榶意泰式粉麵

Open Now

Now Closed

今日約朋友到油塘行街街（到處逛），行到油塘中心（舊區）想隨便搵個地方食個下午茶，無意見到一間泰式粉面店坐滿人，我和朋友選定榶意食下午茶，等位等了5分鐘左右，再望個餐牌，嘩！價錢很相宜，每人叫左一碗港幣31碗米粉（雜會），有贈飲時段08:00-18:00，但叫了一個椰青是正價港幣28，價格相宜。食物到了桌上，看到大大碗雜會米粉夠多餸又好味，真正性價比高，宜贈飲：檸檬茶也不錯，正價：椰青大大個又甜又多肉，我一定再來光顧

嗰到的粉麵有不同的選擇，個人推介吃米线/米粉 （如果食那到的麵会畀好少你） 嗰到有二種酱汁我几锺意，有一个係泰式酸甜酱，另一个係辣椒魚露醬 是真係好好吃 再加上又不貴 平日可以免费送一杯野飲🤤🤤佢哋嗰度有一杯嘢饮叫做紫貝天葵係我最推荐嘅❤️❤️酸酸甜甜噉，好开胃🤤🤤❤️

因為今日參加了一個活動，所以難得黎到油塘，我和友人就黎呢度看一看有什麼值得可以一試的餐廳在印象中，油塘就好像是一個只有大本型的地方！呢間餐廳不是在大本型，但在食評中見到間餐廳的排名位置很高，我們就去了一試！位置都算易搵但有點兒偏僻星期日的下午，來幫襯的人都不少參考網上食評，我們便叫了一個鹹肉雜錦金邊粉！👆🏻$38好大碗好抵食鹹肉出奇地好好味附上餐牌俾大家睇吓：總括來說，這一間餐廳性價比很吸引大家去油塘都要來一試啊！

唔係呢頭返工或者住既人，應該會錯失呢間隱世美食門面唔算大，但都有唔少室內、外既位置，我自己就鍾意坐室內啦lunch time好full架，近乎10成室內位置都會坐滿！有飯有麵類選擇，配飯隻醬好正，不過今次冇食所以影唔到。麵既湯底好正，好香濃，唔會太咸！配料、麵底都任揀。豬頸肉 札肉河粉，唔止金邊粉好食，佢既河粉都勁滑豬扒金邊粉，炸得好靚架次次都，切好埋方便食。呢度既雞都好好食，又滑又有雞味如果唸唔到食咩，可以叫雜錦，呢碗就加左豬頸肉。雜錦咩都有d，魚蛋、魚片、魚皮、蝦卷、豬紅等等。不得不提呢個辣粉，食得辣既朋友仔可以落呀，將碗粉既味道層次再大大提升

相信唔少以前喺藍田讀書嘅同學仔都會有食過泰粉，超抵學生餐，大大碗又好味自從畢業後就好少到訪藍田，之後亦聽說因加租問題，老闆未搵到適合鋪位就冇再做了。最近一次舊同學聚會，先知原來泰粉搬咗去油塘，位置距離油塘站十分鐘左右。Lunch time人潮依舊，唔想等咁耐，下午茶時間去就最好。- 湯底比較清淡，但有各種泰式醬料放哂喺枱面，可自行調味。- 咸肉係我的最愛，必食推介咸肉即係泰式炸腩肉，就算浸過湯，外皮依然脆卜卜，腩肉咸香十足，一試難忘。- 魚旦魚片蝦卷一貫好味道。多年後再食，泰粉依舊好味，回憶中嘅味道不變。

要知窿路先可以搵到嘅隱世美食，都係靠朋友帶我去食先搵到，聽聞佢由一個舖位做到三個舖位，仲要喺其他地區開咗間分店，不過好似唔係用「榶意」呢個名，究竟有咩可以令一間小店咁好生意?對佢充滿好奇心哩！睇過佢嘅餐牌，有飯有麵，而在場嘅客人都係食麵多，等我都叫返個麵先！叫嘢食都會包埋餐飲，一餸麵HKD31、兩餸麵HKD38，而飯就貴啲要HKD42，不過飯餐會跟多個湯！雞麵~雞一啲都唔油，而且肉質非常滑，比好多肉嘅位置，仲有跟埋豬紅，豬紅好似有少少腥腥地，但可以接受！熱柚子蜜~都係濃縮嘅嘢開熱水，味道正常，不過佢沒有慳住落，好夠味！

以前係藍田食已經覺得佢超水準，但佢搬左後就搵唔返，估唔到多年後可以撞返呢間久違的泰國餐廳，而家開左係油塘，雖然比起以前藍田店的小，但味道依舊好食！依然仲有我最愛食既泰粉，外賣雙拼都係$40咋同以前舊價都係差唔多，以前我最鐘意既就係食「牛丸鹹肉泰粉」仲有佢既炸蝦餅仲有好多好多，但今日lunch一個人食，咁只好叫個雙拼先！今次我叫左雙拼「雜會鹹肉泰粉」雜會包括有「魚蛋、魚皮、魚片、豬紅、蝦卷」佢地既鹹肉出哂名脆皮好食架，今時今日依舊脆卜卜，非常難得可以再食返佢

以前藍田有間食泰粉好好食好出名，但之後執左，以為唔會再開啦，點知搬左黎油塘呢度，地點有d隱蔽，但都算叫近油塘的市中心，地鐵站行過黎大約5-10分鐘就到。環境就一般，似大排檔，所以夏天黎食就熱左dd..但勝在食物質素唔錯，老闆係泰國人，所以食物都好傳統泰國風味，特別係咸肉同蝦卷，出面好少食到。泰粉係金邊粉，除左泰粉都有米粉泰麵等選擇。今日就叫左兩個雙拼的米粉，橙色的係蝦卷，仲有咸肉。咸肉保持水準，皮脆，少少咸，好惹味！蝦卷雖然無乜蝦味，但口感好好！呢個價錢食到呢個質素已經唔錯喇！

