板燒郎燒肉鐵板放題料理專門店 (Closed)

大致上整體嘅食物都唔錯，食物嘅款類亦都好多，當中亦都包括左燒肉丶海鮮打邊爐、刺身壽司同埋呢個泰式食品，自己就覺得種類其實都幾多選擇，都叫做多元化既。我自己覺得海鮮嘅質素都幾高！青口同海蝦好新鮮又大隻，但係花螺就一般般同埋要燒好耐先食到！肉類質素就普普通通，但唔會話好難食既。同埋選擇就比較單調，自己去其他地方食都有啲辣味嘅肉。但勝在羊架好食反而覺得最好嘅就係泰式生蝦！新鮮而且有口感，加埋佢嘅獨家醬汁搭配，亦都係一個唔錯嘅選擇。價錢性價比Cp值係ok既！

臨近大閘蟹蟹季尾聲~唔食又要等多年朋友搵到呢間有大閘蟹放題同燒肉刺身放題其實之前去過一次，但感覺已經不太好諗住今次再去應該會有進步，竟然冇變…先講講食物方面今次主打大閘蟹，坐底冇幾耐職員話每人先上三隻蟹，大概10分鐘就上枱我地一枱6個人，一次過來18隻大閘蟹何其壯觀~剛蒸好的大閘蟹熱辣辣，我想每隻蟹平均有三両多算多蟹黃，但帶透明體，所以應該是蟹公的大閘蟹放題，難道還會給你蟹也母麽？!味道也算不錯了，不要要求太多~另外還提供刺身燒肉放題坦白說味道不過不失…不算好，也不能說差但我覺得餐廳要改善的一定是服務態度!食物就算好食…俾晒面色我睇，我咩都食唔落啦話說，有位帶住粉紅色口罩嘅女侍應我拎飲品時，已經見佢俾第二枱客投訴緊仲聲大夾惡…但唔關我事…我就唔多理會啦…但後來我朋友拎完野返埋位(係已經返到去企係張枱隔離)果位女侍應送餐橫衝直撞，結果撞到我朋友，我朋友自然反應講聲唔好意思但原來女侍應撞到我朋友果陣將盤上面嘅豉油倒瀉左係隔離枱客件衫度女侍應即刻指住我朋友話我朋友撞到佢我地當場O爆嘴……喂!小姐，我朋友企係度架喎，點撞你呀你自己亂撞就話返我地轉頭最後~係經理出黎同隔離枱道歉朋友都話算，但我唔

肥貓又再食多次 今次帶朋友去食放題 聽聞呢到又有新推介 任食火炙海膽帶子今次比我感覺係新鮮 因為朋友想做毒L之後我話咁不如坐房啦咁我地就齊齊入左房雖然佐敦個景一定比唔上什麼什麼天際100但至少食玩住都係平民地帶價錢亦唔係貴 鰻魚食落唔咸 鮑魚又係任點任食 鵝肝亦唔係乾身 又係任點唔嬲 叫左幾碟 咁叫啲Fd不如打埋個邊爐 又有得蒸又有得拾下拾下 炒蜆隻隻都有肉 唔似得出面殼多過肉 刺身堅係肥美 我食左2次 未飲過佢地個啲泰式飲料今次試下飲下啦 佢個杯青檸汁 唔係話過酸要黎打開個胃 莫過於選呢杯青檸汁

今日又再次黎呢間野到知道今日有海膽帶子放題所以我即刻飛奔過黎食我一坐低唔理三七廿一不過點都要試下係咪真係咁好食首先叫左3舊試試先之後好快就到見到帶子唔係細Size屬於中等偏大既我分開黎食 因為海膽同帶子味道不一所以先食帶子 帶子鮮甜有口感跟住到海膽 因為班師父們係用火炙方法燒過舊海膽 所以食落去將海膽既味逼哂出黎 而令到佢同帶子既味唔會話互相搶應該咁講 一套戲 2大主角都係一樣戲份所以我推介呢個海膽帶子 希望呢個期限可以做耐啲 呢個火炙海膽帶子夠哂諗頭 我唔知其他餐廳係咪都有 但呢間已經係我第二次短期之內黎食

我本一心都係為左大閘蟹任食先會黎呢間板燒郎,睇左之前其他人的評價, 其實都有d 擔心, 不過好在 佢嘅蟹可以蓋過一切負皮!先講講入座, 我一個幾星期前訂左位, 準時去到佢話無位叫我等一陣, 好, 等一陣先後叫我加$20入vip 房 咁就即刻有位可以入去!但重點係我book 左枱咖嘛, 點解要我加錢呢?!而且我睇左之前評語都成日叫人加二十蚊 但入面一D都唔VIP,只不過係間開左有門嘅廳, 入面一樣有 十 幾張枱。最嬲係, 我企硬唔加, 佢竟然比一行四人 的walk in 客入 去但我地book 枱的二人 就冇枱! 當然燒著左我.... 要爆發喇, 鬧完好幾句之後喺無任何人出黎嘅情況下突然有枱比我入去, 入就係入嗰個所謂嘅vip 房囉應該等左唔使20分鐘就有第一轉蟹,講真係細隻冇乜肉嘅, 但勝在任食., 唔夠咪再叫囉。10我地二人食左廿隻, 其實真係大滿足咖。記得要出聲問佢攞薑茶呀, 好好味, 夠曬辣。講返其他.... 嗰個鐵板燒同蒸汽鍋可以叫嘅其實都係一D 肉類, 我食過所有款項肉類都係完全唔掂,過咸, 肉質又麻麻, 唔能夠食落去。燒下D 菇同栗米算喇。刺身多款的, 就唔算高質素。 生蝦

