梨和園韓日料理 (Closed)

三日內去了2間分店,其實係好多選擇.價錢真係好抵,簡真是不惜工本,而味道還是很不錯的,只是陳列的賣相不很好;不過再要比較,銅鑼灣的一間真係好很多,連顧客都高檔d,有很多美容院的小姐在食tea,更大的事實是旺角太污糟了.

d野食都ok既,咁既價錢我都唔要求咁多,不過衛生程度...器皿同地板真係好恐怖,有d碟仲有d送尾留番係度,杯同匙就痴立立好似淨係洗某一部分其他位就千年都唔洗一次,地板門口又係好立,我個位滑到可以溜冰!!!真係食完都驚肚痛

睇到雜誌有優惠咪去試下,訂位前已問了星期日是否同雜誌所登的價錢一樣,那接電話的粉腸話係......點知俾錢先知一人要多10元,我那天7大2細(總數要$910有兩個小朋友呀)咁樣要我俾多90元,仲要d野唔好食,唔新鮮,服務又唔多好......真係一d都唔抵,我一定唔會再去,仲會同所有朋友講......千萬唔去呢間"梨和園"!!!

全部自已出去羅，無得tick永久Black List，又迫又Dirty又污煙障氣，限時個半到2個鐘一張正常4個人既table竟然可以叫人座7個7個人既就座9個，見到都有人係度complain

見廣告有coupon咪試o下，點知真係好似自由行咁，地方細但人就多。o野食唔新鮮，奄得好難食，個燒烤如果加左個打邊爐就只可以o係側邊"liu" o下"liu" o下，極之唔方便。唔明點解重有人等位，重要唔夠4個人食只可以食1個半鐘？最好味o既只有啤酒！侍應服務好得意，個火成日自己熄，佢來到就拿走我用緊o既紙巾來拿起個爐，攬完一輛就掉番張紙巾俾你。奇觀！只此一次。

唔好坐壽司得D青瓜卷D 炒公仔麵超難食炸饅頭竟然冷的甜品又無..................

睇到呢度d post~見價錢平好似又ok咪去試下~嘩~我以為自己參加緊d中國短線團食緊團體餐!環境"整潔"到唔想講~d野食......d薯餅,薯條爛既~好多唔知點俾人整到得一半咁o係度..我拎都唔敢拎...d碟有d仲有漬.....野食味道差過一般快餐店.......好多野好"lei 啡"~D員工仲用手撥d野食~見到都唔敢食......我同bf各自拎左一次野食後~食完後佢話不如走~去對面美心食過la~前後唔夠10分鐘已經走.....係平........ 但係咁樣.....食唔落~咪仲蹝??!!!我寧願食美心~大家樂~

呢間野我同bf食過兩次,都係下午茶時間上去他們的"免燒自助餐", 個名真係改得好,因$27連加一呢個價錢, 係唔會食到任何燒烤食品既!咁有乜食呢? well, 全部都係d平價熟食,好似炒米粉, 雞翼, 牛丸呀咁啦...d sushi 我冇試過呀...因望落唔新鮮,而且又唔係d 吸引的sushi不過佢個泡菜都ok ge!~任食喎, 鍾意食泡菜都抵呀!呢度的飲品好騎呢, d檸茶要自己用檸檬+茶+糖的...呢度d杯"痴立立"的....唔敢用...寧願飲茶....最奇怪係第一次去時冇乜人,第二次就勁多人(多數係學生),不過如果想hea又接受到食冇乜野食既buffet都可以去!!

