永明粥店

Open Now

Now Closed

天氣太凍，想食反碗粥䁔下胃 咁岩做野關係經過這間老字號永明粥店就入左去叫左啲野食 充飢🙈 叫左一碗皮蛋瘦肉粥 好足料同抵碗粥黎過時熱騰騰的 真係好適合冬天食 同朋友一路傾下計 不知不覺已經吃了一半😋粥底是稠密緻滑不會太希 加上皮蛋的配搭 味道適中

經過兩個月暴飲暴食後，良心發現，不想身體快拉柴，乖往粥店爬。。。潤腸15潤都滑溜，腸粉可以更好，望落皮幾厚下，不過咁既價錢，未食前，已叫後都早預料，所以不帶有失望啦。炸兩9估唔到脆卜卜油條又炸得幾像樣，不過不失正常味道，幾抵食。免治牛肉粥14大大碗又熱辣辣，等好耐先食到，因為太熱了，加點胡椒調味後，更合心水，牛肉也不是，實在便宜呀，綿粥好綿呀，立刻加曬分，呵，開曬花wo。凍綠豆沙10海帶幾足料，望落有點稀身，不是太甜，冰凍舒服。凍豆漿5加叫的，因某人話唔飲返下唔刺黎過粥店wo有豆香，不會過甜，好涼爽飲完。食後感：夜晚作晚餐宵夜還好粥店現在都收十一，二點了。

我食粥既慣性係，食粥一定要落芝麻，每一啖都係芝麻香，正😳我最愛呢間粥店的滑牛粥，又滑又有酒香😳肉的份量唔小，粥又夠熱夠綿配埋些少甜味的長蔥同薑，冬天食正！👍🏿場內腸粉類係手拉的，唔同出面食既腸粉，一條條整好哂。個人覺得炸兩係正既，因為原因係個芝麻花生醬好食！濃濃的芝麻香又濃，食完會上癮！但我知唔係個個都中意食芝麻花生醬，但中意食既，要試下呢間啦，真心好食！😳呢間粥店由佢開張我就食到現在，真心唔錯！😉

得閒食清啲其實對身體健康都好有幫助，難得去完打泰拳出咗身汗諗住食啲清清哋嘅嘢就見到間粥店就入咗去試下啦。最後就叫咗個炸兩、牛肉粥、凍豆漿。炸兩就係腸粉包油炸鬼，當中佢真係無咩味，但勝在真係大大份幾抵食。牛肉粥都算唔錯，粥底夠綿，而牛肉份量都算多可惜無咩牛肉味。而佢個凍豆漿就差一點點，無甜味亦無豆味，有代改善。

Small congee shop on the main streets of Hung Hom, this place is hands down the best congee shop in Hung Hom. Prices are dirt cheap (I have always told the owners to raise their prices) and the food is not michelin star but it's pretty damn good. On this visit, I ordered the Century Egg and Pork Liver Congee. The pork liver is definitley fresh and cooked to perfection and the congee is flavorful but not overpowering. I also ordered some steamed rice rolls and the fried bread sticks which were pr

叫左:皮蛋瘦肉粥,白粥,炸兩,炒米粉皮蛋瘦肉粥:粥底唔夠綿皮蛋味道幾香,瘦肉鹹香好夠味.白粥:粥底唔綿,煲得唔夠火候.炸兩:個腸粉皮味道幾好又薄皮,可惜油炸鬼好硬令整體味道唔得.炒米粉:用料太小又淡味,味道完全唔得.整體:完全失敗,冇祈望.

今日同朋友行開紅磡個頭,朋友話突然好想食粥、碰啱就入咗呢間永明粥店。两個人叫咗碟炸两、一碗艇仔粥,一碗生滾魚腩粥,一碟蝦米腸。雖然當時入面坐满人,但上野速度都快。D粥够綿且料多,腸粉即叫即整,非常嫩滑,而炸两都好有口感,最後埋單都係50蚊左右,非常抵食,值得一試。

因生記冇開,所以轉到這間.叫左:蔥花蝦米腸,白粥,荔灣艇仔粥,牛利酥蔥花蝦米腸$9:腸粉唔滑有小小粗嚡,味道太淡,蔥花味唔夠蝦米比率淡.白粥$7:粥底唔綿,煲得唔夠火候.荔灣艇仔粥$14:料足但味淡,問題同白粥一樣,唔夠味.牛利酥$6:做得幾鬆化,味道唔太甜又唔太油.唔錯.綠豆沙$9:煲得幾好,足料夠味,香口美味.整體普通,可食但冇祈望.

