拾味正宗刀削麵館 (歌賦街) (Closed)

位置都好偏僻，好少人會特登去食刀削麵，餐廳亦同歌賦街其他更出名嘅餐廳爭生意。枱面餐牌有種講唔出嘅黐立感，但未至於唔乾淨。環境衛生比較差，有幾隻烏蠅飛嚟飛去。*豬軟骨熱拌刀削麵 $60熱拌刀削麵冇湯，跟四川擔擔醬，碗底有滷水汁。撈埋一齊食香辣鮮鹹，帶少少麻同蒜香，豆瓣醬味道重，花生芝麻味微乎其微，同我想像中嘅擔擔麵有出入。刀削麵現叫現削，煮足五分鐘，麵條中間熟透，麵質煙韌，每一條都粗幼一致，掛滿醬汁。豬軟骨煮到又軟又入味，唔會過鹹，肉多帶少少脂肪，但軟骨位少，冇乜卡啦卡啦嘅口感有點可惜。麻辣豬軟骨刀削麵 $55湯底係雞肉+豬骨熬煮嘅湯底，甜味來自粟米，味道非常天然，刀削麵麵質比熱拌更韌。豬軟骨麻辣度可揀唔辣小小辣小中大辣，分開上可以分開辣汁同清湯底。熱豆漿(+$6)香濃熱豆漿，唔會甜到張口。

成日去完PMQ睇展覽之後都唔知食咩好今日行下行下嚟到呢間刀削麵鋪都幾包羅萬有除咗麵之外小食同配菜仲幾好味添原來佢地嘅湯底日日即熬有粟米又有薑唔怪得鮮味得嚟唔覺口渴啦我叫咗酸菜湯刀削麵配麻辣豬排同牛栢葉啲麵一啲都唔硬粗幼都啱啱好貶下眼就食曬啦豬扒有油脂嘅地方勁酥香質地一食就知無用鬆肉粉「拿」到過淋原汁原味牛栢葉切咗絲容易咬開，入口彈牙麻辣大腸係全餐飯最正一啲腥味都無仲吸收曬啲蒜辣汁出面好少食到咁嘅質素牛都唔錯夾落唔散啲肉都唔會孩係幾難得食開咗個胃梗係唔會俾佢停啦叫多2個小食先炸餃子充滿肉餡個皮脆到索索聲架醬汁類似千島醬酸酸甜甜愈食愈開胃泡椒鳳爪勁多隻相當抵食有啲辣椒喺面都唔覺得好辣反而仲惹味咗 !下次大家行開PMQ都可以試下wo

拾味於中環歌賦街開設最新的分店，貫徹每日新鮮製作、即叫即削，保持麵條粗幼厚薄相約，均勻又煙韌的口感。嘗試了熱拌刀削麵，拌均淋上的四川擔擔醬，香辣中帶有輕輕甜味，配上炆得入口即化的東坡肉，每一口都是脂肪、瘦肉、擔擔醬和麵條的完美混合，令人越吃越上癮。

今日係中環呢頭做完嘢，時值中秋佳節，未有耐食晚飯，就想搵間麵店平平地食個下午茶啦，平時米線就食得多，見有間好似幾特別嘅刀削麵店（拾味正宗刀削麵館歌賦街分店）就嚟試下啦！見網上食評唔多，應該係新開冇耐，僅有嘅食評又好壞參半，但見價錢平平哋，又有自己鐘意食嘅麻辣菜式，試下都無妨～ 嗌咗個刀削麵底，加兩餸：麻辣金錢肚併麻辣牛展，同埋一杯凍朱古力。講講個麵底先，其實今次係我第一次食刀削麵，啲麵好厚身，都算幾彈牙，湯底清淡，就咁睇以為個份量唔多，點知可能係麵條粗厚嘅緣故，原來係幾多幾飽肚的😝 麻辣金錢肚同埋麻辣牛展有少少辣口，因為本身都算食得辣，如果可以再辣啲會更惹味！！而金錢肚切條大小適中，入口爽脆，所以口感好好。而牛展厚度適中，入口煙韌，啲餸嘅份量都好合理，以中環地段嚟講，$65食到一碗份量足，味道又中規中矩嘅特式粉麵算係咁啦。見有食評話佢啲麵痴住哂一舊舊⋯⋯可能係外賣爭啲，我堂食就冇呢個問題，條條麵都分明，湯底都好多，唔會浸到啲麵乾晒脹哂。題外話，有個幾搞笑嘅小插曲，話說叫咗杯凍朱古力，一飲落口鹹到我懷疑人生，心諗唔通係呢到嘅特色飲料！？但細細啖咁飲多幾啖之後，真係唔掂！可能係落錯咗鹽當糖

