正記

Open Now

Now Closed

身為半個大澳人，當然超鍾意大澳美食啦因為拜山緣故，所以一家人又去左大澳。次次拜完山，我地成家人都必定會去正記食返個糖水先出返去首先必定要講，其中吸引之一係個外面個"倗"景對住條河，加埋對面係傳統大澳"倗屋"真係食到好野之餘，仲有個好風景陪住，加埋海風吹，哈哈好有意景要講食既野了..因為小朋友多，所以佢地叫天好多個雪糕豆腐花，雪糕有芒果同溫尼拿凍凍豆腐花真係好好食..本身上的時候一D都唔散，唔洗加糖已經好好食唔會"鞋"，好滑的至少我同老豆叫左個招牌招牌其實可以叫做咩都有涼花，豆腐花，紅豆，雪糕雪糕個球比想像中大紅豆係令我出奇之一.本來好少食紅豆的但係呢度個紅豆連埋豆腐花好好食我成日覺得食紅豆好苦點知呢度凍凍地又甜又好食加埋個雪糕好正式!!!!!涼粉就比較普通,無太大特別爺爺飲左杯豆漿佢話唔太甜好岩佢飲哈哈哈。老人家始終唔好食太甜好..次次返大澳都一定食老闆娘又好好人咁岩又有龍舟練習大家一齊幫手叫..好有鄉下参感覺呢。。

元旦・晴二零一三一四，在大澳的寧靜下度過。一四年的第一天，天朗氣清，圍繞大澳走了一圈，走走看看。坐在小艇上，看到正記的露天坐位，遊人邊望水鄉風景，邊吃著什麼的。小包覺得好奇，下船後急不及待尋找這小角落的蹤跡。正記就在espace附近，不難找。坐到了剛才遊人的位置，菜單就是一張簡單不過的小紙張，款式尚算多，就要了芝麻糊豆花和薑汁撞奶。暖暖的芝麻糊，味很濃，炒芝麻般的味道在口中繞著，其實就這樣一個芝麻糊已很值得推介，豆花很滑，兩者頓成了最好配搭。我不是薑味食物的擁戴者，偏偏這裡的吸引到我，雖然只吃了一點，薑味沒有令我反感，反而覺得帶點辣的薑汁讓我回味。奶味中和辛辣感，只是之前已吃了鄰家新鮮出爐的沙翁，有點飽。和暖的元旦，就像個好兆頭，好開始。

oct 25, 13.......行到夠晒............就入去補給吓先...........叫咗 :1) 紫背天葵茶 (hk$10)-行到好口乾........先叫嘢飲吓-入到大澳,當然要叫個土產紫背天葵啦-居民話有解渴清毒之效-冰凍,酸酸甜甜的,味道好似酸梅湯咁-好飲2) 薑汁撞奶 (hk$18)-之後試埋佢其1名物-因為得1個人,所以食唔到佢嘅豆腐花同芝麻糊-放隻小匙羮喺面..........其承托力足証出品無失手........."鯨"得埋...........曾試過喺澳門嘅保x牛奶.........食到個"鯨"唔到嘅薑汁撞奶-入口薑都幾出,有辣意,但又未去到好薑嘅辣..........奶味都出........質感又滑............甜度又剛好-3方面(薑,奶,滑)都好滿意...........very gd

偷得浮生半日閒，於猛烈的陽光底下，近距離接觸和感受這裡的人與物 ......大澳的漁村風情、茶果檔嬸嬸親切笑靨、人手製作的茶果、糯米糍，海味店內無數的乾海產：大蝦乾、花膠、蝦醬、甚至生曬鹹鴨蛋、鹹魚 ......... 也成為鏡頭下要捕捉的獵物，無一幸免！已經記不起走了多久？ 眼前被一個用 A4紙印有彩色字體《舖尾棚景》的招牌所吸引，加上門口印有《薑汁撞奶》的木櫃，雙腳不期然地往內走！從舖尾往外看 。。。 果然另有一番天地，似曾相識的角度（在哪套經典電視劇看過？）密密麻麻的棚屋、縱橫交錯的水道與橋樑、有點威尼斯水鄉風貌、又帶些微意大利 Al fresco dining 的味道，哈哈哈，意料之外的收穫！瞄一瞄餐點單，無理由放過老爸老媽嘅家鄉食品，薑汁撞奶 $18 一道易做難精的甜品，去年回鄉時曾經多番尋覓個中滋味，但好吃的只是寥寥可數！要弄得好，牛奶和薑的質素很重要、這裡的牛奶濃稠細膩、奶味香醇、薑味雖然濃郁但並不嗆喉、溫和中又帶點辛香。凝结度更值得一讚（看我把湯匙放於碗面上的測試），與那些水汪汪、又或者堅硬如板豆腐似的出品相比，這裡的簡直是超班馬！小時候跟老爸看戲，完埸後總會賞賜我一杯

入開大澳, 當然要食埋山水豆花先叫完滿啦! 幾年前入嚟試過車站豆花, 今次就試呢間.全部都叫豆腐花: 兩碗熱一碗凍$10.00, 一碗薑汁熱豆花$12.00--一個字講晒-滑! 豆味尚足, 薑汁有點怪, 就當我食唔慣吧.叫多碟秘製雞翼: $20.00得四隻, 都好唔使爭, 一人一隻. 所謂嘅秘製雞翼, 其實係卥水雞翼, 無咩特別, 又唔多入味.

