榮基牛雜粉麵

Open Now

Now Closed

在領匯的街市內，質素早就已不可跟以前同日而語，那光亮跟乾淨的程度真的跟外國的市場有得拼在裡面的餐廳也特別清爽光亮，榮基牛雜好像在賣很普通的東西，但出品就非常不錯先來點一份牛三寶河$45，牛腩軟稔，筋膜煙韌，牛筋炆至極稔，入口即溶，牛肚比酒樓的更香更軟身他們的小食：炸韮菜餃$36六顆都非常巨大，韮菜跟肉都很飽滿，意料之外地好油菜$14 通菜跟芥蘭都可以選，兩種都很甜另外，韮菜水餃也值得一試，絕對是皮薄餡靚！

講到潮州粉麵，牛腩麵，牛雜河 是不少人心目中的Comfort food，簡簡單單，唔需要大排場，落街食過便飯，已令人吃得愜意飽足。 今日就去咗我屋企樓下的榮基牛雜粉麵， 自從領展將鳳德街市翻新咗之後， 街市變得井井有條亦都有幾家小店餐廳進駐，榮基牛雜粉麵就係其中一間。 榮基就主力做雲吞、魚蛋、牛腩、牛雜等等， 為了顧及大吃人士所需，所以 除了麵米粉米線之外， 另外可以搭配白飯。 除此之外，還有魚皮和泰式炸 墨丸 、炸雲吞等小吃， 顧及周到。 牛肺米線 牛什之中指叫了一味牛肺 ， 米線一上枱時已覺得牛肺份量勁多 ， 鋪滿 一整碗米線 ， 吃下去 感覺肉質軟嫩，軟滑中帶爽脆。 原汁牛腩飯 牛腩軟熟但又不失質感，放進口裏時，鮮濃的牛腩味滲透到舌尖的每一個味蕾， 牛腩不會炆得過火， 肥瘦均勻，質感滑膩、軟腍， 吃下去有咬口有牛味 。 一大碗白飯， 配搭 清而不俗的湯底， 有層次有滋味。 泰式墨魚丸和泰式炸雲吞 另外又叫了 炸物小吃分別是泰式墨魚丸和泰式炸雲吞。 兩款小吃也是即叫即炸 ， 炸墨魚丸 金黃飽滿 ， 多汁彈牙 。 而家雲吞 外皮香脆 ， 鮮蝦和豬肉餡料塞得滿滿的 ，配上

今日過咗嚟鳳德街市同媽咪買餸，原來呢度經過翻身之後，周圍都好乾淨，仲有嘢食添，天氣熱左食返碗粉麵就最啱啦😚😚🎈招牌魚旦牛丸雙拼，魚旦感覺Q彈味道清淡，牛丸散發出濃濃牛丸，配埋鮮甜嘅湯底，簡單得來又好食😋🎈牛三寶河粉，軟嫩的牛腩搭配爽脆既牛肚及Q彈的牛筋，真材實料😛😛牛筋炆得好腍，入口肉厚，爽口😝😝牛腩，好香口，腩汁湯底夠好味😛🎈 南乳豬手麵，豬手燜得好夠腍身，大大件，份量十足，食完想再想，一啲都唔肥呀！老闆細心一提記住試下自家製既辣椒油，果然相當惹味，辣得黎又麻麻地☺️☺️🎈新鮮魚皮經過油炸之後，咬起黎沙沙作響，好喜歡呀。仲嗌多左一碟泰式炸牛丸嘅小食，炸牛丸同湯牛丸😝口感又有啲分別喎，前者清淡後者香口😝😝最後加多$8就可以配油菜一碟同埋飲品，我揀左芥蘭、菜心🥰🥰大大碟好足料呀，飲品就叫左凍檸茶同凍奶茶，檸🍋茶茶底好出色😋

榮基牛雜粉麵抗疫不忘搵下屋企附近有咩美食，行行下去到鳳德商場，諗住入去睇下有咩食喇，點知見到好多人排隊叫牛雜，就諗住試下喇牛三寶三寶的牛味道非常濃厚而且賣樣好吸引，牛腩肥瘦適中數量都算多，湯汁香濃河粉挺身。牛根好有膠質，講返牛腩切到大細適中，一啖咬落去，齒夾流香肉質細緻，入味且煮得挺軟熟值得推介。 腐乳通菜  腐乳同通菜 比例同份量都幾多抗疫期間還有推廣的優惠，一杯熱飲加菜一碟只需要$8，抵到爛要支持雖然係小店但上菜都算快，而且好味值得再來食

