新裕記美食

Open Now

Now Closed

上一次來已是相隔4年前了，煎餃的味道依然如此美味。反而驚喜地發現了有新菜式！蠔餅！！$55的價錢這份量我覺得cp值很高！蠔仔沒有腥臭味，蛋餅的味道也不錯！👍🏻可惜相對粉感重一點，而且有點美中不足的地方是沒有醬汁提供，所以會比較易有膩感🤔整體good

鳳爪排骨飯 $27白飯唔會「乾硬化」，排骨唔韌。豬手米線 $33豬手好入味，會食到八角味，而且唔會炆得太腍，仲有爽彈嘅口感，米線亦好滑，唔會斷開一截截。煎餃(8隻) $30每隻都脹卜卜，好多料，煎得好香！蝦米腸 $22呢間舖其中一樣名物就係腸粉，因為係自己整，好香蝦米味。鮮牛肉飯 $38 牛肉好新鮮，好嫩，只係38蚊，超抵！雞翼腸仔米粉加凍檸茶 $38+$2呢個係Almost All day breakfast, 因為佢去到五點仲有得食。雞翼炸得酥脆！蠔餅蠔仔唔腥，而且份量唔少，都幾大粒！凍奶茶 +$8

🥹由細到大嘅食堂🥹屯門區都算出名多嘢食,但有時真係唔知道食啲乜嘢好不過每次唔知食乜嘅時候，都會諗到呢度所以叫呢度做飯堂，真係冇叫錯😆今次一行五人，嚟到呢度朋友第一次嚟，最深刻印象嘅係呢度嘅裝潢，好有香港舊時代嘅味道🥰第二嘅就當然係價錢，真係好經濟實惠🙈食物質素當然微信到最頂尖但以呢個價錢，呢個水準嚟講， CP值值爆燈🥹不得不提喺呢度嘅餃子，真係好好食，全部人手包仲要好平🙈🙈🙈有興趣真係要快啲嚟試吓❤️📍address📍:屯門豐安街2號屯門豐安街2號翠寧花園第5座地下16及16A號舖📞Phone📞:2452 3166

搬家後要開始周圍搵下邊到有好西可以食，行下行幵就去左間local 茶記，雖則OpenRice 常客，但因為飢寒交迫下同家人簡簡單單就外賣一餐1/ 豬扒上海麵2/ 雞翼烏冬豬扒雞翼都係以速食嘅方式炸起上菜，不過不失，但係新鮮炸起，香口鬆脆3/ 湯餃豬肉湯餃皮薄餡多，酸菜湯底好夠味，以份量來說好足夠，有8大隻，抵食4/ 蝦米腸，叉腸有驚喜！ 拉得好薄，餡多，透光質面，吾會粉多太實，吾會粉少一夾就斷，加上甜鼓油，價錢22-26 ， CP 值高———不算大推，但值得一去

食物唔好味，服務又唔好，衛生又差，雲吞水餃放雪櫃，但經常開關令到變壞有酸味，生滾粥水多個米，蒸飯d飯又太多水。每次夜晚經過又有d肚餓，我只會買糖，其他不值一試。

小編收工好夜又未食晚飯時多數都會黎呢間小食店叫外賣，佢既韭菜水餃雪菜上海麵尚算唔錯，填飽肚子又唔想諗就黎呢度啦。不過如果堂食的話，環境衛生感覺麻麻，如果唔係趕時間都唔會黎食，味道一般，而且不斷加價，份量減少，性價比唔算高。另外，附近除左一間車條麵檔同無座位既小食店之外就無餐廳，所以呢間舖成為附近居民既主要飯堂。而且，係中午時段有好多附近既中學生會黎幫襯，佢都算係好好生意。但總括黎講，有時間想嘆下下午茶就未必黎呢度喇。

由於近屋企既關係，所以都食過呢間餐廳幾次，但可惜一次晚餐食完個肚唔舒服，另一次早餐就因為入到去完全係叫乜無乜，啲店員又會理你，所以自於就被李公子打左入黑名單。今晚因為去完迪士尼，但因為想食粥，就一於說服李公子比多一次機會佢。小店一間，廚房連樓面都只是2-3位，屋村裝修，有時候挺喜歡這種小店，比較有人情味。滑牛粥，粥底都算是綿綿，味道淡，牛肉只有數塊，肉質則是比較hi. 一上到桌，全碟感覺都是好乾身，食落口自然是沒有什麼味道可言普通填肚便可，但係其實隔離有一間車仔麵店，味道及價錢更為吸引。

最大既賣點就係隻碗大我叫一碗豬潤粥，我一打開，佢已經唔可以叫做一碗粥，叫粥水就差唔多，裡面勁多水，搞到無晒味，豬潤又硬，好彩價錢叫普通，20蚊碗，不過佢個到已經唔做油炸既生意，例如油炸鬼同炸兩都無得賣

