Video
Opening Hours
Today
12:00 - 16:00
18:00 - 22:00
Mon - Sun
12:00 - 16:00
18:00 - 22:00
Above information is for reference only. Please check details with the restaurant.
剛剛先係日本返嚟又掛住日本🥺今次有啲遺憾冇食壽喜燒。諗起上年喺大角咀食過一間好高質又抵食嘅嘅西日風居酒屋，主打壽喜燒料理，決定放工再訪，一解思「日」之情🥹 二人前鍋料理包括兩款小食、手打和牛漢堡扒、壽喜燒黑松露燉飯，可以以優惠價追加特色小食、飲品同甜品。而講起壽喜燒，最緊要就係塊肉呀🥩就算唔食牛肉都有豬梅肉可以揀，而我同朋友就+$50，揀咗澳洲M9和牛西冷+美國頂級牛頸脊🐮壽喜燒————————————全程由店員煮壽喜燒，服務非常貼心，我哋都食得好舒服😋先煮澳洲M9和牛西冷同美國頂級牛頸脊，店員再幫我哋打匀隻蛋🥚吸收晒壽喜燒汁嘅牛肉再撈埋順滑嘅蛋漿真係好正呀🤤食完牛肉之後就煮蔬菜🥬豆腐、菇🍄🟫同時落埋手打和牛漢堡扒。蔬菜同菇吸收晒壽喜燒汁，非常入味，漢堡扒每啖都肉汁滿滿！壽喜燒黑松露燉飯————————————最後嚟個吸收晒所有壽喜燒精華嘅黑松露燉飯，壽喜燒同黑松露非常夾，剛才落嘅洋蔥已經煮到超淋🧅整個燉飯超入味好Creamy，啖啖熱辣辣，非常滿足😋雞皮餃子————————————其中一個小食揀咗雞皮餃子🥟四大隻餃子熱辣辣，雞皮口感煙韌，表面有少許脆口，口感勁正。明太子玉子燒————————————另一個小食揀咗明太子玉子燒，非常精緻！少許鹹香易入口嘅明太子經炙燒後更香口，加上粒粒蟹籽更有口感，玉子燒充滿蛋香。雪糕梳打 +$38————————————個Base可以揀🤣我揀咗蜜瓜梳打🍈朋友就揀咗波子汽水🫧勁清爽，加埋雪糕🍦夏天飲真係超爽！
continue reading
【洋食商店】食過好多次都依然再訪既洋食商店 佢地個cream truffle飯真係好出色! 次次黎都會推介朋友食😍😍壽喜燒黑松露燉飯🔥🐮呢個我每次黎都必嗌 個個FD都話佢好食😂首先會有staff同你整左個壽喜燒先 牛肉食落好嫩好有牛味🐮 之後到新食晒啲牛肉 菜同漢堡扒 等啲肉汁滲曬出黎 再整個cream truffle飯 索晒全部精華😆個飯食落好重truffle味 好creamy 每粒飯都有醬汁包住 食落仲帶有少少甜味 相當出色🔥明太子玉子燒🍳玉子燒好厚切 切開時就睇得出個玉子燒中間好嫩 蛋香超濃郁 面頭有明太子同埋飛魚籽 再加佢有火灸過 個味超香 好好食😋椒鹽日本魷魚鬚🦑上到枱個魷魚鬚係熱到出煙 魷魚都彈牙 調味夠晒惹味，送酒一流🍶 芒果刨冰🥭🍧食完正餐緊係要食刨冰🍧個刨冰有芒果 爆爆珠 同埋雪糕喺上面 食完咁多heavy嘅嘢再食個刨冰成個人即刻fresh晒🤣銀嶺月山佐佐良月🍶支清酒上枱好夠凍 甜甜地好易入口 尾段有微微辛口 配濃味燉飯出奇地夾~
continue reading
