漁一海鮮火鍋料理 (Moved) New Location

疫情後都冇打過邊邊，心思思想食火鍋就ＢＯＯＫ左想試好耐既漁一。一行三人叫左個鴛鴦鍋（麻辣＋皮蛋），食完唔口渴應該冇乜味精叫左一碟大既手切本地牛，切得好靚，肉質唔散又夠肉味問店員有乜推介，叫佢一份佢推介既蟶子，一份四隻，真係幾大隻下，又厚肉又新鮮，絕對冇沙再叫左一份花甲，都係新鮮貨手打丸拼盤都好出色非一般貨色手工餃三拼係招牌菜，日日新鮮包又足料，好好食另外仲叫左響鈴，菜，菇等等三個人食完真係飽到上心口又滿足佢個薏米水都好足料，＄３９一大榨好夠飲又少糖，正！朋友有飲ＳＡＫＥ同啤酒，真正全單八五折冇呃人下次一定會再去！

打邊爐最緊要湯底同食物新鮮⋯有時打得多日式或台式火鍋，都會想食下啲本地火鍋🥘。.清清地叫左🍅🥔「蕃茄薯仔牛粒湯底」(HK$119)，果然冇揀錯！可以當湯飲、唔油，蕃茄薯仔都好足料，仲有唔少嘅牛肉粒。.推介「頂級手切安格斯肥牛」(HK$299 /大)同「松露芝士墨魚丸」(HK$109 /8粒)‼️肥牛色澤同擺盤都好靚🥩，牛味好濃、厚度適中、油脂極香✨！雖然某位置可能有少許筋但可接受。墨魚丸食得出係新鮮手打，黑松露本身已經好香，仲有🧀流心芝士♨️！.鴨血(HK$69)份量好多，嫩而唔腥。但本身冇調味，可能配麻辣湯底或重口味醬料會開心啲。想清熱氣可以試下個🌽粟米鬚薏米水。其餘🥬蔬菜類味道正常。.驚喜係竟然有魚生同甜品送！魚生有3款咁多超有誠意；🥭雪糕糯米糍都有芒果同芝麻味。(*視乎當日供應) 今次唔係試左好多野意見只供參考。.員工服務都幾好而且有啲會同你傾下計🤵🏻⋯暫時經OpenRice訂座📌有折扣。

人情味超濃既火鍋店！未食過一間好似漁一咁有氣氛既火鍋店！d食材好新鮮，又大大碟，好抵食。四寶丸自家製夠曬彈牙！黑豚豬片唔好太肥，肉質豐富！脆鯇片唔多骨又夠新鮮！最正係有好多湯底揀，個椰子海鮮湯底有蜆有蟹，個湯甜到不得了，索曬海鮮d精華，所以一定要陸野之前飲返幾碗湯！所有食材真心真材實料！另外座位舒服，職員好友善，老板逐枱同客人傾計，好熱情！今日去仲有live band, 全場一齊唱歌，食得真係好開心！

名就聽得多，但第一次book到食，超有氣氛，老闆仲好好！！揀湯底已經好困擾，大佬呀咁多選擇！！本身揀左野菌雞但原來要訂，所以就鴛鴦（清湯同沙嗲）！其實鍋底香已經贏左一半，因為一行入去餐廳就已經聞到🤤都嗌左唔少餸，全部都真係收得你錢就有番咁上下質素，絕無欺場！特別欣賞個牛丸，雖然小貴但絕對值呢個價！！p.s.好似無乜人up過完整餐牌，所以比大家參考下（仲有得揀本月火鍋推介，但呢度只限12張相所以無up）

相約幾位好朋友打邊爐，食品係新鮮同唔馬呼的，手切牛肉好食，蝦好新鮮彈牙，三文魚刺身都好唔錯既～環境又好衞生～員工服務都好好～唯獨…食到差唔多最尾，有位自稱老闆到我枱，問我哋係咪附近住，之後叫我加佢哋好友，咁我哋都好禮貌加，但之後那位自稱老闆不停纏繞我朋友，仲用私人 Acc加我位朋友之後仲叫我朋友 Accept，令到我朋友非常尷尬…但撇除呢件事，齊體係非常值得各位香港人去試試的～ 要繼續互相支持～香港人加油～😊

本身都冇聽過呢間火鍋店，係朋友喺社交平台度見到，然後send俾我嘅。咁啱我啲朋友又話想打邊爐，所以我就提議黎依度試吓。一入去好喜歡嘅係座位好闊落，係依棟大廈的特色！同朋友黎吹水真係一流溫馨提示: openrice訂位有85折呀～我都係坐埋位先發覺首先望落餐牌嘅食物，價錢我覺得係中上偏貴的。尤其海鮮嘅定價覺得有啲高，所以我同朋友都係揀返平日打邊爐嘅食材。不過見食評話活魚刺身好食，可能多人食可以試下～呢個係送嘅刺身嚟嘅。賣相一啲都唔討好，但其實味道係好食的，魚生幾新鮮。叫左沙嗲鍋！唔錯好濃味，完全唔需要點醬油呀～ 打到後面我啲朋友覺得太鹹，但我重口味又覺得幾好食！ （佢地加湯係用牛骨湯唔係水嚟）叫左小嘅本地手切肥牛，無揀另外果款因為朋友話唔想食咁多肥膏～ 牛肉好冧而且肥瘦勻巡，好食!食食下個老闆（定員工？）好好笑咁過嚟問今日牛肉掂唔掂，跟住吹左陣吹水。佢話佢搞餐廳都想有返好嘅食物質素，唔係靠其他方法出名，所以感覺佢都有心搞間餐廳架！之後唔覺意落左老闆杯啤酒，點知佢送左比我飲😂 好夠氣同冰凍幾啱打邊爐其實啲蔬菜同配料都好大份！雜菌拼盤，都幾多菇架！好食嘅食店真係要靠食物質素的。有啲因為名氣去

