泰洋星海南雞飯

Open Now

Now Closed

雖然今日係星期六,不過等成半個鐘有多,係唔係有D過份呢?海南雞飯 $39 - 油飯得色,一D都唔香,不過都唔油,D雞雖唔肥不過都唔滑泰式拼盤(S) $59 - 豬頸肉同蝦餅係最好食,其他都一般串燒 - 羊,雞各2 $32 - 食完唔明點解會甘出名,又乾又無味...泰式生蝦 $79 - 好一般酸辣無骨鳳爪 - $39 - 得個辣字...埋單$248雖然抵食,不過真係一分錢一分貨,唔會再去,明明唔多客都要得甘耐,而且食物一般

因為要傍晚先開所以變得平時不起眼既泰式食店但原來多人食過都讚好尤其串燒下午3點來到未開行左幾圈再來都未開又行幾圈再來開左閘但佢話4點半後先賣又再行了幾圈4點半再再來都係未有得賣又話6點後先賣喎不放棄既我為求吃到返左屋企再6點15分再來終於有得買了...好多人已經等緊買串燒但牛肉串燒未燒得切羊肉有點so好明顯係新鮮羊肉啦豬肉和雞腎都好吃加左特製辣汁和沙爹醬混醬覺得辣汁太浠太水感喜歡沙爹醬多d,好香好惹味

經過午餐事件（誤信書的介紹，食到排牙無力，詳見＂練牙力首選＂），朋友帶我去吃一間已經開業很久的店舖，一行二人又去食。食物：－海鮮沙律：辣的，我無食雞牛肉串燒共六串：牛肉燒得較為乾身，雞肉燒得剛剛好，仍然有肉汁，汁惹味雞中翼串燒二串：我和朋友初時以為每串只有兩隻雞翼，竟然每串有三隻，早知要一串便夠。雞翼燒得剛剛好，仍然有肉汁，真是外脆內軟酸甜牛仔骨：我見生炒骨就試過，未試用相同方法煮牛仔骨，試吓啦。汁開胃，少少酸，牛仔骨比較韌，炸得過火青檸梳打兩杯：每杯只有一片勁薄的青檸，杯飲品勁淡，青檸味很少服務：－普通，無特別環境：－此店分為舖內或街外吃，我們坐於舖內吃，感覺較衛生

上星期某天好友食家"乜都放入窿"特登千里迢迢黎到師傅屋企, 玩左兩日一夜, 真係令師傅非常開心! 既然入得黎玩, 當然唔少得食啦, 而好友食家"乜都放入窿"仲特登搵定一間食店喺元朗, 準備同師傅齊齊撐枱腳! 而當晚由於要到宵夜時段先會開餐, 所以好友食家"乜都放入窿"仲特登睇下間食店開到幾時, 原來係凌晨兩點, 咁就實食冇痴牙啦!由於師傅唔係真係好知個正確位置, 為免亂行一通, 於是攞齊架撐先出發; 落左車沿路不斷搵, 又要用下gps不斷睇地圖, 不斷睇自己身處嘅位置, 幾經辛苦終於搵到間食店; 去到門口竟然發現落閘放狗, 師傅同好友食家"乜都放入窿"都不明所以, 甚是失落; 但呢個時間都要醫肚, 咁點算好呢? 於是師傅提議黎呢間食店, 皆因師傅試過唔錯, 值得同好友食家"乜都放入窿"一試, 於是就黎左呢度! 去到呢間食店發覺好少人, 師傅仲以為又打烊, 幸好唔係, 立即同好友食家"乜都放入窿"坐底, 再即刻睇下有咩想食; 大家商量一陣後, 最後一致決定柯打一客海南雞飯, 細嘅泰式拼盆, 酸辣肉碎粉絲, 同埋一碟炒通菜, 再每人一杯飲品! 唔使等好耐, 海南雞飯率先登場打頭陣, 其實

