明記咖啡糖水小食 (Closed)

12月24日, 臨近平安夜半夜, 又揸車去西灣河食甜品, 貪呢度方便門口就可以泊車~ 我地坐咗喺食車仔麵嗰便, 不過一樣有甜品叫, 由隔離舖攞過黎~::: 綠豆沙 ::: $12想食d清潤既甜品, 雖然唔係好沙, 不過好甜同綠豆味豐富. 海帶就比較碎. 以明記既甜品黎講唔算出色.::: 榴槤甘露 ::: $22嘩真係好正正正正正!! d榴槤真係好飄香~~~ 好大舊榴槤肉沉底~~~!!! 榴槤咬落軟滑creamy, 仲要係搶喉既~ 好正呀!! 椰汁香甜, 同榴槤味道出奇配合~ 我上癮了~~~環境有d迫, d阿姐既服務都唔係好, 成日係度互喝… 可能係佢地相處之道啦哈哈哈~ 睇到同枱既其他人食車仔麵, 碗麵好正~ 等下次有機會黎食先~

其實我都算係熟客一黎近二黎又真係幾好味芒果班戟::食過好多次 睇住佢由$20加到$22又真係幾好味既芒果肉好味得黎又唔少印象中咁多次好似得一次個芒果肉係帶有酸味可能因為唔當造啦紅豆沙::都算幾夠味 份量ok不過好似有d過稀-.-雜果涼粉::份量夠 幾好味個人覺得如果唔要香蕉會更好芒果凍餅(個名唔係好記得)::買過一次咁多多本身味道係唔錯不過真係雪得太勁太實食到炆....囧仲有食過其他既 不過唔係好記得-.-服務::由於我外賣多 冇乜留意感覺係麻麻地 勸大家唔好抱太多希望環境::睇落麻麻地 應該同茶記差唔多掛

昨天唸著周老公去食好 D ，點知太令我們失望!去到，唔好講食物，招呼態度簡直不知所謂，好似乞討緊佢俾 D 嘢我地食，坐底之後，飛張紙俾我，咁我 Ling 起支筆寫 la ，點知俾個女人叫，唔好寫呀你，張紙俾你睇ga jar，你食什麼，你直接同我講(呼喝式)。我 想order 南瓜西米露，佢話左果只有凍，沒有熱，咁我就 order 左 木瓜雪耳糖水，點知，後尾有個男人出來，話 果南瓜西米露可以用微波爐丁番熱，，但果木瓜雪耳糖水黎左，但我對 lee 個糖水都好失望，完全唔值 $20, D 木瓜肯定係國貨，街市$6/斤果D，如果係馬來西亞，唔會無木瓜味，重有，芒果凍餅，如果你有假牙的話，千期未試，硬到無人有。

食過滿溢....散步由筲箕灣行到西灣河....好彩唔洗等位....由於人多...所以上左樓 (別有洞天)各人各自點左自己的甜品.....我自己要左最大路的楊枝甘露....但眼見朋友的鮮什果甘露咁靚....下次一定要點...各人都讚自己的甜品好味.....我的也OK...另外點左D大家 share 食:榴槤糯米糍 - 由於自己唔食椰絲...所以冇食...但朋友們激讚....芒果木槺凍餅 - 唔錯....但係有D似食雪糕...朱古力木槺凍餅 - 冇芒果咁好食...但係都OK大什會 - 剛岩係隔離舖開左間車仔麵檔....所以兼賣車仔餸....味道都好OK下....碗碗甜品比起出邊的大碗好多....但會食飽人架.....連飲品杯都大過人....大家一路食一路傾計...一路講笑.....開心的一晚

次次入西灣河都要去一去呢間!!!真係又平又抵食而且唔似出面果d食來食去都係果幾味佢個芒果米糠凍餅同香蘭糕都係最愛 好食程度真係同shumshuipo果間x記有得比

係附近食完晚飯，我地一行五人都鍾意食榴槤，所以過黎食甜品。榴槤班戟 ($22)：cream 多過榴槤肉！榴槤忘返 ($30) & 榴槤甘露 ($25)：兩樣味道無咩分別。榴槤好香，但糖水好希，得個甜字。南瓜西米露 ($14)：開頭以為係南瓜茸整，點知只係幾粒切粒南瓜，西米露好希，又係得個甜字。火龍果益力多 ($16)：益力多味淡唔好飲。熱豆腐花 ($12)：唔夠熱，唔夠滑，唔夠豆味！呢度既糖水水準差左好多，唔值得再黎。另外，短頭髮年級較大那個女店員既服務態度差到爆！我未遇一個甘黑面甘無禮貌既店員！