鳳德街市終於裝修完畢再重開，環境比以前乾淨光猛得多，還有一間可以堂座的粉麵店，買完餸就順便食碗粉麵醫醫肚。除了粉麵，還有客飯，價錢平民，份量大大碗。這裡出名牛腩，牛什等，所以加$8點了雙併。鮮蝦韭菜餃併牛腩粗麵，湯底濃郁不太咸，牛腩份量超多，雖然有點肥，但炆得入味鬆化，另外有兩大隻鮮蝦韭菜餃，是餐廳自己包製的，餡料爆滿，做到多菜少肉，鮮蝦大隻爽口，韭菜味香。牛肚配魚片粗麵，賣相不錯，牛肚淋身入味，魚片爽彈，仲有魚片頭。加$8 就有油菜及餐飲。另外一讚是餐廳自製的辣椒油，炒得很香，有回辣感覺，愈食愈上癮。

鳳德街市裝修好後都非常乾淨，入面仲有幾間餐廳，其中一間係黃店，又點可以唔試😋餐廳主要係食牛雜，仲有D粉麵、小食等～ 🌟秘製牛三寶飯 ($55) - 牛腩+牛筋+牛肚1句可以總結，金錢肚、牛腩、牛筋好軟林好 入 味! 講真，茶餐廳咁既質素，咁既價錢，而家都好難搵到～同埋都冇諗過餸既份量有咁多，加埋飯一大碗，真係食完飽到傻🤣 推介!鮮蝦韮菜餃米線 ($32)我突登叫左腩汁，食餃都有牛腩汁正😆 個餃超大粒，餡料又多，抵食🤓女仔食既話都夠飽😄泰式炸雲吞、炸墨魚丸 墨魚丸好好食，炸雲吞都唔似出面酒樓得1舊勁細既餡😂兩樣都即叫即炸，所以脆脆地好正👍🏻最後再叫埋個通菜，食牛腩食得膩既時候清下腸胃～

榮記牛雜粉麵鳳凰街市完成裝修左幾個月，很多商舖衛生環境都有很大改善，這間新開的粉面店，價錢合理。牛三寶配幼麵$45很大碗，分量十足，最驚喜的是由三寶的牛味道非常濃厚，很有牛肉味，肉質非常嫩滑，很少茶餐廳能做到這個質素， 值得推介。招牌雲吞$32員工親手整，每粒都大大嚿，豐富的餡料。炸墨魚丸$36我的自愛炸墨魚丸，配上泰國酸辣汁，配搭一流。這段期間還有推廣的優惠，一杯熱飲加菜只需要$8，抵到爛黃大仙鳳德道鳳德街市C-F 9號舖

早排聽朋友講佢家附近有間食牛雜唔錯的粉麵店，我去開找佢就緊係叫佢帶路去食啦！原來粉麵店係開係鳳德街市入面，個街市係新裝修的，所以環境好乾淨唔會係舊式街市成地水咁。入到榮基可能因為新開，所以環境裝修都好 光猛企理，睇餐牌價錢合理的。為食的我們叫了以下幾樣食物:😊泰式炸雲吞鮮蝦韮菜餃 雙併 ~ 即炸好香口，又多 餡料。😊南乳豬手 ~ 南乳味好香濃，每件豬手都炆得好淋，仲要唔會爛哂，一件件好完美咁，食完感覺到滿滿的骨膠原。😊 秘製牛三寶 ~ 三寶包括有牛腩，牛筋和牛肚超豐富的， 用啤酒一流， 3款都超入味，令人追住一件接一件放入口。😊 雲吞麵 ~ 竟然有5大粒雲吞，蝦夠彈牙。😊 紫菜四寶撈粗 ~ 竟然有6粒丸和撈麵份量都多。😊 腐乳通菜 ~ 正常冇特別這一間店實在好味，份量大又抵食，下次我會成家人來再幫襯的。

