溢駿餐廳

Open Now

Now Closed

再臨溢駿來嗰quick lunch，吃了一客香茅豬扒拼雞翼客飯，豬扒鬆軟度一般，雞翼炸起後應放了一段時間，蒜香外層稍硬。最出色的是那個葱油醬汁，惹味可口喎！因今趟坐近門口，人客出入時常有熱風吹入，不太舒適。伙計們態度麻麻，有待改善。

行過灣仔準備搭地鐵就去就近既茶餐廳食個tea見最多人食果間就入去餐牌有咖哩牛腩撈公仔麵印象中依味野都應該好好味好快就送到大佬你收人27蚊公仔麵我懷疑無一個麵咁多,份量少咖哩牛腩得兩個又唔熱真係拾個公仔麵俾你, 又無味加丁點咖哩牛腩汁, 又無送如果我知係咁我不如食常餐

食咗呢間茶記接近成年，越做越差。午餐同下午茶時間都唔會唔開電視，費時食客打躉唔走。OK，無問題。但更賤既招數係啲餸只係暖既，無輪係咩中午午餐定係下午餐啲焗飯都係咁！你唔係想同我講話驚'勒'親我條脷下話！好明顯又係想你地食完拿拿聲走啦... 唉...

午膳於溢駿茶餐廳，店內環境較一般茶餐廳好。午市客飯有六款選擇，$35一客送餐茶一杯。試了一客蒜香排骨，排骨都是預早炸起，所以很快有得食。不過，亦因這緣固，排骨味道不夠香口，口感亦偏韌，不鬆軟。奶茶口味不俗，達茶餐廳應有水準。

12月12日, 溢駿呢個名, 對呀菲就絕唔陌生, 因為以前佢喺中環返工, 就近就有間細細地嘅小店叫溢駿, 食物味道各方面都好好~ 知道溢駿擴張開到灣仔都有, 仲變大咗, 今日專程來食個tea~::: 黑椒什菌焗雞扒飯 + 凍奶茶 ::: $25 + $2呢個焗飯看似焗出嚟, 但係唔知點解d飯係凍嘅? 仲都幾硬兼有d一粒粒添… 只能說服自己話係冷氣太大風好快吹凍咗d飯啦… 黑椒汁係常見嘅茶餐廳貨色, 味道都幾濃嘅, 什菌份量都ok, 撈咗黑椒汁都幾惹味~ 但係雞扒就幾差, 又乾又硬, 加埋仲凍咗, 就完全放唔入口, 食咗一兩件就冇食…凍奶茶ok, 但係似乎落糖水重手咗, 比較甜…::: 咖哩牛腩撈公仔麵 + 凍檸茶 ::: $25 + $2好懷念以前叫外賣咖哩牛腩撈公, 除咗d哩腩夠多汁, d公仔麵份量係多到頂住個飯盒蓋架! 但今日呢個明顯減料咗好多…牛腩仲只係得番5, 6粒! 呀比叫個焗飯都可以係凍嘅, 更何況係我呢個撈公?! 凍咗嘅公仔麵有d黐, 加上咖哩汁唔多, 搞到碟野好一舊舊撈唔埋. 牛腩尚算入味, 但肉質頗韌… 配菜得一夠仔西蘭花, 咁孤寒不如唔比好過! 凍檸茶要了少甜都仲係

同男友行完美食展就去了 "溢駿餐廳 " 食飯, 因為又攰又肚餓, 所以竟那那聲 order 了食物..我地叫了 2 個餸飯 .乾蔥豆豉滑雞煲 - 啲雞肉好入味. 不過就比較細舊. 而整煲都好有鑊氣..水準 so good..枝竹牛腩煲 - 牛腩 & 枝竹都煮得好入味..而牛腩煮得好林...正呀.. 菜心好甜, 一啲都唔老...**加埋 2 杯凍檸茶先 $90 兩個人...真係幾抵食 ***

四月上旬．晴 有時口號緊要，包裝更緊要，因為大家看真實的事之前，會輕易的給口號及包裝，變得歇斯底里。 華星餐廳就懂得包裝了，明明只是普通茶記，放幾隻歌星的黑膠碟，整幾張電影的poster，就有人行入來就「為您鐘情」，食完行出去又「當年情」咁，不能自已。 其實這裡的蛋治也不錯，一日早上，想吃點麥皮，就要了這裡的麥皮加腿蛋多士的早餐。 腿蛋多士要了烘底，賣相真的很不俗，看上來鬆軟，只欠缺一點溏心，以一個早餐的腿蛋治來說，是交足功課了。吃時心想，可惜這裡不叫自己做「寶麗金」，在牆上掛些寶記歌手的唱片封套，再強推這個腿蛋治，包保大把人吃得「搖頭擺腦」，還急不及待的copy & paste一些似是而非的歌詞來，生怕不夠貼題。 麥皮偏稀，易入口，杰杰的麥皮雖然飽肚，但就算加了糖，也幾難吃的。咖啡也算是香濃，埋單21元，不貴，難怪早上是這麼多人的。

在香港島浪蕩了大半天，終於在下午茶時間來到灣仔。尋尋覓覓間，最後來到這間餐廳吃番個下午茶醫肚。這裡的格局其實和附近的茶餐廳差不多，不過地方較大，外觀也比較像樣，是吸引自己入去幫襯的原因。坐落之後，發覺這裡的下午茶有一個最大的優點，就是款式眾多，竟然有四十款不同的選擇，實在多得驚人！從最簡單的三文治、西多士到各種大路的粉麵飯好似乾炒牛河、肉絲炒麵......甚至咕嚕肉飯都有，而且價錢最便宜的只需$16，最貴的也只不過是$25，咁多選擇，又唔係貴，相信無論幾挑剔的人都應該一定找到想吃的東西。當然，如果想食壽司或者蝦餃就無可能啦！同老婆一人叫左一個下午茶餐，分別係「雪菜火鴨絲炆米」同「星洲炒米」。兩碟的份量都不少，味道也算不錯，特別是「雪菜火鴨絲炆米」，味道在水準之上，以這樣的價錢，有這樣的質素，絕對可以收貨，就係咁，又醫飽個肚嘞。

Lunch 時間，周圍都係人等位，遊下遊下黎左呢到。餐牌很有趣，list哂一個月既lunch set。每日都有六款選擇。今日要左個焗豬扒飯，飯係炒底，豬扒夠鬆軟。配個咖啡，咖啡很香濃，意想不到，仲用厚身杯，讚。諗起附近其實有唔少老牌茶記，這間水準不俗，值得一試。

因為有個小 task 明天要過一過深圳河. 搞好哂d文件, 才醒起自己未找人民幣, 咁就去灣仔, 嗆人仔同搵食. 事成, 係譚臣道找食, 溢駿呢一個名字, 咁熟既, 入去坐低, 叫左野食後, 原來是以前中環中心旁, 溢駿美食的分店. 真有點親切.點了一個小炒, 健康的西蘭花牛肉. 味道相當住家, 而且食得出沒有味精. 好食夠清淡健康. 不知是否那難食 late lunch 令到我有點 full呢, 碗飯連餸都食唔哂. 看見人來人往, 生意算是不錯. 不過慢了點, 等食時, 已飲了半杯檸茶.