原本想去果間茶餐廳執咗, 行咗個圈, 只見呢度有位, 求其入去試下啦~ 但求填飽個肚, 唔太難食已經可以接受~呢度舖仔細細, 得5張枱, 食物就只有粥/腸粉/盅飯/湯麵/小食/糖水, 全部都係簡單方便, 今次就試咗佢的盅頭飯~ 鳯爪排骨飯鳯爪竟然有兩隻, 幾好味, 不過排骨就鹹咗d, 都算幾多餸 臘腸排骨飯臘腸好鬼肥, 一咬就必d油出嚟, 佢同d排骨都偏鹹  凍奶茶冇茶餐廳咁濃, 但都算唔錯其實呢度一定係做街坊生意, 好多都係着住睡衣落嚟買外賣, 所以佢味道唔係太差的話, 相信都keep住有生意~

這一帶地方, 唔想行的話, 佢都係一個選擇來的.先說盅頭飯 - 肚餓就食下囉. 起碼唔係買現成回來, d排骨真係自己買肉排來整的.粥 - 其實真係唔知點解, d粥真係好難食.小食 - 餃子, 腸粉等, 好多時都整定, even 唔係, 佢即煮都好, 過程非常冇心. 因為趕時間掛.服務態度好差, 野一d都唔好食, 係食個飯志在頂到宵夜就ok囉. 衛生好差, 早2日去食碎牛粥, d牛肉係酸的. 可能天氣開始熱, 佢慣左用冬天的儲存方法了.d肉變左都唔知道.如果叫外賣, 佢地肯控制一下秩序的話, 起碼食之前唔會成肚氣先啦. 有d好斯文既女仔, 去叫外賣真係得個企字架咋.

2009-03-15。叉 燒 腸 和 牛 肉 腸 各 一。五 香 肉 丁 火 腿 米 線 和 豬 扒 火 腿 公 仔 麵 兩 個 餐。淨 水 餃 及 兩 碟 煎 餃 子 唔 知 點 解 問 我 地 要 唔 要 醬 甜 醬？辣 醬？花 生 醬？乜 腸 粉 落 呢 D 架 咩？唔 落 醬 就 絕 對 食 得 過，下 次 記 得 唔 好 落 啦 五 香 肉丁，如 果 你 合 埋 眼 一 定 唔 知 食 緊 乜。一 丁 點 兒 辣 都 冇，係 完 完 全 全 冇 豬 扒 掂，十 分 正。個 公 仔 麵 就 把 鬼，唔 好 提 而 水 餃 就 ok ok 不 過 仍 然 有 下 次

2009-02-13。一 早 係 三 聖 做 完 野，行 過 翠 寧 花 園 打 算 去 開 心 餐 廳 食 早 餐，點 知 原 來 已 經 執 左 于 是 就 搵 左 間 根 本 以 前 係 一 定 唔 會 去 既 呢 間 食 睇 落 個 舖 面 係 細 左 D 不 過 都 有 四 五 個 卡 位，好 滿 意。但 係 我 最 鍾 意 出 面 街 景，冇 車 行，人 又 唔 係 多，失 驚 冇 神 可 以 走 下 出 去，夠 個 隱 整 係 叫 左 碟 牛 肉 腸 粉。個 心 諗 住 都 係 普 普 通 通 塞 落 個 肚 就 算，點 知 入 口 又 唔 差 喎，比 得 上 茶 樓，粉 皮 再 薄 就 一 流，重 好 大 碟。一 定 再 有 下 次，誠 意 打 介

家下搬左去後面個舖位囉，地方大左，仲有卡位座添同老公仔去試下，叫左我至愛既咸魚肉餅飯，叉燒腸，再叫左碗皮蛋瘦肉粥ｄ飯仍然係咁好食，不過好似咁少咁既，其實我好少堂食，多數叫外賣，次次都滿滿一大盒播，係個兜大定係真係少左呢？？叉燒腸又係我成日都鍾意食既，十幾蚊有成四條，好抵食不過ｄ粥就唔得啦，以前都ｏｋ架，家下好唔掂播，真係好似米還米，水還水咁，我咁唔揀擇都話唔掂呀其實佢地仲有一樣野我好鍾意食架，就係湯丸，我成日仲叫剩湯丸，成碗都係，２個人食都得，佢ｄ湯丸係冇料架，好似日本ｄ小丸子咁，細細粒，煙煙ｕｎｕｎ，我好鍾意食，ｄ蕃薯糖水都唔錯架，食過黑糯米個ｄ就唔掂，好希囉仲有就係佢地都係做街坊生意，成日ｄ阿姐都唔多理人咁，不過都慣左，其實佢地係咁既，總之買外賣就大聲叫就得，呵呵，個日同老公仔去食，問阿姐羅２個碗，佢問返我地，比１個得唔得呀，真係比佢激死