旺記冰室 (Closed)

估唔到這間冰室七時已經開始營業，而且沒有長長的人龍，一於試下他們的早餐。這兒供應的早餐只有六種，合共九款，分別有午餐肉通粉、各種麥包三文治、沙爹牛肉公仔麵、肉丁米粉同鮮奶麥皮等等，價錢由$32-$44，是茶餐廳的價錢旺記烘麥包三文治四重奏$32這件三文治份量十足，每件有成寸厚，認真足料。麥包烘到金黃微焦，炒旦十分滑溜，旦味濃厚，中間仲夾有鮮嫩的免治牛肉，配上香口的花生醬同爽脆生菜，正呀！滑旦同碎牛，從來都是絕配，現在加添花生醬，更為香口惹味，配上脆香多士，實在好吃又滿足！這兒的奶茶口感香滑，茶味濃郁，是地道的港式風味，不錯。這個烘麥包三文治早餐實在簡單而味美，即使肥爆，相信我也禁不住一星期吃一次。

旺記冰室係第一次幫襯，叫左一個叉燒日本滑蛋飯，個fd叫左忌廉雞湯鮑魚絲通粉餐。先講叉燒蛋飯，份量都算多，我比左一半個fd一齊Share食，叉燒切得厚度適中，配上滑蛋同日式醬汁，甜甜地都唔錯！鮑魚絲通粉餐有埋奶油豬仔包，個奶油豬都都係煉奶！超級邪惡！呢個係我的最愛呀！跟餐都有炒滑蛋，都係炒得好滑，非常推介呢個餐。餐茶都係平常飲開的咖啡奶茶。我點左凍咖啡，略為稀D，可能熱飲效果會好d吧。喜歡港式滑蛋的朋友，不妨來試下！

今晚去新世紀食飯,見到呢間餐廳,諗住方便就叫咗個焗豬排飯,諗住簡單嘢實冇死,點知攞餐時,見到塊豬排真係想講粗口,又燶又乾,簿同塊A4紙差吾多,跟著我就問個店員呢塊係咩嚟,佢話係簿啲啲啲啲嘅豬排,我立即O嘴,當食白飯算,當自已今日吾好彩,豪48蚊比佢,希望以後吾好有人中伏。如果叫我比句評話,我只係想講句XX

一早要去moko做野，唔想去咁遠食早餐，唯有去商場入面嘅餐廳，但一早只有food court 其中4間有開，於是揀咗呢間，諗住茶記一般都穩陣。點知.....伏就係咁中的話說見佢有個賓尼廸早餐就試吓啦點知.....沙律隔夜，超唔新鮮，真係吐都吐唔切賓尼廸旦只係煎旦+mayonnaise, 超油！腸仔又好似油浸一般漢堡係一般交嚟嘅行貨，已經係最穩陣仲要收錢嘅人勁無禮貌，點遲d都啤你跟住我得$500紙，佢話無散紙，但唔係對住我講，而係對住佢同事講，喂！？你都好無禮貌吓！完全係卑視嘅眼神，咁巴閉唔好賺嗰幾十蚊啦咁！而呢份難食早餐係$48想受氣、洗錢、同食得差，呢間絕對係首選！

星期六的中午, 約左同事去打波,球場近太子, 所以拿拿臨去新世紀廣場(MOKO)食個快飯,食快飯最好當然係food court, 當日係星期六,好彩唔算太多人, 我同同事揀左旺記冰室,而且我地都係揀埋同一個餐喎 !!我地叫左鯛魚鰻魚汁炒飯配湯, 再加 $15   有焗蠔及朱古力西多士都係$59主角係鯛魚鰻魚汁炒飯, 鯛魚粒都好多, 鰻魚汁都好多, 令到飯粒好豐富羅宋湯, 就有D咸啦 !! 所以飲左一半焗蠔, 食落比想像中暖, 入面主要有沙律醬配搭雖然寫住朱古力西多士, 但真係感覺唔到入面有朱古力, 因為趕時間都無去問~今次雖然急急趕趕咁食, 但係唔錯呀 !!

