林洪記

Open Now

Now Closed

一期一會，冬風意起，正好去雞煲。林洪記位於長沙灣中心,交通方便，從港鐵站過來也只是幾分鐘路程。林洪記的地方環境開揚，空間感十足。坐下來完全不會覺得焗促，悠得自在。老闆侍應招呼熱情,亦會詳細介紹自家菜式,少見的傳統港式互動。汽水是傳統式的玻璃瓶汽水，更加有傳統港式風味，打卡一流!是次，我們點了個五人份雞煲。與其他醬汁為重的雞煲不同,林洪記的雞煲採用炸脆雞皮的烹調方式。以雞的口感為主，醬汁為輔。雞肉外皮脆而不油，雞肉嫩口，多吃不膩。如果想試一下別的口味的雞煲，林洪記絕對推薦一試!吃完雞煲可以直接加高湯進行火鍋。非常新鮮的配料，肥牛，海蝦，鮮魚，種類十分多。 絕對能滿載而歸。林洪記，交通便捷，食物甚好，一期一會，消足滿載。

成日打邊爐都打到悶，今日朋友介紹我哋嚟食呢間位於街市熟食中心嘅老字號蒸氣火鍋放題，食新鮮海鮮來講呢個價錢任食真係非常之抵 蒸氣火鍋來講我絕對係新手，好彩呢度嘅餐牌有寫到明每樣食品嘅烹調時間，確保我哋食客唔會overcook 浪費左咁新鮮嘅食材。一上海鮮盤我同朋友就比佢個size震撼左，兩個人嘅份量真係好多，雖然呢d貴價海鮮唔係任食，但係呢盤就足以值回票價啦。近影都見到啲海鮮色澤非常之靚，令人食指大動。由於我同朋友太肚餓嘅關係我哋一次過放咗好多嘢上去蒸。蒸氣海鮮嘅重點之一就係佢哋冇咩調味，着重於海鮮嘅鮮甜味，如果海鮮一唔新鮮就好容易食得出。聖子吐沙吐得好乾淨，處理食材一啲都唔馬虎，蒸完之後肉質彈牙而且鮮甜。大大隻肉蟹，蟹鉗好多肉，侍應服務好周全，畀晒工具方便我去食蟹。石斑成條上咁大條真係好奢侈蟲草滑雞份量多到蒸左幾round先蒸完，時間掌握得好嘅話雞肉好嫩滑juicy。其實食完海鮮拼盤之後已經好飽，不過既然佢包埋打邊爐咁就順便過埋打邊爐嘅癮我地叫咗香辣炒蟹，真係炸得好香脆，啱晒我呢啲重口味人士，非常惹味。頭先食咗海蝦，依家都要繼續食，質素依然保持到食咗咁多海鮮都要叫番啲肥牛同蔬菜來中和下

成日覺得喺熟食市場食海鮮別有一番風味 所以今日就黎到長沙灣試試 搵到林洪記 見佢佔地都幾大 比較舒適 揀左食海鮮蒸鍋 感覺比較原汁原味佢一set包左好多正野 一人$208 入面有龍蝦 鮑魚咁 其中龍蝦最正 開左邊 可以成條肉抽出黎 一啖咬落去 勁滿足 好新鮮 因為真係好彈口😍😍 仲有少少膏 痴埋喺肉度好香甜另外係元貝 真係好大隻 熟左之後輕鬆成粒搣出黎 多汁鮮味 good good 😋食完呢盤限量嘅正野之後 就可以叫下任食果d啦 目測起碼有60種食物選擇 而且質素都不錯喎 其中墨魚滑我超推薦 因為咬落去真係會彈下彈下架 同埋食得出100%係墨魚肉黎 冇加啲粉落去裝假🐶 好欣賞🙆因為我地比較早去食 去到我地食飽飽嘅時候 就開始好旺場 d位基本上都爆晒 睇黎佢都好多支持者😆

