新昌士多

Open Now

Now Closed

同女朋友去東坪洲行下走過哩間牌檔就記得係網上見人推過海膽炒飯唔係後製 係新鮮捉返嚟生勾勾咁開嚟煮上菜個時 炒飯嘅香一嘢吸哂 覺得好香海膽好綿 炒完仲有浸海水味軟綿綿 口感細滑帶少許淡淡嘅甘甜香而炒飯都至少大酒樓級別久經歷練嘅廚師級水準少飯炒到成個飯都有陣陣油香而飯又炒到粒粒都分明 唔糊唔黏（隔夜飯基本嘢）仲有啲粟米細同小配料增加飽肚感係幾好嘅整體嚟講 一試無妨但始終 我個人感覺試完下次嚟唔再食可以食其他 因為太奢侈

新昌士多係東平洲名物, 姐姐們親切友善, 而且野食真係有一手, 凍飲材料足, 小炒堅好味 !推介佢個椒鹽鮮魷 同 腐皮卷, 真係會令人搶住食 !士多可以提供淡水沖身, 最適合游完水浮完潛洗一洗, 尤其我地仲會係島上住多一晚 ~我們還點了餐蛋麵（$33）、鹵水雞脾（$24）及豉椒炒蜆（$72），價錢合理，味道也不差。老闆們都很熱情好客 人真的好好呢!所有炒粉麵飯 海膽炒飯 大大杯特飲新鮮煮螺煮蜆 自家製豆腐花及涼茶至今仍令人回味!

早起身搭船入東平洲，野都未食，黎到梗係快啲開餐先啦附近都有幾間餐廳仔，不過就揀咗呢間叫咗個最平民既炒飯同炒麵，炒麵比想像中好，炒到脆口😋炒飯就相對比較普通，唔夠乾身，唔係用隔夜飯炒，不過料都多嘅，同埋係用新鮮菠蘿，唔係罐頭菠蘿菠蘿檸檬夠fresh, 菠蘿都係用新鮮菠蘿😋不過超級多冰，督個檸檬要小心d

疫情下屈左半年、腳痕痕要出動舒展一下、咁好天一於遠離塵囂去郊遊就揀東坪洲。島上有幾間餐廳、但見openrice多人介紹呢間就坐低試下環境鄉村風情但炎炎夏日、店內無冷氣真係⋯⋯但每張枱都有風扇、好過無啦服務相信是家庭式餐廳、所有員工都好親切、介紹食物時唔會亂推介、好老實、讚食物行左成個島、應該要補充體力、但實在太熱、咩胃口都無⋯⋯-波蘿檸檬冰：全靠呢杯菠蘿冰、好清新、夠冰凍、巧消暑所有胃口返晒黎-海鮮炒飯：巧大碟、兩個人好夠食、夠鑊氣但唔油、d飯一粒粒足料、唔錯-海螺：阿姐介紹、講完唔記得係咁螺、食落應該係兩款撈埋、好清甜-豆腐花：濃濃豆香好好味、估計自家出品、推介價錢大眾化、除左上面食物仲有其他飲品、加埋先$18x（2人）抵食仲有好想試其他食物、但真係太熱太大碟食唔晒、所以決定下次黎浮潛、再黎勢襯

來東平州除咗因為風景靚之外就係睇到呢度嘅美食。所以就來一試。叫左海膽。炸魷魚鬚。回鍋肉炒烏冬。豉油王炒麵。白灼螺 朋友特登想食滷水雞髀面但係今日冇雞髀。失望。另外叫咗一碗肉丁麵一碗腸蛋麵一行4人。。海胆ok。烏冬不推介。味道唔太夾。尤魚蘇係好食既。係必食。螺都ok。不會硬。不過就無想像中好食。但一個小島來講。就係一個清泉😂😂

