潮州人粉麵店

Open Now

Now Closed

魚旦3大粒有魚味，勁彈牙，魚片大塊有咬口，有魚味，河粉滑，湯底鮮甜佢係無敵既，清碗，好味道，辣椒油香辣又係無敵既。一碗十分精彩既魚蛋粉。抵食又好味，價錢合理，交通方便。

好彩今日落雨，所以冇乜人排隊🤣🤣叫左豬黃喉，鮮牛肉同埋蝴蝶腩河粉！好新鮮好好味，份量又唔會太少，但最最最精髓係魚露加辣椒油！！😍勁惹味勁鮮甜勁好食！！！！推介👍👍

睇到咁多好既食評就即管去試試！點知超級中伏！大概11:30去到門外已排左幾個人，門外有阿嬸預先問我地食d咩，落定單！排左差唔多45mins入到去坐低就一直等⋯點知等呀等⋯望入廚房一直見到不斷出外賣⋯⋯隔離有3枱人早過我入去⋯都仲未有得食⋯3枱既客都睇住廚房一直只做外賣⋯未有照顧堂食既order! 大家開始抱怨⋯問樓面點解一直只出外賣order....個樓面阿嬸就笑笑口咁話出緊架啦! 比d耐性等等⋯點知唔對路⋯3枱客連我地等左超過半個鐘都仲未出過order比堂食⋯大家都好無奈！我只係食碗麵啫⋯等超過半個鐘先食到？！唔係呱🤬😑實在impossible! 最後3枱客都問點解仲係出緊外賣既order.....佢地就拿拿林出返堂食安撫d客⋯誰不知⋯我見到比我遲入座既客既order仲早過我食到😱 ！極之有耐性既我們就好聲好氣問樓面點解我地早入座都未有得食？ 可惡😡佢地先至出返碗魚蛋河比我😒！ 食物質素方面：魚蛋質感好鞋口，無魚味、辣椒油死喊唔香、河粉食2啖就完、魚皮厚粉唔酥脆無魚味！門外排隊加埋等到碗粉埋枱用左差唔多1個鐘零9個字既時間！最無奈同可惡既係我食完想放低對快子既時候阿嬸已經插左對神之手

搭車經過見到成日有人排隊有日朝早8點 已經見到門口有啲人等緊好誇張🤣🤣聽朋友講先知原來都幾出名🙊朋友媽媽係潮州人 佢都成日食依間嘅粉麵！.蝴蝶腩麵 (中) $38.舖頭細細間 位置唔多所以揀咗外賣 店員都好好 有問洗唔洗分湯🥡店舖主打食豬雜 牛雜嘅粉麵不過今次冇揀內臟揀咗蝴蝶腩🐷因為都係鎮店之寶第一次食 原來單拼有分小中大size麵同埋餸嘅份量都會唔同我今次揀咗中size 份量都幾多 蝴蝶腩都有成10舊😍唔講唔知 原來蝴蝶腩係豬嚟🐷睇佢個樣加口感都好似牛腩🤣🤣腩肉連埋啲筋位 食到啲筋位個時會帶點脆口加上佢地炆得好冧 好味呀！😋😋.湯底有好重嘅胡椒味食落辣辣地 唔錯

西營盤這間小店相當出名，門外長期排有人龍，是一間主打內臟的粉麵店！- 豬黃喉+鮮牛肉+牛柏葉米粉 - ($43)食材份量幾多，鋪滿碗面，先呷啖湯頭，湯溫夠熱，味道夠濃，絶不是味精貨色。黃喉口感爽脆，灼得剛剛好，雖然本身沒什麼味道，但以爽脆完勝！牛肉灼有八成熟，略帶點粉紅色，沒經過分醃製，肉質鬆軟有咬口，頗有牛味！未經漂白的黑柏葉，煙韌中帶點爽脆，可見師傅灼淥時間準繩，我就是鍾意這原汁原味！- 豬什米+紫菜 - ($38+$5)P先生那碗的豬什種類頗多，有豬肺、豬粉腸、豬潤、豬脷、豬肚..等，師傅清洗功夫了得，入口完全冇腥臊味，尤其係豬粉腸，入口夠粉且肥美。雖然豬什沒有特別的烹調技巧，但食材新鮮遠勝一切。再加幾滴小店自製的辣椒油，立刻刺激了味蕾！- 炸魚皮 - ($14)他們的炸魚皮不是用碟盛載，而是用膠袋端上，魚皮酥脆，厚度適中，咬下去有「咔咔聲」，而且沒有油炸那種「油溢味」！本身想試蝴蝶腩，可惜一早沽清，所以如果要食好嘢，必須早到，否則後悔莫及！