舊b仔隔離有間泰國菜成日都超多人﹐係街邊食﹐仲要大坑渠邊﹐都咁多人﹐水準都應該唔錯掛~但我覺得有野要改善﹐企係度等位就無人理你﹐但等到個位就即刻有人話比你知要登記攞位架﹐完全無指示話要登記;仲有招呼我地的阿姐話今晚無蒜蓉包﹐有枱遲黎嘅﹐同一個阿姐落單﹐又竟然有喎﹐之後仲話黎多客添!海南雞飯‥雞都算很滑﹐但油飯唔係好夠香酸辣鳳爪‥酸同辣都剛好馬拉盞炒椰菜苗‥馬拉盞惹味﹐椰菜苗爽口串燒‥等左好耐﹐但拿來時都唔熱﹐醬汁就幾香嘅鹽燒烏頭‥燒得剛熟﹐魚肉好滑﹐魚身塞了大量香草﹐所以條魚一啲都唔腥泰式炒金邊粉‥香口﹐但濕左啲

在白朗峰"下山",無論在肚皮上,或者味蕾,依然空虛.我倆異口同聲要再吃一頓,由西菁街步行到去元朗"食街"之一帶,打冷店,小炒店全部坐滿,新開不久的岩手拉麵,正在有十多人等位.行到去教育路交界,泰星一樣人頭湧湧,想試這間的海南雞飯很久,店外燒爐上的燒魚,十分之吸引.不過,我還是想吃海南雞飯.$35一客,包湯或飲品.此不是肥雞,肉質有點彈性,雞皮嫩滑,沒有多一點脂肪,油飯色水對辦,但味道就不夠香.比較淡口,另外的節瓜湯,很重胡椒味.女友要豬頸肉金邊粉,放湯上.豬頸肉爽口,見她用上我吃海南雞飯的泰式辣醬,來伴金邊粉,吃得滿足.應該也不錯.估不到會在這個情況下來,如果當正餐的話,一條燒魚,一些串燒,一些其他泰式小吃,走不了.

昨晚睇睇下電視想食野.....哈哈......全間店都係泰國人.服務一般.如果現場食.全開放....成日俾街坊行過望住....先講咖喱魚旦,入口香,食落去的辣味逐漸出...但接受到的辣唔錯...串燒雞,的肉滑,最正個汁....甜甜地又有點辣,,,好正..........

第一次激使我上o黎寫食評呢間o野o的態度真係差到呢!叫左個海南雞飯，見都多人食諗住佢會好食，點知普通到呢，d雞又唔滑，個湯仲要難飲到。$35真係貴啦叫外賣a唔理我，再叫b佢應完好呀 ，之後好耐無人理我，我再追問c究竟有無落單，佢話有，我再等啦。又等左好耐。我再追問d，佢竟然話無落單。最過份佢明知我嬲緊都仲要等好耐，原來入面一早整好又無一拎出o黎。我真係好嬲。一定唔會再幫襯。

聽朋友講這裡的海南雞飯唔錯 , 一於試一試真偽!是次只是order了海南雞飯行街!返到屋企首先試一試個湯先 , 飲落去有d辣味 , 胡椒粉個隻味 ,叫 ok 啦.雞嫩滑,唔肥,好好味 , 聽其它網友話肥,過老 , 我諗係keep唔到個水準掛.油飯我覺得硬左少少 , 軟身少少會好味d.總括來講,可以一試!

上次同老公兩個人食到捧住個肚，今次就叫埋兩個friend一齊。雖然係大排檔格局，但水準唔差得過餐廳，但餐廳就唔係咁價錢啦。要食裝修，食氣氛的，就唔岩key啦。海南雞飯 - 雞好滑, 雞唔少, 飯香, 果然係招牌菜泰式生蝦 - 幾甜幾鮮, 個汁酸酸甜甜, 好開胃串燒雞腎、牛、雞 - 牛有點靭, 雞腎好大隻, 雞好多汁, 沙嗲好好味鹽燒烏頭 - 烏頭唔腥, 好香甜, 係真正燒出黎, 所以要等耐d, 但都值得馬拉盞通菜 - 一般水準, ok 啦豬頸肉金邊粉 - 一般水準, ok 啦我地仲係惠康買左兩支紅酒，真係飲飽食醉

