新拱照車仔麵

Open Now

Now Closed

經過譚臣道眼見車仔麵檔比較少人，見到有大什會$41小什會$35，價錢便宜，大膽一試。貢丸蘿蔔生菜米粉：份量足，味道不過不失，咖哩汁唔辣，普普通通。汽水加$8

本以為車仔麵吾會好得去邊，點知食過先知係好野黎，入面既男侍應好好，好有禮貌，仲會幫你開門，又會講拜拜，服務超快速，岩晒啲乜都趕既都市人，之前食雞翼尖仲會俾埋張紙仔你裝骨，好少有餐廳咁好服務，不過之前吾知原來啲咖哩汁咁辣，試過一次辣到出汗，之後就醒目叫少辣咖哩汁，食物都係同普通車仔面舖一樣，吾好要求太多，小舖做到咁已經好好

香港地少人多 , 一到 lunch time , 所有既茶餐廳/餐廳都好多人。我地係灣仔溫嚟溫去都只係見到呢間車仔麵咁多人 , 諗住咁多人嚟呢到食 , 就諗住一定好好食 , 但惡夢就開始發生！！裡面唔算大 , 都唔算細 , 只係個廚房都佔咗三分一 , 卑客人坐既位都唔多 , 有9-10張枱。我同朋友(共3個)係阿姐既指導下 , 座左第6張 , 阿姐好似好趕咁 , 得意企係你(客人)附近。心想 : 阿姐 , 我想有d私人空間去点嘢食呀 , 總之 , 一句講曬 , 態度差、服務差！！講下d食物 , 叫左1份雞腳、1份豬紅、1份蘿白&1杯凍0茶。雞腳 , 好細隻 , 豬紅 ,散曬 , 蘿白 , 有渣。總之一句講曬 , 難食！！！

12:00午飯時間到，灣仔區一向人多車多，經過譚臣道發現一間車仔麵，$30有3送1麵，另加汽水$8，還有大什會同小什會選擇，我點了油菜冬菇豬紅米線加腩汁，可樂，盛惠$38。大大碗，冬菇有我個拳頭甘大，味道亦可，價錢十分相宜，打工仔午餐之選

進去的時候態度還可以， 一張4人小圓枱安排6人就座， 外套及公事包要抱著， 如果是背囊你可以不用進來了，你最好一早想清楚要吃什麼，因為阿姐會站著等你寫食物紙。食物很快到，味道不錯，吃完非常渴，可能下了味精。阿姐態度超級差， 如果唔係加單有幫襯，你都唔使旨意同佢傾到一句， 佢老細真係慘，請著啲咁嘅阿姐幫手趕客。

有無係灣仔返工既朋友仔鍾意食車仔麵？🙋🏻我係fans黎架！都有成38樣餸任君選擇！我最愛記內臓都有不少！價錢都夠大眾化。📝呢碗三餸米線都係$30咋！幾好食！大腸夠彈牙，雞腎都夠入味，係有少少硬硬地！豬紅都唔錯！😋7.5/10📍新拱照車仔麵 (灣仔) 灣仔譚臣道101號📍

朋友話有間無味精例湯，要介紹我我，於是行左好多路黎到一條有排檔的街，店外勁多人輪候，我們2個人等左半個鐘終於有得食，午餐分量好大份，現在食咩都縮水，呢間一黎個例湯，成個中湯碗size,等於平時2倍，而且超熱的，今日係年藕煲豬骨，有蠔豉一齊煲，飲一啖，無味精唔咸，真材實料！我們分別叫左沙薑雞同咸魚肉餅，個咸魚好大片，肉餅夠厚，咬落有彈牙位，半肥瘦豬肉自己打碎，不是攪拌機攪碎的，粒粒大小不一有咬口，可惜不是同飯一齊蒸，不過就大大碗白飯分開上，服務員仲問我們碟上定碗上，我想如果係男士可能碟上飯多d,我們當然選碗啦，沙薑雞，好滑幾大碟，個雞汁好正，我忍唔住要撈飯食，真的係一間不錯餐廳，同桌要搭位，好多人食車仔麵，有機會我都想試。飯餐包一杯熱飲，轉例湯加$4， 仲有轉燉湯加$20。價錢公道！

