森森小屋 (Moved) New Location

今日試了森森小屋的外賣炸雞飯和吉列豬扒，兩個都炸得好好，唔會太乾，首先是炸雞，它粉薄同外脆內軟， 份量都好多，跟餐連罐裝或者紙包嘢飲，好抵食 🤗另外吉列豬扒飯係跟前菜同咖哩汁， 前菜分量都好多小小辣，咖哩汁係日式的，但這個套餐就沒有嘢飲跟，如果有埋就更好 😆外賣器皿全部都係用環保器皿的，值得嘉許 👍

第一次光顧是經熊貓外賣，當時點了個極上牛舌飯。牛舌很有質感, 很入味，份量多。很多時候, 尤其外賣, 牛舌會硬會"鞋", 但這裡控制得剛好. 而且前菜青瓜雲耳很清爽。整餐都充滿驚喜。第二次再光顧也是經熊貓外賣。今次點了咖哩角切牛舌飯，再加薯仔沙律。今次的牛舌不同味道, 需然有汁去煮，但質地依然，唔會老咗！咖喱汁調味很適中。第一次試此店的沙律，好正！有烚蛋白混合，味道好新鮮兩次的餸同汁的份量都很足夠, 飯也很多, 食到好飽好開心! 物超所值, 一定會再次幫襯！

只做街坊外賣的小店，貌不驚人，但真箇食髓知味，令人會一再回頭。此店價錢雖然平民化，但飯有飯香，菜味鮮甜，肉質鬆化。縱是配菜如日式薯仔沙律、小青瓜、雲耳……，也毫不馬虎，令人有一再添吃的慾望。如對大乜樂、大勿活之類的快餐店食到厭的話，這不啻是一個俗世清泉之選。

今日做完嘢行過黃埔，諗住買番啲嘢食返屋企食😋見到呢一間小店啲小食同埋正餐都幾吸引，又唔係好貴，一於試吓佢啦！兩位哥哥仔都好有禮貌，環境都好企理，嗰度有立食區，但係本來諗住買外賣所以就冇去嗰度食啦😙酥脆炸豬扒😋本來係諗住買外賣嘅但係中途因為個外賣盒傳來左太香嘅味道 所以忍唔住搵咗個公園坐低食吓先，上面有啲沙律醬同埋燒汁，咬落去超級酥脆，口感都十分好，我諗因為佢應該係即叫即炸！所以熱辣辣食超級好食！單骨蜜汁雞翼😋呢個超級好食呀！啲雞翼好嫩滑，啲蜜汁好入味，份量又多，二十幾蚊真係超抵😋超級正既關東煮！😋啲餸都好入味啊，特別係我最鍾意嘅蘿蔔，超級大件😋極上牛舌飯😋見到個牛舌既厚度就知道個口感如何啦！不過冇諗到原來咬落去真係咁爆汁，啲肉就係我個口到爆出黎！然後個薯仔沙律真係好好食，每一啖都好有口感，加咗啲蘿蔔，又有薯仔調味得好好！總結來講啲嘢食真係抵食嘅，價錢唔算好貴但係份量足！下次再去試過其他嘢🤩🤩

已幫襯多次，每樣都好味，特別喜愛佢既薯仔沙律(雖然係送既配菜但絕不馬虎)同炸脾(外賣返到屋企都仲脆身 雞肉不會炸再乾身 保留到肉汁)食過和風牛肉飯(肉汁味濃牛肉比連鎖牛肉飯好味多多聲）另外咖喱牛舌(牛舌炆得好林 咖喱少辣野味 屋企五歲小朋友都食到仲好中意食)，味噌豚肉(好多材料如芋絲 紅蘿蔔白蘿蔔片 豚肉肉嫩 最後仲會飲埋湯)都係經常order既，因住附近，所以唔想煮飯叫外賣第一時間會諗起order呢間！係少有外賣好食的店！

今晚太懶唔想煮，所以叫咗外賣食。已經唔係第一次食哩間小店，雖然選擇唔多因為始終得2個人經營，但係佢哋做得好有heart，好多野都好食嘅👍🏻最鍾意佢個薯仔🥔沙律😂我哋叫咗3個套餐，分別以下：

📌 森森小屋 - 紅磡差館里15B地下2號舖🗓(28/7) 星期四 ⏰晚上6:30左右 💈特式：差館里新開淨做外賣既小店，區內街坊group都突然好多人討論，但又未見有大多人幫襯。🥩🍖🍗🍔🌭🌮🥗🥯🥘🍲🍝🍣🥟🍤🍱食物：主要係賣d快餐店食品，例如吉列豬扒/魚柳，炸雞髀，蛋牛治等等。今次試咗佢個（每日限定）既極上牛舌同吉列豬扒，但最好食既竟然係......極上牛舌 - 個餐$73，會配一個飯（聲稱係用珍珠米）/日式薯仔沙律同冬菇，牛舌大約有8塊，好味有牛香，係爽口既質地，唔係淋身個隻，飯就正常珍珠米，冬菇都冇乜特別，最好食竟然係佢個日式薯仔沙律，直頭拍得住一d高級西餐廳（事後打咗去餐廳問，珍珠米可否轉薯仔沙律，佢話可以，我諗我以後都唔會要飯）。吉列豬扒 - 個餐$49，個吉列豬扒就係普通快餐店既吉列豬扒，不過佢個炸醬都真係薄同脆，味道同質量都算中上。日式薯仔沙律 - 真係要特別講一講佢，真係好好食，我本身都係一個鐘意食薯仔沙律既人，佢除左薯仔切到有大有細，變相好有口感之餘，佢入面仲有撈一d好香既蛋，加強左個沙律既香味，最錦上添花既係佢會落黑椒粒，總之就好味道😋🥳☕️🍵🥤🧋🍺🍷🥃🍹🧉🍾🍶🥛

哩間森森小屋開業唔係好耐, 大約2~3個月吧.店鋪細細 Menu 上選擇唔多, 最吸引我留意係吉烈豬扒同嫩滑炸魚柳.今次試吉烈豬扒 + 薯條, 如果好食的話, 下次試炸魚柳!店舖唔係好大, 所以無堂食要自取外賣, 但最大問題係點解唔安裝大門搞到走哂冷氣?原以為係D粗身薯條結果係D著通嘅薯條, 但攞到番屋企仍然酥脆過老麥! 老麥唔該檢討吓啦!吉烈豬扒同樣外層仍然酥脆, 但內裡乾身咗D, 相信即場食會更好味!好! 支持下D小店下次就即場試炸魚柳!