領展翻新左鳳德街市之後， 作為街坊嘅小編梗係要去幫襯下啦！😂😂 竟然比我發現左間鼎爺都有份介紹過嘅臥虎藏龍！😳 街市裏面有間名為「榮基牛雜粉麵」嘅港式粉麵舖， 原來係曾經被鼎爺推薦過嘅藍田平田商場「潮牛館」同一老闆所創立嘅分店， 唔怪得所烹調嘅牛雜牛腩， 連在門口經過都香氣撲鼻啦～😌 各式各樣嘅港式粉麵都有， 魚蛋、魚片、雲吞、水餃、牛腩都有， 而家仲做緊套餐優惠， 叫碗粉麵或客飯套餐， 加$8就可以配送油菜一碟和熱飲乙杯，$40起，好抵喎！ 見呢到嘅牛腩牛雜都咁出名， 梗係加$10腩雜雙拼，一次過試晒！☺️ 一碗粉麵嘅份量好足料！😍 牛雜有齊牛肺、牛肚、牛膀、牛腸， 牛肚有四至五件之多，口感爽彈， 牛肺部位附上脆骨，腍滑中帶爽脆，正！❤️ 牛膀軟糯入味， 牛腩冇特別要求肥或爽， 就會配上肥瘦適中嘅牛腩， 份量都係有四至五件之多，腍滑味美，值得一試！ 河粉幼滑，配上店家自家製辣椒🌶️油，吸湯惹味！ 最後再配上一碟油菜， 有芥蘭、通菜、生菜、菜心等選擇， 腐乳配通菜，最完美嘅配搭！👍🏻

餐廳：榮基牛雜粉麵 (鑽石山)地址：鑽石山鳳德道111號鳳德街市地下CF9號舖由聖母醫院果邊行經獅子山再上飛鵝山之前係鳳德街市嘅黃店榮基牛雜粉麵食左個晏😋，呢間粉麵店係香港已經有幾間分店，而鳳德呢間都只係開左3️⃣個月餐廳老闆有良心不在話下☺️，時不時同店員街坊有講有笑，除左以食物質素為先之後仲做到濃厚嘅人情味確實唔話得，仲見到呢類型高質魚蛋粉店真係好難得大大碗魚蛋粉一碗都係$32起，麵底大而餸多，叫左個魚皮餃河粉($32)同牛三寶麵🐂($45)，另外叫左碟雙拼炸雲吞同墨魚丸($36)，再加多碟通菜($14)。牛腩牛肚牛筋都腍到好腍而且入味😍，幼麵彈牙有咬口👍🏼，加埋醋同魚露仲另有一番風味；泰式炸雲吞同墨魚丸可口過癮，識食一定加埋泰式醬；值得一提嘅係呢到嘅通菜，加上自家製嘅腐魚醬零舍好食🤤，菜仲要煮得好腍，難怪呢間粉麵店咁多人幫襯，食飽飽就去行山lu

港式粉麵可謂窮人恩物，即使百物騰貴，一碗可口嘅粉麵都只係三十幾蚊（呢間賣$32）。牛雜利潤低，但係工夫多，所以賣牛雜嘅店舖越來越少😔。難得遇上一間牛雜粉麵店，我決定叫一份淨食牛雜，滿足下心癮。利申我一個人食得晒以下所有嘢，因為真係太好食😭。.🥘五香牛雜淨食（走肺）$90滷水味濃郁，食落有層次又唔會死鹹。牛肚口感爽滑，帶有少少𡁻勁。牛腸洗得乾淨，但仲有少少肥膏，邪惡到令人停唔到口。牛膀粉粉地索晒啲滷水汁勁好味🤪。.🥟泰式炸墨魚丸 $36炸得乾身香脆唔油膩，內裏爽口彈牙。配埋酸酸甜甜嘅泰式辣醬超惹味🥴.🥬油菜 $14特登叫咗走蠔油，食咗咁多牛雜當然要食啲蔬菜清新下。唐生菜索汁最正🤤。.💛題外話：門口放咗兩本榮光歲月💛.🐮榮基牛雜粉麵鑽石山鳳德道111號鳳德街市地下CF9號舖

新開街市入面有幾間餐廳 我不嬲都鐘意食牛腩河 平靚正 今日就試下榮基 原來佢係黃店黎架！仲有酒精消毒液而家做緊優惠 食碗麵加$8就有曬一碟菜同野飲 即係$40 抵到爛 可能呢排生意難做 大家要多啲懲罰佢！牛腩河 牛腩份量勁多 部位好靚 舊舊都半肥瘦 好正！湯底一流 夠味得黎又清清地唔會好油絕對係牛腩專家！魚蛋鮮蝦韭菜餃河 水餃好大隻 入面有幾舊蝦肉 好足料！魚蛋真材實料 好彈牙！試埋佢既炸雲吞同炸墨丸 新鮮炸起熱辣辣好正！唔多粉面店會做呢啲小食