波士BB

Open Now

Now Closed

我呢個老MK間唔中都會行下旺中特別係而家旺中仲要多咗咁多小食店間唔中緊係要上去貢一貢睇下有咩好嘢食啦～呢間店首先吸引我嘅就係勁eye-catching 嘅貓貓畫🤩超可愛勁igable～冇理由打完卡就咁走咗去嘅新開張當然要支持下💗✔️麻辣花甲米粉撈 識我嘅就知我係對麻辣幾咁欲罷不能 就算幾熱都無損我對麻辣嘅熱愛 呢味係米粉乾撈～啲麻辣醬超惹味 最重要係唔會話一味得個油字 配埋啲芫荽、炸蒜食又上咗另外一個層次 花甲冇沙好鮮味～另外仲有幾粒豆卜 索埋啲汁食一流～我仲加錢要咗芝士腸添✔️大魚蛋 係長洲名物巨型魚蛋呀～ 食落夠晒彈牙 配埋個勁香嘅咖喱汁 食完一串仲想食多串呀✔️柚子雞翼、黑松露雞翼 雞中翼醃得好夠入味 外層炸到好香脆 裏面就保留住肉汁 唔同嘅口味，主要就係靠之後配上嘅醬汁 柚子味好清新開胃 夏天食一流 黑松露夠晒濃郁 我呢個黑松露控表示滿意老闆娘好好人 有提醒我要趁熱食㗎😌

招牌菜：麻辣花甲米粉撈這道菜結合辣味&花甲鮮美，搭配著米粉嘅口感，非常美味。唔太食辣嘅朋友都岩😊值得一試！另外，有一道香港版熱香餅豬柳蛋漢堡😆這是一種創新的結合，將香餅&漢堡結合埋一齊，搭配豬柳蛋，口感豐富！如果你中意榴槤同豆腐花，佢地榴槤椰汁豆腐花啜啜係一個不容錯過嘅選擇。呢道甜品結合左榴槤嘅濃郁香味同豆腐花嘅滑嫩口感，加上椰汁嘅清香，非常美味可口！有特色多選擇美食小吃新外賣店提供了一系列吸引人的正食、撈麵、小食、甜品、漢堡、小班戟仲有全港首創暴走杯同好多鮮榨特色飲品，下次都可以試下🏷️波士BB (旺角)📍旺角彌敦道688號旺角中心第一座2樓SB07號舖

今日同朋友一齊去左波士BB到掃街！我地見佢既花甲有啲吸引 所以就決定叫左幾樣野食。🤩🤩我哋先試左生炸大雞脾配薯條，啲雞脾好juicy，脆脆嘅皮又好香脆，薯條都好脆好好味 不過下次直接配埋茄汁會更加正🤣。我哋仲試佐咗麻辣花甲米粉撈，個花甲新鮮 不過有啲有沙，啲米粉夠彈牙，醬汁可以多啲同埋又唔會太辣蒜蓉偏多。另外，叫左白酒煮蜆同炸墨魚丸！白酒煮蜆唔會韌，酒味都足夠 不過鍾意多酒既朋友可能會覺得唔夠喉🤣，啲炸墨魚丸個質地彈牙又唔會太油膩，唔錯，份量可以多啲就更加好了😛總括黎講，波士BB嘅食物價錢同而家掃街既野食價錢差唔多。不過，買完記得搵位食個到無得坐係到食架～😉

支持小店系列！發現旺中有新店進駐，主打港式創意小食，飲品同食物款式眼花撩亂！重點係有近期幾Hit既熱香餅豬柳蛋漢堡🤭 開放式廚房，食物即叫即製，去到客人手上嘅時候依然係熱辣辣！👶🏻 熱香餅豬柳蛋漢堡 $28 半溶芝士，香甜嘅熱香餅夾住豬柳蛋，好食！我一向唔鍾意傳統漢堡麵包🙈 轉咗做熱香餅之後好好食呢🤤 👶🏻 麻辣花甲米粉撈 $50麻麻辣辣再加香濃蒜蓉，不敗嘅組合，花甲新鮮程度令人滿意。👶🏻 紅肉火龍果香蕉汁 $36味道自然嘅火龍果汁，飲落幾舒服🍹香蕉味不算突出，健康嘅組合！👶🏻 超好味酥脆豆卜 $10平時豆卜係用嚟索汁，冇諗過炸豆卜加埋甜甜酸酸嘅雞醬，即刻變咗薯片小食咁😝 呢個價錢都幾抵食！

一向去開旺角掃街 最近發現間新既小食店 個名都幾可愛叫做波士BB 仲有大大個貓貓打卡牆😻·揀左個暴走杯十分方便 上面放小食下面放飲品 我同姪女揀左3重芝士薯條 飲品就係利賓納梳打 估唔到兩款都有驚喜 薯條拉曬絲又熱又脆 問左老板 入面仲加左blue cheese😍難怪咁鬼香啦個芝士 個面再有原塊炙燒芝士真係好用心👍🏻•利賓納梳打夠曬味 好飲過之前係茶餐廳飲既好多🤤•等取餐途中見好多人買熱香餅包我地見咁多人買 又忍唔住買一個share 食🙈即叫即整 熱辣辣即刻食 真係好好味 個蛋仲要係燶邊蛋……真係不得不出post一讚

今日一個人放工去左旺角中心行街，行到攰攰地又餓餓地，想食野又唔驚無手拎😳估唔到居然發現一間有暴走杯嘅小食店😍可以一個人一路行一路食住野同飲住野，超正👍我點左一個爆茜撈麵拼士多啤梨奶昔，撈麵可以自己任揀，每款$5，而家仲有買6送1優惠😋😋飲品可以揀大杯細杯size,都只係相差$3，梗係揀大size la🫰另外我仲點左幾款小食take away返去俾老公，佢指明要雞軟骨同黑松露雞翼，我都忍唔住要多份‘波士仔仔’ 揀左朱古力曲奇麻薯味😋😋細細粒一啖一粒容易食🤤🤤小食店食品都好多元化，仲有推介嘅麻辣花甲撈粉、熱香餅豬柳蛋漢堡、五香肉丁煎蛋米粉、薯條🍟燒賣、魚蛋等等…下次可以用暴走杯裝曬佢哋😋😋📍波士BB (旺角)旺角彌敦道688號旺角中心第一座2樓SB07號舖#旺角中心 #波士BB #小食店 #爆走杯 #爆茜撈麵 #mk #foodie #旺中小食 #美食推介

今日到旺角中心行街見到新開一間小食店「波士BB」有提供近期大熱嘅熱香餅漢堡，仲有冷麵，甜品同飲品等-熱香餅豬柳蛋漢堡 $28熱香餅帶淡淡楓糖香，豬柳味道溫和不鹹也不乾，煎蛋微燶邊帶點蛋香，加埋芝士口感味道更豐富-柚子雞翼 (大) $30酸甜的柚子香中和了雞翼的微膩，雞肉嫩滑富肉汁，夠開胃-麻辣花甲米粉撈 $50配菜有花甲、豆卜、金菇及蔬菜，可加芫茜花甲鮮味，配菜入味，麻辣味道平衡，令人滿足-脆皮司華力腸 $20 (蜜糖味 +1)做到脆皮效果，肉質不鬆散，加蜜糖好滋味