新潮豐潮汕滷味專門店

Open Now

Now Closed

去咗元朗其中一間出名嘅打冷朝聖 呢間已經有多年歷史 一去到出面已經坐滿哂人好熱鬧 之後好快有位坐 menu款式多 結果點咗5碟餸 全部份量大 性價比高 招牌馬拉通菜同西蘭花炒魷魚🦑🥦炒得好入味 唔會太老馳名西檸雞冇面咁多汁 味道恰好唔會太甜 酸酸甜甜好開胃 不得不提係蠔仔粥 鮮香味濃 蠔仔份量多 碗粥多到好似湯飯咁 起抵食🥣最後仲點咗碟滷水拼盤 滷肉入味夠突出 肉質軟腍 價錢抵 4人食都夠哂飽 質素唔錯 打冷啱哂一班人gathering嘅好地方

人生第一次打冷以前以為得冷盤食今次先知原來係大排檔咁呢間就好地道露天係大街食酥炸蠔仔餅只係＄90但係份量超大好難得炸皮非常薄下面全部都係流汁嘅蠔仔非常重料炒蜆鑊氣好夠隻隻蜆仔包滿豉汁嘅味道蠔仔潮州粥一樣係份量超大最後三個人都食唔晒潮州粥好就好在質感好似湯飯咁唔會癡粒粒嘅囗感韭菜豬紅40 幾蚊但係𢦓碗都塞爆曬豬紅一啲都唔腥每一啖口感都好飽滿偶爾食一次宵夜邪惡但係好滿足

好良心嘅店舖，俾飯真係唔手軟，身為一個算大胃嘅女仔，真心食一半就食唔落，好大份今次食咗個滷水四寶飯加咗一隻鵝翼，色香味俱全，個例湯都好甜，好清，應該冇落味精真心好食，推薦推薦！

離開元朗五年多無時無刻都掛住新潮豐嘅鹵味飯選擇多，最基本嘅鹵鵝去到豬頭皮應有盡有！可惜是一個人一把口食得幾多呢？都唔緊要叫個四寶飯就可以食多幾款啦！餐牌：其實任你拼，可以去窗口睇下中意食乜就點啦！例湯：每日唔同款，今日係木瓜豬骨要求不能太高四寶飯：印像中隔段日子就會唔同今次係腩肉，鵝件，豆腐，仲有隻鹵蛋腩肉半服瘦，唔會煮得好淋，仲有少少爽口，係我中意嘅口感(有D鹵水店會鹵到太淋，影響口感)鹵水鵝：不用多講，潮州冷靈魂，最怕食到過咸的鹵鵝但新潮豐唔會，鵝油甘香，回味無窮呀！豆腐：豆香味都幾重，內面都保持滑喐喐，好正！鹵蛋：本人不好蛋類，所以走蛋了！入元朗必會再去的

元朗黎講，由細食到大都有好幾間大排檔🤤Lee 間有大鋪同細鋪兩邊，今次坐細鋪靜靜地今次決定叫 蜜椒牛仔粒炒得甜而不油👍🏻好好食，配薯仔粒好味！金銀蛋莧菜Keep 到水準！皮旦咸蛋蒜粒都好多👍🏻夠入味😋😋炸蠔餅有d 失望😭以前既蠔餅係好好食，但而家蠔粒少左好多，粉又厚左好多，炸得唔夠脆😭😭😭還我以前既好味蠔餅呀😭椒鹽鮮魷 😍好正！外面脆卜卜包住勁有咬口新鮮既魷魚🤤🤤🤤🤤 而且粒粒鮮魷好大粒😍京都骨正常既，不過不失，係啖啖肉，不過唔太入味，洋蔥煮得夠"林" 😌正常口味成為$455 (包括一個5個餸，一個白飯同4罐野飲）

今日突然好想食個鹵味飯，又唔想去新順興排隊，就去每一次都係因為新順興條龍太長而退而求其次嘅新潮豐啦，雖然新潮豐無乜人排隊，但係嗰陣氣焰一啲都唔弱，想話攞多包豉油都要好似鼠竊狗偷咁，逃避阿姐嘅法眼，結果今次失手就擒，喺偷豉油嘅時候阿姐誓神劈願話夠鹹㗎啦，結果返到去，鴨肉無咗豉油嘅滋潤，變得乾旱枯燥，好彩搭嗰兩舊鹵豆腐都算鹵得入味，但都係依然唔夠送哂啲白飯，唯有留番啲白飯第日再加料啦。阿姐對豉油同醋嘅把關比海關更加嚴謹。