長沙灣區出名多好野食 今次黎到長沙灣街市同朋友們食晚飯 位置唔易搵 要上街市嘅熟食場 好多人位置未必坐得舒服 但勝在夠平夠新鮮 地道風味 $138任飲任食 坐低即刻有員工上一煲熱騰騰的雞煲 同出面d雞煲有少少分別 睇落好似炸子雞 好滑同惹味 食完雞就有員工加湯 任食嘅種類好豐富 有成五十幾款 每次落單可揀十款 我地揀左海蝦 田雞 美國肥牛 鱔片等等 田雞同鱔片我朋友都話好鮮好滑 可能貨源就係樓下 全部食材都好新鮮 不過飲品只有冰汽水 加多20蚊就可以任飲青島啤酒 $208可轉蒸氣火鍋 加錢又有大閘蟹膏食 幾個人食到好滿足

今次介紹既蒸氣火鍋打邊爐係係長沙灣街市入面環境類似室內大排檔 如果你要好安靜既環境就唔岩不過正因為地方係街市所以價錢既CP值好高好抵食!!-呢個任食蒸氣火鍋海鮮 只係$208唔駛加一 任飲亦唔駛特別加錢(除非啤酒)🍺同埋只係$208 但D海鮮係非常新鮮!😋_開頭會有一大碟一次性海鮮有鮑魚 龍蝦 大聖子 北寄貝等等隻鮑魚新鮮到識郁-之後任食部分都有好多海鮮選擇唔怕係得一次性個碟就無我推薦沙白 食左好多粒 因為鮮味十足基本上就咁蒸已經好夠鮮味 ！_另外蒸雞件十分嫩滑 驚喜👍🏻仲叫左田雞 平時好小見好耐無食過😂_食飽蒸海鮮之後 仲可以叫打邊爐既野食開始打邊爐不過蒸完已經好飽 我地只係加左小小牛肉栗米😂總括黎講真係好抵食好岩一班fd柴娃娃係到傾計都唔驚嘈到戈而且 2小時都比一般任食時間長👍🏻_任飲係有樽裝唔同款既可樂我地2個人飲左7枝🙈_

有次同朋友黎到街市上既熟食市場食晚飯，聽朋友講話呢度任食粥底海鮮火鍋超抵，就黎到試下，上到黎超多客，都等左半個鐘以上，因為可能實在太抵，坐低後店員會先幫你落order，因為可能太多人關係，淨返龍蝦，無晒M4肉蟹了，我唸下次要早d黎先得😣呢個任食海鮮套餐係包括龍蝦，海蝦，鮑魚，蟶子，刀貝，石斑片，蟲草滑雞，美國牛小排，黃金蚌，螺，蠔，都幾豐富，佢餐牌上已列明左每種食物需要蒸幾多分鐘，等唔好太熟或太生，佢地除左任食火鍋配料之外，仲有熟食俾你任叫，我地就叫左香辣炒蟹，種到都幾香口鬆脆，海鮮好鮮甜，龍蝦有膏，牛小排都幾有林身，最值得推介係炸魚皮，真係即叫即炸，因為係熱辣辣同埋好爽脆架，超正，最後就係個粥底，吸晒d海鮮鮮味，好好味😋

認真問下大家，大家覺得依家食一餐海鮮蒸氣火鍋要幾錢？我諗大家都估起碼要350至400蚊啦！但係今次居然俾我搵到間只需要$208就食到，仲要係任食！😱-咁平嘅海鮮蒸氣火鍋可以係保安道街市嘅林洪記食到！聽職員介紹，林洪記係自1972年於北河街街市發跡，為45年歷史的知名活雞檔，以100%新鮮活雞煲而聞名，老闆宗旨「平、靚、正」。首先伙記會上一盤無得任食嘅海鮮拼盤，裏面有肉蟹、鮑魚、大海虎蝦、石斑、大蟶子、珍珠貝、安格斯牛等，之後一邊蒸，海鮮同牛肉的精華就會慢慢滲透到粥底，吃完超鮮甜的粥底，唔夠喉仲有80款勁正海鮮、肉料、蔬菜嘅火鍋配料: 活雞件、海蝦、雪花肥牛、沙白、生蠔、東風螺、鯇魚片、豬潤、雞子、牛根丸、海膽丸、蟹粉包、魚皮餃等應有盡有！😋-另外仲會有任飲樽裝汽水同果汁，樽裝汽水感覺好懷舊！環境方面始終係熟食街市，就無餐廳咁好，比較似係大排檔食野，現場比想像中多人，應該大家都覺得好抵食，所以先咁多人！🥰-味道評分▶️🌕🌕🌕🌕🌗 (4.5)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌑 (4)-➡️ 林洪記 (長沙灣)📍 長沙灣保安道325號保安道街市3樓CFS4號檔