食物固然重要，質量口味和服務態度都是考慮之列，個大媽侍應苦口苦面迎客人，雖然食平價車仔麵，但不是貼錢買惡相，所以做極都無起色，可能其鋪位只得八張圓枱，始終都係客人，畀錢食野，要食得輕鬆自在！叫碗小雜麵，食材算新鮮，但都是味精湯底，有豬紅，豬皮，蘿蔔，豬腸，紅腸,魚蛋各樣，既鮮且咸，快食即走，是灣仔中的速食店，是不錯的選擇！

自從嘗過這間車仔麵之後相信我最喜歡的車仔麵不用置疑地一定是它因為一來價錢公道 3餸1麵只要$29難怪每天來到都要等5-10分鐘而且重點是車仔麵竟然可以唔油膩每樣餸都食得出店家的用心用心地去處理食材就像家的味道 小清新的感覺今次已經係我第3次光顧今次聽同事推介點了冬菇 蘿蔔 魚餃蘿蔔同冬菇大推蘿蔔甜 無渣 煮得夠耐冬菇入味 大隻魚餃立刻比比下去口味比一般車仔麵清淡但如果想食濃點可以免費加腩汁或咖哩汁如果想加飲品 要加$8如果早上或下午茶時段 3餸1麵加可樂只是$33這一定是識悉這區的打工仔才會知道的隱藏平民美食

今日我同同事 12:35 下午經過新拱照車仔麵諗住食碗麵再去開會，所以大家都有一個背包，我地依中年女侍應的話，放了背包在坐位後的圓椅，我同同事一人放了一角，準備寫嘢食，點知果位中年女侍應以粗怒的態度，在我同同事身邊怒目説: "我今日心情好，我今日心情好，唔係就！！"   意思是我們的背包阻她做生意。我地黎食碗麵姐，以咁情况，我同同事當然起身走人，點知里位中年女侍應仍以悪行繼續行出門以悪態大聲講了幾聲 拜拜！  今時今日咁嘅服務態度，點做餐廳！？

去完第一日貿發局舉辦嘅展覽會，肚唔餓，但飲完酒好想食野嘅感覺異常強烈，決定食啲野先返歸。最後行下行下，行左入一間叫新拱照嘅車仔麵。坐底，見倒有大雜麵同細雜麵，叫個大雜麵！仲問左侍應加份牛腩要幾錢？點知佢話冇牛腩，牛腩汁係車仔麵嘅重要主角，竟然冇牛腩！加左咖喱汁。面嚟喇！有八樣餸，牛肚、魚蛋、蘿蔔、豬皮、豬大腸、紅腸、豬紅、菜，食下餸先，豬皮、牛肚、大肚及蘿白全部入味喎，至於其他餸係現成野，冇特別，再睇下啲麵，足有兩大個，份量好多！本來食得好地地嘅時侯，覺得唔係好夠咖喱汁，叫阿姐幫我加多啲，點知就係咁瀨左野！加完食左兩啖已經覺得好辣，叫多杯凍華田嚟解辣，點知真係辣得滯，飲完杯野都未食哂碗麵，唯有食哂啲餸，剩底三份一碗麵唔食。總結: 啲餸唔錯，但我喺廣東人嚟計都算食得辣，都俾佢考起，佢個汁真係.......

