新豐記魚蛋牛什大王

Open Now

Now Closed

快餐一頓, 地鐡站一出, 沿路行見到呢間, 見佢有粉麵飯, 就咩都唔理走入去啦.灣仔十幾蚊一碗麵, 唔貴wo, 款色又齊. 食魚旦貢丸, 普普通通啦, 一間粉麵店, 算係咁啦. 不過味精都幾重, 食完之後幾口渴.

昨晚行完美食展,有d肚餓,本來想去黎園,但係關店了,跟住咪行左入去。第一次去食,胡亂叫了片頭米加可樂。哇,點知d片頭好重味精味,d湯仲要係辣辣地,可以加仲d味精&胡椒粉,食完超口渴!真係以後唔會再去囉!

老實講，我真係覺得呢間野好難食賣得唔係平，但個質素仲衰過好多10蚊面。我食雲吞河。個雲吞就係好一般10蚊面果d quality. 個河粉先恐怖，stick埋一舊舊，完全唔爽唔滑；個湯全無驚喜，仲要係唔夠熱。個環境更衰；樓下店面冇位，要坐樓上；好污糟，仲要冷氣機滴水。就算係凌晨時份冇乜choice, 我便利店d叮叮飯都好食過佢多多聲。

晏晝嚟食麵，牛腩撈麵加油菜。牛腩味道唔算太差但靭，唔得；麵就真係一般，有梘水味而又冇咬口，係碟底個Ｄ放咗一陣己經淋晒。菜就無乜特別。整體平平無奇，差ｄ要俾喊面。

今日和他來了吃晚飯食左個四寶魚麵魚麵都算幾好食但好貴.成三十元個蠔仔紫菜粥...d蠔仔好少下，不過d味道算不俗價錢都幾貴下

昨天會展睇完表演成十點半, 行出灣仔食飯.經過呢間茶餐廳眼幾多人於是入左去.本來坐地下, 但原來仲有二樓和三樓, 於是上左二樓諗住好坐d. 都係唔係咁好坐, 好焗, 附近又有人食煙, 不過算了.晚上9pm-1am有d小炒($28左右). 可選跟飯(+5)和跟飲品(+3). 我們二人點了粟米魚塊和椒鹽田雞. 個粟米魚塊冇乜味, d魚都好麻麻. 至於個椒鹽田雞真係好熱氣, d味精好似公仔麵味精咁樣, 至田雞就覺得不太新鮮. 所以都食唔晒了.

1 November 2006 (Wed) - 晚飯做完運動黎食飯，我叫咗個牛腩河，我個friend叫咗牛什魚麵，我哋再叫個走油生菜，同兩杯凍檸賓！我個牛腩河啲牛腩好硬，唔滑，我個friend話潮式係咁，我話都冇理由咁硬，唉～～　朋友碗魚麵唔錯，佢話呢隻魚麵就係佢搵咗好耐嗰種，所以唔錯，不過好細碗．．．生菜上時又立即收返，我懷疑佢哋唔記得走油，所以要再用滾水淥一淥，但係黎到時都仲係有啲油，仲有舊發寶膠粒，奇怪．．．至於杯凍檸賓．．．我都唔知飲唔飲好，我杯嘢入面有好多白色一粒粒既嘢，連個杯身都有啲白色既痕，相信係啲煉奶或污漕物，真係好核突下，唔係個杯身出面，而係入面，我估嗰啲一粒粒白色嘢係因為啲煉奶遇凍水而成，但由於我好遲至攞杯嘢黎飲，好遲至知，都費事叫佢換．．．　但係我就唔敢飲囉，只係飲咗兩口．．．今日冇肚疴就算啦～～～

