招牌手撕雞 (Moved) New Location

臨近月尾又係要搵頹食過日子今次就黎到呢間專食手撕雞既專門店有原味同麻辣味㨂我就㨂左麻辣味但係麻辣味就無乜辣油就一大堆至於啲雞既份量都算多既夾埋啲青瓜絲木耳等等呢個價錢唔好要求咁多喇都係抵食慳錢之選

招牌手撕雞好抵食！係灣仔附近食lunch成日都好長人龍，一係就好貴。但近日竟然比我搵到呢間又平又好食既手撕雞~ 以後唔洗諗食咩啦~因為現場要等位，所以我最後決定買番office食~就咁手撕雞飯送埋例湯先$28! 好感動我就加左雞腎~佢仲唔覺意撈左d海哲比我~哈！飯量好夠~男仔都會飽~即叫即撈既~可以揀唔同既辣度~我就揀左唔辣~青瓜好fresh! 雞好香麻油味~少少重口味~好好送飯~試左同事既冷麵一啖，好清爽~夏天食好正~下次想試埋個豬手飯啊~

呢間係街市入面既小店，叫得招牌手撕雞當然係食手撕雞，有辣有唔辣，即叫即撈，仲會送個湯俾你(湯好似會轉款)。簡單既青瓜絲同雞肉，感覺清新。無錯，只係28蚊另有咖哩飯等等選擇。

第一次嚟食係因為比佢價錢吸引到 個飯麻麻哋啦 啲手撕雞係凍既 雞肉都唔多 撈左好多青瓜小小云耳 飯都少 而且俾飯我嘅時候啲雞本身係凍嘅+飯只係算暖 為咗分散自己嘅注意力 我決定佢哋將啲雞青瓜同云爾分返開 去睇吓每樣嘅比例有幾多圖入面我淨係食咗幾條青瓜仔。大家睇吓每種食物嘅份量青瓜係最多嘅 雞肉其實剩係得少少 飯都係唔多出去食個飯凍嘅嗰日仲要得十幾度 其實覺得有啲淒涼。。。雖然我係比＄28食個手撕雞飯都唔使俾個凍飯我㗎好慘㗎嘛

星期日想食清淡啲。諗咗好耐… …食沙律啦！咁啱經過呢間手撕雞點，好！就食手撕雞雜菜沙律！呢間鋪頭間隔好簡單。簡單到有伏味咁。先不論「外表」，我嗌左半隻手撕雞之後，店員喺雪櫃攞左一盒出來。我心諗「吓？！雪定㗎？！」。原來雞係首先手撕咗再放入雪櫃。有人客點嘅時候先再撈味粉丶芝麻同埋麻油。本來我都擔心啲味粉會好多味精，但係食落又唔錯喎。味道適中，唔會太咸。啲雞肉煮得啱啱好，幾嫩。值得推介。將一盒手撕雞撈埋沙律菜食，簡直係極品。沙律醬都唔使落。

一嚐灣仔石水渠街呢間手撕雞專門店，小店名字就大大隻三個字「手撕雞」，打正旗號賣招牌手撕雞！第一次吃當然要點手撕雞飯，三種口味唔辣、香辣、麻辣，吃過的朋友都說麻辣最惹味，同時亦是最辣！但老闆相當體貼，提供人性化服務，你可以叫他給你做少辣、中辣等不同程度。我點的是香辣口味，一落單老闆會即場把雞和秘製調味混和，只有即時撈才能保持雞肉的鮮嫩，而且調味不太重，不會掩蓋雞肉的鮮味。還混入青瓜絲，雞肉和青瓜絲比例恰到好處。另附是日中式湯蕃茄薯仔湯，是老闆特別愛心炮製，老闆每天都會說一遍：「今日啲湯特別靚！」老闆是個親民的漢子。除了手撕雞，還有其他款式巴東雞、咖喱雞等。這裡主要是做外賣的，堂食座位也有十數個，就在小店內的窄廊裡，有點擠逼。

灣仔揾平靚正食店越來越困難，一是環境企理寧靜舒服及味道保持水準的貴價食店！一般打工一族都避免少去光顧，一來當然價貴物美！食餐普通飽肚便算，所謂平有平食，尋找一間價錢適中而又味道可口，又份量足夠是我的首選！無意中在灣仔電車路發現有一間窄小位小的手撕雞小店，看來價值合意，賣相不錯，即時去試食，口感新鮮惹味非常，有原味，小辣，大辣加上切條青瓜和芝麻將奇味道帶出滑溜爽口，手撕雞又微辣而帶芝麻油香氣，令人倍感 Refresh ! 有些味精感覺！以這個平民價錢，是值得推介及幫襯！門面局促廹窄，座位數張，外賣都快手快腳，最重當然平，靚，正，令人再來一次！看到照片都精緻美觀，價錢平民化，簡單一碟手撕雞就是最簡單的午飯，說是飽足非常，滿滿而還！招牌手撕雞分原味，香辣，麻辣，（可選微辣，小辣，中辣及大辣），價錢適中，又有巴東牛腩飯供應，小食可選擇: 海蜇，豬耳，雞腳及雞腎，味道豐富鮮美，十分香濃，口味超好，飲酒就是最佳拍檔！招牌手撕雞加青瓜絲味道清爽，芝麻香味令人增添味蕾，口感十足，又嚼口有彈性的雞肉，倍增美味麻而辣，有些汗流浹背，口味正宗而超值！