新天地美食

Open Now

Now Closed

Read about this shop a while ago. The article had full coverage of their ...drum roll... chicken feet soup. Made a special stop-by here before grabbing a Korean bite on Kimberly Street in TST to try THE soup. B and I were taken aback by the scene when we arrived at the shop. Whilst the shopfront clearly makes it a restaurant, it feels more like a hawker stall aka dai pai dong, and therefore the associating hygiene condition. Walked in, almost slipped on the slippery floor and tripped over the ba

抱住一個好興奮既心態去試試呢間冇負評既好店， 去到既時候冇位，所以等左一陣就可以入座， 因為冇細枱，所以坐左一張大圓枱，我並不知道姐姐係真係咁忙，加上一面唔休做既死款，佢講，枱我唔會汁架喇，我推開佢你地食住先，都尚可接受， 到叫野既時候並不知道伯伯係真係咁忙定扮傻，叫左2個湯，佢都係唔拎比我地，到第3次提佢先記得，好啦， 到湯到既時間，姐姐一雙油林林圍黑邊既手指公直插碗邊送到我地面前，講真，真係好惡頂，我唔要求好服務，好衛生，但都唔好咁啦好冇，我點左個咸菜豬肚湯，入面既豬肚好好食，但胡椒味太濃，近乎辣喉嚨，只怪自己食唔得好辣，ok既， 再點了半打煎餃子，黎到同平時食既餃子冇分別，咬落去入面，隻隻料都唔同，有多菜小肉，多菜冇肉，菜+白飯魚仔，我都唔知自己食緊乜，再望望四圍環境，雪櫃，地下，全部衛生程度極惡劣，真係唔知自己食左咩落口，所以，我決定左唔會再試，期待衛生有良好改善，祝生意興隆

深宵老火湯晚上放工除了糖水外又多一選擇🙆金巴利道的盡頭就正是李家再走前一點點(如果你有吃過這家韓國炸雞店就很易找了!!)6pm -6am的營業時間滿足一眾夜鬼😄這次點了幾款食物，當然要試試小店招牌老火楜椒雞腳湯🐔(HKD $28) 喝下去喉嚨炙熱的辣辣的，湯水中混著很多湯料，雞腳煮到半溶狀態，最新奇的是有冬菇😮有些客人會叫多冬菇，想不到都成為主角了😂如果雞腳可以去了指甲感覺會開胃很多，而且有點太油了。一碗湯已經有五，六隻雞腳，其實都算抵食，不過我沒有很愛吃雞腳，下次可以試試豬肚湯😋老爺爺讓我想起爺爺了，而且好像也是客家人，下次再去的話再跟他聊聊😬 令我最回味的其實是餃子😋咬落去既口感有別平時出面食既，餃子皮帶少少煙un,即使非常薄都唔易爛，裏面既九菜好香，而且混住白菜(?)有脆的口感。半打HKD$30 一打HKD$50菜單上原為煎餃，但這次因為喉嚨不適，老闆娘提議不如轉蒸餃👍👍雖然老火湯是招牌，但這蒸餃更得我歡心😆😆😆三絲炒米👀真在苦惱點邊個炒粉麵又見到隔離點呢個，唔想要辣就無點星洲。三絲有午餐肉 火腿 洋蔥 不過這個真係一般般🙊忘了價錢，HKD40左右。

近來有一首歌，叫新天地，Eric Kwok 作曲，黃偉文填詞，許志安主唱。唱的是兩個人在熱情過後的細水長流。新天地就是我們每天經歷的小確幸，兩個人要幸福，需要的是努力經營，是心血，磨合和耐性。很喜歡這首歌，有意思，這幾天不斷Looping。近來有間餐廳，叫新天地，主打喝靚湯食小菜，一次睇報紙的時候無意中介紹，是夜遊人勝地，因為佢開夜晚六點，收零晨六點，聽說很多在老尖喜愛夜蒲的朋友都到過這裡朝聖，當然是帶著五分的醉意，十分的酒意來到，聽說來到喝一碗老火湯就會立刻醒過來，有用過酒筲箕。從前細過喝酒都沒有聽過這裡，於是放在口袋，決定找天來到發掘新天地。我想吃過李家炸雞的潮人們，你們一定見過這間位於斜對面的餐廳，坦言門口不起眼，不過對面有間遠近馳明的小甜谷，如果你都幫襯過這兩間於金巴利道角落的餐廳，你準會知道這位於尖沙咀的新天地。今晚，我喝完一杯酒，和為食的食友來到這裡朝聖。來到門口，雖然時間尚早只是八點，不過都坐得滿滿的。每個人都喝著一口老火湯，吃著有鑊氣的小炒。毫不客氣，我地坐低後便立刻叫了兩碗老火湯加一個豉油皇炒麵。"愛到永遠好比打點一個店。過去縱有很多資本翻了百遍 今天都要再點算 "