今早我們去咗旺角新世紀廣場嘅「旺記冰室」買早餐外賣自取食！我們買咗芝士火腿飛碟、豬扒包配忌廉炒蛋、吉列魚柳配餐肉煎蛋通粉、英式早晨套餐、火腿鷄蛋三文治同漢堡扒配腸仔煎蛋米粉！芝士火腿飛碟嘅飛碟皮焗得唔算好香脆，餡料嘅芝士火腿嘅份量相當少！豬扒包配忌廉炒蛋嘅包質一啲都唔香脆，而且相當腍身，豬扒嘅肉質亦唔係好鬆軟，炒蛋炒得好老，完全無嫩滑嘅感覺！吉列魚柳配餐肉煎蛋通粉嘅吉列魚柳外層都算脆，入面嘅肉質都幾嫩滑，通粉亦比較腍身，唔係好彈牙！英式早晨套餐嘅所有材料都有啲煮過火嘅感覺！火腿鷄蛋三文治嘅鷄蛋都幾嫩滑，包質亦幾鬆軟！漢堡扒配腸仔煎蛋米粉嘅漢堡扒肉質都幾爽口，米粉嘅質感就不過不失！

今早我們去咗旺角新世紀廣場嘅「旺記冰室」買早晨外賣自取食！我們叫咗早晨套餐：沙嗲牛肉餐肉煎蛋通粉、豬扒火腿煎蛋公仔麵同牛扒火腿煎蛋公仔麵！沙嗲牛肉餐肉煎蛋通粉嘅湯底非常油膩，沙嗲牛肉嘅味道相當鹹，肉質亦唔算嫩滑，通粉比較腍身，唔係好彈牙！豬扒火腿煎蛋公仔麵同牛扒火腿煎蛋公仔麵嘅麵質唔係好爽口彈牙，豬扒同牛扒嘅肉質唔係好鬆軟同比較「嚡」，但肉味都算濃郁，而湯底亦都係好油膩！跟餐嘅牛油方包嘅包質都幾鬆軟！

以一個$42蚊晚餐黎講算唔錯，茶記餐廳名用上珍珠米，送埋紅湯，湯稍嫌淡左啲，司華力湯多汁唔錯，黑椒汁有啲唔夠杰。其他餐廳閒閒地都五十蚊，四十幾晚餐係一個好選擇。

大家提起冰室會諗起什麼樣子呢 旺記冰室卻是給我一種意想不到的感覺 它的食物沒有太多特色 炒面 炒飯 炒意 撈丁 在一般冰室也能找到 但它給我的感覺 卻是在時代的進步中找到了懷舊的味道 因為它建於商場中 懷舊的冰室加點摩登的的設計 讓食客十分享受在這環境中進食而食物方面 我點左個36 蚊的咖喱雞排撈公仔面餐 味道普通 略為味濃了一點 面則煮得久了 有點熔掉的感覺 而羅宋湯則太淡 像水一般但整體來說 因為環境填補了食物的不足 大家也是能試試的

今日中午一行5人走到新裝修不久嘅新世紀廣場購物，行到點幾鐘大家開始肚餓，朋友提議上3樓嘅Food Court覓食，起初以為Food Court供應嘅食物質素只行一般貨色，但居然喺旺記冰室搵到新派中、西、日式食物但又不失上世紀70、80年代香港情懷 每份出品製作都非常認真。我點咗一份白汁黑松露雜菌天使麵，估唔到冰室可以享用到意大利餐廳上等食材，未入口已經聞到一陣陣濃烈嘅黑松露味，配菜款式好多，包括有紅椒、黃椒、青椒、翠玉瓜及雜菌等等，色彩繽紛，忌廉汁入口好滑，麵身細嫰，可以話色、香、味俱全。 鯛魚炒飯，即叫即炒，誠意萬分，上碟熱辣辣、香噴噴 ，飯炒得好乾身唔會有油膩感，鯛魚無腥味，相信師傅喺醃製時下咗唔少功夫。西多士，蛋味好香，炸得金黃色，入口鬆脆，相信係好多人去冰室必食之選。焗豬扒飯，可以話係鎮店之寶，蕃茄汁好濃郁但唔會重口味，面頭仲有一片芝士襯托、豬扒入口有口感但唔會韌 好入味，質素絕對高於某大型連鎖快餐店所號稱嘅＜一哥焗豬扒飯＞臨走時見到負責人，先驚覺原來係幾年前喺旺角打桌球嘅波友Tony，原來佢係1970年代秀茂坪旺記冰室嘅第三代傳人，佢話希望喺旺角呢個Food Cour

