潮發餐廳菜館

Open Now

Now Closed

今日入長洲，本身2017年最後一日想食番餐好，行到這間餐廳門口，被一名女職員遊說，話會送一碟菜，於是入去食，叫左$188三款菜套餐：送果碟蝦醬通菜：無乜菜葉，感覺亦不太新鮮椒鹽九肚魚：D魚幾腥，出面層粉好厚蒜蓉開邊蝦：味道算正常，但份量較少乳鴿：味道都算正常，但落單時先話要加$20，原來$188所謂有三款菜係要加錢其實想在長洲食海鮮有好多選擇，這間餐廳真係令我們極度失望，試左今次之後我們以後都唔會再幫襯，因為實在有其他好好多的選擇

夜晚就黎到呢條街食海鮮，本身有2間食過想食，但行過去會係甘俾人sell又推下你甘，甘就入左去食😂2個女仔3款海鮮1款小菜1碟菜同湯同飯，另外要左罐cream soda，都只係$253，勁抵食！⭕️白灼鮮蝦 蝦唔算大隻，但彈牙唔腥有鮮味！有幾隻仲有高，份量亦唔小！⭕️蒜容粉絲蒸扇貝扇貝唔算大，但食得出係新鮮，算過到口隱！蒜容粉絲撈飯一流！⭕️豉椒炒蜆勁惹味，蜆算多，有d都幾大隻！⭕️咕嚕班塊搞唔掂！個汁好假好難食，班塊好似面粉甘，唔會再叫！⭕️蝦醬通菜送的，幾好味，唔會過咸⭕️粟米斤送的，幾杰，唔差

好好地長洲一日遊，畀呢間野搞到我無啖好食⋯入黎長洲咁多次，食親海鮮都中伏，唔係細就係唔新鮮。今次咁住穩陣啲食小菜，重要係最普通嘅小菜。點知⋯更伏⋯叫左個兩餸餐，佢送左一碟炒通菜同粟米羹。炒通菜成為左我地今晚唯一覺得入到口嘅餸，今晚我只係呢個菜送白飯⋯粟米羹不如話係粟米水，水汪汪不特止，又咸，試左一啖就叫佢收左去⋯魚香茄子我諗，是但一個家庭自己煮都好食過佢⋯茄子唔夠熟不特止，重要係變左，一大陣「酸叔」味⋯涼瓜排骨自問食咁多次涼瓜排骨，未見過啲排骨係上粉炸⋯啲涼瓜又大大舊，好似冇切過咁，又唔熟⋯我地叫左兩餸$138，加左兩個白飯，兩罐汽水$188。上面啲相，係我地臨走影嘅⋯可見⋯係幾咁難食⋯而且店內雖則有冷氣，但一大陣翳味⋯啲枱布又臭又立⋯

我唸係全長洲最平的海鮮套餐，$188有3个餸。有水供應，冇嘜服務叫了賴尿蝦，見因就知細隻，但新鮮的。從未試过一問食市連蒜容都省，好小又乾，真係嗇色到陣聖子好瘦，粉絲冇味。同样連生抽都省，完全只可說小本經營避風塘炒蟹，完全唔似。唯一我党得蟹應該係新鮮梗本不適合做生意，即使我相信廚師應該有水準送蝦醬通菜一碟，真好野，完全冇蝦醬未

第一次寫食評，差到忍唔住要俾個差評，原本開心遊長州，點知中左伏，真係令到香港人唔會入去長州食嘢，價錢已經俾平日貴一半，套餐308四個送，點知蝦得十零隻，要用細碟裝，重要又細又唔新鮮，蒸魚求求其其，無鼓油照上台，問佢拎先俾碗鼓油，呃唔緊要，但唔好咁過份，啲員工態度又差，真係俾錢食垃圾，唔會有下次，影衰照香港美食之都，一心諗住淨錢淨到盡既垃圾酒樓？打篇嘢希望唔好再有人中伏。大家睇清楚先好光顧，特別係海鮮

The worst seafood experience I ever had in HK or Guangdong.Though the price is quite good but the taste is beyond my tolerance.

