泰Yummy (Closed)

晚上當然要支持小店！原來這間新餐廳也有外賣。這間泰國餐廳在元朗新開，於是就叫了一個咖喱牛腩回家送飯。超級香而且很滑，椰汁味也十分充足！有牛腩牛筋十分豐富，正正正！平時其他泰國餐廳火頭車河是很貴的，這裏竟然是最便宜的菜之一(感覺上應該比咖喱牛腩更值錢lol)，而且牛腩牛筋肥牛都很多，真心正。為何不把這個這麼便宜又足料的菜色掛在門口呢？而且門外放了兩張櫈仔很可愛，等外賣的時候可以坐一坐呢。

成日同朋友出市區食，係元朗其實都好多高質嘅黃店！我今日就特登搵到其中呢間　泰YUMMY　應該新開冇耐 openrice又冇咩人講咁食完覺得一定要留個正評大力支持下😻😻嚟到門口已經見到米豬連推介同必食菜式都好吸引咁就度咗體溫，用酒精搓水液消毒下雙手，再入去慢慢睇menu諗食咩，選擇都非常多又吸引！價錢都好公道但今次一個人嚟實在食唔到太多🙈就叫咗碟泰式香辣金不換炒金邊粉 $78老闆娘仲問我食唔食得晒🤣新鮮熱辣炒起嘅金邊粉，食落夠晒煙韌，乾濕適中，帶少少甜甜地，同埋特地要求落多D辣，超惹味！最抵讚係佢d燒肉成碟都有，超足料皮層香脆，肉質肥瘦適中有嚼勁，呢個價錢係出面食份量只係好少，但呢度絕對可以話係超值👍🏻👍🏻👍🏻雖然以我咁大胃一定係食得晒嘅～🤣🤣另外再加咗１串燒牛丸 $13燒到啱啱好火候唔會乾爭爭，咬落仲好juicy加上泰式辣醬，酸酸甜甜好開胃😋老闆娘服務周到，熱情好客，同客人都有傾有講咁高質嘅小店黃店一定要大力推廣多D人嚟幫襯！！呢間野原來仲開到好夜2am，夜貓子嚟呢度食就啱晒啦撐黃色經濟圈

因為疫情影響，大家都盡量留係屋企抗疫。不過香港好多黃店餐廳都有危機，會做唔住，所以瘦編今日都要加入 #黃店challenge ，去黃店買外賣自取返屋企食。💪🏿-今日瘦編去左元朗西教育路嘅泰Yummy買外賣，我揀左泰式生菜包($68)返屋企加料，生菜包即叫即整，配埋香料味道酸酸甜甜，好清新！店內貼左好多文宣，仲有元朗西黃店地圖，現場都見到有唔少同路人黎買外賣，不過大家都好醒，我發現原來好多都會預先打電話黎落order，一黎到就有得攞走唔使等。😆-PS: 外賣會加翻$2飯盒費用～-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4) 回購評分▶️🌕🌕🌕🌕🌗 (4.5)-➡️ 泰Yummy (元朗)📍 元朗教育路83號元達樓地下2號舖📞24434560

#泰yummy 新開張既泰式餐廳，裝修得好靚，充滿泰國風情--🔅泰式金邊粉泰式金邊粉比較正宗，有酸酸甜甜既冬蔭功味道金邊粉唔會好碎好易斷，仲每一條都好入味係炒得比較濕潤既金邊粉，份量超多哈哈！唔知爆辣金邊粉既味道係點架呢?🤔--🔅半打串燒（豬肉、牛肉、雞肉）沙嗲醬汁一D都唔辣，較重奶味同有粒粒既花生食落香口，比較似馬來西亞既沙嗲醬肉類就燒得比較乾身，冇左種原汁原味既感覺雞肉同豬肉反而好食過牛肉可能小編淨係掛住影相攤涼左，串燒再熱d會更加惹味--🔅法式蒜蓉包一眼就睇得出搽左好多蒜蓉焗得好香好脆，但有小小焗燶左😂