經由蕃茄和薯仔一番努力, 終於千辛萬苦由東涌一步一步行入大澳; 為的就是 ------ 正記。(薯: 那有這樣誇張? 我們只是遠足啊......*汗*)當然, 我要著仔山長水遠來到大澳, 就不只是來走兩圈便打道回府那麼掃興。既然來到, 就坐下來吃點甜品。其實蕃茄之前曾聽過其他朋友正記的薑汁撞奶是店主親手現點現做的, 還要是在店面即時於客人面前熱奶撞奶。不過今次蕃茄太失策了, 忘記了拍照啊......*殘念*我的 (前)薑汁撞奶 (後)凍豆腐花薑汁撞奶新鮮熱辣辣, 奶香薑味齊備, 口感幼滑。(注: 由於是新鮮現做的, 沒有凍食; 秋冬風起時吃更是一流。)豆腐花當然是原汁原味最味美, 只需稍加紅糖就好。豆味很濃很香, 黃豆新鮮質素好才有這樣的味道。薯仔的 凍紅豆豆腐花薯: 紅豆甜度足, 口感夠綿; 當然豆腐花也夠滑。又是薯仔的 芒果布甸唉吔吔吔吔吔吔...... 薯仔為什麼要吃那麼快啊啊啊啊啊啊啊......只拍到了剩餘的些許 *殘念*薯仔表示: 好好好好好味啊!!! (蕃: *汗* 好誇張......)事實上, 薯仔是個芒果迷。他說芒果布甸內的果肉含量很足, 布甸本身的芒果味很

國慶日，太太教會搞咗個大澳大旅行，人強馬壯百幾人，包晒車往返（回程東涌解散），晏晝安排晌大澳福滿林酒家食個特惠旅遊團體餐（因當時有啲唔方便，無影相，食評就無謂寫喇，不過總結幾句，碟頭大，份量足，價錢平，質素中等，算抵食），7餸1湯白飯任裝食到飽。期間節目跟大隊行山又得，閒遊大澳市集又得，走去警署舊址大澳文物酒店都得，總之悉隨尊便自由行，想點就點。早上跟大隊行山，回程逛遊市集，果然有好多地道小食，例如碳燒扇貝生蠔、蝦豬餅、茶果……等等，如非一個鐘後就食晏，「掃街」都可以食個飽。不過，今日天口仍然頗熱，行完山又有點累，最好搵個地方歇歇腳，可以坐下，又可以食少少唔飽肚嘅小食，撞啱「正記」，又有棚屋尾後嘅半露天位，一於入去打打躉唞一唞。正門位都有幾張枱，唔多客，以為無乜人幫襯，穿過「正門大廳」、廚房，就喺鋪尾棚景，嘩！原來啲客逼晒晌度，咁講真，俾嘅價錢一樣，但「後欄」景致豁然開朗，有山有水，望住一連串棚屋，感覺正好多！正門座地招牌寫住：「豆腐花、薑汁撞奶、芝麻糊」，可能喺鎮店三寶，薑汁撞奶同芝麻糊幾時都覺得喺熱食最好，小弟都行到一身汗，仲成身熱，梗喺要食啲涼快嘢啦，凍豆腐花系列就最合心水。正記

此店招牌就係豆腐花同薑汁撞奶, 可能我地晏去好多野都無, 一心一意食豆花點知又話無想食芝麻糊凍既又話無, 最後得凍既就只有紅豆冰, 友人就叫左紅豆冰,我就叫左薑汁撞奶, 紅豆冰好快就來, 但睇個樣就已經無吸引力, 再飲一啖已經失望, 野飲太甜這一個唔係重點係d紅豆一d都未煮淋好硬成杯野真係好難飲, 好彩我來既撞奶就真係好有水準, 好香既薑汁味又唔會太甜這一個先令我對此店無咁失望

嚮香港遊離島…通常可見掛有有豆腐花牌子o既舖…黎到大澳又點少得食番碗豆腐花呢?!!哩度係前舖後居, 前居後舖都好似分吾開?!...大叔看舖, 有位女傭幫手…深入後舖棚子, 有4, 5張圓桌, 剛好有大群學生哥青少年男女包場...見有陌生一群, 即時起立散水!!...走得空空如也…輪到我地幾個包廳!!...哈!!...芝麻豆腐花 $10 薑汁豆腐花 $10 薑汁撞奶 $15朋友話豆腐花o既白滑程度可與公和荳品比美…但薑汁那個就吾知點解帶澀味, 失去薑汁果種清辣香氣…至於撞奶, 好滑…薑味甜味都得宜, 讚!!而最讚係可以欣賞到身後o既一片大澳風情畫!!

推介（一）薑汁撞奶；夠薑、夠奶、夠滑，入口溫暖嫩滑，據老闆講選用本港名牌牛奶，真材實料。（要稍等5-10分鐘，因為要即撞）推介（二)當然是鋪尾雅座，一邊品賞美食一邊欣賞東方威尼斯的美景，而且不時有那些觀光船載著遊客駛過，似置身於歐洲一樣。值得到此一遊。