離開了紅磡返工已經2年了，以前差不多每天也會到這里買早餐。慢慢地同店員建立關系，他們非常親切同好好King 。食物方面，以前最喜歡吃炸兩，透明的腸粉，不會太油膩的油炸鬼，建議加芝麻，店内可以免費提供，任加！炒米粉，不會太油膩，但沒有太多料，只是靠混醬搭救~艇仔congee，偏濃味，但料就十分多，最愛那新鮮的魷魚！2年後回來，他們還認得我！ 依然很好的味道。。。。。價錢方面 竟然沒有加得離譜。。。炸兩只係9 大元，希望他們keep 住做，可以繼續提供街坊價同好味道的食品。

呢兩日腸胃唔好又感冒，食咩都無胃口，只想食粥。今日來寶石戲院睇美國隊長2，順便食嘢。我無胃口到連鰻魚飯都唔想食，淨想食粥。係openrice搜到呢間，一于試下。見食評讚好蘿蔔糕，好想食，但賣曬。點魚腩粥啦，有煎過同新鮮兩種，我要新鮮嘅。一陣間就來啦，粥底綿滑，米煲至開花，有些大蔥調味，魚腩也有4-5塊，非常嫩滑同新鮮，不會似有啲粥店咁肉質死死咁，落啲胡椒粉，熱辣辣食完全身都暖笠笠，好舒服，睇電影去。一碗魚腩粥咁足料又靚料，先至21蚊咋，邊度搵啊，灣仔一碗都要30-40。真係良心食店啊！大讚!

打波之前想食少少野, 行番去以前宿舍附近既地方諗住睇下食咩好, 真係百物騰貴, 好多以前食開既野都加哂價行行下去到呢間粥店, 店內個姐姐好熱情咁招呼。好啦, 今日就食清d啦叫左碗白粥同炸兩, 唔洗幾分鐘就有得食喇。白粥: $7, 好綿好香炸兩: $9; 一上枱都有d驚喜, 估唔到$9都有三條, 個樣仲幾好味添!加上甜醬同麻醬後即刻試一舊先。嘩!真係好好味呀唔好講笑, 佢入面蕭油炸鬼脆軟程度剛剛好, 唔會好似有d店咁炸到過哂龍得個炸事。真係能夠做到外面滑裡面脆, 再加上醬汁點綴一下, 真係無得彈今餐真係有意外驚喜, 能夠食到好味既野食, 真係好開心!

今日來到永明，全為了一試老友推介的蘿蔔糕。由于今日是假期，都要等了几分钟才有位，坐低先叫碗米皇和蘿蔔糕，米皇入口香綿带滑，比起樓上有位説的甚么西記的，不知好几倍。蘿蔔糕入口香滑之中带出蘿蔔的清甜，還可食到一絲絲的蘿蔔，的确好嘢，吃完兩樣後仲未飽，再來一碟腸粉，腸粉夠滑但欠了一點彈性，都算OK，永明的蘿蔔真的抵讚，真材實料，份量配搭一流，好令我回味。

今日經過紅磡，途經寳石戲院時已有些餓，見有間粥店，于是入去叫了碗魚腩豬潤粥和油炸鬼。由于太多客人了，等了15分钟粥才到，入口粥底香綿又有魚腩的鮮甜，真的不錯，豬潤爽脆又不失豬潤味，一流！！！油條夠酥脆，埋單才二十九蚊，抵食，好味！！！

這天想吃碗粥做早餐，剛好又路經這粥店，便入去試試。一如一般粥店，有粥，生滾粥，小食如油器，腸粉和炒麵等食物提供。我就要了一碗皮蛋瘦肉粥。粥底偏稀，味道不過不失，亦不覺味精很重。料下得很多，不過皮蛋偏實，而咸瘦肉絲有點乾和硬，不好吃。結果喝完粥就算，剩下了不少皮蛋和瘦肉。小小的店地方算打掃得整齊，員工服務有禮，與一些老人家熟客更聊得很開心。頗有人情味的街坊小店。

《永明粥店》小小的店鋪 門口放著的是每家粥店必備的“玻璃暖箱” 有著看上去有些油膩膩的玻璃（其實是因為內部存放的油器所散髮的熱氣所致）門面不大 用同樣是有些油膩膩的塑膠片作為門簾中國紅的招牌 黃底菜單明明白白掛在店外 一目了然 價錢上也很是街坊 一碗瑤柱白粥6元各種油器5元（當然油器不是時時有啦）各種小食例如蘿蔔糕 炒麵 炒粉 齋腸等等也都是7-8元不等最貴不過二三十多的粥而已店內面積不大 開放式廚房占去了幾乎一半不到點的地方 所以廚房顯得不是那麼擁擠不堪因為打得超明亮白光的關係 店內可算得上是燈火通明了！所以給人一種十分乾淨清爽的感覺不過確實 無論是地面還是桌面都相當乾淨即使看得到店內後部過道上堆滿的雜物箱等等以及有些簡陋的washing room房門等等但總體來說還是能給人一種比較《安全》的飲食環境！自爆午餐內容：齋腸+白粥+炒粉一共得21蚊 飽嗮喇！！！出門概時候拼命拉扯外套試圖遮住彈出來的胃 0 0（最近每次吃飽都有種”胃下垂“的感覺。。。老了老了 真心不太適合暴飲暴食了 但總還是喜歡暴飲暴食 = =）唔塞紙筆記錄消費佐幾多阿姨即刻可以報出總價又一次感歎生意人概頭腦同埋記憶力啊