滷至尊潮汕滷味專門店

Open Now

Now Closed

#大埔#滷至尊太太突然話想食滷水鵝片，大埔有好多滷水店，呢間新開幾個月，試新店。呢間滷水鵝係照稱 $120/斤，想要例牌鵝片，師傅話要買上莊，稱重約一斤4兩。順便要埋滷水豆腐、鵝肝、大腸、鵝腸。鵝片夠薄，每片差唔多厚度，師傅刀工幾好。肥膏唔多，味道唔錯，鵝肝有驚喜，口感綿滑，好似$30左右就有一份，點米醋食更好味。鵝腸爽脆，油脂豐盈，世間美食皆邪惡之物。淺嘗三兩條後，剪走肥膏才敢繼續食。珠玉在前，豆腐和豬大腸沒特別，可以略過。加埋清蒸海上鮮，一家四口大快朵頤。

屋企人叫加餸，即刻諗起斬料，岩曬屋企人胃口～呢間位於街市的滷味 ，質素不錯，所以嘢都夠入味，食材處理得好乾淨。,買左一盒綜合滷味。首先講下鵝腸（每兩16元），脆口，唔會有騷味，脂肪都少，食得出清洗得好好；鵝胸有咬口，夠鵝味。 而鵝翼（14元）口感煙韌，唔會死實，同埋都有肉。鴨舌 （每兩16元）係我入面最鐘意食嘅嘢，有啫喱感，爆汁好豐富！俐 （每斤110元）豬俐偏爽，又係啖啖肉，唔會太咸！鹵水蛋（5元/隻）夠入味，連蛋黄都夠味。半隻夠食半碗飯！個辣椒油係鋪頭自己炒，椒而不麻，真係想拎多幾盒。送燒賣食應該唔錯。😍😍

熱辣辣下午。同阿媽去街市買餸。行過富善街街尾。見到間新開滷味店。新開張買滿100有九折優惠🤩。精打細算嘅我當然唔會錯過任何優惠啦😎。一於斬料加餸試一試。去到間滷味店門口。光線企理。真係買得放心👏。望吓個價錢。同區內滷味店差唔多。心大心細咗一陣。決定買滷水鴨、滷水墨魚、滷水豆腐、滷水蛋。紅腸。返到屋企打開個盒。真心有驚喜❣️。發現一隻滷水蛋有兩個蛋黃🤩。我真係第一次見。🐽豬仔話係幸運嘅徵兆🥰。滷水滷得幾入味。鴨件食落幾滑。墨魚彈牙。整體都唔錯🤪。絕對可以幫襯第二三四次。

放假返去媽媽家食飯，咁多人食飯梗係要加餸啦，經過大埔墟富善街呢一間「 滷至尊潮汕滷味專門店 」，是由元朗名牌滷水店廚師主理，餐牌有多款滷味選擇，仲有至尊飯類精選及自選拼飯，我哋就揀選左四款滷味餸菜，買返屋企人開心share。海南文昌雞半隻半隻雞$70，一隻雞都只係$138，價錢合宜，而且半隻雞都幾大隻，師傅切件後份量都頗多，仲有我最愛嘅大大隻雞髀部位，最令我欣賞嘅係雞皮與雞肉嘅中間冇肥膏，確實好難得，而且雞肉肉質爽口鮮嫩，確實係非一般嘅文昌雞，而且附送四款醬汁，想要乜嘢口味由你話事。滷水豬耳豬耳一條條切成幼條狀，中間夾雜着豬耳骨，令到食起嚟嘅時候爽爽脆脆，滷水味道滷得好入味。另外還有滷水鵝肝及紅腸，都是家人及小朋友最愛吃之選。見到呢度原來都有滷水乳鴿及滷水雞全翼，下次要再encore試吓先得。==============================🔍 #滷至尊潮汕滷味專門店 (大埔)📍地址 : 大埔富善街62號地舖🔹🔸🔹🔸🔹🔸🔹🔸🔹🔸🔹🔸🔹🔸🔹🔸#大埔滷味 #大埔滷水飯 #大埔墟滷水 #大埔美食 #大埔潮州菜 #大埔滷味專門店 #打卡必到 #蔡真真 #食好西 #肥真為食 #為食T