廣東人一向都主張來個老火湯。聞說，想吃夜宵，有一老火湯店營業至凌晨。長期缺乏湯水的人有興趣至極。招牌雞腳湯懷疑太多黑椒，所以整碗湯都被黑椒的辣味掩蓋。未能嚐到雞腳湯的真味。一碗黑椒濃湯而已。雞腳肉已稔，一咬皮及骨容易分開，煲良久才有這效果。胡椒豬肚湯胡椒味不重適中，豬肚看似清潔，沒有潺，爽口。但湯較淡口。老火湯這類，花的時間較多，所以有地方偶爾喝喝這種現煮飲的中式湯也不錯。

如果吾係甘啱經過附近酒巴係吾會知道有一間甘細既食鋪有老火湯食,我地點左雞腳湯,白菜豬肺湯一碗吾多吾少做宵夜剛好,飲得出冇味精,而且老火湯煲左好耐,材料都十分入味.尤其係雞腳湯, 有瘦肉,雞腳,冬菇,好清甜,全部材料都煮到十分林而且價錢平,正!

平常來新天地美食都係飲佢地既雞腳湯/豬肚湯，都係招牌野，好好飲。今日見餓所以叫左炒麵($35),叫左少油。鑊氣幾好，只有銀芽沒有肉絲，係尖沙咀食宵夜也不失為好選擇。

喺尖沙咀飲完酒又想食宵夜, 通常會黎呢度, 老舊既店面, 得三張圓枱, 由一對老夫婦主理, 第一次黎到個感覺好似去左隱世飯堂咁呢度呀姐亦好好口, 靚仔前靚仔後咁呢度出名老火湯, 有幾款湯選擇, 而我通常只飲胡椒豬肚湯, 胡椒味夠, 豬肚份量多, 好多人酒後都黎飲番碗, 話貪佢會醒酒, 第二朝唔會頭痛鍾意胡椒豬肚湯既朋友一定要試下唔鍾意豬肚既都有其他選擇, 呢個雞腳湯都係材料十足, 都有胡椒味, 好多雞腳之餘膠質好重, 感覺好補身仲有蕃茄薯仔湯等等照顧一D唔食內臟雞腳既客人, 淨飲唔夠飽既, 通常都會炒碟粉SHARE, 呢度D炒粉麵都係水準之上, 夠鑊氣呢度既自包煎餃子都有驚喜, 皮簿多料, 配埋豆瓣醬一流~

時日晚餐後特去試下有名老火湯有朋友接受唔到內臟和雞腳(口口聲說自已乜湯都飲XDDD)所以此高人點了蕃茄薯仔湯飲另一高人試了花生雞腳湯我自已就試了糊椒粒鹹菜豬肚湯來了每碗都有足夠份量材料絕不是馬虎的快餐店的老火湯糊椒味不算重, 但也有點辣.老人家說肚子沒風就會覺得辣豬肚沒有臭味. 相信都是加工好的制成品我個人覺得湯不是很濃. 但也盡顯出表身的味道.我自已是很愛飲湯水的人, 所以下次會試下雞腳湯, 菜干猪肺汤

週末跟三五知己暢飲，酒後通常都會囗痕痕，但當滿肚子都是酒精的時候，要吃下一份茶記早餐實在會頂上心囗。站在街上一陣涼意吹過，靈機一觸想到這間由老夫婦經營的隱世小店。 甫衝進店內坐下，即高聲嚷著要碗雞腳湯，初次光臨的友人看著餐牌遲遲仍未能作決定，便向他推介這裡的招牌雞腳湯，可惜友人帶著酒後的叛逆，死也嚷著要胡椒豬肚湯，好！那就讓他試試吧！胡椒豬肚湯 $27 「咳咳咳！怎麼會這麼辣？」這是友人初嚐胡椒豬肚湯後的反應。我禁不住拿了他的湯來試一口，發現胡椒味的確非常重，辣得喉嚨頓時乾涸，刺激得冒了汗，還感到血液加速運行，酒精直上頭頂，有點暈眩感覺，除非你能吃辣，否則酒後絕對不建議喝這個湯。不過，論湯料還是值得一讚，豬肚有嚼勁，鮮甜美味，咸菜也夠爽脆，而且湯料足得浮過湯面。 招牌雞腳湯 $27 湯料如上述一樣，多得差點湧出來，小小的碗竟能盛著六、七隻雞腳，還要加上兩片大冬菇。雞腳煲得很軟稔卻不會散開至骨肉分離，冬菇也熬至很軟身。湯有著清甜的雞味和淡淡的胡椒味。大量雞腳提供了豐富的骨膠原，故湯的質感亦有少許黏稠，口裡有一點點“漿住”的感覺，喝下去舒服自然，很滿足。骨膠原對皮膚相當好這點，相信很多人都