今日下午我們去咗元朗阜財街嘅「新潮豐潮汕滷味專門店」買外賣自取食！之前每次經過都大排長龍，而小妹又趕時間，所以一直都買唔到嚟食，今日嘅排比平日短咗啲啲，所以我們就決定排隊買嚟食！我們買咗滷水豬蹄！滷水豬蹄滷得非常入味，滷水汁嘅味道唔會過鹹，豬皮嘅質感極之煙韌彈牙，骨膠原好豐富，肉質相當鬆軟，唔會有硬實同好油膩嘅感覺！

元朗出名既滷味店係街市呢頭得兩間...但有堂食既就只得佢...門口一眼望哂有咩賣...例牌掛哂d食物出黎...賣相都ok啦...廚房細細...都比較亂...地下唔濕...唔會話好污漕...入面座位廿個左右啦...通常係呢d地方開飯既人...都以單身麻甩佬幫襯居多...所以人流去得好快...勝在唔駛點等位呢...\^.^/雖然一眼望哂...都有個餐牌look look既...飯跟左碗例湯...今日係合掌瓜雞腳...無味精...清清地...都ok啦...豬蹄飯好大碟...有好多件...ling立立好吸引...仲有配菜...幾健康啦...對女士黎講...分分鐘可以分兩餐食添...骨膠原我黎啦...>o<墊底仲有d豆腐干...都好厚好大塊...豬蹄件件都好好肉...滷水味雖無另一間咁香咁入味...但想堂食既話...都係一個好選擇黎...而且感覺堂食價錢仲抵過外賣呢…^.^

好友告訴我這裡的鵝腸不錯，起碼不是經化學處理至七零八落的貨色，而且價錢不貴。某一晚，我們路過這裡，就打算買廿蚊鵝腸加餸。我獨自入去買，師傅把一些鵝腸放上磅後說：「廿二蚊得唔得？」收錢的阿姐也幫口說：「好難預得咁準。」我表示無所謂，收錢後，師傅就用紙包好鵝腸，更要大力「揸一揸」包好的鵝腸才放入膠袋。看到此舉，我心裡已經嘀咕著：鵝腸的汁都給你老子揸出來了…但他都已經做了，我又可以怎樣？此時，門外的友人衝進店內，說：「俾返枮板嗰條我！」之後師傅遞了一條比我手掌（連手指計）長的鵝腸給她，原來他漏了一條屬於我的鵝腸在枮板上！幸好在外邊的友人看到。那條鵝腸，可能也值兩蚊了！其實一條鵝腸或十元八塊都是雞毛蒜皮的小事，但令我不滿的是態度…「錢你就識收足，貨你就俾漏我，算點先？我後面又無人排隊，你好趕咩？包廿蚊野都包漏，仲一聲唔好意思都無！做人均真啲好！」鵝腸的滷水味很一般，價錢平是大優勢。友人說買多一點的話會用盒子裝，這樣就不用吃被揸過的鵝腸。被揸過的鵝腸始終令我感覺不良好。

因為今日去男友家食飯，所以淋住加料，因為平時買開個間好多人，經過呢間見到個招牌"唐滷鵝"甘搞笑咪試下囉~我買左鵝下裝七十令蚊到，五只鴨下巴廿蚊。我覺得滷得入味之餘吾咸，幾香，因為我食開個間好咸，應該係有味精。值得一讚係佢將鴨下巴切開一半易食好多，下次我淋我都會改食呢間。

o岩o岩搬黎元朗, 見附近有幾間賣滷水野既鋪頭, 次次都係經過都無試過.o個晚成九點, 見呢間仲未收, 諗住買多少同男友當宵夜.我最想食既鴨下巴賣哂, 我要左三兩鴨舌(七蚊兩), 兩隻鵝翼(十蚊隻)同埋鴨腎, 成為五十個大洋.鴨舌好肥美, 鴨腎夠入味, 鵝翼尚算ok. 不過整體上我覺得滷水味唔夠香lor下次試下附近o個兩間先!!!