叫了一個白汁黑松露雜菌燴意粉，以為是西餐，但拿回來卻發現只是一碟炒意粉，很油。所謂的白汁其實是茨汁，不要想像成忌廉汁。加上炒椰菜和炒菇，感覺是一碟中式炒麵。味道尚可，不會太淡也不會太咸，只是意粉來說是太油了

美食廣場從來都是自助的，自己去買，自己去取。食代館雖則裝修與一般美食廣場相比豪華，但也是自助式的，沒想到旺記冰室卻提供了令我意外的服務。話說當我買了食物，再去找座位，安頓後才去領取食物，只有意粉煮好，那名職員竟然提議我先就座，之後他再把多士送來，服務周到，令我對旺記冰室的好感提升喇！ 我吃了忌廉黑椒雞絲燴意粉，份量十足，意粉偏軟，最欣賞是調味佳，黑椒味香，感覺較辣，雞肉又多又嫩，另外有爽口的三色椒和香軟的蘑菇，真材實料。另外晚餐還包括牛油多士，即叫即烘，多士香脆，牛油味尚算足夠。至於栗米忌廉湯則是普通貨色，略嫌太稀。總結而言，我滿意這頓簡單卻飽足的晚餐，會再光顧。

求求其其在旺角找吃，居然找到有心小店，仲要是 food court, 神奇！叫左： 茄汁焗豬扒套餐套餐包括西多士半份，焗青口2隻，餐湯一下單已提醒要等8分鐘。（是否看了上一個食評呢）一聽到要等，我看一看，咦，有誠意喎。8分鐘極快過，一個超級熱、香噴噴的焗飯已經ready. 呀咪住，呢件金黃色西多士連一大 pat 牛油！嘩！完全冇諗過咁靚仔，好吸引！拎到埋位一試，西多士竟然也是即炸，恰到好處的花生醬，牛油，糖醬⋯⋯十秒食哂！！！講真，唔知道仲有邊度有咁嘅quality 喎！焗飯的芝士好香，豬扒是正常貨式，夠淋，又有蛋香。茄汁調味很合我口味，非常愉快地大啖食。青口用蛋黃醬焗，0K，我本身唔好青口，唔comment. 成件事喺 food court 發生，我認真想比100分，不但為了好味道，也為員工的用心！加油！平時我都是港女般「相機食先」，今次竟然冇，冇得post. 會再來啊！

坦白說, 光顧此店因為它的名字, 它令我想起在倫敦唐人街的那間有趣食店!我點的是 焗芝士豬扖飯, 想不到會送餐湯.   餐湯是紅湯, 足料, 有薯仔, 紅蘿蔔, 但不見番茄, 湯略酸, 疑似是加下了茄膏........我不嗜酸, 所以只喝了兩口.      等了良久也不見豬扖飯, 一問之下, 原來是即點即焗,  怪不得我下單後, 見一廚師去在做飯, 原來那是我點的.窩心的姐姐細心解釋以前試過預先做好, 那知飯放久了, 不好吃. 所以決定現在要即做, 要客人久等一點...嗯嗯嗯..明白明白....  為了美食, 我只好乖乖的等. 但如果可以有温馨提示牌則更佳, 起碼趕時間的就可能不要點......  幸好附近剛有空位,  馬上坐下,  我可以近距離監視    坐椅設計像PHILIPPE STARCK, 但有軟墊, 坐久了臀部也不會受罪      好了..10 分鐘後, 豬扖飯終於來了.....熱騰騰的.  豬扖厚度剛好.  舖满飯面, 鬆軟, 有豬味.  可喜是蕃茄不太咸, 可以吃到蕃茄原味, 只有少量洋葱. 芝士融化，略微泛焦黄, 可惜不夠香濃.  飯有用雞蛋炒過, 正!   雖然此豬