蒸氣火鍋都興左一段時間，但今次都係我第二次食。豐富又豐滿的海鮮拼盤，非常吸睛。元貝無沙又夠甜、石班肉嫩又夠滑、鮑魚爽口又夠矜貴，大蝦及扇貝則咬落啖啖肉，單單頭盤值回票價。除了肉蟹及石班，很多海鮮都可以re-order的。呢到吸引我的是食材夠「新鮮」，很多海產都是即叫即劏，而且價錢唔貴，可以話係好平。除了生蒸生烚，現場也有熟食供order。估佢唔到既是這食肆居然會用這麼大隻的肉蟹拿來做炒蟹，讓客人任點任食。味道方便，有少少辣，好香味，真的好正!肥牛、炸魚皮係食火鍋必點的，其他火鍋食材也夠多樣化。環境則一定無餐館、商場舒適，始終這是街市裡的食店。雖然如此，這裡還是坐得自然自在的，同埋唔駛收加一。汽水是包埋的，是久違了的樽裝，聽人講過話樽裝會多氣一d。

市政大樓的熟食市場，通常大極有限。保安道這裡可能是少數，轉角位還有一排枱。重要的是當日坐無虛設，如果唔係一早book左位，就肯定要等位。$208 海鮮火鍋放題，呢個價出面難找到。大大盤即劏海鮮，有還是活生生的鮑魚、原條去骨石班、超大隻扇貝、帶子...這裡的火鍋可謂一煲兩味，海鮮用來蒸，精華滴晒落下面的湯鍋，食晒拿走隔層，再打邊爐，夠晒完汁完味。除了海鮮，還有小牛排、肥牛、田雞及其他常見的火鍋配料。飲品方便，選擇略嫌少，只有啤酒及4款樽裝汽水。火鍋以外，辣味炒蟹也給我驚喜，大大隻多肉又惹味，仲要係無限任食。平時嚮街市買兩隻肉蟹分分鐘都過兩舊，怪不得平日也滿座。

天氣涼涼地，又係打邊爐既時候~有次跟父母飲茶，聽街坊講保安道街市熟食中心，有平靚正海鮮蒸氣火鍋，心郁郁想試下，見今晚無咁熱，就去左食~一上到去，已經坐滿哂，熱鬧非常~店員帶我地坐牆邊位置，地方闊落，都幾舒服，環境亦衛生~收費$208一位，免加一，包一盆海鮮拼盤 ，餐紙上火鍋料任點任食，支裝汽水任飲~價錢非常吸引！支裝汽水自取任飲~一開始店員送上一份炒蟹，之後亦可任食~惹味香口，送酒一樓~四人份的海鮮拼盤，非常誇張~新鮮得會動的海蝦~新鮮得會動的鮮鲍~鮮嫩的美國牛小排~原條石斑仔，新鮮肉嫩~龍蝦多膏，啖啖肉~貝類肉厚無砂~鲍魚鮮嫩彈牙~帶子非常鮮甜~再點了一份炒蟹，今次十分大份~魚皮脆卜卜，打邊爐必備~總括而言，食物新鮮，環境可以，價錢吸引，性價比非常高，定會再光顧~