原來中環都有拾味既分店刀削麵可以揀湯麵都可以揀拌麵亦都有菜飯同滋味小食可以自選配料～最出名應該係麻辣/口水系列😛.▫麻辣豬扒湯刀削麵 $55好喜歡佢既配料通常都另上唔會浸到落個湯度～～豬扒唔會乾巴巴 已經切佐件上有啲麻辣油同花椒蒜粒 都好夠風味湯麵個湯底本身唔算好濃味好似我鐘意重口味就建議嗌麻辣湯底🤭或者偷啲花椒粒浸湯食 好正😛麵條都好順滑同彈牙煙韌 重點係卦到湯 唔會淡味.▫手撕雞豬頸肉熱拌刀削麵 $70一黎到果陣嚇親 整齊得驚人😂完美的三等分 鋪得好靚🤭醬份量好多 絕對夠拌晒成個麵有多熱拌個醬本身帶點蒜辣 幾惹味麵條比起湯麵來得有筋道很喜歡吃他們家的手撕雞～雞絲嫩口多醬 仲夾雜著很多青瓜絲 吃起來多了種爽脆口感豬頸肉微微燒過 厚薄適中帶點嚼勁都蠻好吃的 .總結，熱拌同湯麵都分別有佢既魅力 我幾喜歡麻辣/口水配料 果然係重口味人士🤭用黎點湯食 辣辣地咁真係好正同埋有青瓜絲食埋好爽口刀削麵都好卦到湯同煙韌覺得唔錯😚 最後梗係要配埋豆漿 完食～

本身好少去港島綫行街，難得出去港島區，就同朋友食埋飯先返屋企，港島區既野都出名貴，不過竟然有間主打刀削麵嘅餐廳，價錢亦唔算貴，佢哋嘅刀削麵係即叫即削，感覺好吸引😍就同朋友入咗去試試-麻辣牛腩上海菜飯 幾鍾意佢地嘅麻辣，唔會剩係得個辣，冇咗麻既味道，牛腩嘅肉質亦都唔硬，上海菜飯食落好香口，真係每一啖都食到菜同菇🥬🍄-上海雲吞刀削麵🍜 雲吞夠曬大粒，麵質夠曬彈牙，厚度適中，而且份量都好多👍🏻👍🏻👍🏻-滷水雞翼🐔 雞翼好入味，滷水汁嘅味道啱啱好，唔會太鹹😋無論食飯定食刀削麵，加$6都可以配一杯凍豆漿或者熱豆漿，唔使驚口渴無野飲☺️要喺港島區搵一間平民化得黎又好食嘅餐廳真係唔易，下次再去試吓佢地既冷拌刀削麵先🥰