疫情下的假日想遠離電子化的生活 又想親親大自然今個復活假 我便決定到訪東平洲!! 是想去很久了的地方!該島平日只有少數原居民定居在島上島上有不少士多 很多人說島上NO.1 的就是新昌士多決定一看究竟!新鮮海膽!! 吃過後大愛! 肥美鮮甜! 一隻又豈能滿足! 掏腰包來!這些都是老闆們早一晚在海上新鮮捉回來的~海膽炒飯很大碟 有很多很多海膽!!!!!!好出色的咖哩海鮮炒飯!!!!!! 呢到出名鑊氣勁! 人人都說有如5星級大廚! 果然名不虛傳!接下來呢道菜真係必必必必必食!!!!椒鹽魷魚SOOOOOOOOOO!次次到了3點多已經售罄! 人人都點 不是沒原因的! 因為 真是太好吃了吧!!!來東平洲 當然要吃海螺及鼓椒炒蜆! 真的鮮甜美味!~~~~南乳炸雞件 配蜜糖真的真的真的 很好吃!媽啊! 煎得十分香脆配上蜜糖 令人食不停口大大杯 超足料 芒果涼粉冰!!! (食左幾嚿芒果才記得拍照哈哈!) 走前來多一份西多士!(平時都是原塊上的 沒有!) 好足料 金黃香脆的外層 蛋香味十分濃！ 內裡夾著滿滿的花生醬~~ 當然!!!怎少得新昌的山水豆腐花大概是食過最好食最滑嘅豆腐花全自家製 老闆娘每朝起身磨 

其實一直都想去呢個地質公園好耐，不過只有假日有船而且得一班起兩班止，時間上較難配合～（其實係要太早起身🤭）今次終於的起心肝黎，黎個環島遊之餘，當然要試下呢道出名嘅海膽炒飯😍😍😍😍可以單點亦有套餐，有3個人以上可以點套餐～300幾有4樣野，有埋海膽炒飯架～抵食好多😉..🔸海膽炒飯 $158飯炒得乾身有鑊氣粒粒分明，有生菜絲、紅蘿蔔粒、粟米粒、雞蛋，重點嘅海膽份量都幾多下，每一口亦食到海膽～海膽味道唔係超鮮甜，但都有海膽味，咁難得黎到可以一試！🔸南乳炸雞 $88意料之外地好食😳炸雞外皮非常鬆化，完全不會硬，雞肉亦有肉汁，醃得味道幾好，炸物好食有驚喜🤗🔸菠蘿檸檬特飲係夏天清爽嘅味道😂不過不失

假日多咗人行山，東平洲也不例外， 一個半小時船程終於到達，東平洲除咗呢間食肆，其實仲見到有另外一間喺隔離， 都放咗林林種種食物和海鮮响店外，十分吸引行咗一圈開始肚餓坐低， 老闆介紹有海膽， 雖然細隻，但價錢不貴肉質鮮美， 而且仲好新鮮👍開咗一段時間仲識喐椒鹽鮮魷亦都做得唔錯， 外脆內軟， 仲加一碟沙律醬， 唔怕熱氣。五香肉丁餐肉麵同菠蘿冰與茶餐廳分別不大， 都唔差嘅， 五香肉丁同餐肉唔會太肥，麵底唔會煮得太淋。 行完一圈嚟食個下午茶， 感覺寫意。

玩完成日東平洲, 最後緊係要食碗豆腐花啦!兩個字, 夠滑!本來已經有糖水, 甜度禁禁好~但加埋黃塘再香啲再有啲咬感XD正!原先我地行到佢前面個間先, 但賣哂先泥呢間食, 我地叫左四碗之後第二枱人就要等二十分鐘啦, 真係好彩XD

308套餐海膽炒飯超好食～今日冇炒蜆轉左椒鹽豆腐～超滑～炸魷魚鬚差少少～可以濃味一點更好～佢哋四點鐘收檔要食嘅話就要早啲到～唔好左人返屋企～而且招呼都唔錯～絕對係去東坪洲必到食店～