今日去食已经唔知第幾次，每次食都無令到我失望，忠一次比一次忠要好，服务好，環境好，味道好，真係正正正正正，今次同上次去都有升级，今次忠要有得食海膽，非常愛海膽既我，依間啲海膽對放题黎講都算正架啦，今次食真係值回票價，依間野啲服务真係好到爆，就算我食都好夜都無話赶我地走，忠要好細心為我地服务，真係唔話得，依間野真係翻工一族既恩物，間野收2點，我地依啲打工囝，翻完工，去食，真係正到爆，真心推介去，唔去食真係走寶！

我11月25号同同事去食宵夜時段，收费都唔係話好贵食大閘蟹任食都係388加一，用餐時間都算長食足4鐘，10點幾食到2點幾，啲蟹黎都係好熱，好多膏，啲野食都好多選擇，忠有自助野食區，啲野飲都好多選擇，本人覺得最滿意係另加88蚊升级既鵝肝同元貝，忠有每一様食物都無漏單，另外最值得讚係啲侍應，每一個侍應都好好服务，我地食蟹個時啲侍應忠主動問我地要唔要薑茶，忠貼心到有濕紙巾提供，非常貼心，我一定會介绍朋友去。

喺Facebook見到廣告，見到有大閘蟹放題諗住正啦,出發同個friend book位試吓啦，其實佢388+88加埋一成5舊水，又唔係我想像中咁正，佢標榜有埋生蠔尋晚去到，店員同我地講只有兩小時但是沒有人梗係都可以繼續食嘅,我打電話book位嘅時候都問清楚是否有生蠔，攞位嘅時候我都問多一次加＄88係咪有生蠔，店員話係,但坐低食嘅時候話俾我聽冇生蠔轉左燒嗰種,仲要自己燒😢味道係冇味🤫其他嘢不過不失啦,不過鵝肝就催極都唔出，最後半小時先黎，鵝肝咁遲，蟹又未食哂咁我地緊係食左鵝肝先啦⋯⋯因爲坐低到而家未食過，我地有d蟹開左打算係食埋就走既，你地最後半小時一次過出叫人地食得邊樣🤷🏼‍♀️？準時兩小時老闆直頭企係到等你走囉，最後我想講嘅係食大閘蟹只有兩小時真的唔夠囉，仲要又俾人誤會唔珍惜食物，唔食就唔好開，我地唔係唔食，係唔夠時間食，唉，唔會再去

食7-9時段放題，收費229加一。首先，一入到去就有好多侍應圍住我地喺附近吹水，講粗口講到大大聲。其次講食物，d肉根本係低級貨，加鬆肉粉加到d肉鬆曬，完全唔覺得有咩肉味，亦都唔新鮮。再講刺身，一般。炸物，d炸蠔全面唔熱，唔生唔熟我地真係唔敢食......要收呢個價錢我覺得起碼要俾少少有質素嘅食物同服務客人⋯⋯你請我都唔會再食！我地食左一陣就走啦～都係果句，唔明點解咁多人幫襯（可能大家同我地一樣，只此一次，下不為例）

上一年呢度出大閘蟹以經棒場了，就算無大閘蟹放題都會周不時嚟呢度食，因為選擇太多😍😍😍有刺身，壽司，泰國菜，鐵板燒，蒸汽火窩..一次過滿足哂我所有想食嘅野😂🐆🐆🐆🐆🐆🐆🐆🐆🐆🐆🐆🐆🐆🐆🐆🐆今次同朋友食10點時段，10點前$ 388+10%食2小時，10點後$368+10%食4小時😂係4小時。琴日唔使返工，一於慢慢坐🤗另外因為太full, 每人加左$20坐vip房，有獨立電視又唔會太嘈，都值嘅!🐆🐆🐆🐆🐆🐆🐆🐆🐆🐆🐆🐆🐆🐆🐆🐆主腳出現了，一嚟就即上每人3隻。唔係話太熱，因為係蒸定，但人流太多都理解的。第二三轉蟹就熱d~ around 有三両到三両半。無上年啲蟹咁靚，但都可接受🐆🐆🐆🐆🐆🐆🐆🐆🐆🐆🐆🐆🐆🐆🐆🐆刺身質素都keep到，新鮮👍最欣賞呢度有生蝦任叫，雖然唔好期望會係泰國餐廳散叫嘅質素，但絕對唔錯。醬汁味道仲好正宗同爆辣😂🐆🐆🐆🐆🐆🐆🐆🐆🐆🐆🐆🐆🐆🐆🐆🐆但今次食完呢餐發現有部份熟食味道不及之前了，炒菜類味道太甜，冬陰公湯味怪怪的。明白多元化生意難做，但要維持食物味道同質素先留到客人呢💪希望下次嚟嘅時候可以改進啦！加油👏

