津津有味 (嘉湖新北江商場一期)

Open Now

Now Closed

難得番黎投票，當然要去新北江買番個紫薯雞蛋仔食~ 原本已經預備收鋪，不過老闆娘見山長水遠番入黎所以肯整埋比我😝呢度雞蛋仔比起出面好多地方好食得多，原粒蕃薯係雞蛋仔中，粒粒飽滿，外層仲好香脆添，20蚊一底黎講算平。

素聞新北江商場集各種商店於一身，包括餐廳、服裝店、髮型屋、腳底按摩，應有盡有。這次順道來天水圍尋找一下小食店，找到這間津津有味。有非常非常多口味的雞蛋仔和格仔餅，店內放著各種顏色的蛋漿，目不暇給，有選擇困難症的我最後買了抹茶紅豆味和紫薯味各一。紫薯雞蛋仔$20紫薯味不突出，但賣相搶眼，每一粒雞蛋仔都有黃薯粒！蠻有誠意，非常果腹，吃一底已飽了一半。抹茶雞蛋仔$20抹茶味有點假，是香精味，紅豆也不夠軟，整體質感偏乾，有點失望。希望下次試其他味道能重奪我的信心吧！

去咗天水圍同家人食飯，好耐都冇去新北江呢頭喇，晌IG留意咗津津有味啲雞蛋仔好耐，就趁機買嚟食吓。四色星星雞蛋仔，清楚見到紫、綠、紅同啡四種顏色，分別代表香芋、蜜瓜、士多啤梨同朱古力四隻口味，除咗後三款之外，香芋嗰款係完全食唔出有香芋味，另外嘅就係人工化香料味（尤其係蜜瓜），不過食得呢類色彩繽紛嘢都預咗。大部份雞蛋仔入面都釀咗粒蜜糖星星，食起嚟脆卜卜。 

星期六約左朋友去天水圍踩單車入下白泥，大家相約在天水圍新北江租車。等大家之際去津津買左個4色雞蛋仔。雞蛋仔新鮮即製，顏色好靚，影相好靚。但至於味道呢，其實唔算好濃，最濃係綠茶味同朱古力味。士多啤梨同原味其實都係得顏色襯托居多。但因為新鮮即製，所以好好食，都幾脆口。但28蚊一底，大大底，仲有4隻味，其實食得過。

適逢要到天水圍同小朋友仔一齊跳舞, 緊係要順個便朝個聖紫薯風暴現正猛烈進攻各飲食界，認真不能小看其威力見到由上年開始俾FB/IG瘋狂洗板嘅紫薯雞蛋仔到紫薯手抓餅再到近期紫薯芝士雞煲…真係紫到發紅？不過奇異果竟然等到依家先嚟第一次試-.-真心有點out(又話早買早享受 遲買平多幾舊嘅?? 琴日去到發現由我認知的16元加到20元@@ SO _SAD) 由於搵路搵得好辛苦所以佢貴咗幾蚊都一定要食，店主係唔熱情招呼，去到見都有幾個人唔知係咪要排住隊咁等叫，咁就企係店前停咗一陣，點知有個太太嚟到就咁嗌話「一份原味」，之後先醒覺哩啲地方係就咁嗌就得架喇(哩啲地方無任何貶意咖.)只係提想去嘅大家 去到就好叫因為係要整一陣架都。 其實津津有勁多隻味揀仲有得雙併三併四併，一件七彩雞蛋仔就係咁製成。睇下幾多色素…每次見到哩啲都諗起小學時的廣告彩女店員逐粒逐粒咁落啲蕃薯粒落雞雞仔Pan 內，留意返係黃色蕃薯都唔係紫薯 說好的紫薯呢??? 有咖～你睇啲醬真係紫色㗎，但食落個味就唔係好重紫薯味 真心覺得麥記嘅紫薯雪糕仲正過佢😲😲😲😲 只係盛惠港幣5.5 喳但你話過下癮 有蕃薯粒粒嘅雞蛋仔都ok 嘅，如果你

早前吹起紫薯風, 見到有介紹呢間... 心思思想黎試下...好少入天水圍... 所以搵左一陣呢間野係邊....去到見到... 嘩!!! 原來有好多隻味架... 阿華田﹑紫菜肉鬆﹑OREO... 隻隻都想試...不過... 今日係為左紫薯雞蛋仔入黎... 都係食番呢個....等左10分鐘左右就有得食... 外面啡啡的... 睇落唔算係紫色... 但都見到一粒黃色既蕃薯食落口... 食唔到紫薯味... 反而食到啖啖既香芋味...咁香芋同蕃薯都夾既... 蛋漿個味道亦唔錯...不過食唔到紫薯既味道... 所以呢個只可以算係"紫芋蕃薯雞蛋仔"不過咁... 呢度都係一間小店... 就好似細個放學去果D士多咁...所以都OK既....有下次... 因為想試佢其他味既雞蛋仔。