下午茶　＄２７／位（已加一）雖然要同人搭台，但唔算迫～野食有成４十幾款(壽師,秋刀魚,薯餅,薯條,炒粉麵飯,豬腳彊...etc 糖水甜品水果..都有十多款，仲有西瓜汁,奶茶,凍檸檬紅茶,豆腐花,唔知咩湯... etc２７蚊本來都唔望　有好多野食～不過味道都好好，而且又唔會食食要埋單～值得再去！

個次同班friend去依度食,諗住平平地又有得任食...入到去,熟食唔多,生的食物又唔係好衛生,所以食得既野真係唔係好多~而味道都是馬馬...因為我食的主要是燒烤,所以食起上來好似樣樣野都係同一種味~如果要打邊爐又要令外加$$...加上地方細,toilet 又dirty,見到真係想反胃~如果唔mind佢個地方,又想食抵d,先好去果度食~

今次係第三次去食~~我都有睇之前d人o既評語~~我都認同佢地o既講法~~的而且確味道唔係非常好~~但都過得去啦~~同埋最重要o既係人地只係收你$27.5~~所以我個人認為唔應該要求太高囉~~如果要求高就唔該去大酒店食啦........講番d野食~~今次唔知點解有豆腐花食~~仲要係好滑~~同埋佢真係用個木桶裝住~~好有風味~~平日o係超市買o個d百福豆腐花真係冇得同呢度o個d比.......仲有呀~今次仲有糖水o查o查食~~都好足料呀~~唔會水淋淋~~而且我今次仲見到有好多年青潮人都去食~~真係食完一餐可以成日都唔使再食野.......

昨日去左食傳說中既$25 Tea Buffet.食物同以下的人所講既差不多, 但有炒公仔麵.味道...... 唔想提, 你地去食下就知...但我強調: 只見意月尾未出糧又想食得飽的人去食.

初時見到話25蚊tea buffet,真係難以置信,心諗邊有咁著數,去餐廳食個lunch都唔止呢個價啦!再睇埋呢度既食評,就同個朋友去試下.其實食物真係如樓下jennyyip6980所講0個d.但要補充下:炸雞翼,潮州花生(真係好彩唔係腍左既),0者喱(有黃色同橙色),湯,壽司,豆漿(幾好飲),酸梅湯(幾好飲),菊花茶,貢丸,墨魚丸(幾好味)炸魷魚鬚/多春魚(呢兩款只出一次,極快無晒),個香葉包雞有d鹹,d滷水雞翼未熟透,唔好食咁入,d春卷有d"宿",小心.個自助餐供應時間係14:30-16:30.星期日去仲以為會排晒長龍,雖未爆滿,但都有8,9成入座率,有搶食情況.基本上都冇乜服務可言,我地各自疊左4隻碟先有人唻收,搵極都冇熱水,問佢又唔理我,同埋16:00 0個陣,唔知邊度傳出一陣燒元寶味,仲有煙添,咁我地都食飽咪走囉.呢間試一次就夠.

星期六7點去到坐底先知原來只係可任食90分鐘, 時間太短, 但已坐底就算數, 火鍋要另加$20, 但無叫食物方面都係個d, 豬, 牛, 蝦等, 而熟食除了泡菜外一樣都無食, 因選擇唔多之餘望個樣都唔吸引, 另叫了四罐啤酒, 有COUPON 9折, 埋單$220, 價錢差不多, 但時間真係太短, 食得好急下, 出面咁多選擇, 相信唔會再幫襯

我最終意食平野.....這家店的$25自助餐我已經專登去左食幾次.25蚊自助餐,記得有以下食品:1) 老水雞翼2) 荷葉包雞3) 秋刀魚4) 炒飯5) 炸薯條, 薯餅6) 加里魚蛋7) 腸仔8) 中華海草9) 好油炒粉絲10)多款好油0既炒菜11)橙, 木瓜12)涼粉, 椰汁西米榚13)炒公仔面或意粉14)甜酸炸蛋15)炸多春魚,由魚鬍16)野飲自己較味17)泡菜, 小魚乾, 等等........好在佢星期日都有這優惠, 真係可以一餐當三餐. 星期日通常都訓到好晏, 起身後兩三粒鐘走去食, 食到5點, 連晚餐都唔洗食.不過如果係平時間果d 幾廿蚊至百幾蚊果d餐, 我就唔會響呢度食啦. 此終環境真係唔係好得, 太細及唔係咁企理. 野又唔係好好食. 這評分只計佢0既25蚊自助下午茶.