呢間之前都想試，見到中環有分店就去咗食佢主打刀削麵，不過都有飯同埋其他小食試咗兩款面同埋一個小食都想有得揀湯麵或者拌麵今次揀咗凍食拌麵配手撕雞佢有青瓜是千島醬、擔擔醬汁同埋粟米粒食落味道好清新，夏天食一流啲醬汁撈埋啲麵食完好開胃，而且唔會好辣加埋粟米粒同埋青瓜絲口感唔錯同埋佢真係超級大碗，而且都幾足料，食到一半已經飽飽地細食嘅可以一碗同人share不過個人覺得佢啲麵有少少太厚咬落有啲韌同硬，比較難咬另外試咗牛腩拉麵，拉麵棉質唔錯本身係麻辣牛腩但係叫咗走麻辣因為屋企人唔係太食得辣幾彈牙，牛腩都幾淋同埋入味滷水雞翼味都唔錯，醃得幾好同埋佢食麵加錢就可以有埋嘢飲都幾抵食整體唔錯，性價比幾高選擇多而且份量超足價錢亦唔會好貴有機會會再試下佢嘅熱拌麵

由於刀削麵製作需時，需要遂條麵慢慢削，所以比較少地方有得食刀削麵。小妹一向鍾意有咬口嘅食物，所以見到刀削麵就😍。🥢溏心蛋木耳刀削麵（配上海水餃🥟）：上海水餃飽滿皮厚，食完感覺好實在。溏心蛋好嫩、帶煙燻味，食落是清甜。🥢上海雲吞刀削麵：雲吞餡是白菜🥬豬肉，餡料重味但唔過咸，是令人懷念的上海風味😋🥢滷水雞翼：雞翼好入味，滷得肉都淋。味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅服務：🔅🔅🔅🔅（5🔅為滿分）

高質麵店！原來上環斜坡上面有間隱世小店！佢哋嘅刀削麵即叫即整😍非常之有口感，每一條都大細不一，可見真係手工之作。因為天氣熱辣辣，所以試咗下佢哋嘅涼拌刀削麵。配菜好豐富🥒有埋青瓜絲，炸醬，同埋花生粒。豬肚絲足料，花生香脆可口，配料豐富添口感🥰而且加埋炸醬，微辣得嚟好香口。我仲試咗吓佢哋嘅鹵香牛展，炆得夠林，中間仲有牛展特有嘅骨膠原，所以食起身好嫩滑，😋我哋仲試咗下佢嘅凍豆漿，甜度微甜，啱啱好，啱我呢一啲關注健康嘅人👍🏻

今日約咗朋友仔放工1齊去食嘢，大家喺港島返工，就揀咗附近呢間刀削麵. 6點9左右，餐廳都唔算多人，已有1-2檯客人入座. 我哋見到隔離枱個麵好大兜，所以叫咗1份推介系列嘅拾味冷刀削麵配牛肉條，1份口水雞，再加1份炸雲吞. 等咗10分鐘左右，冷麵到，我諗正常女仔份量實食得哂. 店員見到我哋2個女仔食1碗麵，主動俾咗2隻碗仔我哋，幾細心. 刀削麵較煙韌、彈牙、配菜豐富，但味道較濃，建議唔濃味嘅客人可以叫小醬. 最驚喜喺牛肉條喺牛展條，好爽口. 口水雞嘅雞身好滑，花生粒都好脆、唔淋身，值得推介. 最後炸雲吞好香口，脆卜卜、好好味. 價錢方面，我哋食咗$170，上環區晚餐嚟講唔算貴，見到有學生優惠，如果大人都有啲優惠就更好. 整體都ok.

二訪呢間刀削麵店，啲麵標榜即叫即削，口感煙靭又有𡁻口。上次食過湯麵，今次試撈麵覺得更出色，因為啲麵巧掛汁呀₍ᐢ. ̫ .ᐢ₎。；涼拌青瓜 $35涼拌青瓜應該係經手拍過嘅？so, pakpakpak!! ^^ 爽口，食落口索索聲，配埋開胃清新嘅酸醋汁，令人胃口大開。；豬軟骨熱拌刀削麵 $60撈勻微辣嘅四川擔擔醬，夾起沾滿醬嘅麵送入口，只覺味道有啲似豆瓣醬，但花生嘅香味略嫌不足，除咗微辣同鹹就無咩層次。豬軟骨非常軟腍入味，份量極多！；手撕雞拾味冷刀削麵 $65配菜有青瓜絲、粟米粒同千島醬，見到都覺得涼浸浸。主角手撕雞絲略嫌乾柴無味，但撈埋啲醬就唔多覺。份量極大碗，比熱拌/湯麵更大 ，我會話份量取勝啦！

