯底有濃濃蒜香外，仲有些微的蒜頭甘味，記憶中有在日本九州麵店的味道😋，只可惜一人只有一個胃，真係想試埋期間限定的忌廉海鮮拉麵

平日2pm 去無人，雖然去拉麵鋪應該食拉麵，但當日想食飯同見d staff推介，所以叫咗個泡菜牛肉飯。泡菜加肥牛加飯，好快搞掂，簡單得黎好開胃，$48 包埋包fuze tea同個沙律，算平，但如果加$轉汽水唔駛咁貴就更好。

星期日同老婆到東大街諗住試下安利魚蛋粉，點知去到人山人海，唯有去第二間啦，見到對面好似新開張，原來係食拉麵既，有位拿拿聲入去啦，間舖地方細細得廿幾個位，牆身擺滿小擺設同清酒都幾有日本特色。拉麵有六款，四款豬骨湯，一款蝦湯，一款雞湯，我揀左地獄拉麵，第一啖緊係試啖湯，食得出好濃既豬骨味，再撈埋個辣肉球，連平時食得辣既我都差d頂唔順，不過又唔會遮晒本身既豬骨味，3塊叉燒肥瘦適中。老婆就揀左店員推介既蝦湯拉麵，話係每日限量供應，一上枱見到三隻好似手掌咁長既原隻大蝦，老婆話個湯好有蝦味，蝦頭入面仲有好多蝦膏添，隻糖心蛋都幾好味，下次要再試埋佢地d小食。

今日落筲箕灣做嘢，收工後走去東大街行一轉睇吓有咩食，可能天氣開始涼啦，想食番啲熱辣辣嘅嘢，經過見到呢間拉麵店 ，裝修幾有特色，於是即管入去試試，店員介紹我食雞湯拉麵，雞湯底配芝士，濃郁香口，的確冇介紹錯，個人推介加炸蒜食，非常香口惹味

今日去咗東大街搵嘢食，之前經過見到已經想試吓，不過上次太多人要等位，老婆大人又話好肚餓唔想等所以冇食到，今日終於有機會試吓，食咗黑蒜油豬骨湯拉麵，豬骨湯底超濃超正，黑蒜油蒜香撲鼻，叉燒肥瘦分佈適中，環境佈置得好有心思，好多日版小玩具，唯獨座位不多，不太好坐同埋未有清酒飲，下次一定要試下伍長-赤海老湯拉麵期待下次再嚟嘅時候已經有酒牌

叉燒不錯，湯底味道還可以，但麵質一般，有點硬豬扒不夠軟化，沒什麼味道很香吃，不太油膩，值得試食新舖開張，人流不算多，幾乎不用等位，舖內空間不算大，大約可以坐20 人，光線充足，感覺幾舒服。

昨晚經過開見佢新開張"拉麵軍團"，個名幾有霸氣，所以決定會一會佢。環境不錯﹑清潔﹑燈光舒適。拉麵有6款，麵名改得幾有心思，可能配合店名"軍團"，所以用軍隊官階命名。我試了最大官階"大將"即辛辣地獄湯拉麵。先試湯底，很濃豬骨味而且飲落"膠膠地"，骨膠都煲埋出來？勁!!!之後溝埋個辛辣球落湯度，另一口味不錯不錯。由於自己有事做未能試其他小食，下次會再去試下Keroro軍曹。