明興小食

Open Now

Now Closed

香港街頭小食真係買少見少，有的，價錢亦不平，能做到平民街坊價的，就只有一啲唔就腳，唔熱鬧既地方，依間明興小食，正正就合晒條件，只有街坊先知道既美食。佢出品不多，數埋十隻手指數得完，眼👁️見炸煎釀三寶應係最受歡迎👏，就今次見，排了人龍都是要佢的，十蚊四舊，好多人都唔只要十蚊，廿蚊幾拾甚至過佰蚊的都見到，可能🤔攞來加餸，其次就係炸雞全奕，好似七蚊隻，跟住就是炸魷魚🦑（其實係水魷魚🦑），十蚊串，即叫即炸，甚少見到用水魷魚🦑來炸的，依個是跟老闆既沙嗲醬，滋味甚濃。眼👁️見其他美食要加沙嗲醬，老闆是無問題👍的。今次只要左炸煎釀三寶，只要左十蚊四件，心諗要兩青椒🫑一豆腐一魚旦，眼見之前排的人都大手大手買走，我個心就係咁盤算，到我時仲有無，要不要諗定要其他，終於到我，兩件青椒🫑，剛好兩件要埋，一件魚旦又是剛剩一件😃，豆腐就剛有新炸起的一大堆，真心好彩，另一方面，其實佢補貨都幾快手的😆。

今日經過深水埗，黃昏6點左右這間小食店門口排滿隊，煎炸的香味彌漫四周，我點了$10/4件煎釀三寶：豆腐、香腸、紅腸及魚蛋，和全雞翼$7。他的小食即炸熱辣辣，很香口

肥 戴眼鏡 男 態度惡劣問野完全唔想答無耐性問佢有咩選擇，只係答我得呢啲，同時指住個兜，大佬，個兜係磨砂，我喺出面完全睇唔到，要企入去先稍為望到dd 而且選擇又唔多炸魚蛋完全唔好食，軟到連竹籤都吉唔起只係得個平字唔會再幫襯

現在食物差 不乾淨 態度不知所謂 好似衹得佢一間有得賣 食物炸後時間太長 淋晒 沒新鮮味 店長又唔帶口罩 口水四射 總括來說 質素越來越差 長始以往下去不再改善一下 那有人再回頭 不去也吧

係鋪頭發緊呆,突然,為食鬼上身,好想搵野咬,記得附近有間有出名煎釀三寶,成日排長龍好多人,但好鬼抵食,但係都未食過,就蛇出去篤下野食,原來佢叫明興小食,平時都冇留意到佢叫咩名.同平時一樣都有5,6個人等緊,前面d 人好多都大手入貨,$30/青椒,$50/全執咁,$10/5件,都真係幾多,店面係後生仔,入面有位女士密密係度釀魚肉,炸三寶,我要青椒,尖椒,雲吞,魚蛋,矮瓜,返到去多左舊矮瓜,冇左青椒,可能前面大手入果個要曬XD好耐冇食過煎釀三寶,覺得太油,同埋之前食好多都係粉,哩度似乎係冇咩粉,魚肉真係似返魚肉,豉油都應該係煮過既,都幾好味,矮瓜呀都係矮瓜魚蛋雲吞尖椒,唔辣XD好食,但都係好油XD 冇食佢地辣醬,但見到有人買一樽,下次會試下.

今日係深入埗附近搵食，見到有間大排長龍既小食店，未行到已聞到好香，仍地主打煎釀三寶，仲有炸魷魚同滷大腸；煎釀三寶仲要好抵食，＄１０／５件，一於長龍都要排隊試下~煎釀三寶有好多選擇，除左成日見到既青椒、尖椒、茄子、紅腸、豆腐，就咁魚蛋外，佢地仲有芋頭同埋雲吞皮～新鮮炸起熱辣辣，魚蛋外脆入面軟糯；魚肉用左洋蔥粒撈埋，所以更加香；雲吞皮就好似食緊炸雲吞蛋魚肉餡，有叮於茶樓食到夾口陣牙既蝦肉，變左軟糯魚肉，別有一番風味～佢地既炸魷魚係一大盤比你自己揀，炸魷魚配埋特製醬汁，好惹味~呢個小食店真係物超所值～正～

明興小食，聽朋友講呢間係深水埗老字號，做左幾代人，生腸同煎釀三寶都好出名，好多街坊都大讚。-今次一於試下個生腸，又真係幾好食，爽口彈牙，配埋芥末醬簡直一流。（生腸十元一串）-期待下次試下煎釀三寶。