姑媽最近搬咗去油塘新屋住，嗰日同媽咪去探完去之後就過隔離油塘中心逛逛， 見到有間榶意泰式粉面鋪，入面有好多客，咁啱我哋肚餓，於是就入去試試。見隔鄰檯啲客好多都叫鹹肉加雞泰粉，我又跟佢哋，鹹肉外皮炸到脆卜卜、肉質夠鹹香，鹹雞肉又好有肉味。媽咪就叫咗碗什泰粉，有魚片頭、魚蛋、豬紅、魚條同好多芽菜仔，食到我倆嘴舐舐😋杯椰汁同龍👀冰好夠濃。原來啲間泰國粉麪店之前係藍田嘅，般咗過嚟，有好多舊客都食過翻尋味。😋

榶意泰式粉麵，一間少少店，內有乾坤，總有它的生存之道，令人為之心動！今次的遺憾就是沒嘗試他們最出名的炸咸稀肉，正念一下先，沒有遺憾，下次又怎會再來呢？I will be back !今次叫了:少有店會賣的紫貝天葵冰+海南雞飯(兩件豬血)+冬瓜例湯海南鷄飯，感恩老闆賜我鷄脾肉，肉嫩鷄香，好好好味，加埋濃濃的飯香，我好懷念泰國的味道！好芭提雅！！！豬血又入味，有咬口，不單調！！冬瓜例湯又可以冲淡太肉感的海南鷄，超級上上乘智慧配合！值得讚的是紫貝天葵冰，一啜入口，心都凉了，好似去了華欣了，畫面又浮現去潛水同海龜say hi 的情境了！

好味，簡單，獨食，溫馨，小店，$42，泰式，車仔，咸肉，海南，蝦餅，特飲，頸肉，潮泰，泰潮，九時，關門，滋味，食脾，$47，滷鴨，鳯爪，扎肉，送茶，車仔，豬紅。正

記得藍田曾經一間家庭式泰國餐廳屹立多年，一直深受街坊學生歡迎，但卻抵抗不住業主的無理加租，光榮結業。相信當時感到失落的不只是老闆，還有幫襯多年的老街坊們。老闆娘是泰國人，他們獨有的粉麵湯底、炒飯的鑊氣、秘製的醬汁，很難在其他泰國餐廳找到。從中同口中得知，老闆娘的親戚繼承老闆娘的獨門手藝，在油塘中心一角東山再起。名字改了，「榶意」，很溫馨的感覺。一眼便認出老闆來了，這鋪位有點偏僻，隱世小店就是這個意思。吃過幾次，開店到現在愈來愈多客，現在連後面的鋪位也租了，但人手不夠，沒人主動招呼，枱沒人收拾。隱世小店，不應要求高質服務吧。招牌咸肉金邊粉必吃！這個咸肉皮炸得香脆十足，豬肉肥瘦剛好，咸咸香香的味道，伴湯粉吃一流！在其他泰式餐廳很難找到。枱面有泰式醬汁，我習慣加酸甜醋及魚露，能帶出湯底的鮮味。咸肉蝦卷金邊粉 蝦卷沒什麼特別，普通來貨食品。這裡必試湯底加枱面的秘製醬汁，加什麼餸都好吃。淨豬紅這個也是強力推薦，他們加了秘製配方，令豬紅不鬆散，咬下去有彈性，煙韌度十足，加上泰式醬汁的味道十分濃郁，一試難忘。不是每次來都有貨，經常賣完，暫時未能找到另一間的豬紅比他們更出色。炸蝦餅蝦膠韌度十足，外皮厚

呢間係平民飯堂，打工仔都好鍾意去食LUNCH!原因好簡單「平、靚、正」！一般泰式調味都有齊~想落咩~落幾多~全部自己話事!佢有泰式粉同飯，我成日都食粉，而今日我選擇咗飯，因為聽聞跟飯果個汁係非常惹味!炸豬扒飯(單餸HKD42)果然無令我失望，口唔好見佢細細碟呀!個份量係啱啱好架！佢配埋清淡消暑既冬瓜湯，可以中和返炸豬扒既燥熱，而且個飯底唔係白飯，唔用汁都已經夠味，當然加埋個汁會更惹味喇~扎肉泰粉(單餸HKD31)豬頸肉、雜薈泰粉(雙餸HKD38)

自從冇系油塘做野都好少會黎😅今日老公話想食🇨🇷泰粉,我就話黎“榶意”可能真系太耐冇黎既關係,擴充左都吾知之前返工就成日要等位,宜家多位到求奇坐一張都得例牌嗌左個雜泰加檸🍋茶少冰老公就嗌札肉鴨🦆胸泰+凍奶茶一如以往好快就有野食喇但系札肉黎錯左個雜錦,原來落單時已經錯左不過吾緊要,都系好食既今次一碗夠哂冇嗌小食,蝦餅系值得推介既以$31仲有凍飲送又有甘既質素系唯一有個做左好耐既阿姐甘多年都比較寸😂相信佢本身就系甘,所以見諒下

今日食生菜包豬肉食唔晒然後要一個外賣盒諗住打包店員主動話幫手幫我地打包呢個值得一讚但恐怖的是店員在我面前用手將豬肉放到外賣盒裏的即場大嚇一驚不過今次算啦希望下次唔好再係咁*雖然佢係帶住手套但係隻手套都唔知係帶左幾耐做過啲乜嘢...不過其他都尚算OK