林德記麵食

Open Now

Now Closed

係「東莞佬」食完粥後，都唔係好飽，眼見對面既「林德記」除左有粉麵之外，仲有西式炒粉麵飯個喎~ 食飯就食唔落喇.....所以就試下佢既 蛋治 啦~蛋治﹕$ 6，即叫即整架 係我等緊既時候，係緊煮緊粉麵既老板好好人丫~佢叫我搵位坐下先，好快就有架喇~ 我買 $ 6 既蛋治啫，佢係忙中都不忘招呼我，good~~ 雖然蛋治既蛋無「澳牛」d咁厚 ，但都唔差丫~ 麵包夠軟，蛋夠滑 我一邊行回家，一邊吃，好快整份蛋治就落在我肚內了~kakaka~~~p.s. 等緊蛋治既時候，見到d食客既粉麵都唔錯喎...睇黎下次要試埋佢d粉麵先得喇~

看看新相中的菜牌和舊食評中的價錢，便看到價錢又上調了，雖然正值環球金融海嘯侵襲，近日仍見價格不斷上升，難道真的是滯漲已來臨嗎? 雖然加價了，但我這碗魚旦牛腩麵中的牛腩比以前大幅縮水，碗內只有兩件完整的牛腩肉，其餘的只可稱為腩碎，又一加價減料的例証，雖然味道依然不俗，但用料如此縮水，富然評分難免要減分了！

林德記的牛腩、牛肚、豬手、魚旦及魚片都吃過了，今天想試它的雲吞惦唔惦，叫了一碗雙拼雲吞牛腩粗麵加腩汁，雲吞不是散尾的，餡料以豬肉為主混合蝦膠，這是新界原住民傳統的口味，但我還是喜歡以蝦肉為主的廣東式雲吞，不過偶而轉轉新口味也不錯。雙拼麵都會自動加大碗，跟單拼加大是同價，所以最好是叫雙拼可一次試多一種食物，見其它食評說它的雞翼也不錯，下次再嚟會試埋。

豬手麵正如裡奧在前文所形容的一殷，猪手含很重膠質，最難得的是豬手能炆到濃而不膩，一碗四件很快便被我解決掉，其實我平日很少吃豬手麵，怕黏牙又要骨，但這店的味道可以吸引我日後再食。 誠意推介給大家！

近日又再吃了兩次林德記，上次終於吃了招牌牛腩粗麵($14)加碟油菜($10)，今天則吃了雙拼魚丸牛筋麵($10)再加杯大檸樂($9)， 照舊加上深褐色的滷水腩汁，牛腩是坑腩味道真的不錯，肉質唔會韌到咬唔開，而且唔黏牙； 而牛筋是圓柱型粗身的大筋，每條都像一條係滷水煮過晶瑩通透的啫哩，煮到完全軟身但又不會冧曬無哩口感，魚旦只有魚丸沒有魚片，但我還是較愛這兒較脆口的魚片。每碗麵都已加上一大撮菜，其實可以唔叫油菜都夠菜食，不過這裹的腐乳通菜(可轉腩汁)比其它麵檔的粗壯很多，可能是貨源不同，質素明顯好很多。 食友們實在一定要加腩汁，鄰座的小朋友要了一碗腸仔麵(註: 咁多好料都唔識食) 加腩汁，就不忘對他的媽咪說麵湯實在非常好味，實在很好吃。

今天來到上水综合街市大樓内的林德記食麵，因為近日腸胃不適，不敢叫這店馳名的牛腩麵，唯有叫一碗没那肥膩的旦麵，伙記聽到我本想要吃牛腩，便建議我加腩汁，真的是一個試牛味的折哀方法喎！同行的同事叫了一碗牛筋麵。等了數分鐘我的魚旦麵便上了，魚旦包括炸魚片和白魚丸，而且有幾片較香口的片頭，食落爽口彈牙，魚片和魚丸一樣好味，生麵碌得剛剛好，不會太而麵條保持彈性爽口，完全沒有水味；碗内鋪上幾條菜，今營養均衡一些，腩汁雖是五香鹵水汁但加入後湯底依然很清，不會變得很肥膩。味道方面很滿意，服務没有前文所述的瑕疵，日後必定會再來試埋林德記馳名區內的牛腩和豬手。

在此幫襯了兩三年, 多數是星期六或星期日食午餐. 最鐘意它的牛腩, 腩汁, 鷄翼及炸魚皮. 牛腩炆得好入味, 腩汁簡直一絶, 鷄翼炆到一咬落去即刻骨肉分離, 炸魚皮應該叫炸魚骨, 並非個個鐘意. 雖然我係麵痴, 但係我覺得師傅唔識煮麵, 所以都係食河粉好D!平時佢地只有西生菜一種, 但係如果有通菜(通常是當造季節)就一定要食, 因為老闆會自製腐乳醬, 非常惹味!

食品味道尚可, 可是食得不愉快,個樓面(佢係老闆家人)態度好差,粗聲粗氣,試過佢找返錢,接慢少少...好似食左火藥咁,大聲喝人地"揸住啦"...其實d錢可以放係台度o者....使唔使咁惡呀....

上水綜合大樓上層跟大埔街市的熟食樓層一樣的臥虎藏龍，不小老舖都安置在內，這麵舖對面就是出名的東莞佬竹蔗粥，而這裡亦是以牛腩及牛腩汁出名，據同桌街坊講，林德記由以往街邊檔及後的入舖以及安置在這裡，好像都幾十年了，幫襯亦已經十幾二十年，食開有感情。是日中午來到，人頭湧湧，找了旁邊一角坐下，不想這裡的牛腩，反而看到對家的那個老街坊的豬手麵真的不錯，就來碗豬手粗走腩汁。四大件豬手，可用色香味俱存來形容，夠彈牙夠入味，亦沒有肥膩的感覺，另外一點是炆制不會過火而出現過腍的口感，比起以往所嚐的豬手味道滿分多；而粗麵沒有鹼水味道，配上不過濃的上湯，居然豬手麵都有清淡的感覺；另外跟麵的通菜不用忽視，不會死命的添加食油這點已經稱心，而幼身的通菜食落是新鮮甜美，配上粗麵及豬手，吃過碗底朝天。可惜是日胃納不夠，否則再來東莞佬的一碗甜美竹蔗粥，應該是完美及滿足的一頓午餐！

在北區綜合大樓而言,單是麵檔超過三檔,其中林德記跟興記分佔南北一隅,亦是人氣麵檔,跟其他麵檔一樣與時併進增設茶檔,不過始終賣麵是老本行,老檔主已近半退休,將工作交于兒子接手,不知是否有所影響,近年總覺吃不回當年的味道,雖然柱候牛腩炆得既入味,湯更濃郁,可惜過於碎濕濕,淥麵底時間掌握水準不穩定,有時顯得過淋乏麵味,可惜!