呢晚同老友去灣仔睇舞台劇前搵食，想食粉麵但要平Ｄ嘅，係譚臣道行下見到嘅都較貴，直到見到新拱照出面張餐牌，都算抵食喎，車仔麵都好啦，還惦好耐冇食過，入去啦！裡面好大坐位竟然擺放得好寬闊，只有幾張大圓枱，成個樓面只見一位睇落較年輕嘅男子落單、上菜一手包辦，動作好快手。車仔面菜單只有一張單面供選擇，不過已經夠多野揀喇，更是$26有三餸一麵，行來行去最抵呢間，我地好快就點單，食物也好快上枱喇。下次要再來灣仔搵仔，呢間都可以再來吖~以下係我地點嘅：① 三餸一麵： 蘿白、豬肚、牛栢葉配米粉 ($26)② 三餸一麵： 牛肚、五香肉丁、紅腸配米粉加腩汁 ($26)Total = $52蘿白、豬肚、牛栢葉配米粉：蘿白份量多又腍入味又唔渣；豬肚都幾腍唔腥；牛栢葉唔韌質地算爽，好食，米粉正常，份量好飽。牛肚、五香肉丁、紅腸配米粉：又估唔到有咁多五香肉丁，而家四一罐都好貴嘛；牛肚唔韌夠腍好入味，正；紅腸切得幾大塊，貨色ＯＫ；腩汁都好味。 

又是個晨早到灣仔「蒲」的日子，見時候尚早，一於先食個早餐才再起行。今次轉轉口味，晨早來個車仔麵早餐。這兒的早餐「三餸一麵」加冷或熱飲，盛惠 $30，以灣仔價來說，不特別便宜，但合理。選了最喜歡的粗麵和豬扒、冬菇、時菜三餸。粗麵麵質一般，豬扒切得整整齊齊長長的一件，不算好味，但味道尚可，時菜是白菜仔，都有不少，感覺較為健康。最讚的是兩大一小的冬菇，夠腍而且入味，是這車仔麵的亮點。飲品叫來不常喝的凍鴛鴦，咖啡味和奶茶平衡得較好，味道適中，不太甜，令人滿意。吃得港式或西式早餐多，偶然來個車仔麵早餐都不錯。

酒展的日子, 相信酒行業什沒有人不說累, 早上還回到自己的辦公室處理文件電節, 整理之前一日的消息與資料, 工作三兩小時又回到了會場附近。才早上十一時多, 倒不如先吃個Bunch, 然後在內一鼓作氣吧!! 人轉入譚臣道, 第一時間讓我想起的老店是悅香雞, 而再想想的餐廳有吃齋菜的麗姐廚房。然而這家新拱照已見過很多次, 但還沒有衝動入去的樣子。但既然要求飽肚, 何不試試呢? 入內見牆上貼上雜錦車仔麵, 就來一個吧!點的只是一個小雜錦麵, 索價HK$32。內裡包含紅腸, 豬腸, 豬紅, 豬皮, 牛肚, 魚蛋, 蘿蔔及青菜。麵底要了一個油麵 (心中總是想著要吃車仔麵還是要以油麵作底), 店員還問我是否要加腩汁及咖喱汁, 結果兩樣都要。不多久, 雜錦麵上桌。看著那個鋪在表面的咖喱汁吸引, 然後慢慢將其分散湯中, 加上腩汁惹味, 一口濃香。油麵一如所料的有其爽口彈性, 粗條而有其口中質感。配料上反而有點參差, 魚蛋也許有不錯彈勻, 咬口也佳; 蘿蔔腍淋糯口無渣, 一口清脆; 青菜是用上白菜仔, 質感爽, 與湯同吃尚可; 紅腸不過不失, 口感太淋, 相信是泡得太耐; 豬紅表現極差, 整體只能用上一

今日去灣仔，講真太耐冇過海真係唔知有乜好食。我就行下睇下搵下，見到有車仔麵，好奇望下餐牌⋯小什面丶大什面丶午餐⋯都好似幾好，於是就試這間。車仔餸款式好多，小什面對我來說比較多所以我揀$26三餸面加$8凍0茶，我揀左腐卷丶芝士腸丶豬紅配幼面要咖哩汁。凍0茶茶味夠又有4片0檸檬，但茶唔夠凍，扣分。碗面黎喇，一睇⋯平平冇奇，面上面冇一pat咖哩醬，我撈勻先食第一啖，辣辣辣！好辣！但一d咖哩味都冇，只有辣椒油的辣味。食一啖面，wooo好味，面質好，出奇地好好，面條不會死實實既硬身，係軟而不淋。腐卷好食彈牙，芝士腸都有水準，豬紅爽，3款餸全部合格。