去前上過openrice睇食評,去到行完環島终於搵到，新昌整到餐廳好靚無論餐枱同埋鍾了好多植物仲有顔色牆，全部都好有誠意，今天平安夜仲有聖誕公仔，問過老闆娘她們一家假期先返來造生意。今天我點了一個2-4人餐$288有帶子炒飯，蠔油菜，椒鹽鮮魷，特別炒梘,全部味道好好，同埋d碟都好靚,仲有hello kitty碗超搞笑,另外有好多特色飲品我叫了椰汁啫喱涼粉$22不太甜,我見隔離枱叫菠蘿芒果汁好靚,店內還提供炒粉麵飯同公仔麵仲有魚蛋炸燒賣海膽炒飯螺,總g一定有樣岩你需要,我見有d露營客也話晚上再來食,因為室外狗狗也可一起

7.1~7.2去咗東平洲影相+露營, 就係新昌預先訂位安排膳, 第一餐已令我們驚喜, 佢的餸菜都係預先安排, 食咗3餐, 每餐都花盡心思沒有重複, 5餸1湯白飯任裝, 如有一枱8人再送多個菜, 每人每餐都係90蚊有菜有肉美味常, 就7.2午餐而論, 有消暑清熱的海帶冬瓜湯、魚、蠔油菜心、粟米炸豬扒、椒鹽魷魚鬚及蘑菇牛肉炒青瓜, 調味剛好又不油膩; 辛勞了1日多我們多叫了一個海膽炒蛋, 海膽份量都好多, 而且是他們寻日在海中撈穫, 真是鮮味。 最後唔少得一個蜜瓜涼粉, 初食蜜瓜唔夠涷, 要係冰內先浸浸, 初時味道唔錯, 但當冰慢慢溶化很, 味就好淡, 但在呢到$20/杯真係相當抵食。

今日黎到東坪洲行山..因為食左早餐先入黎..所以環洲一圈之後..等到3點幾先食野..大家都已經好肚餓...每人叫左個午餐肉蛋公仔麵..估唔到係用出前一丁..就算係出面茶餐廳出前一丁都要加錢..呢度$30一碗有甘既質素..都已經好唔錯..加上肚餓既關係..特別好味..👍🏽另外叫左杯好大杯既椰汁紅豆冰涼粉..好大杯..甘熱既天氣飲一杯都好爽..唔太甜..係呢d甘荒蕪既地方飲到一杯紅豆冰已經係甘露😂P.s: 我兩年前黎過食海膽炒飯..好足料..但而家已經加價到$138..朋友嫌太貴所以無食到..如果呢個價位你地ok既話..不妨一試👍🏽

每逢假日我們都會去香港郊野山林離島遊山玩水，穿山過嶺，運動之餘兼尋找每個地區的特色美食！今次是東玶洲環島遊之後，詢問當地人那間有口碑，又經濟，好味道而靠得住的地道食店？他們介紹是在大路的(新昌)士多，有即做的小菜。特別菜式有:火喉辣氣上升的椒鹽魷魚鬚、 香草南乳炸雞塊、各式小炒及新 鮮即食海膽！真是大快肚皮，味 美充滿舌頭，濃郁喉嚨，流連忘 返！真是姊妹齊心，其利好味！

第一次來到東坪洲，很鄉村的感覺，像去了圍村一樣，所有人都很熱情，只是普通叫了一個麵和飲品，已經很感受到，麵就是一個2送的麵，但很細心的有菜，$30，價錢普通，但覺得很有家的感覺，本想來露營的，但天氣真的熱到不行了，相信沒有辦法睡覺，所以我們是租屋的，也沒有帶爐居來煮食。另外又叫了一杯特飲，外賣不錯，而且很大杯，對得住價錢$20，芒果賣光只有哈蜜瓜，加上耶汁和涼粉，但耶汁味道非常淡，沒有甜味，只有水味。很失望只吃了一半。