朋友生日，去咗大角咀嘅洋食商店慶生，係西日屋酒屋，餐廳裝潢好似去咗日本洋食屋咁，有啲歌舞伎町feel，非常啱打卡！而且仲有幾部街機可以比食客免費玩，好正！今次點咗佢哋嘅招牌壽喜燒二人餐，真係一口口都充滿驚喜。店員會幫我地煮埋，基本上坐定定等食就得，啱哂我呢啲懶人haha而且壽喜燒湯底甜度調得剛好，唔會太甜或太鹹而蓋過食材鮮味！套餐有澳洲M9和牛西冷同埋美國頂級牛頸脊，！店員控制火候控得好好，大概五六成熟，肉質超嫩，仲帶有豐富嘅肉香，牛味濃郁，一沾埋醇厚嘅壽喜燒湯底，口感一流！而且仲有埋生蛋黃可以沾食，口感更順滑，蛋香同牛味完美結合！食完牛，就會有手打和牛漢堡扒同蔬菜拼盤。漢堡扒肉香十足，口感豐滿，煎得剛好，每一口都食到和牛嘅鮮美。蔬菜吸咗壽喜燒湯汁，都好惹味！➡️黑松露燉飯好有驚喜！煮剩嘅壽喜燒汁，店員會加入蛋汁煮成黑松露燉飯，口感濃郁又Creamy。壽喜燒汁味加上黑松露香味，層次豐富但唔會太漏，食到一粒飯都無淨！另外套餐仲有兩款小食，我地揀咗下面兩款:➡️明太子玉子燒滑嫩嘅蛋卷加埋濃郁嘅明太子醬，上面仲有上面加咗鮮甜蟹籽，味道有層次，食落相當開胃。甲羅燒多士超級大推，燒多士外脆內軟，甲羅燒醬濃郁得黎又唔會膩，食落來有種滿足感！另外點咗洋食雞翼，外脆內嫩，雞肉多汁，味道有少少甜甜咸咸嘅醬汁，食落好過癮，係全餐嘅完美結尾！
continue reading
最近係大角咀開咗分店，，餐廳門口有濃厚日式風格，好有日本🇯🇵感，裝修日本歌舞伎町為主題，仲有免費街機玩🏁各式各樣壽喜燒、日式小食，店員全程幫手代燒，坐定定等食😎🪄招牌鍋料理 二人餐澳洲M9和牛西冷 & 美國牛頸瘠＋$30店員全程掌握火候超，和牛5成熟入口即化，油脂甘香配埋生蛋黃😛二人壽喜燒set份量夠晒足，加錢仲可以upgrade不同和牛部位，壽喜燒店員一手包辦，牛色水好靚🪄漢堡扒、蔬菜拼盤食完牛就試埋漢堡扒同蔬菜，加入壽喜燒汁煮蔬菜拼盤，壽喜燒汁調味唔會過鹹過甜，吸晒所有湯汁🪄壽喜燒黑松露燉飯充滿黑松露忌廉汁嘅燉飯倒入壽喜燒，煮到差不多店再倒入蛋汁，呢個燉飯超級邪惡好食，所有精華吸收晒，鍾意濃味嘢嘅朋友一定愛上🪄玉子燒玉子燒上面加咗蟹籽鮮夠甜，好香嘅蛋香味🪄松露芝士薯條薯條🍟炸得勁香脆，混埋黑松露芝士一齊食基本無得輸🪄芒果刨冰夏日最好食返個冰，芒果酸甜夠晒開胃，食完肉類之後可以解膩🚩 洋食商店 (大角咀)大角咀利得街11號利奧坊·曉岸地下G504號舖
continue reading
週末到大角咀探訪舊同事，被帶來這家招牌醒目，亮著霓虹燈牌的「洋食商店」。推開木門，先入眼的是一排彈珠機老虎機，繼而聞到一陣香氣十足的和牛壽喜燒，瞬間對這次的晚餐充滿期待。 店長推薦的壽喜燒二人套餐從前菜到主食都安排妥貼。套餐包有前菜、關東煮、兩份小食、壽喜燒以及燉飯，一個價錢十分豐富。---🐈關東煮：湯底清甜，用料都算豐富，有竹輪、蘿蔔等。🐈小食：明太子玉子燒切開時還冒著熱氣，蛋上鋪滿了橙紅的明太子，鹹甜交織的滋味很適合打開味蕾。甲羅燒多士（+$22）鋪滿蟹膏與蟹籽，脆麵包蘸著吃，鮮味在嘴裡漫開。 🐈壽喜燒：岩手縣和牛& 澳洲和牛西冷 (+$30)先灑上糖以及牛油煎香岩手縣和牛西冷，細密的油花遇熱化成透明紋路。趁熱裹層生蛋黃，滑嫩裡透著焦糖醬香的餘韻，咬下時肉汁混著壽喜燒醬緩緩滲出。 煎完牛肉後會先煮菜再開始黑松露燉飯。最喜歡看店員料理黑松露燉飯的過程。餘下的醬汁裡倒入以及調味好的米飯，木勺在鍋裡畫圈攪拌。米粒吸飽琥珀色湯汁，每口都嚐得到菌菇的土香與芝士的奶香，層次感十足。 🐈飲料：青檸蘇打（+$38）＆ 薄荷話梅梳打（+$38）是樸實的驚喜。小小的青檸檬浮在杯緣，戳破果肉時酸汁混著氣泡水滋滋冒泡。選了無糖版本，純靠青檸的天然酸香，正好沖淡牛肉的油脂感。同桌友人那杯薄荷話梅梳打也討喜，醃漬話梅在杯底化開甘甜，薄荷葉像小綠舟在冰塊間飄蕩，喝到最後還能嚼到軟糯的梅肉。
continue reading
You may be interested in