難得假日入長州，想試下海鮮餐，但冇諗過係咁，超失望。去到門口，見到價錢都幾實惠同D餸都幾吸引，就入去試下。叫左三個餸，椒鹽鮮魷，豉椒炒蜆，蒜蓉蒸扇貝，味道都未如理想。豉椒炒蜆係冇味，好淡，好似烚熟左之後再炒，一D都唔入味。蒜蓉蒸扇貝就更差，一上菜見到份量好少，而且好細，好似吃左等於冇吃，都唔知自己吃左D咩。只有椒鹽鮮魷還可以，不過都係遍淡，好少椒鹽味，本人覺得可能旺角街邊的更好味，十級失望真係好伏。

一條街有好多檔同類型舖頭,太短時間食野又想樣樣食下,間間舖頭套餐差不多價錢,見第一間比較多人就坐低試餐牌一面海鮮一面小菜都算多選擇豉油皇蝦-蝦比想像中大左同多當然都係蝦仔,有幾隻唔新鮮因為唔新鮮所以炸唔脆,但味道好野味又唔油豉油好香蒜香粉絲蒸扇貝-扇貝肉細到一豪子size夾起得粉絲蒜頭,肉搵都搵唔到,但食落就有香口膠口感,咁細洗咩蒸咁耐豉汁炒聖子-殼薄又碎痴到每啖肉都有肉又小又難搵都唔知點解咁多殼,聖子有火水味難食豉汁䱽魚-豉汁教得唔錯,䱽魚雖然細同薄身但魚肉新鮮清炒菜芯-炒得好有鑊氣望落條條菜都油林林但食落好爽甜唔油膩總結係味道唔差,但下次入長洲唔好去掃街先食飯,咁就去買完海鮮再加工就好味又安全啦

去長洲玩到滿足但仍欠缺一樣，就是食海鮮，人生路不熟也不知哪間餐廳好食，見到有人很努力地推銷海鮮餐，於是就沒有考慮太多而選擇了這間餐廳！坐下餐檯不久便舉手點餐，但沒有人理會，那些碗筷用水清洗完之後，明顯會見到很多污垢在水中，令人食慾大減！可能正因為這樣，點了其中一個蒜蓉粉絲蒸扇貝就只得4個小扇貝？薑蔥炒蟹只得2個，加多1個蟹蓋令食客視覺上以為有3個蟹！通菜像樹根一樣老！最有味的算是椒鹽賴尿蝦，雖然椒鹽味算不錯，但感覺賴尿蝦不太新鮮！總括而言，原本長洲遊玩是開心的，卻被這間餐廳破壞了，留下不好的印象！

今日1家人去長洲玩樂。踩完單車諗住去醫肚！見到佢話238蚊4個餸送碟菜。有海鮮又好抵咁過。就入去食下。有蝦醬通菜..蒜蓉開邊蒸蝦..姜葱炒蟹..煎倉魚..炒蜆！首先..蝦醬通菜都ok既。無咩特別蝦..好細隻有5隻.開左邊10隻。味道都普通係好細隻。仲衰過我平時買同出街食果d炒蟹..無肉倉魚..呢餐泥講算係咁..但煎出泥竟然無香味炒蜆..呢個真係不得了..完全無味道！肯定係白恰完再落炸蒜炒2野。仲要每人食得3舊？呢餐係我食過最難食既野。真係覺得自己煮都好食過佢。我唔係嘴刁煮野好叻果d人。但味道真係好普通見到有人入泥真係好想叫佢唔好入泥。我都明平價食海鮮唔好太期待。但個蜆真係不知所謂。從未食過可以無味既蜆。

去到長洲總係忍唔住去食平價海鮮去到碼頭左邊第一間就俾個阿姐熱情招待睇左見到$188有3餸1菜就入左去避風塘炒蟹估唔到都幾大份，花蟹嘅殼比較軟身，剝殼都幾輕鬆蟹鉗同蟹身都啖啖肉，而且有鮮味成碟總共有4個蟹蓋但係得1個有膏，其他果啲唔知去晒邊呢度差唔多每枱都會食蟹，所以成日唔夠蟹夾用，侍應見到有客唔用會浸一浸水就俾下一手，衛生程度都係麻麻蒜香銀絲蒸扇貝嘅份量比較少，只係得4隻同埋都幾細粒，不過勝在粉絲、蔥等配料都幾足，配埋豉油都幾有鮮味豉椒炒聖子嘅份量都算多，食落又幾嫩口同鮮甜，不過豉椒味偏淡同啲洋蔥太生菜揀左蝦醬炒通菜，呢味反而最有驚喜通菜夠嫩口之餘又炒得夠火喉，加埋蝦醬夠晒香口整體黎計食材算新鮮但略欠火喉(除左通菜)，而衛生情況都有疑點。下次黎長洲會試下其他比較下