母親節當然要大肆慶祝，在報章介紹下發現了漁一這家深黃店，出品還是超高質素，家人都相當喜歡，值得大力推介！餐廳內貼上形形色色的文宣，連餐巾也非常用心，店主還會不時邀請大學的band來busking，大家同聲同氣，在填飽肚子之餘，更有多一番感受，也是一番特別的享受。【金鼓魚刺身】野生金鼓魚貨量不多，也要視乎每天的漁獲，所以也要看運氣，非常矜貴～(笑) 金鼓魚肉質透亮，單憑賣相就看到出非常新鮮，魚肉肉質爽彈，十分鮮味。而魚骨也可以斬件作火鍋配料，亦可以椒鹽作佐酒小食。【金湯腿翅鍋】湯底內含魚翅、西班牙火腿和鮮雞，經長時間熬製成金黃色，湯底帶有火腿鹹香和濃郁的雞肉鮮味，放入食材之前建議多喝幾碗～【新鮮深海象拔蚌】食材用上加拿大深海象拔蚌，肉質分外(超～～～)鮮甜爽脆，可以刺身、火鍋兩食。而且師傅刀功一流，象拔蚌厚薄剛好，口感十足之餘也不韌。【大海蝦】海蝦蝦肉爽彈不霉，一試就知道食材新鮮生猛！【乾杯蠔】乾杯蠔賣相非常精美，生蠔放在酒杯中，剛好一口份量，配上特調醬汁，味道特別清爽又不腥，值得推介～

朋友介紹呢間火鍋店，食材新鮮，價格公道，拉大隊來試吓啦！我哋坐咗係房，點菜要吹雞，老闆好幽默我哋7個人每人輪流點菜，應該餐牌上嘅都差唔多點晒但由於我太為食，顧住搶食，好可惜冇每樣都去影張相湯底唔係我叫，不過好似係招牌花膠果個？呢個活魚刺身，好新鮮，好鮮甜，必食之選！呢個黑松露蟹籽墨魚滑勁正，又係一定要食手切牛肉，貨真價實，夠新鮮，肉味香濃軟滑仲有珊瑚蚌同桂花蚌都係必食，又肥美又鮮甜，仲有鹹蛋黃魚皮，豬膶，水餃，冰豆腐，蟹粉包，已經唸唔返食咗d咩店內有好壯觀既壁畫，紀錄住香港人嘅歷史...🖐😷☝️ 支持黃色經濟圈，香港人加油！

因為呢排武漢肺炎搞到大家都唔好出街食飯，更加唔敢出去打邊爐🍲，我係個火鍋🍲控，勁鐘意打邊爐🍲，但如果要自己去街市買食材，又要整湯底真係幾煩又要洗好多野，其實而家有好多火鍋🍲店都可以有外賣🥡服務，咁樣我哋可以輕鬆方便在家中打邊爐🍲，又唔洗怕出去打邊爐🍲會交叉感染。因我打邊爐🍲癮起，就途經尖沙咀漁一鮮海鮮火鍋料理，見到有外賣🥡服務，咁架要去試吓啦，我就叫左果金湯花膠鍋、牛魔王拼盤、本地澳洲黑豚肉、脆鯇骨腩片、鹹淡水鱔片、流沙墨魚丸、自家製墨魚🦑腐、皇帝菜、鹹蛋炸魚皮。金湯花膠鍋果湯好濃郁，極多花膠，加埋半隻鮮雞，重要果湯煲都奶白色勁正鹹蛋炸魚皮即叫即炸，入口好脆之外重有勁香濃的鹹蛋黃味道，真係會食極唔停口牛魔王拼盤打邊爐🍲點少得叫牛呢，牛肉油花分布好平均，入口即化，牛味勁濃，最特別係牛胸爽，白色好似肥膏，口感好爽脆流沙墨魚丸墨魚丸勁爽，入面係流沙蛋黃醬，有驚喜鹹淡水水鱔片及脆骨腩一個字夠清鮮，脆骨腩又爽唔會有有陣泥味，鱔片肥美鮮甜而家單點外賣🥡重要有9折優惠

