榮發燒味茶餐廳 (石籬商場)

Open Now

Now Closed

啲廚房嘢唔好食🤢、服務又差😤，問個好似經理的員工😡，咩都唔知咁🤦🏻‍♀️，加錢換即冲咖啡又難飲，例湯和燒味飯好食，石籬咁多食肆，真係唔值得再來食！！！！

平日中午時間，叫左燒味瀨粉雙拼$58包熱飲，價錢算還可以。燒鴨同白切雞太鹹、冇乜肉奶茶幾好飲冇乜特別。重點嚟啦，一個侍應（後生女動作十分急速，明顯係踢哂腳所以發脾氣）拎上枱嘅時候非常用力放到枱面，湯同粉都飛咗出嚟，差啲淋到我。該名侍應一句說話都冇講，沒有道歉沒有抹乾淨，轉身離去，態度十分惡劣。在旁食客都看得目瞪口呆：「嘩咁都有。」我不會再幫襯，真的是貼錢買難受。把怨氣發洩在食客的體驗上，真的很不尊重客人

本著試他們家的燒味而來，所以點了至少三樣燒味。要一讚的是他的出餐速度奇快，掃碼下單後很快便到了。1️⃣秘製燒鴨(半隻) $98因為琵琶鴨售罄了，所以點了秘製燒鴨。鴨皮燒得香脆而且多汁，大塊的肉件也不會很乾。2️⃣炭燒叉燒飯(雙拼:燒腩仔) $60下單時可選多飯，叉燒肥肉跟瘦肉比例適中，肥肉不會太多，肉質亦嫩。燒腩仔皮脆，沾芥末醬很好吃。3️⃣凍檸檬茶(少甜，少冰)+$3檸檬夠新鮮，茶底香。4️⃣有營海味田園雜菜煲 $65雖然看起來，煲好像不大，但裡面其實蠻多食材: 蝦米、粉絲、菇類、西兰花🥦、魷魚等。由於有海味，所以那個湯很好喝，適合下飯。5️⃣外婆炒飯 $62有一點點辣的炒飯，是不是有「外婆」二字的餐點都是辣的？🤣它沒什麼材料，比較簡單，卻又令人一口接一口。6️⃣焗黑椒牛柳粒飯 $62好像很少看到焗牛飯，因為怕牛是焗的話會不會變的很難咬，所以就抱着冒險心態去點的。果然有驚喜，牛柳粒還蠻嫩的，飯粒也不乾。

餐廳環境同衛生都唔差，不過入面做野既職員好心急，由坐低到落order先後問左三次我地叫左野依未，餐廳用QR CODE落單，我地速度又唔係慢，我睇睇下本menu都未睇完又比佢收左。兩個人叫左三個餐，酸菜魚，中式牛柳，薑蔥牛肉厚切豬潤石鍋。酸菜魚個湯完全冇酸菜味，湯底就同譚仔清湯味一樣，入面有芽菜，木耳同數得出有6條薯粉。中式牛柳有筋冇鑊氣，鞋口。石鍋一黎到好夠熱，但完全食唔到有薑蔥味，啲豬潤味道就好似白烚咁，薑蔥還薑蔥，牛肉還牛肉，最後要問職員拎豉油。夜晚7點左右想叫半隻琵琶鴨都已經冇哂，全餐飯就有味晚就係個例湯。兩個人最埋單270蚊。

叫咗個芝士撈即食麵炸蝦豬扒跟凍華田。仲叫咗個叉燒瀨粉跟熱菜蜜。煎豬扒唔太肥，唔太鹹 仲加吉列蝦。 叉燒好味半肥瘦醬汁唔錯。乃粉湯係味噌湯。$91 唔錯。下次再會返嚟。

叫咗常餐，雪菜肉絲，餐肉粒一丁麵加餐包 🍞（可以轉+$8轉菠蘿油）。同蛋🥚。豆腐火腩飯。星洲炒米。中湯。餐飲係即磨咖啡☕️。環境衛生，企理。Quality Quantity Consistency Comment: 同friend去過兩次，so far 都keep 得到質素. Will go back again and try their 燒味。

第一次食，都坐滿人，紅豆冰硬件好大杯，公司三文治睇落都唔錯，我入到嚟梗係試吓佢嘅燒味，叫咗一個肥叉飯+一個燒鴨飯，覺得唔錯，燒鴨比較少肉，叉燒好好味😋下次有機會再嚟食

第一次泊車過嚟 呢頭 算係遠對冇揸車嘅人講喺商場行行吓經過呢間新嘢7:00左右唔算多人入去搵咗個卡位見佢餐牌有時日鮮蒸䱽魚+$10 加小菜 都係$200樓下 可以接受 不過我見呢間主打係燒味 都唔多人叫 問個姐姐要等幾耐蒸魚佢話15分鐘 都OK 另外叫咗碟炒時菜牛肉不過冇影相 䱽魚到咗 睇個賣相已經好吸引 🤩主要係面果陣 /豉椒/蒜頭/蔥油 爆香 倉魚來講，雖然係大路嘢如果要比出邊 呢間出品算係唔錯 已經第二次因為今晚又食左 所以有兩唔同既張相下次會經過再嚟食 👅

炭燒叉燒拼豉油雞飯$60包熱飲一杯，可在app內選擇飲量，汁量。叉燒唔太食得岀炭燒，全部都係肥叉/豬腩肉部位，口感不夠滿足。豉油雞肉質嫩滑，奈何碎骨頗多，影響口感。