20090101 同男朋友不約而同想起泰星, 於是順道落元朗睇戲, 已經食過五, 六次喇...總有原因令我地一次又一次返嚟呢到酸辣鳳找$35 - 份量足, 鳳找又爽口泰式生蝦(12pcs)$78 - 又新鮮又爽口鹽燒烏頭(勁大條)$68 : 肉滑又香, 唔會燒到乾曾曾...勁好味咖哩大蝦(3-4隻)$80 - 係好大碟好抵食, 但蝦肉只有一隻彈牙爽口, 其他都一般, 但有膏...咖哩唔夠濃同辣汽水X2 $14埋單$275, 確係又抵又好味

10月19日之前同男了友嚟食過一次, 覺得唔錯, 今晚心掛掛再嚟...Order左:泰式生蝦 - $78有12隻, 好鬼抵食, 而且蝦既size適中爽口, 上面放左蒜頭用辣椒點埋專用酸辣淬, yummy, 蝦下面仲會用保鮮紙隔住d冰嚟keep住凍, 抵讚酸辣鳳找 - 好大碟, 鳳找好爽口份量夠, 個汁酸酸辣辣好醒胃魷魚x2 - $8串, 一般野辣椒鰂魚 - $68好大條, 起碼4個人份量, 好抵..條魚炸到脆卜卜但肉質keep到嫩滑, 而且個汁酸酸辣辣好野味...正泰式炒什菜 - $32又係大碟夾抵食, 新鮮爽口藍妹X2埋單二百四左右...其實我地算食得多, 呢到應該足夠3人份量, 但我地都食晒咁滯, 真係好勁好老實, 咁抵既價錢同份量, 唔好諗住有酒店級既招乎, 呢到係大排檔, 好街坊街里, 感覺反而親切, 一定會再嚟

六月十三號晚同男朋友仔行過泰星, 見環境同坐位都麻麻但都幾旺, 咪一於試試...一坐低有位女職員送上清水兩杯就行開, "o甘menu呢?" 叫o左幾聲先再有人理...望望menu如果以呢個環境好似貴o左d, 生蝦要成$78蚊+.+" 最終都有試但唔見出色....叫o左幾串串燒, 麻麻地... 最後再叫o左海南雞飯餐, menu寫凍飲加兩蚊, 問佢要珍多冰佢話要加六蚊, 但感覺好似任佢講... 最主要係講個海南雞飯, 一d都唔pro. , 用得"泰星---海南雞飯"係咪應該係主打? 雞好少, 醬麻麻好味, 飯更加差到唔掂, 好似食生飯o甘又冇味, 同佢個職員講佢第一個反應好似好驚訝, 佢望o左幾o下拎o左入廚房, 拎出o黎o既又係之前o個碗, 只不過加多o左d飯, 但仍然口感一樣....我o地好無奈但廢事再出聲, 本來再叫多兩樣o野但都放棄, 因為見到隔離d客d菜個樣唔得, 三十幾蚊o既炒菜勁少個樣勁唔得....o甘就食o左$148...唔抵呀~唔會再去呢度食....人多唔代表好, 我會記住~ 超後悔呀.....下次都係行遠少少有間好好多~

之前食過兩次, 覺得佢既雞唔錯, 所以今日來賣半隻雞外賣俾錢個時發覺收到一蚊, 原來外賣半隻雞都要加收外賣一蚊, 有無搞錯呀, 難道我自己要帶個盒來裝咩, 其他燒味舖頭都唔聽過外賣要收一蚊, 銀碼唔大, 但超唔合理而且, 今次隻雞無之前的甘好食雞肉唔夠嫩, 而且好多肥油令我非常失望

一個海南雞飯$40蚊雞件約有六件, 去骨的, 皮香肉滑, 可惜份量唔多夠油飯亦唔夠香雞湯一碗, 無乜料, 但少少雞味以甘既價錢唔算抵食, 但好食都值得一試環境方面, 係正大坑渠隔離, 有時會有異味有時仲要遇正市政掃街無得擺檔加上呢排天寒地凍, 唔係一個食野既好地方如果入舖會好好多