要入演藝學院睇萬世歌王剩返唔係好多時間就擇左呢間叫左個時菜排骨炒河同牛什牛腩河share嚟食上菜都好快但味道一般而且環境麻麻湯匙重好污穢添總算趕得上準時入場

香港有好多茶餐廳，有舊式茶餐廳，有新派茶餐廳，呢間就係以潮州魚蛋粉為主打的茶餐廳。既然整開魚蛋粉，又整埋餐飲啦，咁不如又整埋常餐，又不如整埋午式飯餐，咁整開又整埋西餐，整整下就變左茶餐廳。我地冇食魚蛋粉，但係就試左佢個蠔仔肉碎粥同鮑魚雞粥。個蠔仔粥好多蠔，幾好味，ｄ雞又有雞味，加埋個通菜都好好味。唯一要改善就係環境囉，見到佢將ｄ粉放係地下，又飛筷子，個地下又污糟，真係唔係幾好。

昨日3月12日一行五人到了灣仔會展玩....玩到累...很想吃魚蛋粉...行到莊士敦道看到新豐記牛雜粉麫餐廳..就入了去..行到門口,發現座無虛設~伙計很熱情,有禮貌...我們等了一會就入席..點了一碟淨牛雜,一碗淨魚蛋,和墨丸麫,一碟干炒牛河,一碟牛腩,一碟鐵板餐,和2杯奶茶,3杯咖啡真是未試過如此好吃的魚蛋~!!!!牛腩軟硬適中...我們個個讚不絕口~!以後一定會再來幫襯~!

同男友去灣仔食個quick lunch,所以試0下呢間 我點了牛什河,男友就點牛腩豬肉丸河+油菜+凍檸茶牛什都算入味,河粉就一般,潮興好似好味d 以味道黎計呢間其實都算過得去,不過服務就唔係幾好la,黎食十幾蚊一碗粉都唔會要求d乜,不過阿姐嗌到成個食堂都聽到0既聲線,同埋佢同其他夥記爭執0既場面都幾嚇人,下次睇怕都唔會黎lu...

21-9-2005 0840今朝返工前在附近有點事要辦，之後來到這裡食早餐，上一次黎都要成年前，再上一次係前身兼非常up dup 既食店。早餐要左個回鍋肉麵+腸仔蛋加+牛油餐飽，我諗緊飲乜既時候，佢就話凍奶茶，跟住我話，我都冇話係，佢就話你冇要乜就俾乜，咁我就話要凍咖啡，不過我冇生氣，幾like佢喎。好奇怪，或者呢的叫interaction掛，去到其他食店或者會嘈到拆天，所以食野有時覺得好唔好食，都好講心情，冇既話就係假。

放工後去食了一碗魚蛋米....嘩! 愈來愈差: 魚蛋沒有鮮味, 只得一個爽字, 湯底無味(重枉說是鮑魚豬骨湯底), 米粉屬行貨。與同區的潮興相比, 差好遠, 以後可以不去了。

尋日一個人落左灣仔，得十五分鐘食飯，見佢門口寫著招牌魚麵，好似幾吸引，就拿拿林入來幫襯。伙記引領來了最後的卡位，四人位置三個人坐，好迫。好在對面是兩位OL而我又不算太大份，如果唔係仲迫。叫了魚麵套餐，牛腩魚麵加碟菜。牛腩魚麵幾快上檯，魚麵幼幼的，比起兩興的如鞋帶般粗的當然差得遠。牛腩交帶要爽腩，伙記說「得、得、得」，但出來是兩回事，只普通腩幾舊。魚麵都有口感及彈牙，算有交代；普通牛腩當然鞋鞋的，趙極都咁多渣，又不太入味，比起華南的是天與地之分別，十分一般的水準。碟芥蘭不錯，冷天時吃綠葉菜又是寧舍好的。埋單28蚊，唔算貴，就個人而言份量剛好，相信大吃一點的就會略嫌不足。題外話：地下滑滑地，我穿皮鞋都如溜冰一般，小姐們穿高根難要小心一點。

態度差上2 樓or3樓坐未黎野食竟然話要收錢先比錢果時竟然話唔收毫子地方唔算乾淨價錢唔算平最重要個阿姐咁串我地幾個己經決定永不錄用