楊記麻辣魚館 (馬頭圍道)

Open Now

Now Closed

食過兩次味道唔錯午巿黎講係便宜，抵食不過我一個人入到去啲二人枱坐滿左有好幾張四人枱都吉既我問坐唔坐得有個侍應話最好唔好啦！然後就走左去！完全無安排我可以坐邊！我明生意難做！所以我選擇離開！今次齋食空氣就走左！但道氣食完谷住！唯有係度同大家講！入黎就預左！今日受氣指數五粒星！味道評唔到！

前幾日同屋企人黎左呢間餐廳食野，因為俾佢陣麻辣味吸引🤩🤩1. 麻辣烤魚 （$318）屋企人之前黎過一次，話呢間餐飯超夠辣, 所以我地只係叫左個bb 辣, 但都已經好夠味！成條魚無咩骨 多肉 個寬粉就略嫌硬身小小 但整體黎講都係出色！2. 鐵板水晶粉 （$78）呢個係我覺得最好驚喜既一道菜係超有穫氣，同埋上菜既時候夠熱無諗過川菜整水晶粉都咁出色一定要點呢個！3. 清炒萵筍絲 （$78）呢個同其他川菜餐廳差不多保持到水準！4. 糖醋排骨 （$98）呢個都算大份，但略嫌d炸粉多左少少味道：8/10（特別推介個魚同水晶粉）環境：7/10性價比：7/10服務：8/10 快上菜 貼心

放咗工，三五知己，去試食辣魚。中午訂位，來到店舖，安排咗二樓近窗邊的卡位，望住窗外影式，車來車往，學神慢慢流走，進入慢活中。水煮魚和辣魚，枱面再加多碟麻辣肉片，成枱食物，一路吹水一路食。麻辣炒肉片，味道一般，沒有驚喜，可叫兩支 啤酒送餸。辣魚樣樣有，選咗中辣，還可以，魚肉ok，配菜可多種選二，但味道較咸。較為欣賞水煮魚，魚片大片，滑，少骨，味道適中。上菜速度理想，服務員送遞也不抬慢，餐枱與餐枱的距離沒有壓迫感，樓底高，沒限時可以慢慢享受用餐時間。

平時lunch 食嚟食去都個幾間點知楊記開咗係土瓜灣我同朋友就開始經常黎食水煮魚好正以$50-60既set lunch 真係cp值好高佢哋辣度高，要叫大辣先夠（平日食開2小辣至小辣）必食水煮牛肉同水煮魚

呢個鋪位應該吉左好幾年，之前幾手到極速結業難得開返舖頭，當然大力支持，裝修過平時一般小菜店舖一樣，簡單舒服。由於政府6:00pm後禁堂食的關係，所以只能夠中午去食，中午設有午餐，餐牌內選擇都多，我揀了招牌水煮魚和酸菜魚，堂內有張紙寫住中午時段白飯任添落單後等咗15分鐘，待應用托盤從樓下行樓梯拎上嚟2樓，侍應服務都很好，但有一點係值得一提，如圖可見，水煮魚話酸菜魚的賣相是一模一樣第一啖一定係飲湯，兩個湯嘅味道差不多（笑）當我以為待應落錯單，翻查後發現原來真係一個水煮魚一個酸菜魚但味道是一樣的，如何分別？答案係入邊嘅配料，水煮魚入邊係配娃娃菜和粉條，而酸菜魚入邊當然有酸菜。講到主角魚係用生魚，魚質係滑，整體來講味道不錯，至於簡酸菜魚定水煮魚視乎你想食咩配菜，不過水煮魚係多少少油的，美中不足係湯唔夠熱，一上菜我便飲湯，但湯係暖的，如果這方面能改善一下會更好。希望下次再去食有待改善。