係我既錯,點解唔記得上開飯喇到睇，間舖係第一間既海鮮餐廳，個啲伙記話百幾蚊3餸送菜，講兩講,半推半撞，咁就入咗去，以後一定一定一定唔會再幫襯，叫左5餸一湯$298,首先，蒸黃立倉,坐低叫餸無5分鐘,已經送到，唔熱既,係和暖既,D魚肉係"梅"既,第二係生炒骨，淋的,沒有甜酸味的，椒鹽鮮尤,淋的,淋的,淋的,硬的,硬的,硬的,(就係淋皮硬肉), 椒鹽瀨尿蝦，蝦的SIZE與我手指尾相若，食落啲肉都係"梅"既，粟米魚肚湯，算係正常少少，飲得下，蝦醬炒通菜，多油，總之，嗰日真係好浪費，差不多都無食到，跟住去佢地個洗手間，洗手間對住打開的廚房，見到廚師一路擔住口煙一路煮餸，啲聖子一大篩疑似出左水放係地下個篩到，其餘的，我也不敢想像!

今日食238 4餸, 無菜無湯送之餘, 完全說不上價廉物美, 仲要加1服務費! 首先海鮮量少不在話下, 其中有1半都係唔新鮮:炒蟹同開邊蝦大部份都係霉肉, 蒜蒸扇貝size細隻過1蚊銀。。。不過食到1半先知中伏, 都心知無可以叫佢地"換貨", 什至聽到有其他台都有同樣"遭遇", 食到1半先食到霉要求換而比店員拒絕, 總之e d黑店式技倆簡直令人無話可說。最大鑊係傳菜阿姐的服務態度差到不敢恭維隔離桌客被都可以罵番轉頭, 呼呼喝喝, 最後個客埋單前都忍唔住寸佢!假期去呢間食, 真係要三思!

其實佢最大嘅賣點就係佢個location！係個個位置第一間既海鮮餐廳。今次係衰心軟畀個老闆娘講兩講，跟住又唔好想行，所以就入咗，下次唔該唔會再嚟呢度。老闆娘話俾我哋138蚊可以揀兩個餸再送多個菜同埋個湯。首先講下個湯，真係超級咸！粟米都唔見多粒。。。佢仲話比我聽個湯淨係買佢都買十幾蚊。。。最快上嘅係避風塘炒蟹。有一隻蟹都ok嘅，但係另一隻就係就真係唔係好新鮮。啲肉有啲霉，而且其中一個蟹蓋攞上嚟嘅時候入面係咩都冇架。味道其實唔算好差嘅，係個選材我覺得唔係好覺新鮮姐。之後上既係倉魚，我諗應該能係急凍嘅倉魚，因為上嘅時候其實我覺得個魚唔係好夠熱，好似有d未解殺哂凍咁樣嘅感覺。所以個魚味其實都唔係話好新鮮。感覺仲有少少腥。 上面啲豆豉亦都冇發揮到佢最大嘅功用。拿埋一處有啲唔係好知點咁既感覺。最後就係佢送嗰個通菜， d框真係有啲硬，而且佢話係蝦醬通菜，個人唔係太食到蝦醬味。 總括而言，下次我真係唔會咁心軟，寧願行多幾間先。 咁當然，其實呢個價錢我都唔應該要求太多嘅。不過上次食過另外一間，感覺都唔錯，價錢其實都差唔多。係今次諗住試下新野，估唔到就伏咗喇

長洲有好多間在地海鮮菜館，用的都是香港附近捕捉的家常海鮮，價錢低，鮮味十足，而且保證新鮮！可以說是平民海鮮勝地。小妹第二次來這間餐廳，因為覺得這裏的調味到位，而且海鮮之外的其他菜式，亦烹調出色。加上份量十足，價錢公道，菜式選擇多，吸引我再次來這裏用餐。今次叫了三餸餐，包括蒜蓉粉絲蒸蟶子、避風塘炒蜆和蝦醬鮮魷通菜。蟶子和蜆都十分新鮮，雖然個頭不大，但飽滿。個人比較鍾意蒜蓉粉絲蒸，比較可以食到海鮮的鮮味。(忘記了幫炒蜆拍照，這裏不能供大家參考）最開心通菜很大碟。不知為何現在的餐廳，炒菜細細碟，反而其他肉食更大碟，不知是否菜價很貴。這裏的炒菜很好吃，通菜翠綠，魷魚新鮮爽脆，配上蝦醬非常滋味！我竟然最喜歡是這味菜呢！