位於長沙灣保道街市一上到三樓就見到非常熱鬧成人每位$208就可以任食2小時任飲汽水👏🏻👏🏻👏🏻因為係街市大部分都係自助但集中哂係一個角落都好方便第一轉會送一個拼盤分享下當晚我地個個先有石斑片, 鮮鮑魚, 大蟶子, 肉蟹, 貝同蚌, 美國牛小排, 蟲草滑雞同海蝦呢個拼盤好似熱身一樣每個都俾你試吓但份量都幾多下, 好彩佢即叫即劏, 款款都好新鮮海鮮好快俾我食哂啦🤣隻肉蟹好鮮甜, 好回味記得問店員拎拑食蟹腳唔夠喉就繼續係單上揀多幾款海鮮白貝, 蠔仔, 東風螺, 沙白, 大獅蚶要注意既係為確保新鮮店舖只會留大概數目既海鮮唔想心儀既海鮮售完就book早少少總括佢真係好抵食我後悔個日食得太少無食了肉類, 丸類, 蔬菜類, 餃類等等如果叫多幾個朋友就可以食多啲啦見佢仲有雞煲得閒試下先

呢度的雞煲🐔同平時食開唔同，佢係乾身，外皮脆口，但肉質嫩滑～ 佢地寫住係用本地新鮮雞的😍 因為第一次食，所以我揀左少辣，覺得唔夠辣味，下次可以試中辣～ 食完d雞，當然少不了加湯打邊爐🍲打邊爐任食的種類有好多！另外亦有加錢叫的食物！我覺得任食的選擇已經夠，有唔少海鮮選擇～ 有蝦🦐有貝殼類，墨魚滑等等！當然肥牛，豬肉都唔少得！汽水任飲🥤仲要係大大枝玻璃樽丫🤩 如果想任飲啤酒就要加$$ 總結：食物味道唔錯😋野食選擇都算多，任飲任食都係$148/位，CP價極高👍🏻 我去果日係平日都坐滿哂人🤓

最近，喜愛上了蒸鍋，因為不單止以保持食物的原汁原味，更不會像火鍋，會吸收湯中的油脂，熱量相對較低。今晚，在長沙灣保安道街市，便品嚐了一餐性價比不錯的蒸鍋，238元一位，任飲任食。坐下後，便有伙記加水，隨即盤上了一盤限定海鮮，十分吸引眼球，以及一客黃金炸蟹。黃金炸蟹，炸得十分透，基本上蟹殼亦可輕易咬爛。限定海鮮種類不少，每一款都十分新鮮，我最愛的當然是龍蝦，聖子，鮑魚，以及蝦。只要放入蒸鍋 ，不到十分鐘便可取足，品嚐海鮮的原汁原味。任食的種類亦十分多，海鮮超過十六款，另外亦當然有牛肉及豬肉，食完蒸鍋，亦可將鍋變成爐，打邊爐。飲品的種類雖然只有數款，但難得的是有玻璃樽裝的可樂，及雪碧，足矣。總括來說，238來說，真的十分抵食，以且比火鍋更健康。林洪記 (長沙灣)長沙灣保安道325號保安道街市3樓CFS4號檔想食就食，想寫就寫，絶不專業，絶對主觀，有興趣請follow～緣食魔宮

我食野唔係食裝修 只要好味同衛生。平日都會去街市熟食中心，旺角上環都是成日去 但呢間打邊爐我好後悔。因食完一班朋友都嘔同痾。是我連累佢地肉片有些怪味。海鮮拼盤的蟹悔了。死了同擺了很久。但開頭覺得小小唔怕啦，食完見到食物就放係廁所邊，因佢偷埋公家地方放食物同開多左好多張桌做生意，這是遺了法的，可告食環。坐車回家時肚子開始攪肚，回家痾了6至7次水便。後來WhatsApp 同朋友講唔止我弓個人中招。寫文是希望大家別中伏，別因平食到中

poor hygiene and service the hotpot is cheap but after eating the seafood i got diarrhea the environment is bad as it is in wet market but the food storage is not fresh food poisoning don't suggest to come and the service is very bad the attitude of a middle age waitress is poor anyway of u see this review hope u would get diarrhea as i believe all previous reviews a trial review