天氣凍返又想打邊爐🍲朋友話現在吾好出街食，不如外賣返屋企慢慢食喎😌原來打邊爐都有得外賣🤔想食可以打電話叫外賣，或者自取都得，我地選擇自取因為朋友住附近😆火鍋湯底有好多選擇，首先湯底揀左椰子🥥花甲蟹🦀窩好甜好正啊👍🏻花甲大隻又鮮甜，湯底有很重椰子味，我地掛住飲湯都飽左。另外推介火鍋料：黑松露芝士墨魚丸，黑松露同芝士味好夾👍🏻安格斯牛肉有咬口，牛丸彈牙有肉汁😋栗米都好甜🌽最後朋友話食吾晒啲餸明天再食多餐喎😂

臨近新年，我地一大班人決定打邊爐食開年飯💜尖沙咀呢間由湯底，到材料都比較特別，坐得都舒服🥰，不過價錢就小貴🥺埋單每人$400魚刺身：因為我地有10個人，所以會有送刺身的優惠，岩哂鍾意打卡嘅朋友，不過味道普通，唔係好食到魚嘅鮮味湯底（鴛盎鍋）：1. 咖哩底：味道濃郁，唔算好辣，同肥牛好夾，另外，我地用黎碌左烏冬，好有7仔撈麵嘅味道💜💜2. 豆腐湯底：冇咩特別3. 蕃茄湯底：蕃茄味偏甜，如果唔鍾意食酸嘅朋友可以一試配料推介：1. 手打丸：新鮮製造，好彈牙😍2. 安格斯肥牛：個人認為安格斯肥牛比本地好食，可以品嘗到肉質，牛味濃d💜3. 黃金炸魚皮：新鮮炸嘅魚皮，好脆，加埋咸蛋黃，食到停唔到口

朋友生日聚會好選擇,房間有最底消費，但係如果多人食基本上都一定過！今次係朋友慕名而來，叫咗兩個湯底一個係豬肺湯，令一個係蟹煲，豬肺湯就略為淡左少少，但係個椰子蟹煲就好好飲！湯底上嚟之後都係先飲咗湯😬😬，之後先加湯開始打邊爐食物材料相當新鮮，因為生日嘅關係所以都叫了好多正材，象拔蚌抵食，鮑魚同蠔新鮮！另外打電話來訂位，會有一條新鮮刺身魚送，條魚有驚喜，因為有兩種食法，一種係加咗醬汁，個醬汁係酸酸地幾開胃，另一種係普通食法可以加豉油。建議大家先食咗個普通嘅，因為如果先是個醬汁就食唔番本身個魚嘅鮮味。另外叫了幾款將爆丸都幾好食！其實打邊爐最緊要材料新鮮，呢一點佢哋做到。牛肉個人覺得本地牛比較有牛味。價錢都算合理，我哋10個人價錢七千幾蚊，平均每人七百幾，我哋食咗好多嘢，又叫熟食又飲了生啤，叫了2轉全枱滿仲要叫咗象拔蚌鮑魚等，個個都好飽，不過略嫌時間比較早收可能係我哋平時做開夜鬼。

冬天來到最開心一定係一班朋友一齊打邊爐由於大家住喺唔同嘅地區尖沙咀就一定係我哋最好嘅選擇而你到呢間環境佈置與一般嘅火鍋店冇咩唔同特別嘅當然係店內嘅文宣 👍🏻而且係每一碟餸上嘅小旗仔 非常搶眼我哋點左唔同嘅安格斯牛 分量非常之充足而且相當有牛味很新鮮而且我哋點了醉雞做火鍋湯底雞係另外上嘅 可以按着自己嘅食量慢慢放落去煮而且啲雞食落非常之彈牙新鮮真係講句廢話都要雞相當有雞味😂所以當時有朋友你遲咗都唔怕要食煮得太耐嘅雞其他配料都相當新鮮另外嗰度嘅職員都非常之親切我哋成班朋友入面係有小朋友佢哋都好快就安排左bb椅比佢哋坐仲不時聊佢地一齊玩添食到好飽大概都係每位$350左右 cp 值高呀

又到朋友聚會，邊邊走唔甩。老實講，呢間都要早啲訂台，好睇佢8:00後無限你時間我們六個叫左大路野：黃喉豬天梯肥牛菜豆腐響鈴午餐肉鵝腸冬瓜片雞髀菇羊肉牛丸唔大路：自家製的蟹皇飽自家製的水餃老實，支持還支持，味道要講真🙏🏻湯底係黑松露菇菇，還可以，愛黑松露的朋友會愛那個香味但實質係比較清淡佢啲醬油都係清淡，對於我愛濃味的人差少少大路野都正常無特別，份量都可以，係響鈴大家覺得差啲，不過佢個牛丸雖然無醬爆但內裏juicy,愛佢😋唔大路，我本人同所有朋友都不愛蟹皇飽，內裏餡料都似一堆不知名物體，有蟹咩但口感😔😔😔😔水餃接受既服務都好好，每位都有笑容熱情既

身為真香港人一定要幫襯下黃店呢間鋪頭黃到出汁，氣氛仲好正有個唔知係員工定老闆仲紋左係手臂度佢仲送左碟炸蝦膠比我地（唔知係咪見我地個樣好窮呢）食材好新鮮，又大碟，最後食到好飽好正，一定會再幫襯