.📍拾味正宗刀削麵館 📍香港中環歌賦街43號地舖點了個湯刀削麵配口水雞(58hkd)、豬頸肉和牛腩的兩餸刀削麵(70hkd)，配餐加點檸樂(10hkd)和一粒溫泉蛋(12hkd)😍刀削麵的口感非常有咬勁，湯底是雞和豬骨熬製而成，單喝湯也非常好喝，而且完全不油膩💕重口人士的話我推薦熱拌，甜辣味的擔擔醬讓人一口接一口🥰份量也很多😂我最推薦的是豬頸肉和蛋，豬頸肉外面煎得焦焦脆脆的好好吃😭蛋的醬油是酸酸甜甜的超開胃，流心效果也很明顯😆#foodiblum中式

港島區黎講竟呢間餐廳真係好平，價錢同新界同九龍區差唔多黎到無乜人堂食 但就見職員做外賣做到唔停手今日返工太辛苦好肚餓 要食多啲野黎獎勵自己帶埋女朋友一齊黎食 揀左四個小食 一飯一麵溫泉蛋比較似溏心蛋 質感介乎溏心蛋同溫泉蛋 加埋醬汁味道唔錯郊外油菜不過不失正常水準素食春卷上海菜飯 豆漿貼心地有素食選擇 仲要有六件春卷咁多 炸得香脆 餡料味道ok ，豆漿同平時係粥舖飲個啲好似，豆味濃東坡肉熱拌刀削麵 估佢唔到仲大碗過餐牌圖 東坡肉超大舊 煮得夠淋夠入味 麵質彈牙酥炸雲吞餡超多 脆卜卜 點埋醬食超惹味涼拌青瓜味道香 如果再加少少醋味道應該會仲正

今日經過上環個頭，肚餓想食麵，見到間刀削麵就入去試下。入到去空間唔大，都有兩部冷氣，幾夠涼。我地嗌咗個醉雞同蒜泥牛展刀削麵，跟餐+$6就有豆漿跟，冷熱都得。醉雞好入味，咬落去口入面充滿住陣陣酒香，有雞髀雞翼，碟細細但都幾大份，雞肉又夠滑。蒜泥係生蒜磨碎而成，食落口都幾辣下，仲帶少少酸味。牛展就好夠腍，醬汁都好入味!主角刀削麵係全人手工製，每一條嘅長闊厚薄都唔一樣。口感唔錯，食落口夠滑捋捋，麵嘅邊邊夠薄。

如果想食正宗嘅刀削麵，喺中環嘅歌賦街都有一間平民價錢嘅高質選項。口水肥牛｜上海水餃｜刀削麵（$68）呢度嘅刀削麵麵底比較硬身，有正宗上海風味，質素其實幾好，不過可能香港市面上太多煮得比較淋嘅刀削麵，所以呢度相對正宗嘅煮法反而會有水土不服嘅情況，都幾可惜。口水肥牛辣度啱啱好，口水汁好香辣，好正。而水餃大大粒，每隻都好多餡，非常滿足。口水手撕雞｜上海雲吞｜刀削麵（ $68 ）口水手撕雞嘅份量比想像中更多，直頭有一座小山咁多，口水汁嘅味道好惹人，而上海雲吞都係好大粒，同水餃一樣咁正。豆漿豆漿香香甜甜，飲洛口口感非常順滑，冰冰涼涼喺呢啲天氣飲好舒服。