新榮興粥店

Open Now

Now Closed

這間位於西灣河的粥舖簡直係我首選呢度肉類新鮮(滑雞夠肥，內臟唔腥, 菜類選擇多）三肉一菜 只係$42 服務態度好 唔會嫌你要求多多環境乾淨，冷氣夠涼要食過好幾次，每一次都令我好滿意正正正 支持小店

早餐突然想食油炸鬼飲豆漿。就黎到呢間粥品店，叫左炸両同一個粽。炸両可以一次過滿足食油炸鬼同腸粉既慾望。份量都算好大份，而且上菜上得好快。咬第一啖就已經好失望，因為食得出佢係預先整定好多份放係個到。油炸鬼淋曬！個腸粉皮又凍！好失望啊。跟住係粽，一樣都係好大隻，熱辣辣！雖然十幾蚊一隻棕都唔可以要求佢有好多料係入面，但呢隻好似真係太小料，入面得半個鹹蛋黃同手指尾咁大既肥豬肉。我寧願佢d份量整細d，d質量好d好過！

個人唔舒服，好多野都食唔落。於是請呀媽買碗白粥返唻當晚餐。食開嘅粥店冇開，唯有叫佢去呢間買，咁佢自己再柯打多個牛脷酥。等完又等，呀媽終於返到唻。掀開蓋一睇就知伏已中，個白粥非常之稠，正常係好事，但面前呢碗野好明顯係加咗大量麵粉嘅結果。至於牛脷酥，如果白粥都差到咁，炸物就只會差上加差。成舊都輕飄飄嘅，呀媽都不停彈，話老闆做生意奸到咁。真係只能夠講不知所謂。以後冇得揀都唔會再幫襯。好奇怪呢間啲野咁難食都可以唔執，成日幫襯佢嘅人嘅味蕾係咪有問題。

近排有啲熱氣 想清清腸胃經過呢間粥店 就入去試試望住餐牌 已經覺得好平而家啲生滾粥好味啲嘅都起碼四十蚊粥叫完粥之後 有啲期待又有啲驚唔好食等左幾分鐘就有喇 大大碗食落好綿滑 仲好足料啲肉片同豬膶都好新鮮呢知價錢有咁嘅質素真係好難得

是日幫襯瘦肉粥+炸兩。瘦肉係冇瘦肉味，少少似煲完湯後既瘦肉絲，不是慣常既肉條或咸瘦肉。炸兩入面既油炸鬼完全唔脆，鼓油亦不足。還好條腸粉都算正常。除非真係好想食粥又貪近，應該都唔會有第二轉。可惜西灣河可揀既粥店不多，想食炸兩得幾間可揀。

我好喜歡粥品料理，嘅養胃又對腸胃好。這粥店開業以來都食過唔少，本來小店經營都唔會有咩服務可言，但求品質還可以又近近地就算。但最近發現品質下降到不能接受地步。米量大幅度銳減，混水過多(好似湯水，無咩米粒)，又涷(比室溫還低)連魚肉都唔能夠変熟，曾經要求原碗翻熱都拒絕。(姐姐)曾經走過來拿起我匙係咁搞成五分鐘魚肉都係唔熟(血紅色)之後扮睇唔到走咗去。其實街坊食品有咩要求，都係希望低食(大眾價錢，好吃，清潔品質)。

西灣河只得一間傳統粥店，去年開業，來過幾次都係一片混亂，今天4點路過無乜客，又見油炸鬼剛出爐，落雨濕濕天氣冬冬地，就給它多一次機會吧！艇仔粥炸兩是必叫吧！艇仔粥很足料，花生蔥花分開上放在湯匙上，粥底也很綿，食到底不會變水汪汪，唯獨粥味很啖，這也未嘗是件好事，起碼沒有味精，而且低鹽，對健康也是好的。炸兩的油炸鬼夠軟熟吾痴牙，也不會乾身嚡口或隔夜走氣，腸粉皮夠薄夠滑，不錯，豉油應調較過，味道持別，啖口D健康D。

心血來潮早餐想食o下腸粉, 見間舖咁熱又冇冷氣, 所以在此店買了一份齋腸外賣。同老闆講唔要甜醬,怎料老闆就訓斥我: 一定要說只要哪些醬, 說走哪些醬佢會聽唔明。斥責o左我好耐, 由於我趕住返工, 只好同佢再三道歉並說以後不會再犯此錯佢先肯俾盒外賣我。回到公司打開外賣, 驚覺一份齋腸份量係咁少,  兩啖我就食晒喇, 我完全唔覺食o左 o野落肚。齋腸微溫, 味道全靠豉油麻醬。可惜D醬太少, 腸粉大部份都白雪雪沾唔到醬, 叫佢加芝麻, 我淨係見到幾粒。齋腸淋淋散散的, 全無口感可言, 唔使咀嚼就咁吞都得, o岩晒D長者。單看價錢係幾平, 但相對份量極少, 可能適合長者, 我覺得其他年齡o既人士肯定要嗌3款食物以上才夠飽, 咁我寧願去其他舖頭食。