深夜同朋友飲飽食罪之後，而又飲多咗酒，最好介紹大家去食碗「招牌雞腳湯」包你成個人醒哂舒服哂，個湯是真材實料有雞腳同冬菇，味濃又起哂膠，好重糊椒味，冬天飲更加適合，另外推介花螺好鮮甜和夠大。

其實我係一個湯精，所有湯我都好鍾意飲。呢度係男朋友帶我黎架，佢地嘅招牌雞腳湯真係無得頂，好足料好入味，又唔知點解一D都唔水流流，好似連D精華都煲哂出黎咁，而且一碗湯有五六隻雞腳，好有骨膠元嘅感覺，正！不過碗湯就小左D，而且飲完好似沖完涼咁，所以我覺得冬天黎幫襯最好^^

湯水這2個字, 從來在我們華人眼中, 在飲食界都佔著舉足輕重的地位.先不說個別具藥療效用的, 單是基本的去濕湯, 濕補湯等巳多達數百種, 講究之高相信無其他國家能及.不過現在社會發達, 都市人都十分忙碌, 要花上3,4小時煲個湯基本上少之又少.所以近年亦出現了不少湯水專門店為大家提供不同療效的湯, 不過收費當然亦較高.今天經友人介紹, 又來到這家小店, 為大家介紹幾款平日你不會花時間煲的湯這家店位於尖沙咀金巴利道, 平日只做夜市生意, 每到晚上6時才開鋪一直營業到早上6時. 店鋪是由一對上了年紀的老夫婦打理的, 看店主伯伯不時在店外跟旁邊店的人在聊天, 老婆婆坐在店內一時跟我們搭下訕, 一時又在打瞌睡, 狀甚悠閒.由於位置不顯眼, 所以光顧的食客也不多. 店內小小只有2,3張桌子, 地方不算十分整潔.除了有幾款老火湯之外, 還有不少小炒及串燒等小吃.不過我們剛吃完晚飯就沒肚吃了, 湯水倒是點了幾款試試菜干豬肺湯 (HKD$24)菜乾豬肺湯止咳又潤肺, 功效非常顯著, 不過是道非常花功夫的湯.這裡的湯料非常多, 菜乾煲得十分軟身沒有渣, 我個人非常喜歡吃湯水內的菜渣, 貪其又軟身又入味.

一細碗內有7隻雞腳，湯膠質很重，重胡椒味，味道不錯。其實都好漏，女仔食一碗都夠飽。仲有其它湯好似胡椒豬肚湯，菜乾豬肺湯，仲有一種唔記得。老闆仲推介餃子，但實在太滯食唔到lou。

是一所全不起眼的食店，拉了唔太來這所不太整潔的食店，也全為了它的湯水。當然喝湯是不可以當正餐的，就另外點些東西吃，此店賣的食物也真多，除了蒸飯、碟頭飯外，就連串燒及麻辣也有，真的是有點不可思議，但最後本人選擇吃一個小菜，另外就吃一個炒粉麵，相信是一定夠吃的了。先來介紹此店的招牌雞腳湯，一個飯碗的湯收廿五元，看來真的頗貴，但看見那個碗迫滿了雞腳，也有不少的冬菇及胡椒，湯身喝起來有膠質的感覺，雞腳的骨膠源盡在此湯中，入口又夠潤及香甜肉味，當中帶有微弱的菇香，當中滲出連綿不斷的胡椒辛香，雖然看來配搭有點奇怪，但就真的是真材實料，湯老火濃香得不得了。也另外跟餐送上例湯，但誠然例湯的水準也不賴，這一碗是青紅蘿蔔豬展湯，入口非常之清甜，而一點也不油膩，碗中每口也是清甜的青紅蘿蔔味，及點點的豬肉香，令人喝得很是舒服，雖然比起招牌老火煲的湯是會被比下去，但其實真的已經比外邊不少燒味店及茶記的例水，要好上不知多少倍了。炒粉麵要了豉椒排骨炒米，店家說不夠排骨，所以下了一點肉片代替，但其實個人認為都真的不算太少排骨了吧，這碟炒米始終是即炒貨，炒得頗具鑊氣及乾身，乾身中其實每條米粉都掛上了均勻的醬油，着色均勻