柳和亭

Open Now

Now Closed

收工經過大全街，見佢門口好可愛同唔多人就入咗去。歌好聽，冷氣夠凍（張敬軒嘅歌同冷氣好重要）鋪頭要掃碼落單，但有困難都有店員幫手落。試咗個$88一人阿媽家姐加龍蝦沙拉可樂餅加埋一 唔過200又飽肚。樓面個男仔服務同態度好好👍🏻廚房個女仔好可愛，啲嘢食整得好好食。雖然話阿媽家姐，但其實都可以揀。所以依個價嚟講幾抵👍🏻👍🏻可能因為新開所以店內環境比較簡單，但聽到隔離檯講 成間鋪得依2個後生仔女經營就覺得都已做得好好👍🏻想食好食嘅嘢同支持下良心小店嘅話依間幾好👍🏻加油💛💛

前幾日放LUNCH 行過 見有新野🤓叫左個燒汁雞排手打烏冬配青檸梳打💦個雞排外脆內嫩 超好食💯一食鍾情 連續嚟過幾日🤤🤤🤤成個廚房得個美女主廚 好利害🔥🔥🔥哩個天氣 飲埋杯青檸Soda 真爽透🥰🥰🥰

11點左右入店，附近其他食店都閂得七七八八，抱住試一試嘅心態入左去叫左一人份晚餐，頭盤選擇左枝豆，主食拉麵，串燒揀左冬菇、豬頸肉、鴨胸同翠玉瓜主食份量適中。串燒香口但偏鹹，適合送酒店內氣氛比較輕鬆，同朋友聚會飲酒一流

鋪頭好有活力，幾乎爆滿入到去好好彩有一枱俾我哋食，唔使等位。員工老闆全部都係後生仔，氣氛好好。鋪面乾淨企理，客人可以直表望到廚房。係抽風系統未夠好，但都合格有餘。我哋兩個人食，串燒、沙律、意粉，食到兩人都飽。飲咗兩杯cocktail，兩枝啤酒，總數都只係$600 就落到樓串燒檔嚟講呢個價單係超值。串燒質素唔錯，同價位嘅串燒檔都冇呢間咁平。肉醬意粉係驚喜，意粉嘅texture唔錯，肉醬好明顯有俾心機研究點做，酸度好平衡。Cocktail 超級俾心機，賣相同味道都有驚喜。呢個價錢老實講真係限米煮限飯，但都睇得出好有心機做，下次會再幫襯: )

阿囡話唔係好肚餓，帶佢去試吓一間串燒店，叫咗個二人餐，唔使$200 ，相當抵食。套餐包括多款串燒、湯烏冬、炸薯條、蟹籽沙律及飲品，食落幾好味，忍唔住再加碼，叫咗串燒牛 &燒鵝肝串燒，質素唔錯，埋單大約$300 ， CP值高，會在幫襯。而且店舖有做捐贈活動，在指定日期會送飯盒比長者，相當有心，值得支持👍🏻👍🏻👍🏻

喺大角咀大全街，啱啱前幾日7月8號見新開走去試。🆕超癲囉！我第一日去完全未有優惠開始，但啲嘢好好食同份量足。串燒完全喺意外好好食！個牛舌芯完勝好幾間旺角嘅串燒（個人覺得）叫咗個明太子海鮮飯都嚇親，叫少飯就真係睇落餸仲多過飯。可惜當日無試到佢哋嘅調酒 超靚✨✨間小店喺好有心嘅後生靚仔靚女開，會再嚟支持佢哋💪🏻💪🏻從食物同飲品都睇到佢哋幾用心，加油！❤️

收工行過見到新開張，入去問個老細有咩推薦，老細介紹咗個豬扒烏冬，一枝公大食啲既我叫埋牛舌，再加杯個名好搞笑既cocktail ，叫做舔狗😂，牛舌感覺比連鎖集團出色，價錢仲平啲，$38有三大塊 原諒我食咗一塊先影，豬扒烏冬出色，豬扒炸得外脆內軟，肉汁都保留到，烏冬湯底先吸引，同我食過啲日式連鎖集團唔同，食得出係特別啲，果杯cocktail舔狗入口果下偏甜，但到喉嚨就有種烈酒既灼熱感，個感覺係幾特別，$68雖然比較偏高級，但用埋食物去對沖就性價比高。埋單$200有找添😂😂會再幫襯👌環境：4.5/5食物：5/5飲品：4/5價錢：4.5/5