津野日本料理放題專門店 (Closed)

魚生款式多既新鮮,Tempura亦有水準,燒炸照物,尤其是芝士年榚(正),壽司,手卷,軍艦,樣樣齊,賣相亦好講究,以$180既優惠價兩小時任食,本人覺得超值,值得一贊.

魚生好新鮮, 賣相好講究, 細心, 唔錯! 燒物, tempura 好有水準 飲品任叫, 不過唔好叫飲品, 飲湯啦 ! 最欣賞個三文魚頭湯, 味濃, 放到你面前是熱呼呼的, 好過好多壽司店, 一定要 order 可惜當晚沒有蟹粥和清酒煮花螺........ my favorite.... 座位舒適 服務員態度直得讚賞, 衣家好少有, 下次去派下咭片先

坐低先發現又係果d十幾張不同紙要自己tick既, 其實只係每種食物(魚生, 同樣既魚生做壽司 etc)大約7-8款...一叫已經話有d今日冇供應 (又唔見入黎前講聲, 或可以收平d?), 食物水準可以話幾差, 絶對係唔合格既quality, 亦重覆地漏好多次單, 令我覺得佢地係特登搏你唔記得, 叫左半個鐘後部份唔見影(今晚只係大約7-8成滿座), waiter只識話幫你睇睇, 最後吹到一個鐘後等到好火兼埋單時同個經理投訢先比番d燒雞翼( 係一坐就已經入單), 仲要係比左另一隻我冇order既燒雞翼..埋單2個人差唔多400紋.....話係任食, 但比平時食日本野其實食少好多(因為好多野你係唔會叫)我第一次寫review, 希望大家驚惕

最近發現了一間新開日本放題！佐敦，白加士街五十九號地下e個鋪位已經轉手過好多次，今次開左間日本料理放題專門店，所以專登約左兩個朋友去試下佢哋d水準。而家做緊新張期$180優惠價！限時食兩小時！最近日本地震產生的海嘯影響了整個日本，核子發電廠爆炸產生的輻射更加影響了很多日本的食物包括了魚生！我食完今次之後唔知幾時再有日本優質好魚生食到囉！這次幫襯，以刺身的選擇都算得多，總共有十九種，有吞拿魚刺身，油甘魚刺身，魚刺身，八爪魚刺身，赤貝刺身，希靈魚刺身，醋青魚刺身，魷魚刺身，北寄貝刺身，翡翠螺刺身，青口刺身，海蝦刺身，馬刀貝刺身，玻璃蝦刺身，賴尿蝦刺身，甘蝦刺身，鰹魚刺身，三文魚刺身，鮑魚片刺身。都算新鮮架！招呼我哋嘅經理好親切有禮貌！我哋食左三文魚軍艦，蟹籽軍艦，吞拿魚軍艦，芝士蟹籽軍艦，油甘魚軍艦，龍蝦沙律軍艦。火灸吞拿魚壽司，火灸海蝦壽司，火灸三文魚壽司，火灸油甘魚壽司，火灸魚壽司，火灸玻璃蝦壽司。軟殼蟹手卷南蠻沙律，溫室番茄沙律蒜片牛柳粒，金菇牛肉卷，牛肉生薑燒，照燒牛扒芝士年糕，豬肉芝士雞翼串燒帆立貝可惜我最喜歡嘅雪糕就完全欠奉啦！希望下次幫襯會有雪糕啦！