棠記雲吞麵 (Closed)

棠記一直係我葵涌至愛之一，皆因佢價錢真係好平，質素亦唔差。近來加價後都只係$11碗粉面、$6碟油菜、$6冷熱飲品，真係去邊度搵？雖然價錢好平，但講食物真係幾ok，我最鍾意佢既牛腩，夠「林」夠入味，魚旦爽口彈牙（但魚片就麻麻），雲吞夠料有口感。一個人去食晚餐，基本上$30以內已經可以食到好飽，真係超抵食之選！

雲吞好大粒好好味絕對係鮮蝦11蚊一碗粉麵黎講算好抵所以成日去牛筋都好好味架!

食過幾次凌魚球同雲吞都ok其他唔知價錢十分抵

牛筋河$10 都算夠份量牛筋都幾粗幾大條下~都唔會因價就價唔知係咪唔太肚餓定係佢真係份量夠我食剩一半就食唔落....1個字: 抵!

由於唔肚餓求其搵間野醫肚，10蚊一碗麵？就算雙併都係15蚊，心諗好極有限。要了碗雲吞紫菜粗麵，4粒大雲吞、好多紫菜、好多麵、好大碗，真係「三多」。雲吞饀的豬肉及蝦肉各一半，包得好均勻。不過個人喜歡較多蝦肉的雲吞。紫菜洗得乾淨，食唔到有沙。麵淥得幾爽，唔會腍pat pat。老公要魚皮墨丸河，墨丸勁彈牙好爽，食得出唔係平價貨。油菜只係5蚊，份量都唔細。再要杯好立克都係5蚊，沖得好夠味，不會將貨就價。兩個人加埋40大元，唔至十個抵，真係廿個抵呀！

尋日食上海小館,見到隔離呢間十蚊碗雲吞麵,本住試新野目的,今日就吃呢間。阿姐忙到團團轉但都好快手地落單,效率同態度都算唔錯!雲吞撈麵($15):好大碗!!應該有2個麵,睇見已經飽左幾成,麵質還算爽口,唔係淋pat pat個種麵質,蠔油對我黎講就少左d,多d更好;雲吞幾大粒,入面好多蝦,有少量肥肉,典型新式雲吞,以十五蚊價錢黎講交足貨。跟麵既湯不提也罷,味精湯一碗。腐乳通菜($5): 份量都唔細碟,通菜灼得好青綠爽口,腐乳相當惹味,perfect match!!!總括黎講味道就真係一般,平價飽肚之選咁啦,食完之後真係好想飲野,都係味精作怪,所以阿姐落單時實問你要唔要飲品。