Lunch hour 去咗食泰Yummy，全場加埋我得兩台客，午餐選擇都有五六款，我嗌左冬陰功。冬陰功唔太辣，都幾好食。豬扒一般般，另外跟餐有杯奶茶，個湯羹係貓仔，都幾得意。室內都有唔少泰國地方色彩嘅裝飾物，感覺有少少去咗泰國咁。服務質素亦都幾好，老細亦都好貼心俾個骨碗我放豬扒骨。豬扒係碎上嘅，食起黎都好方便。

第一次食，味道10分都有9分。老闆娘仲驚我地2個人飲唔到一個冬蔭公湯，又見到我地驚辣就比2碗我地飲算😂結果我地都真係眼闊肚窄，食小食都食唔曬。野食方面，炸物個人比較喜歡食，仲有宵夜，開到2點，價錢唔貴，值得一試既黃店

一行幾人去左呢間泰菜小店食晚飯 支持黃色經濟圈 有貼文宣係當眼位置店面唔算大 多數都係細枱 唯獨是門口有張圓枱都夠我地9個人坐 入座時侍應有遞酒精搓水液清潔雙手 叫左好多個餸 推薦咖喱軟殼蟹大方包 咖哩偏甜 好香咖喱味 大方包好鬆軟 點埋咖哩多多都唔夠食 另外仲叫左薄餅點咖喱另外一致好評既有豬頸肉沙律 酸酸地好開胃 有芫茜 有香 青檸牛肉沙律都係好唔錯 牛肉嫩滑 係半生熟狀態 底下係芥蘭 當係菜食都好味泰式炒花甲係甜酸汁 出面好少見 好特別青檸蒸烏頭 烏頭無泥味 配青檸好清新

元朗新開的小店💛位於教育路店舖坐位唔算多，衛生良好，枱面唔會痴立立👍🏻價錢合理，食物質素屬中上😋員工好有禮貌，可能係老闆娘嚟📍椰汁雞湯海南雞河📍椰汁雞湯味道清新，飲落很開胃，食到最尾飲咗大半碗👍🏻海南雞同河粉嘅份量，對女仔嚟講好足夠，食完係十分之飽；大食嘅男仔可能要叫多份小食先夠🤭📍泰式奶茶📍呢個屬於特飲，跟餐有半價，甜度剛剛好，入口順滑，係好飲嘅泰式奶茶👍🏻👍🏻👍🏻 值得一試！👇小店環境感覺溫馨😍

第二次黎食，最近因為武肺街邊餐廳都少左生意專登weekend出街食支持下同路人今次都係食火車頭湯河，$58多料食到好飽+$8嗌左杯泰色奶茶唔錯，下次有機會再試下晚市先！

推介薄餅，超好食，嗌完再嗌蝦餅自己打，好味價錢合理，正常老闆及老闆娘服務周到，細心，顧客至上，為顧客提供優質服務，在疫情期間也滿座實左難得！👍🏻👍🏻

🔎泰Yummy (元朗) #黃店系列📍元朗教育路83號元達樓地下2號舖-💛參與國難救援、店內文宣初二就開工啦～ 新年去仲要播緊防暴到🔹喇沙海鮮河粉 $58🔸青檸梳打 $22 （平時跟餐半價）喇沙海鮮味好濃 幾好味 料都唔少架新開無耐嘅黃店要落力d懲罰呀～#良心餐廳#五大訴求#缺一不可#黃色經濟圈#90sfoodieshare_元朗#食在元朗

冬至前食，本來想食同一條街鐵板牛，點知好多人，決定同老公試下其他新店。晚餐時段只有一台客，唔梗要，都黎到乾脆照試下，結果很失望。一望餐牌，每一碟餸，至少78元以上，款式少，加埋前菜至主菜，唔夠十樣餸，叫了大蝦撈金邊，份量很少，幾乎食完，第二碟本來想試泰式燒雞，但只係晚上六點，已經冇雞，唯有叫泰式豬手，結果成叫餸半個鐘頭後先上，個豬手啲汁，多到都一個點，係溫的，仲唔係熱嘅，個汁直頭係醬住個口，真的不好食。埋單176，sorry,無下次。