泰風SO

Open Now

Now Closed

記得5月嚟葵度食過一次泰風SO當時舖頭仲係二樓 舖位較大有大範圍立食地方 雖然好難相信但嗰次係我第一次食芒果糯米飯暖暖甜甜咁 椰汁又香從此就愛上左呢度菜今次二訪 店舖搬左落地下 方便左唔使上上層 但就無得堂食囉泰風SO嘅芒糯係「四色芒果糯米飯」有白糯米、黑糯米、班蘭味糯米、香芋味糯米四款糯米飯搓成波波球形狀幾可愛比起一般芒糯係算特色啲今次滿懷期待買一盒做甜品即買即有即食唔使等 似乎細盒左綠色班蘭味、紫色香芋味尚算軟熟香芋係好香但黑白糯米都煮唔透㗎啲米起哂骨救命 係好明顯啲米仲生椰汁亦比唔夠估唔到質素差左咁多葵廣有好多間泰國食店二樓有一間上次食過唔錯 真即叫即整 芒果又多啲所以小編不會再訪泰風SO了

四色芒果糯米飯 好色彩繽紛重點是每一款口感 味道都唔同🍚白糯口感煙韌 清淡的椰香味🖤黑糯比一般的硬 但幾有咬口💗粉紅糯沒有紅菜頭味 而且比較甜💚青糯是班蘭 煙韌中帶點清香 份量都幾多 但芒果唔甜 可能季節不對

放工到了葵芳行下買野，葵涌廣場出名小食林立，多款選擇， 來到不如順便食小食當晚餐，之前多數食港式小食同日式手卷等，今次好奇試下其他，上網見到廣場有幾間泰式小店，留意左泰風SO，個名好攪笑，硬係覺得泰式食店好鍾意玩食字，仲要同場有分店，一間係地下一間係2樓，見到芒果糯米飯，好想食，一於試下了。 去到地舖，拎左張傳單來看，有不少泰式小食，價格都幾平，泰式海南雞飯都好吸引，但最想試都係芒果糯米飯，買時店員會問椰汁要唔要分開上同多定少，要了多的，好窩心呀。 四色芒果糯米飯，$30，波波形的糯米飯，賣相十分可愛，有黑糯、白糯、粉紅糯(紅菜頭)及青糯(班蘭)4色，色彩繽紛，黑糯口感較煙韌，清淡的椰香味，白糯口感有點硬，淡椰香味，粉紅糯唔太食到紅菜頭味，比較甜的味，青糯是班蘭，唔太有班蘭味，四色的味道上都有微妙的分別，當中最好食是黑糯，半個芒果少甜。 水準普通，但幾抵食，有下次呀。

之前同朋友去完泰國有後遺症，好掛住泰國啲嘢食。有一日我哋幾個一齊去葵廣掃街，行行下發現左呢間泰國野，見佢價錢都唔貴就叫左黎試下。小編超鍾意食泰式炒金邊粉，所以就叫左黎試。佢有細同大兩個size揀，下圖係兩個唔同大細黎。估唔到佢嘅金邊粉係即叫即整，而唔係就咁加熱簡單，所以可能都要等一陣，拎左之後都要攤一陣先食倒。個金邊粉好足料，蝦同芽菜同其他配料都好多，整個份量對得住價錢。個粉有少少辣，如果食唔到辣嘅朋友可能要叫少辣。啲金邊粉唔會太硬或冧。整體黎講唔會太鹹，好夠味，不過有少少油。個三色糯米飯都唔錯，啲糯米飯唔會好甜，亦都俾得好夠份量。但係個芒果按飯嘅比例上就少左啲，唔夠餸哂啲飯。不過以佢嘅價錢黎講都真係比唔到咁多芒果嘅。小編都只係試過一次，所以唔知道啲芒果係咪次次都一樣，小編食果次就偏熟，不過有少少酸。但整體來講都好抵食。

本人笫一次寫食評，今日買咗兩盒木瓜沙律同埋一盒泰式雞腳，其中一盒唔知咩黎既，你無可以講聲，求其俾一盒打曬包，我返到屋企食先知，好腥好難食，變咗就唔好再賣俾人，咁既生意態度太差啦，以後唔會再去買

一開始外帶冬陰功蝦湯河38元，回家一吃，無論是湯頭還是蝦子都十分讓我驚艷啊!夠濃、夠正、夠鮮，完全不敢相信我只花38元。 前天再去嚐鮮，點了芒果糯米飯和海南雞飯，芒果超好吃的糯米飯也是四色四味夠味👍不過椰汁偏咸。這是我第一次吃芒果糯米飯，原以為芒果和飯不是朋友的我，在老公推薦下，一吃，驚為天人啊！以後又多一道料理敢點了 海南雞飯更是正，下次還會再點，無論是薑黃飯還是海南雞本身和醬汁都超棒的，融合再一起，即使點了大份42元，真的蠻大盒的，但是一口一口吃個不停，覺得多少都可以吃的完，真的超好吃的，比起其他店家賣到60、70元以上的還更加好吃😍😍 真的蠻厲害的，不過就是店內是站位，所以我們都是外帶的。下次再來點個撈麵和肉碎飯好了，感覺什麼都好好吃啊

經過葵涌廣場地下一個角落，原來已經變成半條食街咁。見間泰國小店咁多人叫炒金邊粉都好想試，可惜已經食飽飽😅咁我都心思思叫左個芒果糯米飯返屋企做甜品😍😍當收到盒飯已經好驚喜，唔知佢原來係四色飯😆 講真味道冇乜點變，但賣相真係正過純白色...可惜唔多椰汁，睇下下次可唔可以問佢拎多少少芒果好甜....但d糯米飯好硬好似唔熟咁...最後食剩一半😓 有d可惜！下次試熱食可能好d冇咁伏！見好多人半隻半隻咁叫海南雞...下次take away試下