滷至尊是馳名元朗滷水鵝的分店，記得上一回在元朗店花了近一小時才排到一隻！新店門面乾淨企理！衛生指數高！相信是滷水的原材料！嘩！原隻金華火腿！夠哂真材實料！價錢相對實惠，益街坊！老闆極力推介鎮店滷水鵝，隔著玻璃都覺得好味！滷水掌翼亦是老闆推介之二，感覺還不錯吧！滷水大腸，是老闆推介之三，可惜今晚飯腳不多，怕吃不完，只能婉拒老闆好意！最後只買了一份滷水鵝片拼盆，每樣一些，夠多元化！有雞蛋、滷豬耳、豬頸肉、滷鵝肝、墨魚、鵝片及鵝件！自家製辣椒醬很出色、香、濃之餘不算太辣，超讚！滷水鵝名不虛傳，鵝件滷得入味，質地鬆軟，好好食！鵝肝亦相當出色，鬆化粉嫩，高質數！這份滷水鵝拼盆，絕對是加餸首選！

💕滷至尊潮汕滷味專門店富善街市最近開張的滷味專門店，紅色嘅門面特別亮眼，廚櫃放滿唔同款式嘅滷味，賣相吸引🤗除咗常見嘅滷水鵝片、豬腸同滷水豆腐仲有特別啲嘅滷水鵝肝、豬頸肉同五花腩🧡.🥢滷水鵝片滷水味好香，煮得入味，鵝肉部分肉質柔嫩，骨肉分明，最鍾意皮嘅部份，食落特別有油香，水準有驚喜👍🏽.🥢鵝肝第一次食滷水鵝肝，外表平實但原來口感粉嫩，一試就愛上😍.🥢鵝腎爽脆口感，有嚼勁而唔會韌.🥢豬頸肉肉質一貫爽口，而且好入味.🥢豆腐吸收晒滷水汁，內外都有陣陣滷水香味另外紅腸、滷蛋🥚豬大腸當然都係必食，老闆好細心，除咗醋汁仲準備定滷水汁，鍾意濃味啲嘅可以再額外加滷水汁🥘.不得不提餐廳嘅自家製潮州辣椒油🌶辣度十足，配合滷水香，味道又多一層次.餐廳嘅外賣紙仲有介紹儲存方法、加熱方法同最佳食用方法，細節位都感受到老闆好有heart🧡

今日中午在大埔搵餐廳食午餐，發現一間新開嘅滷味專門店，環境乾淨企理，可以堂食同外賣，見到價錢合理 有減價，而且消費滿$100有九折，決定試下幾款滷味。我試咗豬大腸、豬粉腸、鴨舌、鮮鵝腸、紅腸、 墨魚、鵝腎、鵝片鮮鵝腸同鵝腎都有驚喜 十分爽口 食唔停😆 鴨舌十分好味 肉質鮮嫩，墨魚夠爽口彈牙👍🏻👍🏻質素很不錯，配白飯一流。絕對係大埔街坊晚餐加餸嘅不錯選擇🤤 另外，值得一提 鍾意食辣嘅朋友一定要拎辣椒醬，味道十分出色（問了店員是自家製）😍🔥🔥

大埔娘家附近開左間滷水店，係大埔咁多間滷水鋪既地區開一間🤣真係要食下掂唔掂。。鋪頭位於富善街，見佢除左加餸，仲有滷水料配飯食，單雙拼咁，都幾多人叫🙈。。簡單叫左個滷水鵝上莊，$120/斤，即叫即斬，汁分開上，上莊肉比較多，肉質偏瘦，唔會太肥，肉瘦而不柴，滷水味香，上裝位係鵝片所在，有齊皮、肉和骨，啖啖肉之餘又可啜食鵝骨香👍🏼。老闆仲送多隻蛋🤣價錢合理，物質超班💯，係大埔區黎講又多個加餸好地方👍🏼👍🏼