之前經過兩次因為排隊條龍長到不能接受所以走咗。 今日四點幾唔使等位當然入去試一試。 叫咗蝴蝶腩牛肉牛腩河粉。 啲餸嘅份量超多， 但係啲麵就淋得滯， 碎濕濕咁唔好食， 同埋唔知點解一碗粉煮咗好耐， 可能係用心煮， 坐咗咁耐先出到一碗粉，唔怪之門口平日排隊排到人都癲。 佢嘅辣椒油係 幾好味， 但對於我嚟講太辣， 有冬菜配搭非常潮汕感覺。 啲肉煲得 好淋，好入味，但係可能用上太多味精關係，食完之後出到門口頸渴到出唔到聲。 如果可以嘅話麻煩落少啲味精。 呢個價錢真係算抵食。

喺西營盤嘅呢間潮州粉麵小店，長期有人龍，每日六點就收鋪，星期日仲要休息，下午兩點去到已經好多豬什賣晒。湯底鮮甜濃郁，豬膶爽口偏薄身，蝴蝶腩筋肉軟淋，牛肚亦都入味，加埋辣椒油，47蚊真心好唔錯！⁣This renowned noodles shop specialized in Chaozhou-style noodles with pig and cow offal. Come early to line up as the popular items sold out quickly!

今年除夕低至7度，天氣如此寒冷，最適合吃一碗熱騰騰、高熱量的豬雜粉！🤤先點了一碗黃喉粉腸米。麵一上枱，便立刻喝上一口湯。湯有胡椒味，味道不及第一次吃時那般濃，稍有失望。啖一口黃喉，爽脆無比，雖無甚麼味道，但以口感取勝。再嚐一塊粉腸，無任何腥臭味，可知店舖會將其清洗乾淨，不似坊間其他豬雜店的粉腸有一陣苦味。粉腸夠粉，是好的粉腸。米粉則中規中矩。吃時一定要加店舖自製的辣椒油，連油帶渣，再澆上鹹香的魚露，香辣的醬汁配上口感獨特又新鮮的豬雜，超讚！另外叫了一配淨牛筋蝴蝶腩，這碗湯較濃，不是胡椒湯而是牛骨湯，較為鮮味。牛筋煮得很軟，且有微微的滷汁味，即使只吃牛筋不配湯不配辣椒油也不會沒有味道。蝴蝶腩也很軟，且很香肉味，若不吃豬雜可選擇蝴蝶腩。總括來說，潮州人的豬雜都很新鮮，雖無特別的烹調技巧，但因食材新鮮取勝。辣椒油也是上品，嗜辣的人若造訪一定要嚐試。有兩點要注意的是，由於潮州人挺多人光顧，所以記著趁早到，不然較受歡迎的餸，如蝴蝶腩、牛筋、粉腸等就會售罄！而且，潮州人每月都會有數天休假，若不想吃閉門羹，最好打電話向職員確認當天有沒有開門！

Was around the area late afternoon. Also see this small shop has a long queue outside, just a couple people outside so decide to give it a try. Waited for like 15mins but the food took quite a long while from order to our table...Always like simple dishes, as good ingredients doesn’t need fancy sauce and cooking method. It should taste best cooked simple. Not a fan of eating organs, so I picked the beef brisket and tendons with traditional Chiu chow noodle while my friend picked the pork organs

潮州人細個嘅時候成日都食，後尾因為成日都我以前以為蝴蝶覽係牛太多人排隊，慢慢就冇乜點幫襯過。然後近呢一年仲發現好多係西營盤區外嘅人，會專登過嚟食。咁近冇理由唔珍惜機會，不過佢舖頭真係太細，坐得好迫，所以我都係決定買外賣。平日一點排隊會排滿成條街，為咗避開人流，我係大概兩點幾先去買外賣，雖然都有人等緊，不過外賣好快唔使10分鐘已經有。我嗌咗佢最出名嘅蝴蝶腩，雙拼牛肚米粉。我以前以為蝴蝶腩係牛，但其實係豬。可能因為佢真係洗同整得好乾淨，所以係一啲豬燥都無。蝴蝶腩有咬口得尼又好軟滑，牛肚就冇乜特別，純粹係我本身鍾意食。成碗粉嘅靈魂係在於個胡椒豬雜湯，胡椒味強勁得來又唔會嗆口，豬雜湯一啲都唔腥，基本上食個粉只係為左飲哂個湯，然後成身暖笠笠。