我就係睇咗HK 港生活 賣佢大閘蟹放題 好期待 所以即刻喺open rice book位啦 男朋友首先去到 未入座 我先去toliet 遲少少入去 唔知道未入座 行入去睇睇 啲員工即刻黑哂面 不斷問我幾多位 阻止我繼續前行 我就話book咗三位 其中一位男員工帶有諷刺問：「你真係三位？」有少少嚇親我 我只係睇下 我男朋友入咗座未 都無阻到佢地.. 最後發現原來佢未入座 咁最後同埋朋友都入咗10人卡位坐 同另一檯6人一齊坐 所以一開頭對佢地服務印象麻麻一坐低 負責我地區域既待應好好 問駛唔駛叫咗大閘蟹 幫咗人叫咗每人3隻 但係果度完全缺乏食大閘蟹嘅工具 得較剪 連細細既spoon都無 個醋 都唔係大閘蟹既甜醋 只係黑醋加薑 可能佢地今年第一年賣大閘蟹放題 唔知道食大閘蟹客人需要？ 講返啲膏 其實係okay既 每5隻都係得一隻黑哂既膏或者唔夠膏嘅蟹 只不過可能真係唔係專業食蟹 所以我係呢度食蟹嘅體驗真係麻麻其實刺身 小食我只可以畀到6.5/10 好食就唔係特別好食 都算新鮮 但係都甩幾多單 可能呢d任食形式都係咁 飲品就唔係好大路 汽水係百事 無可口可樂 或者無糖/健怡的選擇 仲有其他唔係

本身大閘蟹放題就係冇個樣整個樣, 比你食2隻就已經夠皮, 食成8至9隻, 想下都肥利到救命, 第二個裝修好殘舊, 坐得唔舒服, 厠所污糟, d橙汁機望到好似好污糟, 我拿包裝飲品飲, 食物方面就唔太新鮮, 手卷求其卷1舊比你食, 冇賣相, 求其唔好食, d炸天婦羅唔夠金香, 蜆有沙, 叫d野食黎得慢, 個爐細火, 如果真係好想任食大閘蟹係可以, 但如果係想食其他野就唔建議

本身見某d page 話呢間野唔錯, 介紹到幾好咁, 蟹又開埋邊, 所以諗住試下.去到現場同rexeption 講在openrice book 左位, 點知去到又話冇booking, 最後都zip 到我地(3人)落去. 我同另外兩位朋友唔小心太早入左去, 就俾一位員工以一句態度差嘅語氣講左句 "3個人點會入左去呀?" 類似d 咁嘅語句, 但可以肯定態度一定好差,佢在我地背後講,我行最後, 我聽到.除左服務態度要提及外, 食物質素算不錯, 三文魚都叫新鮮, 唯一一樣就係吃蟹時吃到有一隻係壞蟹, 入面全黑. 接近99% 嘅蟹都覺得可以接受. 不過蟹就同網站某d page 講嘅唔同, 係冇開埋邊.不過總括黎講, 我個人就唔會推薦朋友黎呢間.

兩個女人仔食唔到好多野，梗係要食啲好嘢啦，揀咗呢個嘅升級版，味道唔錯決定介紹翻！我哋揀咗消夜時段加埋升級，都係先二百幾蚊一個人咋，仲要平過七點鐘正價架。梗係要講番啲食物先啦！我餐廳都幾好有跟齊食物比足我哋不過可惜嘅就係消夜時段唔係全部嘢食都仲有，但係好嘅係絕大部份都有，最重要嘅梗係升級版！和牛同扇貝味道一流，鰻魚係幾好食嘅但係入面有骨嘅。大閘蟹同鮑魚都幾滿意架！大大隻又新鮮，不過唔係唔係太鮮甜，但都還可以接受啦。

今日諗住同屋企人慶祝生日，Book咗呢一間餐廳，估唔到都唔錯！一到去職員就帶我哋入去房間到啦，雖然要加＄20但係唔會同其他人坐埋同一台，我可以接受仲要有埋一部電視！經店員介紹左之後選擇左升級版，其實當中入面嘢食都好豐富，有元貝丶赤蝦丶生蠔等等，計返每人食幾件都回本啦！刺身壽司就真係一般啦，啲紫菜林晒冇乜嘢口感！三文魚味道好淡！不過刺身整體來講好新鮮仲要有我最鍾意食嘅赤貝。另外最推介嘅就係升級版嘅和牛同赤蝦，兩樣食物質素好高！真心唔錯都有一點唔開心嘅就係有啲食物真係冇出到，但係職員好快就我同我地跟返啲食物，補救服務都做得幾好。埋單＄250左右一個人，都不妨係一個好選擇嘅。