李圓圓 (億利工業中心)

Open Now

Now Closed

[🇭🇰香港- 荔枝角].🔻咁多間台式專飲黑糖珍珠嘅舖頭嚟講佢哋嘅珍珠算係幾高質,粒粒煙韌彈牙,加上甜度啱啱好!可惜鮮奶紅茶底就一般,味道偏淡;可能飲返鮮奶系列會好啲🤔.🔻🍽 李圓圓📌 地址: 荔枝角長沙灣道883號億利工業中心地下6-A2號舖.

N年前真係個個week都at least會飲一兩次台式手搖飲品，但係好多報導都話成日飲會好多古怪病發晒出黎...所以都戒左無飲好耐，近排同事成日話呢間好好飲，must try咁話wor，見大家討論得咁興奮，就一試去買杯try下，唔問真係唔知，原來黑糖珍奶，除左佢標榜既黑糖之外，仲會另外加糖架，店員話走甜係走左額外加既糖漿，而黑糖呢就會keep唔會無左或者少左既。好彩多口一問，因為走左額外既糖漿，淨返黑糖都仲好甜，建議大家想試既，除左要走左額外既糖漿，淨低既黑糖試下叫佢半糖或者微糖，可能會好dd😅

喜歡台式飲料的我，每次發現新開的台式飲料店都會忍不住想試！！公司附近開了“李圓圓”，主打黑糖珍珠。黑糖珍珠奶茶我嚐過很多不同店鋪的出品，其實我挺怕有些弄得很甜，又不讓人選甜度，亦很怕不讓人選少冰的店鋪，不是因為想加水才要求少冰，而有時實在太多冰太凍喝不下去，你知嘛，女生本來喝太多凍飲對身體就不好…👉👈這裡好處是無論甜度跟冰度都可以選擇。我來這裡第一次是嚐正常（店員稱是完美比例😆），奶味突出，黑糖珍珠做得出色，甜度剛剛好，而且珍珠不會很“淋”，學台灣人形容是QQ的😂，有咬感，size也剛剛好。記得喝之前要用飲管攪拌5-6圈，不要上下搖晃。暫時來說，在荔枝角區，如果想飲黑糖珍珠奶茶，首選是“李圓圓”。

香港開到周圍都係珍珠奶茶，一開初見到呢間李圓圓真係冇咩興趣，心諗：又開一間黑糖珍珠奶茶店？係咪真係咁好飲呀？點知自己一試就愛上左😂荔枝角呢間分店剛剛開張嘅時候，我就試咗一次。可能因為剛開張，當時服務超好，即時飲店員會幫你攪拌好先俾你。店舖其實好細，用左開放式廚房俾你睇到你杯茶嘅製作過程。店內都有足夠空間俾你企係到等。根據店內電視所講，李圓圓嘅黑糖珍珠用明火煮製2小時，而且煮好嘅珍珠兩小時後就唔會再用，感覺衛生同品質有保證!除咗黑糖珍珠奶茶仲有其他款式，當然店內頭三位推薦都係黑糖珍珠，哈哈因為我同大部分朋友都覺得平時飲既黑糖珍珠奶茶太甜，所以叫咗杯黑糖珍珠紅茶少甜。飲用前需要先用飲管攪拌五至六下，令黑糖融入奶茶。個人覺得少甜後嘅黑糖珍珠奶茶甜度剛剛好，而黑糖珍珠粒粒Q彈煙韌，好好味！同行友人叫咗杯黑糖珍珠鮮奶紅茶2.0，其實係加多左牛奶，友人話奶太多飲唔到紅茶嘅味道。下次經過大家可以去試吓！

行開荔枝角俾我見到👉🏻李圓圓👈🏻 係我既最愛呀😍 上次係台北淡水飲完就好掛住‼️..🗣梗係要點 “黑糖珍珠鮮奶2.0”(HK$33) 一攞到手，就會見到好明顯既黑糖紋，飲落鮮奶好滑，而且珍珠粒粒都好Q彈➿ 特別要講既係味道唔會好甜👅

李圓圓呢個名好鼎鼎大名，網上有好多人有推介，而且其他朋友亦都飲過，話好好飲今日終於喺荔枝角分店試一試，依然都係有好多人排隊有好多唔同嘅選擇，仲有寫到明人氣熱賣1234天氣好熱所以我揀咗No4黑糖珍珠奶昔因為係外賣走，所以佢哋好貼心整埋一個handle位置黑糖珍珠奶昔：果然呢個黑糖珍珠係同其他店嘅唔太一樣，甜味會太假，聽聞是完全沒有添加劑及焦糖色素，而且珍珠咬口很QQ，據說黑糖珍珠淨係會擺放2小時，藉以保留新鮮度。鮮奶係採用明治鮮奶，好滑同好安全，飲得好放心

黑糖珍珠鮮奶都興左好耐啦 但係喺香港真係好飲既 又keep到水準既真係冇幾間 李圓圓係我覺得最高質既 同淡水飲到既一樣 珍珠會keep住一輪輪煮熱確保係新鮮夠彈牙 奶味夠重 黑糖份量啱啱好唔會太甜🥇

今日熱辣辣就想係公司嗌杯珍珠奶茶飲下，醒起之前一直想試既李圓圓，而且附近開咗，因為呢間出名黑糖珍珠，而我又好中意，於是order咗杯黑糖珍珠鮮奶紅茶😋點咗半糖少冰。送黎既速度好快，就算少冰黎到都有少少冰既，所以唔會覺得融咗沖淡杯奶茶。黑糖珍珠味道濃郁，好香，珍珠唔會過硬，亦都無林咗，都幾q彈幾好咬口既👍🏽不過鮮奶紅茶就無乜特別，茶味好重，重得滯反而有少少澀味，鮮奶味無乜，甜度嗌咗半糖所以都岩岩好。不過整體就無乜特別😢

係附近做完運動，諗住去搭巴士但送左車尾！屋企人好鐘意飲珍珠奶茶，所以決定行過去買杯打包返屋企比屋企人飲！店舖裝修係開放企架，可以註到入面既人做緊咩，就眼睇，衛生情況良好珍珠鮮奶2.0 No.1 聽職員講係多鮮奶，係台灣既味道！之前一直飲開老X堂，但香港鋪最近既質素最近好點下跌，可以講佢好飲過老X堂！佢地既珍珠比較大粒，好q好好咬而黑糖就唔會好似老X堂咁掛係杯度，無左個好靚既紋路包裝算係幾台灣化，好特別！比用膠袋環保♻️價錢方面相對是中位偏高小小！細細杯$33期待下次試下 珍珠鮮奶紅茶No.3

台灣淡水人氣「珍珠達人」李圓圓，今日終於試到啦。珍珠果然名不虛傳，粒粒Q彈煙韌，加埋黑糖味道濃郁，唔會太甜。.黑糖珍珠鮮奶紅茶- $30現煮冬瓜茶-$20黑糖珍珠鮮奶-$30

早就聽聞李圓圓之大名，是日趁買一送一優惠終於一試！廚房現煮珍珠的觀感頗佳⋯黑糖的甜蜜味道飄滿小小的店舖。珍珠的確是暖且煙韌，牛乳亦用的是明治4.3，然而飲落卻不太驚喜？運用碎冰乃是點睛之筆，不過仍未突破黑糖珍奶的巔峰。尤其是飲左幾口奶味已經變得很淡。個人心目中ssp有幾間店舖可以勝過它⋯想必不會以原價購買。值得一讚的是店員服務態度很好，今日多人仍能在承諾的20分鐘內出餐。「完美比例」不會太甜，甜度是滿意的。