咪睇佢鋪仔細細，什麼時候都要排隊等位，賣完就收工，從來無見過佢有夜市，六點前一定賣哂收鋪。今日得排咗15分鐘就有位，整番碗下午茶先「蝴蝶腩、豬粉腸米」首先未加任何配料前一定要試吓個湯底，湯底係胡椒湯淨飲都好正，胡椒香辣暖身，現在秋交的天氣非常好，真係好想添飲😅蝴蝶腩超軟熟，豬粉腸洗得乾淨無異味，記得一定要點佢哋自製嘅辣椒油，辣椒油香得來又唔係好辣，絕配。河粉一早賣晒，唯有食米粉。呢個價錢（$42連飲品）呢個品質超值👍🏻配料有冬菜&自制嘅辣椒油，點辣椒油真係好正，就算你唔食得辣都要試一試

食物: 黄喉， 可以一試，叫做見識吓啦！好似食條冇味膠喉咁！幾得意，應該唔會再食！蝴蝶腩，特別部位，好食！下次去要再叫！鲜牛肉， 有牛肉味！湯，鮮甜，唔知有冇落味精！見好多人免費叫多碗剩湯！麵，唔係廣東生麵，係潮洲麵，即係好淋嗰隻！唔好食！下次去要叫河粉！環境: 普通細，要搭檯，或者面壁！冷氣夠！坐得都舒服！衛生: 清潔！服務: 非常好！粉麵店來說，佢係好好服務！說話客客氣氣，要碗比碗，要碟仔比碟仔！加上佢有啲名氣，都咁客氣，小見！

係西營盤呢頭返工已經返左一段日子，一直聽聞有一間好出名的潮州粉麵店，但每次經過都好多人係門口排隊，所以成日都食唔成。究竟咁出名嘅潮州人，吸引咁多人排隊，係咪真係咁好食先？終於，今日落比較大雨，冇乜人等位，可以有幸一試！食物：潮州人主要食豬雜，冇理由唔叫來試下，我叫左碗蝴蝶腩併豬黃喉米粉，雙併成恵$36，而三併都只係$41，加凍飲都係$8，都真係幾低食！豬黃喉拼蝴蝶腩米粉 $36 $36雙併呢個價錢真係冇得輸，而且無論係粉麵或者餸菜嘅份量都好大。不過可惜味道冇期待咁好食，有點兒名過於實，蝴蝶腩較韌，而且冇乜味道，反而豬黃喉幾爽口， 湯底方面亦比較普通，味道較淡。老實講，如果咁嘅質素一定唔會吸引到我去排隊，但可能今次叫唔啱餸啦，不過咁平嘅價錢，下次再試下或者就咁當食飽個肚都冇壞嘅！

今日介紹嚟間舖係我逢星期六必去嘅地方(咁寫得都知我有幾愛佢😘), 因為佢每日都係5點收檔，啲好嘢都係中午前賣哂🤷🏻‍♀️，所以只可以一星期食到一次😋我嘅心水推介係牛肉（新鮮，有牛味，一啲都唔鞋），牛栢葉（乾淨，爽口，唔係度度有得食)，生腸 (好小機會食到，餐牌上都無，要問下店員至知🤫) , 其次黃喉，天梯，墨魚丸無都好鐘意🥳P.S. 湯底乜都唔好落，好正好好味。記得拎返隻碟仔裝魚露同辣椒油就perfect la 😋

星期六的中午，晴，朋友忽然之間心血來潮，提議去西營盤，品嚐久違並馳名的豬什，難得朋友願意開車去港島，我當然二話不說，馬上出發！ 從沙田開車出發，經過尖山和西隧向西營盤方向出口，不到3分鐘即達。港島泊車比較難，如非必要，還是建議Uber出行！ 一抵達門口，有一條短短的人龍，店員正親切的招呼著，還看見有位司機大哥停在店外，開著車門乘著涼風，手捧著熱燙的豬什粉，愜意非常！雖然是下午2點，但豬黃喉、牛百葉等名物早而售罄，天梯更是難上加難，菜單上是沒有寫出來，只有熟客才知道箇中秘密！朋友和我早已知道大家的口味，二話不說直點「蝴蝶腩、豬粉腸、豬潤」米粉！蝴蝶腩肉質軟嫩而入味；豬粉腸和豬潤清洗十分乾淨且沒有任何異味，新鮮至極！不得不提，潮州人辣椒油更是老饕至愛，一個字，香！只要是粉麵愛好者，此辣椒油定必能讓你絕頂升天！