桂林米粉

Open Now

Now Closed

夜晚9點幾去到，見到入面冇人諗住會唔會準備收工，點知老闆勁nice招呼我入去坐仲拿拿臨送上杯熱茶，係真係一杯熱茶！好似好耐冇飲過送既茶係有熱度！餐牌好簡單，食物款式唔算多，猶豫一陣食咩，老闆娘即刻介紹：牛腩酸筍粉好好食wor! 牛肚都好食呀，但唔知你食唔食酸筍wor! 素聞抵食又大碗，所以叫左碗牛肚酸筍粉，免得太多肉。多口問老闆一句：油菜有咩揀？老闆：生菜lor!但碗面入面有wor!你喜歡我送多兩條俾你，唔使嗌呀！呢啲真係小店先有既人情味👍🏻👍🏻👍🏻話口未完，碗面已送到，嘩👍🏻大碗到！真係好抵食，牛肚切得好薄又好多，豬骨湯底清清地但唔錯，食完唔口渴，米線略硬，但聽聞呢個係桂林米粉特色，所以整體感覺我覺得都可以接受！拿拿臨食，好怕阻人收鋪，但老闆娘好好叫我最緊要慢慢食佢地唔趕。坦白說，味道不至於一流，但價錢咁抵，有人情味，服務又窩心，我真係搵唔到理由唔再黎食！希望大家都一齊支持小店！

🌟🌟誠意推薦，唔試走寶！！🌟🌟呢間餐廰從開業到而家我都食過幾次，水準一定冇退步過👍👍餐廳係由老闆同佢太太落手落腳一齊做，而且兩位都超Nice，服務態度超好，完全冇架子，見到你有小朋友，重會主動問你要唔要碗仔，真係超細心。食物方面真係平！靚！正！價錢唔算太貴，一碗牛腩水餃粉都只係34蚊，碗麵真係大碗夾好食，價錢超合理，天水圍已經好少呢啲又平又好食嘅餐廰，誠意推薦大家一定要試下，支持下呢啲小本生意👍👍👍👍

牛肚牛腩米粉1.牛肚雖然薄切，但仍然很爽口，配埋辣椒醬夠惹味2.牛腩夠淋夠入味3.桂林米粉原來似米線嘅質感，不過比較硬身少少4.湯底清甜5.配料：花生超脆，酸菜都好味店舖裝修簡單，店員只有老闆同老闆娘。老闆超nice，一入去佢就會送上熱茶一杯值得一贊，送餐速度快，又大碗又抵食，值得一試

經過見到呢間鋪無乜客，猶豫左一陣要唔要入去試下，最後都係入左去。一入到去老闆就好有禮貌咁招呼我地食物價錢好平民，啱晒我呢D窮J叫左個麻辣牛腩粉,酸辣，湯底好正，D麵有少少硬，但都好入味食左一陣已經覺得好辣牛腩切成呢個SIZE易入口加$6點左個酸筍，甜、酸、辣有齊晒，好開胃埋單每人大約30幾蚊，我覺得OK呀埋單果陣老闆娘仲請我地食糖我覺得一間鋪就算佢D野食有幾好食都好，只要佢服務態度差，就可以代表一切呢間野食雖然唔係話超好食，但老闆同老闆娘既服務態度，就令成間鋪加分

食過幾次，環境乾淨，老闆好好人，食物質素物超所值，28蚊親民價錢食到足料嘅一碗麵。餐廳為街坊經營，食物選擇雖然不多，但很地道，味道不錯，湯料亦是每日新鮮豬骨等製成。值得一試