港口冰室

Open Now

Now Closed

晚餐到紅磡的港口冰室用膳，叫了個星洲炒米、熱檸茶，盛惠港幣$58，與同區其他茶餐廳比，算貴少少，呢個價錢應該有湯同加埋凍飲。所以晚市冇乜生意，只有幾枱客。咁都好，我一個人到可以坐闊落卡位，唔洗同人隔😂Anyway, 講下食物質素先，個星洲炒米，佢地用個款彈牙粉絲我唔係幾鐘意，因為影響左口感，傳統理應要係要碎少少、乾身、濃咖哩味嘅。依家就好怪，係彈牙版既星洲炒米😅配料方面有幾粒蝦、火腿、蛋、洋蔥，真係少得可憐。味道就平心而論係ok 既。至於餐茶就正常，茶底唔錯咁啦。午餐還好，晚餐不會特登再去食。

【九龍城區】【港口冰室】本身想去食一間之前食過嘅餐廳，點知去到先話疫情關係唔開門。咁我決定去附近另一間餐廳啦，去到，點知佢五點兩個字已經話冇晒嘢食，得返飲品，想食啲嘢嘅我喺無奈之下唯有即刻求其搵啲嘢食吓，就入咗呢間。入到去見佢下晝五點幾都係得一個客，都真係幾灰。以前我都成日去茶記食下午茶，再衰都起碼有三四枱打緊躉吖，而家真係得一個。仲要而家講緊係六點堂食限聚令，應該更加將啲客聚晒喺六點前食嘢先啱架，真係奇怪。其實又唔可以完全話係奇怪嘅，向好嗰方面諗，社會風氣被帶動到一齊齊心抗疫，減少不必要聚會，係會令呢啲食肆少咗人聚埋一齊食嘢。而向壞嗰方面諗的話，可能又會係市道真係好差，市民已經冇閒情逸致出街嘆下午茶。可能好與壞兩邊嘅因素都有啲嘅情況之下，受害嘅都只會係啲食肆，最終都係香港人承受返個惡果。諗到呢度，我就想食啲嘢振興吓香港經濟喇。不過唔知點解呢，揭佢個 menu 硬係令我諗唔到食乜，好似樣樣都差唔多。最後我叫咗個「招牌常餐」，扒類揀一款，我揀咗「雞扒」，佢整得唔算差但我硬係覺得佢係半塊嚟，感覺唔多好。配菜揀兩款我揀咗「煎蛋」同「漢堡扒」，前者算正正常常，後者就係好細塊嗰款，見到難免有啲失

今天趕著工作，未有時間吃早餐，完事後又係是但求其吃⋯⋯沿途巴士站看見這間港口冰室，一於試新嘢⋯⋯大約早上11:00am 店內清靜，可以是但求其坐⋯⋯牆上面一幅壁畫，香港帆船、巴士站很有五六十年代風格。一看餐牌，原來早餐從7:00am-11:30am ，幸運地可以仍吃個遲來的早餐。細心一看，原來筆者的枱，墊枱玻璃下也是一張從前香港的街道油畫，很有懷舊風情，又令我想起最近看的一套已故巨星電影，突然思路去到很遠⋯⋯正當回味中，熱齋啡到來⋯⋯其實在茶餐廳內，應飲奶茶比咖啡好，但很想提神一下，來個齋啡醒醒神。早餐晏了吃，唔想吃太多，選擇了輕盈早餐。簡單的一份奄列及半件牛油多士，無需再加任何項目已足夠。當火腿奄列到來時，要求店員想加少許茄汁，店員在雪櫃內取出，雖然茄汁凍冰冰，但另一方面想，少用的醬汁放入雪櫃又會用得放心。簡單的切片磨菇火腿絲奄列，帶點點的忌廉汁，那忌廉的味道，感覺就是家庭式的餐廳煮法。平民得嚟又富有懷舊格調的一間餐廳，靜靜哋$29來過醒神早餐，味道其次，那種感覺來得自在。