禮拜六燒完野食出返黎,幾個港島人去左明記食埋糖水先散Band.去到見到門口有一大堆人,諗住冇啦.點知原來係等外賣.入到去,坐係樓下,陣榴槤味真係好勁.我自己叫左個芒果涼粉($22)偏貴.但比起柴灣樂軒台果幾間不堪入口嘅糖水好d.幾大碗.同埋算足料.但晚晚都咁多人就真係唔知點解.

諗住食個甜品先返屋企, 換來一肚氣...叫左個 "蜜瓜西米露" ... 頂!!! 個碗野西米露又唔甜, d蜜瓜切到起角, 好似係個碗玩Lego咁, 食落口仲死, 原來d蜜瓜雪到冰哂... 好彩仲後生, 仲有牙力咬d 服務態度好似無$比咁, 放低碗野轉頭就要收$... 想安安樂樂食埋碗 "Lego西米露" 都唔得... 以後都唔會再幫襯 !!!

有兩間鋪，相距三十公尺，味道一樣。夜晚門口可泊車，勁多人，但留意，不喜歡durian朋友，要九點前去，否則全場都係味道，會作o區雜果涼粉西米露不錯22蚊

跟朋友到了明記老店, 一同吃了:1) 楊枝甘露 ($22)很足料, 好吃! 多西米, 多柚子, 也有芒果, 芋頭, 花奶, 椰汁, 大大碗, 兩人share其實很足啊...2) 芒果河粉 ($28)朋友八八掛掛要知道什麼是河粉, 點知出事了....原來是另一款更為多料的'楊枝甘露'. 河粉原來是椰汁糕條, 真是吃一碗便一餐了! 包飽!最後, 我們實在吃不下了, 很大碗啊...加上之前已經9成飽, 因為為食, 又要食糖水, 就食唔晒了, 所以打包!朋友說他的家人也讚芒果河粉好味道.值得一提是老店的格調, 壁上的懷舊畫, 地磚....很老店Feel!

記得以前返工收夜...一放工就會黎這裡食糖水,因為大碗又平又唔差~~同同事去完BBQ...最好就係食糖水啦..楊枝甘露...芒果肉+芒果汁+西柚肉..大碗加足料芒果酒釀小丸子香蕉pancake雜果珍珠涼粉木瓜雪耳糖水牛肉面....普普通通咁啦.....現在佢做埋熟食..

十一時多於seven買完飲品後看見那間出名吃豆花的店，可是已close了，所以才來了(舊)明記其實我還飽，所以就選了喝的我要了哈蜜瓜奶昔($17)，朋友要了香蕉奶昔($13)。我們也覺得一般，牛奶味不重，也不太滑！反而個芒果糯米糍好好味！我不太吃芒果的，但個糯米糍外面實，入面粒芒果肉又軟又甜，口感幾好！六小粒都幾多……

其實都食過好多次，以前只係得糖水，但依一兩年開始有埋小食烏冬拉麵咁而以前只會係到係糖水，今次第一次食烏冬1. 煎餃子豬骨烏冬 $22 - 都幾好味，唔算大碗，有5隻餃子到，唔太大隻，浸左落湯，而且唔係煎餃子啦，不過味道唔差2. 芝麻合桃糊 $18 - 好香，正!

因工關係 來到這離家甚遠的地區 並湊巧路經 於是買了一盒芒果糯米糍 $20/6粒體積略細 皮很是薄 但太淋 毫不煙un 口感一般芒果粒尚算甜 服務方面 態度良好 還特意從分店拿糯米糍回來給我外賣) 算是頗有誠意P.S.1 中午來時由於剛開始營業的關係 叫了3樣東西 全都沒有 敗興而回p.s. 2 下午買外賣外賣離去時遇到一個瘋漢....被他糾纏....是我太倒楣吧

咁聽講呢到d糖水好好食, 我地一行十幾個人去去到叫到一台都係~ 我一直都未食過我覺得好食既楊枝甘露黎到呢架咁出名既, 就虐下睇下有冇奇蹟結果... 都係好一般冇咩特別我見其他人都食得好開心可能係我要求高啦~ 都唔係好想再番黎呢到食