本來睇邪惡的網上宣傳話芒果糯米飯正，難得黎到葵廣刷街當然要試允晒佢！ 食左一輪後自製甜品時間，又番黎好多人既食物corner發現左呢間入面有多企位既泰國野，一入去就泰文招呼！另外見到芒果放晒出黎，外表橙黃又帶點黑色「膠水」痕、正係甜到出膠既芒果！點完菜後信心滿滿地等，見泰國姨姨真係用手搓d椰飯出黎， 切埋芒果再淋上溫溫熱熱既椰漿，唔客氣了！糯米飯有別於平時見的，一次過俾4隻色你：粉紅色較甜，綠色有少少斑蘭味，黑糯米最正！前三款嚼口都唔錯，越食越飽肚；但白色原味就太乾！乾到變硬所以食到後尾要再加椰漿先食到肥到滯到一個點⋯而配角（對我而言糯米飯係主角）芒果竟然偏黃，不是想像中的橙黃，難道放出黎的不是切出黎的！？ 食落亦真的不甜，聞落有香味但食落係無乜味⋯雖是配角但都令人失望⋯拉番平均俾個中評啦⋯好的是呢間野有位企，有自助餐具，又多垃圾桶，掃街黎講算比較方便進食

每次OT 完，都係葵廣開飯。呢度既海南雞飯真無得輸。可以話同係Bangkok 食既味好似。D都幾滑，連d飯都好夠味。唔好以為看似好細盒，其實都裝好實。大既基本上可以分做兩餐。另外，呢度既pad Thai 都好好食

泰式海南雞撈麵($42)有無營多fans🤣🤣原來依個撈麵係用上營多，係高級版既營多撈，因為佢係有海南雞架，配料還有洋蔥、芹菜、蔥等等......撈麵份量大概有3-4個營多，2個人share啦！味道還好，無乜驚喜，因為營多都係個隻味🤣耐無食 食下都過到口癮..！而海南雞雖然都算滑，不過份量唔多，雞皮又多左啲，皮好似多過肉，但係配料有炸豬皮加左分，脆卜卜幾惹味👍🏻下次都係試返出名既糯米飯先😎

四色芒果糯米飯 📍葵涌廣場 | 泰風SO·天氣熱就特別想去泰國嗰啲度假勝地玩下水 食下泰國嘢雖然仲要做功課去唔到但都可以『望梅止渴』嘅·呢間細細間嘅泰國嘢食係葵廣都好出名嘅今次試下佢地嘅招牌 四色芒果糯米飯四色糯米飯分別是原味 紅菜頭汁 斑斕汁 同埋紫糯米淋上清香椰漿其實d味道都差唔太多夠煙韌有嚼勁斑斕味嗰隻就淋d 紫糯米係最硬不過芒果真係超香甜又多汁 正喎·

見葵廣開左間泰國野，有船麵，海南雞撈麵。。款式都幾多就入去試下，叫左個芒果糯米飯，同埋豬肉丸撈mama麵，芒果糯米飯有四隻色，除左黑糯米食得出有d分別外，其他三隻味味道都差唔多，芒果都甜，值得一讚，買左後佢會幫你淋上熱辣辣既椰漿，好加分，不過糯米硬左少少，如果煮淋d仲好。豬肉丸撈mama麵，泰國既mama麵我不嬲都好鍾意食佢個冬蔭公湯味，不過撈麵就未試過，除左豬肉丸，仲有炸豬皮，仲有芽菜同蔥，一齊撈埋，芽菜同蔥炒得幾香，味道都OK,但略嫌普通左少少，下次會試埋個船麵，因為都幾大碗同多人叫。

泰風so是我一直以來最愛捧場的食店，因為他有我最喜歡吃的【金邊粉】、【海南雞飯】、【芒果糯米飯】。店家都是泰國人，十分有禮貌。由於我長期光顧，他們已認得我，感覺親切。這家食店現在除了在葵涌廣場地下的原分店，在二樓都開了新分店，相信他們的生意一定做得很好。整個葵涌廣場少有泰式食物，這家絕對值得你們一試。

又喺每個月要去葵廣掃街既時候，今次嚟到呢一間舖喺朋友要食，事關佢話上次嚟食完金邊粉之後一試難忘。一嚟到就衝左去門口點金邊粉食，幾個人Share一份當然叫大份啲喇！呢份金邊粉大約等左8-10分鐘左右，因為喺附近都好多熟食舖，所以等既期間都去左隔離既舖頭買左其他嘢食。等左一陣，金邊粉終於有得食喇，大Size既份量真喺好多，幾個人Share食就啱岩好喇！個金邊粉放左好多杏仁粉(?)，亦都加左好多材料，放落口慢慢食啱啱好！

即使幾攰，仍然會抽空見的一個人就如即使幾飽，仍然會吃得下的一盒芒果糯米飯😂誰是你的#芒果糯米飯 ？🤗芒果糯米飯 $28四色包括白糯米、黑糯米、斑蘭味和蝶荳花味，細嚐下吃到淡淡煙熏香，但老實說味道就其實沒有太大分別😂不過口感就夠煙韌有𡁻勁，淋上椰漿，很不錯呀😋呀，仲有大大舊熟透芒果，夠香甜，正喎！-----一句講哂，份量不少但賣$30都唔洗，四色夠gimmick 又悅眼，性價比之選呀👍🏻