早前大熱的紫薯雞蛋仔,今日終於忍不住試下。去到鋪頭,由於時間較早關係冇咩人係到。但係望落去鋪面牆身比人一種唔乾淨既感覺。叫左紫薯雞蛋仔當然即叫即整,睇住店員倒紫薯粉漿再放紫薯粒係個模到,心裡都有d興奮。等左8分鐘左右,終於拎得。食第一粒雞蛋仔好脆,仲有薯粒係入面,不過紫薯味不是太濃,全靠粒紫薯有咬口。可能係粉漿問題。不過大熱小食一試都無妨

食完野好想食甜既野，就揀左買雞蛋仔食！呢間我成日都幫襯架！今日一去到，嘩！多左咁多口味既！ 我諗佢而家有大約十款口味左右！有香芋、抹茶、草莓、朱古力、oreo、原味、蜜瓜等等好多好多，我都記唔晒，哈哈！ 我地就揀左兩溝香芋+抹茶。佢即叫即整，一整出黎熱辣辣！ 食落去外脆內軟，好正呀！ 有d 雞蛋仔裡面係空心既，佢唔係架，裡面係實心架！軟淋淋真係好軟熟好好食，軟硬度真係啱啱好。 唔知點解今次係真係特別好食咁，之前都無呢種感覺，哈哈！佢個抹茶好有茶好有茶味，啱晒唔飲奶既我。 香芋都好香，唔算係好甜，好好味！佢個蛋張真係調較得好好！ 下次會試埋其他味。另外，老闆娘話佢地既冷麵係招牌菜黎，話開左10 幾年架喇！ 我小學既時候食過一間冷麵係好好味架，但而家搵唔返，唔知係唔係呢間，我下次會試埋佢個冷麵架，試完再話俾大家知！

繼四色雪糕後，就到四色雞蛋仔😍芋頭，士多啤梨，朱古力同蜜瓜味😜店家即叫即製，但雞蛋仔就吾脆既😅味道方面，個人喜歡芋頭同蜜瓜多d，味道較突出😍士多啤梨就好假🍓朱古力就真係食吾出咁濟👻試一次俾相機過下癮算

今日約了友人在天水圍新北江吃飯，時間又未到,友人未到,剛巧在IG見到有人分享紫薯雞蛋仔,津津有味一直有光顧 ，主要買原味,趁有空走去津津有味買雞蛋仔，津津有味亦有色系繽紛雞蛋仔,今次買了紫薯雞蛋仔(18元),紫薯而家最近大熱食品，估不到新北江亦有紫薯系列，這個紫薯雞蛋仔味道真是麻麻,勝在夠熱辣辣,紫薯味爭些小，只有一個甜味可言,並不夠脆，下次吃回原味算啦

上網睇到呢個紫薯雞蛋仔後就好想試。因為距離家比較近 所以已經幫襯過三次了！ 第一次 可能因為新鮮感關係 覺得好正 幾好味！ 去到今次 真係純粹過下口隱！ 去左三次，但每次都唔洗等好耐，等兩三個人都ok la ！ 同埋佢係室內所以唔會等得太辛苦，好過街邊雞蛋仔！佢係即叫即整，見佢都有推出好多口味，遲啲試哂佢！ 講返個紫薯雞蛋仔$18 先，我覺得唔係脆個種，如果喜歡食脆卜卜既人 可能就覺得麻麻了，但我中意軟身啲，食落感覺充軟充實，所以接受到！而紫薯不算好重，佢既薯味多來自入面一粒粒的黃色薯粒！但我好奇 點解唔落返紫薯粒 甘樣好似貨真價實一啲！  啲薯粒唔淋身同埋唔夠香，我prefer 番薯淋身好食啲！今次食第三次 ，感覺冇第一次甘好食，所以下次會試其他味了！評分 6.5/10

紫薯熱潮!!! 話說早前為左哩個紫薯雞蛋仔 (hk$18) 足足等左45分鍾，其間仲比D街坊話阻住條路，商場無乜冷氣，又熱好彩拎左把電風扇炸~ 佢地得兩部機而且又成廿幾人排隊，真係等左好耐! 佢地既雞蛋仔醬係用紫薯製造，但每粒雞蛋仔入面個粒唔係紫薯，食落去紫薯味唔夠香濃，不過雞蛋仔都幾脆既~ 

山長水遠去到天水圍，唔係唔順便去試下大熱嘅紫薯雞蛋仔啊嘛~ 該店位於一個很舊的本地商場內，有啲難搵。網上有人話假日要等45-60分鐘先買到，所以我已經抱住必死嘅心態，預左係大熱天時排隊! 去到時見到條龍都唔係好長，冇網上啲人講得咁誇張。最後等左15分鐘，紫薯雞蛋仔就到手啦。雞蛋仔外面是紫色的，冇咩薯味，反而好重牛油味，而且餅身偏『淋』，一啲都唔脆。但精髓在於每一粒雞蛋仔裡面都有1-2粒黃心蕃薯，由店員好仔細咁一粒一粒擺入去。先放蕃薯粒，再倒入紫色嘅蛋漿。紫薯雞蛋仔$18，其他味道就$15，整體價錢偏貴，和味道不太成正比就是了。